Entertainment

On:

എറണാകുളം: സ്ത്രീത്വത്തെ അപമാനിച്ചെന്ന പ്രമുഖ നടിയുടെ പരാതിയിൽ സംവിധായകൻ സനൽകുമാർ ശശിധരനെതിരെ ചുമത്തിയിരിക്കുന്നത് ജാമ്യമില്ല വകുപ്പുകൾ. കൊച്ചി എളമക്കര പൊലീസാണ് സംവിധായകനെതിരെ കേസെടുത്തത്. ഏതാനും ദിവസങ്ങളിലായി സനൽകുമാർ ശശിധരൻ നടിയെ ടാ​ഗ് ചെയ്ത് നിരവധി പോസ്റ്റുകൾ സമൂഹമാദ്ധ്യമങ്ങളിൽ പങ്കുവച്ചിരുന്നു. കഴിഞ്ഞ കുറച്ച് മാസങ്ങളായി ഇയാള്‍ അമേരിക്കയിലാണെന്നും യുഎസിൽ നിന്നാണ് പോസ്റ്റുകൾ പങ്കുവയ്ക്കുന്നതെന്ന് പൊലീസ് പറഞ്ഞു.സനല്‍കുമാറിനെ നാട്ടിലെത്തിക്കാനുള്ള ശ്രമം തുടങ്ങിയതായി കൊച്ചി പൊലീസ് അറിയിച്ചു. 

2022ൽ നടി സനൽ കുമാറിനെതിരെ പൊലീസിൽ പരാതി നൽകിയിരുന്നു. ആ
പരാതിയുടെ അടിസ്ഥാനത്തിൽ കേസെടുത്ത പൊലീസ് തിരുവനന്തപുരത്ത് നിന്നും സനലിനെ അറസ്റ്റ് ചെയ്തിരുന്നു. ആലുവ ഒന്നാം ക്ലാസ് ജുഡീഷ്യൽ മജിസ്ട്രേറ്റ് കോടതിയാണ് കേസിൽ സനലിന് ജാമ്യം നൽകിയത്.

On:

താരസംഘടനയായ അമ്മയിലെ ട്രഷറര്‍ സ്ഥാനം രാജിവച്ച് നടന്‍ ഉണ്ണി മുകുന്ദന്‍. സിനിമകളിലെ വര്‍ധിച്ചുവരുന്ന തിരക്കുകള്‍ക്കൊപ്പം ട്രഷറര്‍ സ്ഥാനചുമതലകള്‍ കൊണ്ടുപോവുക പ്രയാസകരമാണെന്ന് മനസിലാക്കിയതുകൊണ്ടാണ് രാജി തീരുമാനമെന്ന് ഉണ്ണി മുകുന്ദന്‍ സോഷ്യല്‍ മീഡിയയിലൂടെ അറിയിച്ചു. പ്രൊഫഷണല്‍ ജീവിതത്തിന്‍റെ സമ്മര്‍ദ്ദങ്ങള്‍ക്കിടെ സംഘടനയിലെ ഉത്തരവാദിത്തം കൂടി നിറവേറ്റുക പ്രയാസകരമാണെന്നും, ഭാരവാഹിത്വത്തിലെ കാലയളവില്‍ എനിക്ക് ലഭിച്ച പിന്തുണയ്ക്കും വിശ്വാസത്തിനും ഞാന്‍ ഏറെ നന്ദിയുള്ളവനാണെന്നും ,ഹൃദയഭാരത്തോടെയാണ് ഞാന്‍ രാജിക്കത്ത് നല്‍കിയതെന്നും , മറ്റൊരാള്‍ വരുന്നതുവരെ ട്രഷറര്‍ സ്ഥാനത്ത് തുടരുമെന്നും ഉണ്ണിമുകുന്ദൻ പറഞ്ഞു .

