International (Page 163)

ദുബായ്: യുഎഇയ്ക്കാവശ്യമായ സുരക്ഷാ സംവിധാനങ്ങളൊരുക്കാൻ തയ്യാറാണെന്ന് വ്യക്തമാക്കി ഇസ്രായേൽ. അബുദാബിയിലെ ഹൂതി ആക്രമണത്തിന്റെ പശ്ചാത്തലത്തിലാണ് നടപടി. യുഎഇക്കാവശ്യമായ സുരക്ഷാ സംവിധാനങ്ങളും ഇന്റലിജൻസ് സഹായവും ലഭ്യമാക്കാൻ തങ്ങൾ ഒരുക്കമാണെന്ന് ഇസ്രായേൽ അറിയിച്ചു. ഭാവിയിൽ ഇത്തരം ഡ്രോൺ ആക്രമണങ്ങളെ പ്രതിരോധിക്കുന്നതിനുള്ള സംവിധാനം ഒരുക്കാമെന്നാണ് ഇസ്രായേൽ പറയുന്നത്. അബുദാബിയ്ക്ക് നേരെയുണ്ടായ ആക്രമണത്തെ ഭീകരാക്രമണം എന്നാണ് ഇസ്രായേൽ പ്രധാനന്ത്രി നാഫ്തലി ബെനെറ്റ് പറഞ്ഞത്. ആക്രമണത്തെ അദ്ദേഹം ശക്തമായി അപലപിക്കുകയും ചെയ്തു.

ആക്രമണത്തെ അപലപിച്ചും കൊല്ലപ്പെട്ടവർക്ക് അനുശോചനം രേഖപ്പെടുത്തിയും ഇസ്രായേൽ പ്രധാന മന്ത്രി നാഫ്തലി ബെന്നെറ്റ്, അബുദാബി കിരീടാവകാശിയും യുഎഇ സായുധ സേനാ ഡെപ്യൂട്ടി സുപ്രിം കമാന്ററുമായ ശൈഖ് മുഹമ്മദ് ബിൻ സായിദ് അൽ നഹ്യാന് കത്തയിച്ചിരുന്നു. രാജ്യത്തിലെ പൗരൻമാരെ ഇത്തരം ആക്രമണങ്ങളിൽ നിന്ന് രക്ഷിക്കാനുള്ള സുരക്ഷാ, ഇന്റലിജൻസ് സഹായങ്ങൾ നൽകാൻ തങ്ങൾ ഒപ്പമുണ്ടാവുമെന്ന് അദ്ദേഹം കത്തിൽ വ്യക്തമാക്കിയിട്ടുള്ളത്. യുഎഇക്ക് താൽപര്യമുണ്ടെങ്കിൽ ഇതുമായി ബന്ധപ്പെട്ട എന്തു സഹായവും നൽകാൻ തന്റെ സൈനിക ഏജൻസികളോട് നിർദ്ദേശിച്ചിട്ടുണ്ടെന്നും അദ്ദേഹം കത്തിൽ പറയുന്നു.

തിങ്കളാഴ്ച്ചയാണ് അബുദാബിയിലെ മൂന്ന് ടാങ്കർ ട്രക്കുകൾക്ക് നേരെ ഹൂതി ആക്രമണം ഉണ്ടായത്. ആക്രമണത്തിൽ രണ്ടു ഇന്ത്യക്കാരുൾപ്പെടെ മൂന്ന് പേർ കൊല്ലപ്പെട്ടു. നിരവധി ഡ്രോൺ വിമാനങ്ങളും അഞ്ച് ബീലിസ്റ്റിക് മിസൈലുകളും ഉപയോഗിച്ചാണ് തങ്ങൾ ആക്രമണം നടത്തിയതെന്നാണ് ഹൂതികൾ വ്യക്തമാക്കിയത്. ആക്രമണത്തെ ലോക രാജ്യങ്ങൾ ശക്തമായി അപലപിച്ചിരുന്നു.

