International (Page 213)

റോം: മലയാളി നീന്തല്‍ താരം സജന്‍ പ്രകാശ് 200 മീറ്റര്‍ ബട്ടര്‍ഫ്‌ലൈ ഇനത്തില്‍ ടോക്യോ ഒളിമ്പിക്‌സില്‍ മത്സരിക്കും. ഒളിമ്പിക്‌സിലേക്ക് യോഗ്യക നേടുന്ന ആദ്യ ഇന്ത്യന്‍ നീന്തല്‍താരമാണ് സജന്‍. റോമില്‍ നടന്ന യോഗ്യതാ ചാമ്പ്യന്‍ഷിപ്പില്‍ ഒന്നാമത്തെതിയാണ് ഇരുപത്തിയഴുകാരനായ സജന്‍ എ വിഭാഗക്കാരനായത്.

നേരിട്ട് ഒളിമ്പിക്‌സിന് യോഗ്യത നേടുന്നതിന് 1:56.48 സെക്കന്‍ഡായിരുന്നു വേണ്ടതെങ്കില്‍ 1:56:38 സെക്കന്‍ഡിലാണ് സജന്‍ ഒന്നാമതായി ഫിനിഷ് ചെയ്തത്. നേരത്തെ ബെല്‍ഗ്രേഡില്‍ നടന്ന ചാമ്പ്യന്‍ഷിപ്പില്‍ സജന്‍ സ്വര്‍ണം നേടിയിരുന്നെങ്കിലും എ വിഭാഗത്തില്‍ ഒളിമ്പിക്‌സിന് നേരിട്ട് യോഗ്യത ഉറപ്പാക്കാനായിരുന്നില്ല.

തായ്പെ: ചൈനയും തായ്‌വാനും തമ്മിലുള്ള സംഘർഷം യുദ്ധസാഹചര്യത്തിലേക്ക് നീങ്ങുന്നതായി റിപ്പോർട്ട്. ചൈനയ്‌ക്കെതിരെ സൈനിക നടപടിയ്ക്കായി സജ്ജമാകാനൊരുങ്ങുകയാണ് തായ്‌വാനെന്നാണ് വിവരം. ചൈനയുടെ ഇടപെടൽ വർധിച്ചു വരുന്ന സാഹചര്യത്തിലാണ് സൈനിക നടപടിക്കായി സജ്ജമാകണമെന്ന് തായ്‌വാൻ വിദേശകാര്യമന്ത്രി ജോസഫ് വു ആഹ്വാനം ചെയ്യുന്നത്.

തായ്‌വാൻ ചൈനയുടെ ഭാഗമാണെന്ന നിലപാടാണ് ചൈനയ്ക്ക്. എന്നാൽ തങ്ങൾ ഒരു സ്വതന്ത്രരാഷ്ട്രമാണെന്നാണ് തായ്‌വാൻ ഭരണകൂടം വ്യക്തമാക്കുന്നത്. തായ്‌വാന്റെ വ്യോമമേഖലയിലേക്ക് ചൈന കഴിഞ്ഞ ദിവസം യുദ്ധവിമാനങ്ങൾ പറത്തിയിരുന്നു. ഫൈറ്റർ ജെറ്റുകളും ബോംബർ വിമാനങ്ങളും ഉൾപ്പെടെ 28 യുദ്ധവിമാനങ്ങളാണ് ചൈന തായ്‌വാനിൽ പറത്തിയത്. ഇനിയും ഇത്തരം അതിക്രമങ്ങൾ തുടരാൻ ചൈനയെ അനുവദിക്കില്ലെന്നും യുദ്ധത്തിന് സജ്ജരാകണമെന്നുമാണ് ജോസഫ് വു അറിയിച്ചിരിക്കുന്നത്.

1949 ലെ ആഭ്യന്തര യുദ്ധത്തിന് ശേഷമാണ് തായ്‌വാൻ സ്വതന്ത്ര രാജ്യമായത്. എന്നാൽ ചൈന ഇത് ഇതുവരെ അംഗീകരിക്കാൻ തയ്യാറായിട്ടില്ല. കഴിഞ്ഞ ആഴ്ച്ച തായ്‌വാൻ കോവിഡ് വാക്‌സിൻ സ്വീകരിച്ചത് യുഎസിൽ നിന്നാണ്. ചൈന വാക്‌സിൻ കൊടുക്കാൻ തയ്യാറായെങ്കിലും അത് നിരസിച്ചു കൊണ്ടാണ് തായ്‌വാൻ അമേരിക്കയിൽ നിന്നും വാക്‌സിൻ വാങ്ങിയത്. ഇത് ചൈനയെ പ്രകോപിതരാക്കിയെന്നാണ് റിപ്പോർട്ട്.

മോസ്‌കോ: ഇനിയും സമുദ്രാതിര്‍ത്തി ലംഘിച്ച് ബ്രിട്ടീഷ് കപ്പലുകള്‍ എത്തിയാല്‍ അവയെ ബോംബിട്ട് തകര്‍ക്കുമെന്ന് റഷ്യ. റഷ്യയുടെ ക്രിമിയ എന്ന പ്രദേശത്ത് ബ്രിട്ടീഷ് കപ്പലുകള്‍ എത്തിയതാണ് റഷ്യയെ ചൊടിപ്പിച്ചത്.

എന്നാല്‍ ക്രിമിയ റഷ്യയുടേതാണെന്ന അവകാശവാദത്തെ ബ്രിട്ടന്‍ ഉള്‍പ്പെടെയുള്ള ഭൂരിഭാഗം ലോകരാഷ്ട്രങ്ങളും അംഗീകരിച്ചുകൊടുത്തിട്ടില്ല. റഷ്യയുടെ ബ്രിട്ടീഷ് അംബാസഡറിനെ മോസ്‌കോയിലേക്ക് വിളിച്ചുവരുത്തിയാണ് അധികൃതര്‍ തങ്ങളുടെ പ്രതിഷേധം അറിയിച്ചത്.

ക്രിമിയന്‍ തീരത്തിന് അടുത്തെത്തിയ ബ്രിട്ടന്റെ ഡിഫെന്‍ഡര്‍ എന്ന പടകപ്പലിനു നേരേ വെടിവയ്‌പ്പോ ബോംബിംഗോ ഒന്നും തന്നെ ഉണ്ടായിട്ടില്ലെന്ന് ബ്രിട്ടന്‍ അറിയിച്ചു. ഈ മേഖല വര്‍ഷങ്ങളായി റഷ്യയും മറ്റ് ലോകരാഷ്ട്രങ്ങളായ ബ്രിട്ടന്‍, തുര്‍ക്കി, അമേരിക്ക, ഫ്രാന്‍സ് എന്നിവയുമായുള്ള തര്‍ക്കത്തിനു കാരണമായി നിലനില്‍ക്കുന്ന പ്രദേശമാണ്.