ഇന്‍സ്റ്റഗ്രാം റീലുകള്‍ സുഹൃത്തുക്കളുമായും കുടുംബാംഗങ്ങളുമായും നിങ്ങളുടെ പ്രിയപ്പെട്ടവരുമായും ചിലപ്പോള്‍ പങ്കിടാന്‍ തോന്നും. ചിലപ്പോള്‍ ഡൗണ്‍ലോഡ് ചെയ്ത് സൂക്ഷിക്കാന്‍ ഒരു ആഗ്രഹവും നിങ്ങള്‍ക്ക് തോന്നിയേക്കാം. എന്നാല്‍ ഇന്‍സ്റ്റാഗ്രാമില്‍ അതിനൊരു ഓപ്ഷന്‍ ഇല്ല. എന്നാല്‍ നിങ്ങള്‍ ഒരു ആന്‍ഡ്രോയിഡ് ഉപയോക്താവ് ആണെങ്കില്‍, ഇന്‍സ്റ്റാഗ്രാം വീഡിയോകള്‍ ഡൗണ്‍ലോഡ് ചെയ്യാന്‍ സഹായിക്കുന്ന നിരവധി തേര്‍ഡ് പാര്‍ട്ടി ആപ്പുകള്‍ നിങ്ങള്‍ക്ക് പ്ലെസ്റ്റോറില്‍ കാണാന്‍ കഴിഞ്ഞേക്കും. ഇന്‍സ്റ്റാഗ്രാം യൂസര്‍ നെയിമും പാസ്വേഡും ഉപയോഗിച്ച് അതുവഴി ലോഗിന്‍ ചെയ്ത് ഡൗണ്‍ലോഡ് ചെയ്യാന്‍ ഒക്കെ സാധിക്കും. എന്നാല്‍ ഇത് എത്ര സുരക്ഷിതമാണെന്ന ചിന്ത പലര്‍ക്കും ഉണ്ടാകും. അതുകൊണ്ട് തന്നെ പലരും അത്തരം ആപ്പുകള്‍ ഉപയോഗിക്കാറില്ല. അങ്ങനെയുള്ളവര്‍ക്ക് ഉപയോഗിക്കാവുന്ന ഒരു ഓണ്‍ലൈന്‍ ഡൗണ്‍ലോഡിങ്ങ് വെബ്സൈറ്റാണ് ഐഗ്രാം.
നിങ്ങളുടെ അക്കൗണ്ടിലേക്ക് ലോഗിന്‍ ചെയ്യാതെ തന്നെ റീലുകള്‍ ഡൗണ്‍ലോഡ് ചെയ്യാന്‍ ഈ വെബ്‌സൈറ്റിലൂടെ സാധിക്കും. അത് എങ്ങനെയാണെന്ന് നോക്കാം.
ഘട്ടം 1: നിങ്ങള്‍ ഡൗണ്‍ലോഡ് ചെയ്യാന്‍ ആഗ്രഹിക്കുന്ന റീലിന്റെ ലിങ്ക് എടുക്കുക
നിങ്ങള്‍ക്ക് ഡൗണ്‍ലോഡ് ചെയ്യാന്‍ആഗ്രഹിക്കുന്ന റീല്‍ എടുത്ത്, അതിന്റെ ലിങ്ക്/യുആര്‍എല്‍ പകര്‍ത്തുക. റീല്‍ വീഡിയോയിലെ ത്രീ-ഡോട്ട് മെനു ടാപ്പ്‌ചെയ്താല്‍ ‘കോപ്പി ലിങ്ക്’ (copy link) ഓപ്ഷന്‍ കാണാന്‍ കഴിയും. താഴെ വലതുവശത്താണ് ത്രീ-ഡോട്ട് മെനു കാണാനാവുക.
ഘട്ടം 2: ഐഗ്രാം വെബ്സൈറ്റിലേക്ക് (iGram) പോയി ലിങ്ക് പേസ്റ്റ് ചെയ്യുക.
ഐഗ്രാം തുറക്കുമ്‌ബോള്‍ തന്നെ ലിങ്ക് പേസ്‌റ് ചെയ്യാനുള്ള ഒരു ഭാഗം കാണാന്‍ കഴിയും അവിടെ ലിങ്ക് നല്‍കാം.
ഘട്ടം 3: നിങ്ങളുടെ വീഡിയോ ഡൗണ്‍ലോഡ് ചെയ്യുക
നിങ്ങള്‍ പകര്‍ത്തിയ ലിങ്ക് പേസ്റ്റ് ചെയ്തു കഴിഞ്ഞാല്‍, വശത്തുള്ള ഡൗണ്‍ലോഡ് ബട്ടണില്‍ അമര്‍ത്തുക, റീലിന്റെ ഒരു പ്രിവ്യൂ അപ്പോള്‍ കാണാനാവും. അതിന് താഴെയുള്ള ‘ഡൗണ്‍ലോഡ് mp4’ എന്ന ബട്ടണില്‍ ടാപ്പ് ചെയ്ത് ഡൗണ്‍ലോഡ് ചെയ്യാം.
ഓണ്‍ലൈനില്‍ ഐഗ്രാം കൂടാതെ, ഇന്‍സ്റ്റാഫിന്‍സ്റ്റ (instafinsta), സ്‌നാപ്പ്ഇന്‍സ്റ്റ (Snapinsta) തുടങ്ങി അക്കൗണ്ട് ലോഗിന്‍ ചെയ്യേണ്ടത മറ്റു വെബ്സൈറ്റുകളും ഉണ്ട്. അവയും ഉപയോഗിക്കാവുന്നതാണ്.