International

മെക്സിക്കൻ ഉൾക്കടലിൽ, ഫ്ലോറിഡയുടെ തീരത്തോട് ചേർന്ന്, ക്രൂ-9 ബഹിരാകാശ പേടകം വിജയകരമായി ലാൻഡ് ചെയ്തു. സ്‌പേസ് എക്‌സിന്റെ എംവി മേഗൻ എന്ന കപ്പൽ പേടകത്തെ കടലിൽ നിന്ന് വീണ്ടെടുത്ത് യാത്രക്കാരെ കരയിലെത്തിക്കാനുള്ള ശ്രമം പുരോഗമിക്കുകയാണ്.

ഇന്ത്യൻ സമയം രാവിലെ 10:35നാണ് ഫ്രീഡം ഡ്രാഗൺ പേടകം അന്താരാഷ്ട്ര ബഹിരാകാശ നിലയത്തിൽ നിന്ന് അൺഡോക്ക് ചെയ്തത്. ക്രൂ-9 സംഘത്തിലെ നിക് ഹേഗ്, സുനിത വില്യംസ്, ബുച്ച് വിൽമോർ, റഷ്യൻ കോസ്മനോട്ട് അലക്സാണ്ടർ ഗോർബുനോവ് എന്നിവരാണ് ദൗത്യത്തിൽ പങ്കെടുത്തത്.

സ്റ്റാർലൈനർ പേടകത്തിൽ ഉണ്ടായ സാങ്കേതിക പ്രശ്‌നങ്ങളാൽ ദൗത്യകാലാവധി നീളേണ്ടിവന്ന സുനിത വില്യംസും ബുച്ച് വിൽമോറും, 9 മാസത്തെ ദൗത്യം ആവേശകരമായി പൂർത്തിയാക്കി തിരികെ എത്തി. 2024 ജൂൺ 5നായിരുന്നു ബോയിംഗിന്റെ സ്റ്റാർലൈനർ പരീക്ഷണ പേടകത്തിൽ ഇവർ ഐഎസ്എസിലേക്ക് യാത്രതിരിച്ചത്. വെറും എട്ട് ദിവസം മാത്രമായിരുന്ന ദൗത്യകാലാവധി, പക്ഷേ സാങ്കേതിക തടസ്സങ്ങൾ കാരണം തിരികെ വരാൻ കഴിയാത്ത അവസ്ഥയിലായി.

ബുധനാഴ്ച പുലർച്ചെ 2:36ഓടെ ഡ്രാഗൺ പേടകത്തിലെ സോളാർ പാനലുകൾ അടങ്ങിയ ട്രങ്ക് വേർതിരിച്ച ശേഷം 2:41ഓടെ അവസാന എഞ്ചിൻ ജ്വലനം നടത്തി ലാൻഡിംഗ് പാത ഉറപ്പിച്ചു. മൂന്നു മണിയോടെ പേടകം മെക്സിക്കൻ ഉൾക്കടലിൽ സമാധാനമായിറങ്ങി.

ഒട്ടാവ: കാനഡയുടെ 24-ാമത് പ്രധാനമന്ത്രിയായി മുൻ ബാങ്ക് ഓഫ് കാനഡ ഗവർണർ മാർക്ക് കാർണിയയെ പ്രധാനമന്ത്രിയായി പ്രഖ്യാപിതനായി. ലിബറൽ പാർട്ടി പ്രസിഡന്റ് സച്ചിത് മെഹ്‌റയാണ് കാർണി ഔദ്യോഗികമായി പ്രഖ്യാപിച്ചത്. ട്രൂഡോയ്ക്ക് പിൻഗാമിയായുള്ള ലിബറൽ പാർട്ടി നേതൃസ്ഥാനത്തേക്ക് അദ്ദേഹത്തിന്റെ തിരഞ്ഞെടുപ്പ് ഏറെ പ്രതീക്ഷയോടെയാണ് കാനഡ നോക്കിക്കാണുന്നത്.

