Devotional

കുർബാന തർക്കത്തിൽ മുന്നറിയിപ്പുമായി സിറോ മലബാര്‍ സഭാ മേജർ ആർച്ച് ബിഷപ് മാർ റാഫേൽ തട്ടിൽ. കുർബാന ചൊല്ലാൻ വൈദികർക്ക് തോന്നിയത് പോലെ പറ്റില്ലെന്ന് പറഞ്ഞ മാർ റാഫേൽ തട്ടിൽ കുർബാന അർപ്പണം സഭയും ആരാധനക്രമവും അനുശാസിക്കുന്ന രീതിയിലാകണമെന്നും ചൂണ്ടിക്കാണിച്ചു.
സമയം വൈദികരുടെ സൗകര്യമനുസരിച്ച് തീരുമാനിക്കുന്ന ശീലവും മാറ്റണം.വിശ്വാസികളുടെ സൗകര്യത്തിന് അനുസരിച്ചായിരിക്കണം കുർബാന സമയം ക്രമീകരിക്കേണ്ടത് എന്നും അദ്ദേഹം പറഞ്ഞു.

നെടുങ്കണ്ടം സെന്റ് സെബാസ്റ്റ്യൻ ചർച്ച് കുദാശ കർമ്മത്തിനിടെയാണ് മാർ റാഫേൽ തട്ടിൽ കുർബാന വിഷയത്തിലെ പരാമർശം നടത്തിയത്. കൂടാതെ മാർ റാഫേൽ വിമത വിഭാ​ഗത്തിനെ വിമർശിച്ചും തട്ടിൽ സംസാരിച്ചു. ആരാധനക്രമം സൗകര്യത്തിനനുസരിച്ച് മാറ്റാവുന്ന ഒന്നല്ല എന്നും സഭയ്ക്ക് കൃത്യമായ ചട്ടക്കൂടുകൾ ഉണ്ടെന്നും മാർ റാഫേൽ തട്ടിൽ പറഞ്ഞു. ഇപ്പോൾ കടന്നു പോകുന്നത്, വലിയ പ്രതിസന്ധിയിലൂടെയാണെന്നും അദ്ദേഹം കൂട്ടിച്ചേർത്തു.

ബ്രാഹ്മണ വിഭാ​ഗങ്ങൾ തമ്മിൽ തമിഴ്നാട് കാഞ്ചീപുരത്ത് കയ്യാങ്കളി. കയ്യാങ്കാളിയിൽ അവസാനിച്ചത് ശ്ലോകം ചൊല്ലുന്നതിൽ തർക്കമായാണ്. കയ്യാങ്കളി നടന്നത് സംസ്കൃതം പിന്തുടരുന്ന ഉത്തരേന്ത്യൻ വിഭാ​ഗവും തമിഴ് പിന്തുടരുന്ന വിഭാ​ഗവും തമ്മിലായിരുന്നു. സംഘർഷം നടന്നത് കാഞ്ചീപുരം വരദരാജ പെരുമാൾ ക്ഷേത്രത്തിൽ വെച്ചായിരുന്നു. സ്ഥിരമായി പ്രത്യേക പൂജകൾ നടക്കുന്ന സമയങ്ങളിൽ തർക്കം ഉണ്ടാകാറുണ്ട്.

അതാണ് ഇപ്പോൾ കയ്യാങ്കളിയിലേക്ക് നീങ്ങിയത്. ആദ്യം ഏത് ഭാഷയിലാണ് ശ്ലോകം ചൊല്ലേണ്ടതെന്ന തർക്കമാണ് കയ്യാങ്കളിയ്ക്കിടയാക്കിയത്. ഇരുവിഭാഗത്തെയും അവിടെയുണ്ടായിരുന്ന ആളുകൾ പിടിച്ചുമാറ്റുകയായിരുന്നു. സംഭവത്തിന്റെ ദൃശ്യങ്ങൾ പ്രചരിക്കുന്നുണ്ട്.