On:

നടി തൃഷയും നടൻ വിജയും പ്രണയത്തിലാണെന്ന തരത്തിൽ വാർത്തകൾ പ്രചരിക്കാൻ തുടങ്ങിയിട്ട് കാലങ്ങളേറെയായി. വിജയുടെ പിറന്നാളിന് തൃഷ പങ്കുവെച്ച ആശംസ പോസ്റ്റ് വൈറലായതോടെയാണ് തൃഷ-വിജയ് ബന്ധം ആരാധകർക്കിടയിൽ വീണ്ടും ചർച്ചയായായത്. ഇപ്പോഴിതാ ഗോവയിൽ നടന്ന കീർത്തി സുരേഷിന്റെ വിവാഹ ചടങ്ങിലും തൃഷയും വിജയിയും ഒരുമിച്ച് എത്തിയതോടെ ഈ ‘പ്രണയ ഗോസിപ്പ്’ വീണ്ടും ചർച്ചാ വിഷയമാക്കിയിരിക്കുകയാണ്.

ഒരിക്കൽ വിവാഹ നിശ്ചയം വരെ കഴിഞ്ഞ താരമാണ് തൃഷ. എന്നാൽ, അപ്രതീക്ഷിതമായ ചില കാരണങ്ങളാൽ ആ വിവാഹം മുടങ്ങി. അതിന് ശേഷം മറ്റൊരു വിവാഹത്തിനായി താരം മുതിർന്നിട്ടില്ല. എന്നാൽ, 20 വർഷത്തോളമായി താരത്തിന്റെ പേരിനൊപ്പം പല നടന്മാരുടെയും പേര് ചേർത്ത് പല ഗോസിപ്പുകളും പ്രചരിക്കുന്നുണ്ട്. ഇതിന്റെ ബാക്കിപത്രമായാണ് വിജയും തൃഷയും തമ്മിൽ പ്രണയമാണെന്ന തരത്തിൽ വാർത്ത പ്രചരിക്കുന്നത്.

വിജയ് തന്റെ ഭാര്യ സംഗീതയിൽ നിന്നും വേർപ്പെട്ട് കഴിയുകയാണെന്നും അതിന് കാരണം തൃഷയുമായുള്ള ബന്ധമാണെന്നും വരെ കഥകളുണ്ട്. വിജയ്യുടെ മാനേജർ ജഗദീഷിനൊപ്പം വിജയ്യും തൃഷയും ഒരുമിച്ച് യാത്ര ചെയ്യുന്നതായി വ്യക്തമാക്കുന്ന ഫ്‌ലൈറ്റ് ടിക്കറ്റ് ഓൺലൈനിൽ പ്രചരിച്ചിരുന്നു. ഇതും ഗോസിപ്പുകൾക്ക് ശക്തിപകർന്നിരുന്നു. എയർപോർട്ടിലെ സെക്യൂരിറ്റി ചെക്ക് പോയിന്റിലൂടെ ഇരുവരും മുന്നോട്ട് പോകുന്നതിന്റെ ഫോട്ടോകളും പ്രചരിച്ചിരുന്നു.

On:

ഐശ്വര്യ റായിയുടെ പുതിയ ചിത്രങ്ങൾ വൈറലാകുന്നു. പുതിയ ഹെയർ സ്‌റ്റൈലിൽ അതീവ സുന്ദരിയായുള്ള ഐശ്വര്യ റായിയെയാണ് ചിത്രത്തിൽ കാണാൻ കഴിയുന്നത്. ദുബായിൽ നടന്ന ഗ്ലോബൽ വിമൻസ് ഫോറം 2024ലാണ് പുതിയ ലുക്കിലും സ്‌റ്റൈലിലും ഐശ്വര്യ പ്രത്യക്ഷപ്പെട്ടത്. സ്ത്രീ ജീവിതങ്ങൾ ആഘോഷമാക്കുന്നതിനും ശാക്തീകരിക്കുന്നതിനും വേണ്ടി പല മേഖലകളിൽ നിന്നുള്ള സ്ത്രീകളെ പരിപാടിയുടെ ഭാഗമാക്കിയിരുന്നു. മനോഹരമായ നീല നിറത്തിലുള്ള വസ്ത്രവും നീലയിൽ വെളുത്ത എംബ്രോയിഡറികൾ ചെയ്ത ജാക്കറ്റും ധരിച്ചാണ് ഐശ്വര്യ പരിപാടിയിൽ പങ്കെടുത്തത്. താരത്തിന്റെ പുതിയ ഹെയർ സ്‌റ്റൈൽ തന്നെയായിരുന്നു ഏറ്റവും അധികം ശ്രദ്ധ നേടിയത്.