2008 മുതൽ 2013 വരെ ബാങ്ക് ഓഫ് കാനഡയുടെ എട്ടാമത്തെ ഗവർണറായും, 2011 മുതൽ 2018 വരെ ഫിനാൻഷ്യൽ സ്റ്റെബിലിറ്റി ബോർഡിന്റെ അധ്യക്ഷനുമായും കാർണി പ്രവർത്തിച്ചിട്ടുണ്ട്. അമേരിക്കൻ മുൻ പ്രസിഡന്റ് ഡൊണാൾഡ് ട്രംപിനെ നേരിടാൻ ഏറ്റവും അനുയോജ്യനായ നേതാവെന്ന നിലയിൽ പൊതുജന സർവേകളിൽ കാർണി മുന്നിൽ നിന്നിരുന്നു.

ലിബറൽ പാർട്ടി നേതൃത്വ തിരഞ്ഞെടുപ്പിൽ 131,674 വോട്ടുകൾ നേടി 85.9% ഭൂരിപക്ഷത്തോടെ അദ്ദേഹം വിജയിച്ചു. മറ്റ് സ്ഥാനാർത്ഥികളായ ക്രിസ്റ്റിയ ഫ്രീലാൻഡ് (11,134 വോട്ടുകൾ), കരീന ഗൗൾഡ് (4,785 വോട്ടുകൾ), ഫ്രാങ്ക് ബെയ്‌ലിസ് (4,038 വോട്ടുകൾ) എന്നിവരെ മറികടന്നാണ് കാർണി നേട്ടം കൈവരിച്ചത്.

ലിബറൽ പാർട്ടി കൺവെൻഷനിൽ അദ്ദേഹത്തെ വേദിയിലേക്ക് പരിചയപ്പെടുത്തിയത് മകൾ ക്ലിയോ കാർണി ആയിരുന്നു. തന്റെ പ്രസംഗത്തിൽ കാർണി കാനഡയുടെ ശക്തിയും ഐക്യവുമാണ് പ്രധാനമെന്ന് ഉറപ്പിച്ചു. ട്രംപിന്റെ നികുതി ഭീഷണികൾക്കെതിരെ ശക്തമായി നിലകൊള്ളും എന്നും ഒരു പുതിയ സാമ്പത്തിക പദ്ധതി നടപ്പിലാക്കി രാജ്യത്തിന്റെ വളർച്ച ഉറപ്പാക്കുമെന്നുമാണ് പുതിയ പ്രധാനമന്ത്രിയുടെ പ്രഖ്യാപനം

ലോകത്തിന്റെ ഉറ്റുനോക്കിയ അമേരിക്കൻ പ്രസിഡന്റ് ഡൊണാൾഡ് ട്രംപ് – യുക്രൈൻ പ്രസിഡന്റ് വൊളൊദിമിർ സെലൻസ്കി കൂടിക്കാഴ്ച തർക്കത്തോടെയാണ് അവസാനിച്ചത്. വൈറ്റ് ഹൗസിൽ നടന്ന ചർച്ചയ്ക്കിടെ വാക്കുതർക്കം അതിരൂക്ഷമായതിനെ തുടർന്ന് സെലൻസ്കിയെ പുറത്തുപോകാൻ നിർദേശിച്ചുവെന്ന് റിപ്പോർട്ടുകൾ വ്യക്തമാക്കുന്നു.

വൈറ്റ് ഹൗസിലെ ഓവൽ ഓഫീസിൽ നടന്ന കൂടിക്കാഴ്ച ആസ്വാഭാവികമായിരുന്നു. മാധ്യമങ്ങളുടെ സാന്നിധ്യത്തിൽ ആരംഭിച്ച ചർച്ചയിൽ, സെലൻസ്കിയുടെ നിലപാടുകളെ ട്രംപ് കടുത്ത ഭാഷയിൽ വിമർശിച്ചു. അമേരിക്കയുടെ സഹായം കൊണ്ട് യുദ്ധം തുടർന്നു കൊണ്ടിരിക്കുകയാണോ? മൂന്നാം ലോക മഹായുദ്ധം ലക്ഷ്യമിട്ടുണ്ടോ? എന്നുളള ട്രംപിന്റെ ചോദ്യം ചർച്ചയെ കൂടുതൽ തീവ്രമാക്കി.

