വാട്സ്ആപ്പില് ഒടിപി സംവിധാനം ഉള്‍പ്പെടുത്താന്‍ തീരുമാനം. ഉപയോക്താക്കളുടെ വാട്ട്‌സ്ആപ്പ് അക്കൗണ്ടുകള്‍ മോഷ്ടിക്കപ്പെടുകയോ ഹാക്ക് ചെയ്യപ്പെടുകയോ ചെയ്യുന്നത് തടയുന്നതിനാണ് ഈ ഫീച്ചര്‍ പ്രഖ്യാപിക്കുന്നത്. മറ്റൊരു ഡിവൈസില്‍ നിന്നും ലോഗിന്‍ ചെയ്യുന്ന സാഹചര്യത്തിലാകും ഒടിപി വെരിഫിക്കേഷന്‍ വേണ്ടി വരിക. വാബീറ്റാ ഇന്‍ഫോയുടെ റിപ്പോര്‍ട്ട് പ്രകാരം വാട്സ്ആപ്പിന്റെ ആന്‍ഡ്രോയിഡ് ഐഒഎസ് ബീറ്റ വേര്‍ഷനുകളില്‍ വൈകാതെ തന്നെ ഫീച്ചര്‍ അവതരിപ്പിക്കും. അറിയാതെ ആറക്ക ഒടിപി പങ്കിടുന്ന ആളുകളെ സംരക്ഷിക്കാനാണ് ഈ പുതിയ സുരക്ഷാ ഫീച്ചര്‍ ലക്ഷ്യമിടുന്നത്.
രണ്ടാമത്തെ ഓടിപിയില്‍ മറ്റൊരാള്‍ ലോഗിന്‍ ചെയ്യാന്‍ ശ്രമിക്കുന്നുണ്ടെന്ന അറിയിപ്പ് ഉപയോക്താക്കള്‍ക്ക് നല്‍കും. സന്ദേശങ്ങള്‍ അണ്‍ഡു’ ചെയ്യാന്‍ കഴിയുന്ന ഫീച്ചറിന് പിന്നാലെയാണ് ഇതും വരിക. വാട്സ്ആപ്പ് ഉടന്‍ തന്നെ ലോഗിന്‍ ചെയ്യുമ്ബോള്‍ ഡബിള്‍ വെരിഫിക്കേഷന്‍ കോഡ് ആവശ്യപ്പെടാന്‍ തുടങ്ങും. അതായത്, നിങ്ങള്‍ ഒരു പുതിയ ഫോണില്‍ നിന്ന് ലോഗിന്‍ ചെയ്യാന്‍ ശ്രമിച്ചാല്‍, എസ്എംഎസ് വഴി അയച്ച ആദ്യ കോഡ് കൂടാതെ ഒരു അധിക വെരിഫിക്കേഷന്‍ കോഡ് ആവശ്യമായിരിക്കും. ‘മറ്റൊരു ഫോണില്‍ വാട്ട്‌സ്ആപ്പിനായി +** എന്ന നമ്ബര്‍ ഇതിനകം ഉപയോഗിക്കുന്നുണ്ട്. നിങ്ങളുടെ അക്കൗണ്ട് നിങ്ങളുടെ നിയന്ത്രണത്തിലാണെന്ന് ഉറപ്പാക്കാന്‍ സഹായിക്കുന്നതിന്, നിങ്ങള്‍ മറ്റൊരു കോഡ് സ്ഥിരീകരിക്കണം.