ഒരു വശത്തു നിന്നും പകുത്തിട്ട മുടിയിൽ ഐശ്വര്യ കൂടുതൽ സുന്ദരിയായി കാണപ്പെടുന്നു. ഇതിനിടെ മറ്റൊരു സംഭവം കൂടി ആരാധകർക്കിടയിൽ ചർച്ചയാകുന്നുണ്ട്. ഐശ്വര്യയുടെ പേരിനൊപ്പം ബച്ചൻ എന്ന് ചേർക്കാതിരുന്നതാണ് സമൂഹമാധ്യമങ്ങളുടെ കണ്ണിൽപെട്ടത്. അഭിഷേക് ബച്ചനുമായുള്ള ബന്ധത്തിൽ ഉലച്ചിൽ ഉണ്ടെന്നതിന്റെ സൂചനയാണിതെന്ന തരത്തിൽ വീണ്ടും ചർച്ചകൾ സജീവമായി.

എന്നാൽ ഇപ്പോഴും സമൂഹമാധ്യമ പേജുകളിൽ ഐശ്വര്യയുടെ പേരിനൊപ്പം ബച്ചൻ കുടുംബത്തിന്റെ പേരുണ്ടെന്നും അതിനാൽ ഗോസിപ്പുകളിൽ കഴമ്പില്ലെന്നും വാദിക്കുന്നവരുമുണ്ട്.

On:

ആരാധകരുടെ മനംകവർന്ന തെന്നിന്ത്യൻ താരസുന്ദരിയാണ് നടി രശ്മിക മന്ദാന. തെലുങ്ക്, തമിഴ്, ഹിന്ദി തുടങ്ങിയ ഭാഷകളിലെല്ലാം മികച്ച സിനിമകളുടെ ഭാഗമാകാൻ രശ്മികയ്ക്ക് കഴിഞ്ഞിട്ടുണ്ട്. തോൽവികളിൽ നിന്നും തകർച്ചകളിൽ നിന്നും പാഠം ഉൾക്കൊണ്ടാണ് രശ്മിക ജീവിതത്തിൽ മുന്നേറിയത്.

തന്റെ കുട്ടിക്കാലത്തെ കുറിച്ചും തനിക്ക് നേരിടേണ്ടി വന്ന വിഷമങ്ങളെ കുറിച്ചും രശ്മിക ഒരു അഭിമുഖത്തിനിടെ വെളിപ്പെടുത്തിയിരുന്നു. കളിപ്പാട്ടം പോലും വാങ്ങിത്തരാൻ കഴിയാത്ത കുടുംബ പശ്ചാത്തലത്തിൽ നിന്നാണ് രശ്മിക ഇന്നത്തെ ഈ നേട്ടങ്ങളെല്ലാം സ്വന്തമാക്കിയത്.

കർണാടകയിലെ കുടക് ജില്ലയിലാണ് 1996 ൽ രശ്മിക ജനിച്ചത്. അച്ഛന് കോഫി എസ്റ്റേറ്റും, ഒരു ഫങ്ഷൻ ഹാളും ഉണ്ടായിരുന്നു. കുട്ടിക്കാലത്ത് വളരെ അധികം സാമ്പത്തിക ബുദ്ധിമുട്ടുകൾ നേരിട്ടിരുന്നു. ഒരു വീട് കണ്ടെത്തുന്നതിനും, അതിന്റെ വാടക കൊടുക്കുന്നതിനും എല്ലാം ബുദ്ധിമുട്ടി. തുടക്കത്തിൽ അഭിനയത്തിലേക്ക് വിടാൻ മാതാപിതാക്കൾക്ക് താത്പര്യം ഇല്ലായിരുന്നുവെങ്കിലും പിന്നീട് രശ്മികയുടെ നിശ്ചയദാർഢ്യത്തിന് മുന്നിൽ അവർ പിന്മാറി.