സംഘർഷം ഉയർന്നതോടെ സംയുക്ത വാർത്താസമ്മേളനം റദ്ദാക്കി. ചർച്ച പൂർണമായും തകർന്നതോടെ, വൈറ്റ് ഹൗസിൽ നിന്ന് പുറത്ത് എത്തിയ സെലൻസ്കി മാധ്യമങ്ങളോട് പ്രതികരിച്ചില്ല. എന്നാൽ, പിന്നീട് എക്സിൽ അദ്ദേഹം ട്രംപിന് നന്ദി അറിയിച്ചു. റഷ്യൻ മാധ്യമങ്ങളും ഈ സംഭവം വലുതായി റിപ്പോർട്ട് ചെയ്യുകയാണ്.

കീവ്: യു.എസ്. പ്രസിഡന്റ് ഡൊണാൾഡ് ട്രംപിന്റെ സമ്മർദ്ദത്തിന് വഴങ്ങി, യുക്രെയ്നിലെ അപൂർവ ധാതു വിഭവങ്ങളുടെ ഖനന അവകാശം അമേരിക്കയ്ക്ക് നൽകാൻ യുക്രെയ്ൻ സമ്മതമെന്ന് റിപ്പോർട്ടുകൾ വ്യക്തമാക്കുന്നു. അമേരിക്കയും യുക്രൈനും തമ്മിൽ ഈ കരാറിൽ ധാരണയിലെത്തിയതായാണ് പുറത്തുവരുന്ന വിവരങ്ങൾ.

പ്രധാനപ്പെട്ട കാര്യങ്ങൾ:

• അമേരിക്ക മുന്നോട്ടുവെച്ച കരാർ ഉപാധികളോടെ സെലൻസ്കി അംഗീകരിച്ചതായി സൂചന.
• യുക്രെയ്നിനെ സാമ്പത്തികമായും സൈനികമായും പിന്തുണച്ചതിന് പ്രതിഫലമായി അപൂർവ ധാതുക്കളുടെ അവകാശം അമേരിക്കയ്ക്ക് നൽകണമെന്നായിരുന്നു ട്രംപിന്റെ ആവശ്യം.
• അമേരിക്കയുടെ ഭാവിയിലെ സുരക്ഷാ ഗ്യാരണ്ടികൾ ഉറപ്പാക്കാനായി സെലൻസ്കി സഹകരിക്കുമെന്ന് വാഗ്ദാനം നൽകിയിരുന്നു.
• എന്നാൽ, സുരക്ഷാ ഉറപ്പ് ലഭിക്കാതെ കരട് കരാറിൽ ഒപ്പിടാൻ സെലൻസ്കി ആദ്യം വിസമ്മതിച്ചു.

ട്രംപിന്റെ ആദ്യ കാബിനറ്റ് യോഗം ഇന്ന്

അതേസമയം, യു.എസ്. പ്രസിഡന്റ് ഡൊണാൾഡ് ട്രംപ് പ്രസിഡന്റായി രണ്ടാം വട്ടം അധികാരമേറ്റതിന് ശേഷം ആദ്യ കാബിനറ്റ് യോഗം ഇന്ന് വൈറ്റ് ഹൗസിൽ നടക്കും. എല്ലാ വകുപ്പ് സെക്രട്ടറിമാരും യോഗത്തിൽ പങ്കെടുക്കും.

വിശേഷതകൾ:

• കാബിനറ്റ് അംഗമല്ലാത്ത ഇലോൺ മസ്‌ക്കും യോഗത്തിൽ സംബന്ധിക്കുമെന്ന് വൈറ്റ് ഹൗസ് അറിയിച്ചു.
• മസ്‌കുമായി അഭിപ്രായ വ്യത്യാസം മൂലം ഡോജിൽ നിന്നുള്ള 21 ഉദ്യോഗസ്ഥർ രാജിവെച്ചതായി റിപ്പോർട്ടുകൾ.

