ഡിലീറ്റ് ചെയ്ത സന്ദേശങ്ങള്‍ വീണ്ടെടുക്കാനുള്ള പുതിയ ടൂള്‍ വാട്സ്ആപ്പ് അവതരിപ്പിക്കാന്‍ പോകുന്നതായി റിപ്പോര്‍ട്ടുകള്‍. നിലവില്‍ അയച്ച സന്ദേശങ്ങള്‍ ഡിലീറ്റ് ചെയ്യാന്‍ ഉപയോക്താക്കള്‍ക്ക് വാട്ട്‌സ്ആപ്പില്‍ സാധിക്കും. അവരുടെ ചാറ്റ് ബോക്‌സില്‍ നിന്ന് സന്ദേശങ്ങള്‍ മാത്രമല്ല, അയച്ച സന്ദേശവും ഇല്ലാതാക്കുക. എന്നിരുന്നാലും, ചിലപ്പോള്‍ തിരക്കിനിടയില്‍, ‘എല്ലാവര്‍ക്കും ഡിലീറ്റാക്കുക’ എന്ന ഓപ്ഷനുപകരം ‘എനിക്കുവേണ്ടി ഡിലീറ്റാക്കുക’ ( ‘delete for me’) അമര്‍ത്തി പണി കിട്ടാറുണ്ട്. ‘ഡിലീറ്റ് ഫോര്‍ മി’ എന്ന ഓപ്ഷന്‍ അമര്‍ത്തി നിങ്ങള്‍ ഇല്ലാതാക്കിയ ചാറ്റ് വീണ്ടെടുക്കാന്‍ പുതിയ ഫീച്ചര്‍ വഴി സാധിക്കും അതിന് അണ്‍ഡു (Undo) ബട്ടണ്‍ സഹായിക്കും.
വാട്ട്സ്ആപ്പുമായി ബന്ധപ്പെട്ട ഏറ്റവും പുതിയ പ്രത്യേകതകള്‍ നേരത്തെ പുറത്ത് എത്തിക്കുന്ന വാട്ട്സ്ആപ്പ് ബീറ്റഇന്‍ഫോ റിപ്പോര്‍ട്ട് ചെയ്യുന്നത് പ്രകാരം, ഉടന്‍ തന്നെ അണ്‍ഡോ ബട്ടണ്‍ അവതരിപ്പിക്കാന്‍ വാട്ട്സ്ആപ്പ് പദ്ധതിയിടുന്നുണ്ട്. അതിനാല്‍, ഇവര്‍ പുറത്തുവിട്ട സ്‌ക്രീന്‍ഷോട്ട് അനുസരിച്ച്, ഒരു ഉപയോക്താവ് ‘എനിക്കുവേണ്ടി ഡിലീറ്റാക്കുക’ ( ‘delete for me’) എന്ന ഓപ്ഷന്‍ അമര്‍ത്തിയാല്‍, ഉപയോക്താവ് അവരുടെ പ്രവര്‍ത്തനം പഴയപടിയാക്കണോ വേണ്ടയോ എന്ന് ചോദിക്കുന്ന ഒരു പോപ്പ്-അപ്പ് വാട്ട്സ്ആപ്പ് ഉടന്‍ പ്രദര്‍ശിപ്പിക്കും.
ടെലിഗ്രാം പോലുള്ള ആപ്പുകളില്‍ അണ്‍ഡു ബട്ടണ്‍ ഇതിനകം ലഭ്യമാണ്. ടെലിഗ്രാമിന് സമാനമായ ഫോര്‍മാറ്റ് വാട്ട്സ്ആപ്പ് ഇപ്പോള്‍ വികസിപ്പിക്കുന്നത്. അതനുസരിച്ച്, നിങ്ങളുടെ പ്രവര്‍ത്തനങ്ങള്‍ ശരിയാക്കാന്‍ ഒരു ഉപയോക്താവിന് കുറച്ച് മിനിറ്റോ സെക്കന്‍ഡോ മാത്രമേ അവശ്യമുള്ളൂ.