ഇന്ന് പാൻ ഇന്ത്യൻ താരം എന്ന ലേബലിലേക്ക് രശ്മിക മന്ദാന വളർന്നു. പുഷ്പ 2 എന്ന സിനിമയ്ക്ക് വേണ്ടി രശ്മിക പ്രതിഫലമായി വാങ്ങിയത് 10 കോടി രൂപയാണെന്നാണ് റിപ്പോർട്ടുകൾ. അല്ലു അർജുൻ നായകനാകുന്ന ചിത്രം ഡിസംബർ 5 നാണ് തിയേറ്ററുകളിലെത്തുക.

On:

ചെന്നൈ: നടൻ ധനുഷും ഐശ്വര്യ രജനികാന്തും വിവാഹബന്ധം വേർപെടുത്തി. നവംബർ 21ന് നടന്ന ഹിയറിംഗിൽ ചെന്നൈ കോടതിയാണ് വിവാഹമോചനം അംഗീകരിച്ച് ഉത്തരവ് പുറപ്പെടുവിച്ചത്. നേരത്തെയുള്ള മൂന്ന് തവണത്തെ ഹിയറിംഗിന് ഹാജരാകാത്തതിനാൽ ഇവർ ഒരുമിയ്ക്കുമെന്ന് അഭ്യൂഹങ്ങളും ഉണ്ടായിരുന്നു. എന്നാൽ അഭ്യൂഹങ്ങൾക്ക് വിരാമമിട്ടുകൊണ്ട് അവസാന ഹീയറിംഗ് ദിനത്തിൽ ഇവർ കോടതിയിൽ ഹാജരായി വിവാഹ മോചനം നേടി.

ധനുഷും ഐശ്വര്യയും വേർപിരിയുന്നുവെന്ന് സോഷ്യൽ മീഡിയയിലൂടെ 2022ൽ ഇരുവരും അറിയിച്ചിരുന്നു. പിന്നീട് ഇവർ വിവാഹമോചനത്തിന് അപേക്ഷ നൽകുകയും ചെയ്തു. ഒന്നിച്ച് ജീവിക്കാൻ തങ്ങൾക്ക് താൽപര്യം ഇല്ലെന്ന് ഇരുവരും കോടതിയെ അറിയിച്ചു.

2004ൽ ആയിരുന്നു ധനുഷും ഐശ്വര്യയും വിവാഹിതരായത്. സുഹൃത്തുക്കളും പങ്കാളികളുമായി 18 വർഷത്തെ ഒരുമിച്ചുനിൽക്കൽ, മാതാപിതാക്കളായും പരസ്പരം അഭ്യൂദയകാംക്ഷികളായും. വളർച്ചയുടെയും മനസിലാക്കലിൻറെയും ക്രമപ്പെടുത്തലിൻറെയും ഒത്തുപോവലിൻറെയുമൊക്കെ യാത്രയായിരുന്നു അത്.. ഇന്ന ഞങ്ങളുടെ വഴികൾ പിരിയുന്നിടത്താണ് തങ്ങൾ നിൽക്കുന്നത്. പങ്കാളികൾ എന്ന നിലയിൽ വേർപിരിയുന്നതിനും വ്യക്തികൾ എന്ന നിലയിൽ ഞങ്ങളുടെ തന്നെ നന്മയ്ക്ക് സ്വയം മനസിലാക്കുന്നതിന് സമയം കണ്ടെത്താനും ഐശ്വര്യയും ഞാനും തീരുമാനിച്ചിരിക്കുന്നു. ഞങ്ങളുടെ തീരുമാനത്തെ ദയവായി ബഹുമാനിക്കൂ. ഇതിനെ കൈകാര്യം ചെയ്യാൻ അവശ്യം വേണ്ട സ്വകാര്യത നൽകണമെന്നായിരുന്നു 2022ൽ ധനുഷും ഐശ്വര്യയും ചേർന്ന് പുറത്തിറക്കിയ വാർത്താ കുറിപ്പിൽ വ്യക്തമാക്കിയിരുന്നത്.