യുക്രെയ്ൻ-അമേരിക്ക ധാതു കരാറും ട്രംപിന്റെ കാബിനറ്റ് യോഗവും വൻ രാഷ്ട്രീയ നിർണയങ്ങൾക്കിടയാക്കിയേക്കുമെന്നാണ് രാഷ്ട്രീയ നിരീക്ഷകരുടെ വിലയിരുത്തൽ.

വത്തിക്കാൻ സിറ്റി: ഫ്രാൻസിസ് മാർപാപ്പയുടെ ആരോഗ്യനില ഇപ്പോഴും അതീവ ഗുരുതരമാണെന്ന് വത്തിക്കാന്റെ മെഡിക്കൽ ബുള്ളറ്റിൻ. ഇന്നലത്തേതിനെക്കാൾ സ്ഥിതി വഷളായതായി വത്തിക്കാൻ അധികൃതർ അറിയിച്ചു.

ഇന്ന് രാവിലെയോടെ മാർപാപ്പയ്ക്ക് ശ്വാസതടസം അനുഭവപ്പെട്ടതിനെ തുടർന്ന്, അധിക ഓക്സിജൻ നൽകേണ്ടി വന്നുവെന്ന് മെഡിക്കൽ റിപ്പോർട്ട് വ്യക്തമാക്കുന്നു. അണുബാധ മൂലമുണ്ടായ വിളർച്ചയുടെ ഭാഗമായി പ്ലേറ്റ്‌ലെറ്റ് എണ്ണ കുറയുന്നതായും, ഇത് തുടർ നിരീക്ഷണത്തിന്റെയും പ്രത്യേക ചികിത്സയുടെയും ആവശ്യകത ഉയർത്തുന്നതായും വത്തിക്കാൻ വിശദീകരിച്ചു.

മുൻപത്തെ റിപ്പോർട്ടുകൾ പ്രകാരം, മാർപാപ്പയ്ക്ക് രണ്ട് ശ്വാസകോശങ്ങളിലും ഗുരുതരമായ ന്യുമോണിയ ബാധയുണ്ടായിരുന്നു. ആന്റിബയോട്ടിക് ചികിത്സ തുടരുകയാണെന്നും അണുബാധയിൽ നേരിയ കുറവ് വന്നെങ്കിലും ഇപ്പോഴും അപകടനില തരണം ചെയ്തിട്ടില്ലെന്നും വത്തിക്കാൻ അറിയിച്ചിട്ടുണ്ട്.

ഇറ്റാലിയൻ പ്രധാനമന്ത്രി ജോർജിയ മെലോനി കഴിഞ്ഞ ദിവസം ഫ്രാൻസിസ് മാർപാപ്പയെ സന്ദർശിച്ചു.

ടെഹ്റാൻ: യമനിൽ ജീവപര്യന്തം തടവുശിക്ഷ അനുഭവിക്കുന്ന നിമിഷ പ്രിയയുടെ മോചനം സംബന്ധിച്ച് ഇടപെടൽ നടക്കുന്നുണ്ടെന്ന് വിദേശകാര്യമന്ത്രി എസ്. ജയശങ്കർ അറിയിച്ചു. ഇക്കാര്യം സംബന്ധിച്ച് ഇറാൻ ഇന്ത്യൻ സർക്കാരിന് ഉറപ്പ് നൽകിയതായി മന്ത്രി വ്യക്തമാക്കി. യെമൻ അധികൃതരുമായി ചർച്ചകൾ പുരോഗമിക്കുകയാണെന്നും വിഷയം ഗൗരവമായി സമീപിക്കുന്നുവെന്നുമാണ് അറിയിച്ചിരിക്കുന്നത്.

