Entertainment

തന്റെ മക്കൾക്ക് പൃഥ്വിരാജ് ഇൻസ്പിരേഷൻ ആണെന്ന് പൂർണിമ ഇന്ദ്രജിത്ത്. കയ്യിൽ കലയുണ്ട്, പക്ഷെ വിചാരിക്കുന്ന ദൂരം അതുമായി യാത്ര ചെയ്യണമെങ്കിൽ ആ ടാലന്റ് കൊണ്ട് മാത്രം പറ്റില്ല. അത് ഹാർഡ് വർക്ക് കൊണ്ട് കൂടിയേ പറ്റുകയുള്ളു. അത് കഠിനാധ്വാനം കൊണ്ടും കൂടിയേ വരികയുള്ളു. നിങ്ങൾ സ്മാർട്ട് ആയിരിക്കണം. അനിയനോട് സംസാരിക്കുമ്പോൾ താൻ പറയാറുണ്ട്, നമ്മുടെ വീട്ടിൽ വളരുന്ന കുഞ്ഞുങ്ങൾക്കാണ് അത് ഏറ്റവും വലിയ ഇൻസ്പിരേഷനെന്ന് പൂർണ്ണിമ പറഞ്ഞു. ഒരു സ്വകാര്യ മാദ്ധ്യമത്തിന് നൽകിയ അഭിമുഖത്തിലായിരുന്നു പൂർണ്ണിമ ഇക്കാര്യം പറഞ്ഞത്.

നമുക്ക് ഓരോ വ്യക്തിയുടെയും യാത്ര കാണുമ്പോൾ, അത് ഒരു നടൻ ആകുമ്പോൾ ക്ലോസ് ആയി ശ്രദ്ധിച്ചാൽ സ്വാഭാവികമായും ഇത്രയും ജനപ്രീതി നേടിയ ഒരു സ്ഥാനമാണ് നമുക്ക് ഉള്ളതെങ്കിൽ നമുക്ക് അതിന്റേതായ ഒരു ഉത്തരവാദിത്തം കൂടി ഉണ്ടാകും. എന്നാൽ രാജുവിന്റെ ഒരു പ്രധാനപ്പെട്ട ഒരു കാര്യം എന്ന് പറയുന്നത്, അദ്ദേഹത്തിന്റെ ഒരു യാത്ര അദ്ദേഹം മനസിൽ വിചാരിച്ചിട്ടുണ്ടല്ലോ, അത് ഈ പറയുന്ന ഉത്തരവാദിത്തം ഉള്ളതുകൊണ്ട് തന്നെ ബാലൻസ് ചെയ്ത് കൊണ്ടു പോകാൻ കുറച്ച് പാടാണ്. നടൻ എന്ന രീതിയിൽ നമുക്ക് ഉത്തരവാദിത്തങ്ങൾ ഉണ്ടാകും. ഒരു താരം എന്ന രീതിയിൽ വേറെ കുറേ ഉത്തരവാദിത്തങ്ങൾ ഉണ്ടാകും. അത് ബാലൻസ് ചെയ്ത് കൊണ്ടു പോവുക എന്ന് പറയുന്നത് പ്രധാനമാണ്. എന്നാൽ അവനവന്റെ ആഗ്രഹങ്ങളിൽ നിന്ന് മാറാതെ അതിലേക്ക് തന്നെ മുന്നോട്ട് കൊണ്ടു പോവുക എന്നതും എല്ലാവർക്കും പറ്റുന്ന കാര്യമല്ല.

നമ്മൾക്ക് നമ്മുടെ പല പല മേഖലകളിൽ നിന്നും സമയമെടുത്ത് നമ്മൾക്ക് അതിന് ഇൻവെസ്റ്റ് ചെയ്യാൻ ഉണ്ടെങ്കിൽ മാത്രമേ നമുക്ക് അത് പറ്റുകയുള്ളു. ഇതിനെല്ലാം കൃത്യമായ സാഹചര്യം ഒത്തു വരിക എന്ന് പറയുന്ന ഭാഗ്യം രാജുവിന് കൃത്യമായിട്ട് ഉണ്ടെന്ന് പൂർണ്ണിമ വ്യക്തമാക്കി.