On:

നടൻ നാഗചൈതന്യയെ പരിഹസിച്ച് മുൻഭാര്യയും നടിയുമായ സാമന്ത. സാമന്തയുടെ പുതിയ ത്രില്ലർ സീരിസായ സിറ്റാഡൽ; ഹണി ബണ്ണിയുടെ പ്രമോഷൻ പരിപാടിക്കിടെയാണ് നാഗചൈതന്യയെ പരിഹസിക്കുന്ന പരാമർശം താരത്തിന്റെ ഭാഗത്ത് നിന്നും ഉണ്ടായത്. ആമസോൺ പ്രൈം വീഡിയോയിലെ ചാറ്റ് ഷോയിൽ സഹതാരമായ വരുൺധവാനുമായി സംസാരിക്കുന്നതിനിടെയാണ് സമാന്ത മുൻ ഭർത്താവിനെ പരിഹസിച്ചത്. ഇതിന്റെ വീഡിയോ സാമൂഹ്യ മാദ്ധ്യമങ്ങളിൽ വൈറലാകുകയാണ്.

തികച്ചും ഉപയോഗശൂന്യമായ ഒരു കാര്യത്തിനായി നിങ്ങൾ ചെലവഴിച്ച ഏറ്റവും പരിഹാസ്യമായ തുക ഏതാണ്? എന്നായിരുന്നു വരുൺ ധവാന്റെ ചോദ്യം. തന്റെ എക്‌സിന് നൽകിയ വിലയേറിയ സമ്മാനങ്ങൾ എന്നായിരുന്നു ഇതിന് സാമന്ത നൽകിയ മറുപടി. എന്താണ്? എത്രയായിരുന്നു എന്ന ചോദ്യത്തിന് കുറച്ചധികം എന്നും താരം പറഞ്ഞു.

ഡിസംബറിൽ നാഗചൈതന്യയുടെ വിവാഹം നടി ശോഭിത ധൂലിപാലയുമായി നടക്കാനിരിക്കെയാണ് സാമന്തയുടെ പരാമർശം ചർച്ചയാകുന്നത്. 2017 ലാണ് സാമന്തയും നാഗചൈതന്യയും വിവാഹിതരായത്. നാലു വർഷത്തെ ദാമ്പത്യത്തിന് ശേഷം 2021 ൽ ഇരുവരും വേർപിരിയുകയായിരുന്നു.

On:

ധനുഷ് വിഷയത്തിൽ നയൻതാരയെ പിന്തുണച്ചതിന്റെ കാരണം വ്യക്തമാക്കി നടി പാർവതി തിരുവോത്ത്. ഒരു നിലപാട് എടുക്കുമ്പോൾ ചുറ്റുമുള്ളവരുടെ പിന്തുണ ലഭിക്കാതെ ഇരിക്കുമ്പോഴുള്ള ബുദ്ധിമുട്ട് അറിഞ്ഞിട്ടുള്ള വ്യക്തിയാണ് താനെന്നും ലേഡി സൂപ്പർസ്റ്റാർ എന്നു പറയാവുന്ന ഒരു താരം ഇത്തരത്തിൽ തുറന്ന കത്തെഴുതുമ്പോൾ അതൊരു യഥാർഥ പ്രശ്‌നമാണെന്നു തോന്നിയെന്നും പാർവതി തിരുവോത്ത് വ്യക്തമാക്കി.

നയൻതാരയെ പിന്തുണയ്ക്കുന്ന എല്ലാവരും ഈ കത്തിൽ സത്യമുണ്ടെന്ന് വിശ്വസിക്കുന്നവരാണ്. ഒരു ഘട്ടം കഴിയുമ്പോൾ നമുക്ക് നമ്മളെ തന്നെ എല്ലാവരിലും കാണാൻ കഴിയും. അതുകൊണ്ടും കൂടിയാണിത്. ഒരു മാറ്റത്തിനായോ തന്റെ അവകാശങ്ങൾക്കായോ ആരു സംസാരിക്കുകയാണെങ്കിലും അവരെ പലരും ഒറ്റപ്പെടുത്തും. അത് ഞാൻ അനുഭവിച്ചതുകൊണ്ടുതന്നെ തനിക്കറിയാം. ആദ്യമായി സൈബർ ആക്രമണം നേരിടുന്ന ആളുകൾക്ക് അത് നന്നായി ബാധിക്കും. അതൊരു ക്രൈമാണ്. ആരും ചെയ്യാൻ പാടില്ലാത്ത ഒന്ന്. പക്ഷേ അതൊന്നും ബാധിക്കാത്ത രീതിയിലേക്ക് നയൻതാര മാറിയിട്ടുണ്ട്. അത്രയും പ്രതിസന്ധികളും നെഗറ്റിവിറ്റിയും തരണം ചെയ്തിട്ടാണ് അവർ ഈ സ്ഥാനത്ത് എത്തിയത്. സൈബർ ആക്രമണം ഒരു വഴിയിൽ നടക്കും. അതിനായി തന്നെ ഇരിക്കുന്ന ആളുകളുണ്ട്. നമ്മളെ തരംതാഴ്ത്താൻ പലരും വരും. അതവർ ചെയ്യട്ടെ. പക്ഷേ ന്യായം നീതി എന്നത് എല്ലാവർക്കും പറഞ്ഞിട്ടുള്ള കാര്യമാണ്. എനിക്ക് പറയാൻ സ്‌പെയ്‌സ് കിട്ടിയാൽ ഞാൻ പറയും എന്നു തന്നെയാണ് നയൻതാര പറയുന്നതെന്ന് പാർവ്വതി പറഞ്ഞു.

