വാട്സ്ആപ്പിലെ സ്റ്റാറ്റസ് റിയാക്ഷനെ കുറിച്ച് അറിഞ്ഞില്ലേ?
വാട്സ്ആപ്പ് മെസേജ് റിയാക്ഷനുകള്ക്ക് പിന്നാലെ സ്റ്റാറ്റസുകള്ക്ക് റിയാക്ഷന് ഇമോജികള് അയക്കാനുള്ള ഓപ്ഷനാണ് ആന്ഡ്രോയിഡ്, ഐഒഎസ് ഉപയോക്താക്കള്ക്കായി കമ്പനി കൊണ്ടുവന്നിരിക്കുന്നത്.
അതേസമയം, നിലവില് തിരഞ്ഞെടുക്കാന് എട്ട് ഇമോജി ഓപ്ഷനുകള് മാത്രമാണുള്ളത്. എന്നാല്, മെസ്സേജ് റിയാക്ഷനില് നിലവിലുള്ളത് പോലെ, ഭാവിയില് ഇഷ്ടമുള്ള ഇമോജികള് അയക്കാനുള്ള ഫീച്ചര് കൂടി സ്റ്റാറ്റസ് റിയാക്ഷനിലേക്ക് എത്തിയേക്കാം. ഫീച്ചര് ഇപ്പോള് യൂസര്മാര്ക്ക് ലഭിച്ചു തുടങ്ങിയിട്ടുണ്ട്.
ഇതിനു പുറമെ ‘കോള് ലിങ്ക്സ്’ എന്ന ഫീച്ചറും വാട്ട്സ്ആപ്പ് അവതരിപ്പിച്ചിട്ടുണ്ട്. ഗൂഗിള് മീറ്റിലും സൂമിലും ചെയ്യുന്നത് പോലെ ഗ്രൂപ്പ് കോളുകളിലേക്കുള്ള ലിങ്കുകള് സൃഷ്ടിക്കാന് ഉപയോക്താക്കളെ അനുവദിക്കുന്നതാണ് ഈ സവിശേഷത. അതുവഴി ആളുകള്ക്ക് എളുപ്പത്തില് ഗ്രൂപ്പ് കോളുകളില് ചേരാനാകും.