ഹൂസ്റ്റൻ: യുക്രെയ്‌നിലെ സർക്കാർ, സ്വകാര്യ കംപ്യൂട്ടർ നെറ്റ്‌വർക്കുകളിൽ വിനാശകരമായ മാൽവെയറുകൾ വ്യാപിക്കുന്നുവെന്ന് കണ്ടെത്തി മൈക്രോസോഫ്റ്റ്. കൂടുതൽ സൈബർ ആക്രമണത്തിന് സാധ്യതയുണ്ടെന്നാണ് മൈക്രോസോഫ്റ്റ് നൽകുന്ന മുന്നറിയിപ്പ്. യുക്രെയ്‌നിലെ സർക്കാർ ഏജൻസികളുടെ വെബ്‌സൈറ്റുകളിൽ മാൽവെയർ വ്യാപിക്കുന്നതായി മൈക്രോസോഫ്റ്റിന്റെ ആഗോള നെറ്റ്‌വർക്കുകൾ നിരീക്ഷിക്കുന്ന അന്വേഷകരാണ് കണ്ടെത്തിയത്.

റഷ്യയാണ് ഇതിന് പിന്നിലെന്നാണ് സംശയിക്കപ്പെടുന്നത്. യുക്രെയ്‌നിയൻ അതിർത്തിയിൽ റഷ്യൻ സൈന്യത്തെ വിന്യസിച്ചിരുന്നു. തുടർന്ന് അമേരിക്കയും നാറ്റോയും തമ്മിൽ കൂടുക്കാഴ്ച്ച നടത്തുകയും ചെയ്തിരുന്നു. റഷ്യൻ നയതന്ത്രജ്ഞർ ചർച്ചകൾ അവസാനിപ്പിച്ചതായി പ്രഖ്യാപിച്ച സമയത്താണ് മാൽവെയറുകൾ വിന്യസിക്കപ്പെട്ടിരിക്കുന്നത്. സൈബർ ആക്രമണത്തിനു പിന്നിലുള്ള സംഘത്തെ ഇതുവരെ തിരിച്ചറിഞ്ഞിട്ടില്ലെന്ന് മൈക്രോസോഫ്റ്റ് വ്യക്തമാക്കി. തങ്ങളുടെ അന്വേഷകർ മുമ്പ് കണ്ടിട്ടുള്ള ഒരു ആക്രമണകാരിയാണിതെന്ന് തോന്നുന്നില്ലെന്നും അധികൃതർ പറയുന്നു. എല്ലാ കംപ്യൂട്ടർ പ്രവർത്തനങ്ങളും ഡാറ്റയും മരവിപ്പിക്കുകയും പകരം പണം ആവശ്യപ്പെടുകയും ചെയ്യുന്ന മാൽവെയറുകളാണ് സ്ഥാപിക്കപ്പെട്ടിരിക്കുന്നത്. എന്നാൽ പണം സ്വീകരിക്കാനുള്ള അടിസ്ഥാന സൗകര്യങ്ങളൊന്നും കാണുന്നതുമില്ല. ഇതാണ് പണം സ്വരൂപിക്കുകയല്ല. പരമാവധി നാശനഷ്ടം വരുത്തുകയാണ് ലക്ഷ്യമെന്ന നിഗമനത്തിലേക്ക് എത്തിച്ചേരാൻ കാരണമായത്.

അതേസമയം റഷ്യ അതിർത്തിയിൽ പ്രവർത്തനങ്ങൾ കൂടുതൽ സജീവമാക്കിയതായും റിപ്പോർട്ടുകളുണ്ട്. ഉക്രെയിൻ അതിർത്തിയിൽ റഷ്യ സൈന്യവിന്യാസം നടത്തിയതുമായി ബന്ധപ്പെട്ട് അമേരിക്കയും റഷ്യയും തമ്മിൽ നടന്ന ചർച്ചകൾ പരാജയപ്പെട്ടതോടെയാണ് റഷ്യയുടെ പുതിയ നീക്കം. സ്വന്തം സൈന്യത്തിനെതിരായി തന്നെ റഷ്യ ആക്രമണം അഴിച്ചുവിട്ടേക്കുമെന്ന് നേരത്തെ അമേരിക്കൻ രഹസ്യാന്വേഷണ കേന്ദ്രങ്ങൾ അറിയിച്ചിരുന്നു. ഉക്രെയിൻ ആക്രമിക്കുന്നതിനുള്ള ഒരു കാരണം കണ്ടെത്താനായാണ് റഷ്യ ഇത്തരമൊരു വ്യാജ ഏറ്റുമുട്ടൽ നടത്തുന്നതെന്നും അമേരിക്ക അറിയിച്ചിട്ടുണ്ട്. ഉക്രെയിനിനെ ഒരു ആക്രമണകാരിയായി ചിത്രീകരിക്കാൻ ലക്ഷ്യം വെച്ച് സാമൂഹ്യ മാദ്ധ്യമങ്ങളിലൂടെ റഷ്യ വ്യാജപ്രചാരണവും നടത്തുന്നുണ്ട്.