ഈ വിഷയത്തിൽ എല്ലാവർക്കും അവരെ പിന്തുണയ്ക്കാൻ സാധിക്കില്ലായിരിക്കും, ഞാൻ ആരെയും കുറ്റപ്പെടുത്തുകയല്ല. പക്ഷേ പിന്തുണ ഇല്ലായ്മ ഞാൻ അറിഞ്ഞിട്ടുണ്ടെന്നും താരം കൂട്ടിച്ചേർത്തു.

On:

അഭിനയത്തിന്റെ തുടക്കകാലത്ത് തനിക്കും ലൈംഗികചൂഷകരെ നേരിടേണ്ടി വന്നിട്ടുണ്ടെന്ന് തുറന്ന് പറഞ്ഞ് നടി ഖുശ്ബു. ഗോവയിൽ നടക്കുന്ന ഇന്റർനാഷണൽ ഫിലിം ഫെസ്റ്റിവൽ ഓഫ് ഇന്ത്യ 2024 (ഐ.എഫ്.എഫ്.ഐ.) ഭാഗമായി നടത്തിയ ‘വുമൺ സേഫ്റ്റി ഇൻ സിനിമ’ എന്ന സെഷനിൽ സംസാരിക്കവേയായിരുന്നു ഖുശ്ബുവിന്റെ വെളിപ്പെടുത്തൽ. സിനിമാ മേഖലയിൽ മാത്രമല്ല, എല്ലായിടങ്ങളിലും സ്ത്രീകൾ ചൂഷണത്തിന് ഇരയാകുന്നുണ്ടെന്ന് ഖുശ്ബു വ്യക്തമാക്കി.

ഇതിനെതിരെ സ്ത്രീകൾ അപ്പോൾ തന്നെ പ്രതികരിക്കണം. ‘സിനിമാ മേഖലയിൽ മാത്രമല്ല, വിമാനത്തിൽ സഞ്ചരിക്കുമ്പോഴും ലോക്കൽ ട്രെയിനിൽ സഞ്ചരിക്കുമ്പോഴും ഷെയർ ഓട്ടോയിൽ സഞ്ചരിക്കുമ്പോഴുമെല്ലാം നമ്മൾ ചൂഷണത്തിന് വിധേയരാകാറുണ്ട്. ആരെങ്കിലും നമ്മളെ ചൂഷണം ചെയ്യുന്നു എന്ന് തോന്നിയാൽ അപ്പോൾ തന്നെ പ്രതികരിക്കണമെന്ന് ഖുശ്ബു അറിയിച്ചു.