ഇക്കാര്യത്തിൽ നിമിഷ പ്രിയയുടെ കുടുംബവും വിവിധ മനുഷ്യാവകാശ സംഘടനകളും കേന്ദ്ര സർക്കാരിനോട് ശക്തമായ അഭ്യർത്ഥന മുന്നോട്ടുവച്ചിരുന്നു. സാഹചര്യങ്ങൾ അനുകൂലമാകുന്നതിനായി നയതന്ത്രമായ ഇടപെടലുകൾ തുടരുമെന്ന് മന്ത്രാലയം വ്യക്തമാക്കി.. ഈ വിഷയത്തിൽ യെമനുമായുള്ള ചർച്ചകൾ പുരോഗമിക്കുകയാണെന്ന് ഇറാൻ വിദേശകാര്യ മന്ത്രി സെയ്ദ് അബ്ബാസ് അറിയിച്ചു. നേരത്തെ, ഇറാൻ ഇടപെടുമെന്ന് സംബന്ധിച്ച സ്ഥിരീകരിക്കാത്ത റിപ്പോർട്ടുകൾ വന്നിരുന്നു. എന്നാൽ, നിമിഷ പ്രിയയുടെ മാത്രമല്ല, മറ്റു ചില തടവുകാർക്കും മോചനം ലഭ്യമാക്കാനുള്ള ശ്രമങ്ങൾ തുടരുകയാണെന്ന് അദ്ദേഹം അറിയിച്ചു.

നിമിഷ പ്രിയയുടെ മോചനം കഴിഞ്ഞ ദിവസം രാജ്യസഭയിൽ ചർച്ചയായി. രാജ്യസഭയിൽ ജോൺ ബ്രിട്ടാസ് എംപി വിഷയത്തെ ഉന്നയിച്ചപ്പോൾ, കൊല്ലപ്പെട്ടയാളുടെ കുടുംബത്തിന് വിദേശകാര്യമന്ത്രാലയത്തിന്റെ അക്കൗണ്ടിലൂടെ 40,000 ഡോളർ കൈമാറിയതായി കേന്ദ്രമന്ത്രി കീർത്തിവർധൻ സിംഗ് അറിയിച്ചു.

ഇനിയുള്ള നടപടികൾക്കായി നിമിഷ പ്രിയയുടെ കുടുംബവും കൊല്ലപ്പെട്ടയാളുടെ കുടുംബവും തമ്മിൽ ചർച്ച നടത്തിക്കൊണ്ടിരിക്കുകയാണ്. നിമിഷ പ്രിയയുടെ അമ്മക്ക് യെമനിലേക്ക് പോകാൻ സൗകര്യം ഒരുക്കിയതായും, ചർച്ചയ്ക്ക് പവർ ഓഫ് അറ്റോണി നൽകിയതായും വിദേശകാര്യമന്ത്രി അറിയിച്ചു. കൂടാതെ, ഒരു അഭിഭാഷകന്റെ സഹായം ഉറപ്പാക്കാൻ വിദേശകാര്യമന്ത്രാലയം ഫണ്ട് വിനിയോഗിച്ചിട്ടുണ്ടെന്നും ബ്ലഡ് മണിയുടെ ഒരു ഘടകം യെമനിൽ എത്തിക്കുന്നതിലും സഹായം നൽകിയതായും മന്ത്രി വ്യക്തമാക്കി.

2017 ജൂലൈയിൽ അറസ്റ്റിലായ നിമിഷ പ്രിയയ്ക്ക് 2020ൽ വധശിക്ഷ വിധിച്ചിരുന്നു. അതിന് ശേഷം നൽകിയ എല്ലാ അപ്പീലുകളും തള്ളിയതോടെയാണ്, യെമൻ പ്രസിഡന്റ് വധശിക്ഷ ശരിവച്ചെന്ന റിപ്പോർട്ടുകൾ പുറത്തുവന്നത്. മോചനം സാധ്യമാക്കാൻ ഇരുപക്ഷത്തിനും തമ്മിലുള്ള ചർച്ച വിജയകരമാകേണ്ടതുണ്ടെന്നും വിദേശകാര്യ മന്ത്രി വ്യക്തമാക്കി.