പുതിയ ഭാഷയുമായി ഗൂഗിള് പേ
പുതിയ ഭാഷ അവതരിപ്പിച്ച് ഗൂഗിള് പേ. ഹിന്ദിയും ഇംഗ്ലീഷും ചേര്ന്ന ഹിംഗ്ലീഷാണ് പുതുതായി അവതരിപ്പിച്ച ഭാഷ. ഇതോടെ, ഗൂഗിള് പേ ഇപ്പോള് ഹിന്ദി, കന്നഡ, ഇംഗ്ലീഷ്, തമിഴ് എന്നിവയുള്പ്പെടെ 9 ഭാഷകളില് സേവനം വാഗ്ദാനം ചെയ്യുന്നു.
ഡിജിറ്റല് പേയ്മെന്റ് ആപ്പില് ഹിംഗ്ലീഷ് ഉള്പ്പെടുത്തുമെന്ന് കഴിഞ്ഞ വര്ഷമാണ് ഗൂഗിള് പ്രഖ്യാപിച്ചത്. ഈ പുതിയ ഫീച്ചര് ഗൂഗിള് പേ യുടെ ഐഒഎസ്, ആന്ഡ്രോയ്ഡ് പതിപ്പില് ലഭ്യമാണ്. ഹിംഗ്ലീഷ് ഭാഷ പ്രവര്ത്തനക്ഷമമാക്കാന്, ഉപയോക്താക്കള് ആപ്പിന്റെ സെറ്റിംഗില് പോയി ‘വ്യക്തിഗത വിവരങ്ങള്’ ക്ലിക്ക് ചെയ്തതിനുശേഷം ഭാഷ വിഭാഗം കണ്ടെത്തുക. ഭാഷ വിഭാഗത്തില് നിന്ന് ഹിംഗ്ലീഷ് ഭാഷ തിരഞ്ഞെടുക്കാം.