ചൂഷണത്തിനെതിരെ പ്രതികരിക്കുമ്പോൾ മറ്റൊന്നും ചിന്തിക്കാൻ പാടില്ല, പ്രതികരിക്കുക എന്നതാണ് മുഖ്യം. അഭിനയത്തിന്റെ ആദ്യനാളുകളിൽ തനിക്കും ഇത്തരം ചൂഷകരെ നേരിടേണ്ടി വന്നിട്ടുണ്ട്. ഒരു നായകൻ ഒരിക്കൽ എന്നോടു ചോദിച്ചു, ‘ആരും അറിയാതെ എനിക്ക് ഒരു അവസരം തരാമോ’ എന്ന്, അയാൾ ഉദ്ദേശിച്ച കാര്യം നിങ്ങൾക്ക് മനസിലായിക്കാണുമല്ലോ. ഞാൻ അപ്പോൾ തന്നെ തന്റെ ചെരിപ്പ് കൈയിൽ എടുത്ത് അയാളോട് ചോദിച്ചു, ‘നിങ്ങൾക്ക് ഇവിടെവെച്ച് രഹസ്യമായി അടി കൊള്ളണോ അതോ മുഴുവൻ യൂണിറ്റിന്റെയും മുന്നിൽവെച്ച് കൊള്ളണോ’ എന്ന്.’ ആ സമയത്ത് ഞാൻ ഒരു പുതിയ നടിയാണെന്നോ, ഇതെന്റെ സിനിമാ ഭാവിയെ ബാധിക്കുമോ എന്നൊന്നും താൻ ചിന്തിക്കാതെ താൻ പ്രതികരിച്ചു. തന്റെ അഭിമാനം തനിക്ക് മറ്റെന്തിനെക്കാളും വലുതാണ് എന്ന തിരിച്ചറിവായിരുന്നു അതിന് കാരണം. നിങ്ങൾക്ക് നിങ്ങളോട് ബഹുമാനം ഉണ്ടാവണം, എങ്കിൽ മാത്രമേ മറ്റുള്ളവർക്കും നിങ്ങളോട് അതേ ബഹുമാനം ഉണ്ടാവുള്ളൂവെന്ന് താരം കൂട്ടിച്ചേർത്തു.

On:

ആരാധകരേറെയുള്ള തെന്നിന്ത്യൻ താരമാണ് തമന്ന ഭാട്ടിയ. ഇപ്പോഴിതാ മലയാള സിനിമയിൽ തനിക്ക് ഇഷ്ടമുള്ള നടന്മാരെക്കുറിച്ച് തുറന്നു പറഞ്ഞിരിക്കുകയാണ് താരം. പെർഫോമൻസിന്റെ കാര്യം എടുത്താൽ തനിക്ക് ഫഹദിനെയാണ് ഇഷ്ടമെന്ന് താരം പറയുന്നു. ഫഹദിനൊപ്പം അഭിനയിക്കണമെന്ന ആഗ്രഹവും തമന്ന വെളിപ്പെടുത്തി.

രാജ്യത്തെ തന്നെ ഏറ്റവും മികച്ച അഭിനേതാക്കളിൽ ഒരാളാണ് ഫഹദ്. അതുകൊണ്ട് തന്നെ അദ്ദേഹത്തിനൊപ്പം അഭിനയിക്കണമെന്ന് ആഗ്രഹം ഉണ്ട്. ഒരു നല്ല പെർഫോമർ ആണ് അദ്ദേഹം എന്നും തമന്ന പറഞ്ഞു. സ്വകാര്യ മാദ്ധ്യമത്തോട് സംസാരിക്കവെയാണ് താരം ഇക്കാര്യം അറിയിച്ചത്.

തനിക്ക് ഇഷ്ടമുള്ള മറ്റൊരു മലയാള നടനെ കുറിച്ച് കൂടി തമന്ന സംസാരിച്ചു. ദുൽഖർ സൽമാനാണ് തനിക്ക് ഇഷ്ടമുള്ള മറ്റൊരു മലയാല താരം. ഇന്നത്തെ തലമുറയ്ക്ക് മലയാളത്തിലെ അഭിനേതാക്കളെ പറ്റി ഒരു ധാരണ ഉണ്ടായിരുന്നു. അത് തിരുത്തിയത് ദുൽഖർ ആണ്. അദ്ദേഹം ഒരു പാൻ ഇന്ത്യൻ ആക്ടർ ആണ്. എല്ലാവർക്കും ദുൽഖറിനെ അറിയാം. തനിക്ക് ദുൽഖറിന്റെ കൂടെ അഭിനയിക്കാൻ ഇഷ്ടമാണെന്നും തമന്ന കൂട്ടിച്ചേർത്തു.