വാഷിംഗ്ടൺ: ഹൈബ്രിഡ് വാഹനങ്ങൾക്ക് തീപിടിത്തം മൂലം അപകടം സംഭവിക്കാനുള്ള സാധ്യത കൂടുതലാണെന്ന് പഠന റിപ്പോർട്ട്. ഇലക്ട്രിക് വാഹനങ്ങൾക്ക് തീപിടിക്കാനുള്ള ഏറ്റവും കുറഞ്ഞ അപകടസാധ്യതയാണ് ഉള്ളതെന്നും പഠന റിപ്പോർട്ടിൽ വ്യക്തമാക്കുന്നു. ഓട്ടോ ഇൻഷുറൻസ് ഇസെഡാണ് പഠനം നടത്തിയത്. നാഷണൽ ട്രാൻസ്പോർട്ടേഷൻ സേഫ്റ്റി ബോർഡ്, ബ്യൂറോ ഓഫ് ട്രാൻസ്പോർട്ടേഷൻ സ്റ്റാറ്റിസ്റ്റിക്സ്, വാഹനങ്ങൾ തിരിച്ചുവിളിക്കൽ തുടങ്ങിയവരിൽ നിന്നാണ് പഠനത്തിന് ആവശ്യമായ വിവരങ്ങൾ ശേഖരിച്ചത്.

അമേരിക്കയിൽ കഴിഞ്ഞ വർഷം 52 ഇലക്ട്രിക് വാഹനങ്ങൾക്കാണ് തീപിടിച്ചതെന്ന് പഠനത്തിൽ പറയുന്നു. 16,051 ഹൈബ്രിഡ് വാഹനങ്ങൾക്ക് തീപിടിച്ചതായും 199,533 ആന്തരിക ജ്വലന എഞ്ചിൻ പ്രവർത്തിക്കുന്ന വാഹനങ്ങൾക്ക് തീപിടിച്ചതായും പഠനത്തിൽ ചൂണ്ടിക്കാട്ടുന്നുണ്ട്. വിറ്റഴിക്കപ്പെടുന്ന ഒരു ലക്ഷം യൂണിറ്റിലെ വാഹനത്തിന് തീപിടിച്ച സംഭവങ്ങളെ പഠനം താരതമ്യം ചെയ്യുന്നുണ്ട്. ഇലക്ട്രിക് വാഹനങ്ങളിൽ ഒരു ലക്ഷം വാഹനങ്ങൾക്ക് 25.1 മാത്രമാണ് നിരക്ക്. 1,529.9 ആണ് ആന്തരിക ജ്വലന എഞ്ചിൻ വാഹനങ്ങളുടെ തീപിടുത്ത നിരക്ക്. ഇത് ഹൈബ്രിഡ് വാഹനങ്ങളുടെ നിരക്ക് 3,474.5 ആണ്.

അതേസമയം വാഹന നിർമ്മാതാക്കളുടെ തിരിച്ചുവിളി പ്രഖ്യാപനങ്ങൾ ഹൈബ്രിഡ്, ആന്തരിക ജ്വലന എഞ്ചിൻ ഉപയോഗിച്ച് പ്രവർത്തിക്കുന്ന വാഹനങ്ങളെ അപേക്ഷിച്ച് വൈദ്യുത വാഹനങ്ങൾക്ക് തീ പിടിക്കാനുള്ള സാധ്യത വളരെ കുറവാണെന്ന കണ്ടെത്തലിനെ പിന്തുണയ്ക്കുന്നതാണ് താണ്. ജ്വലന വാഹനങ്ങളാണ് കൂടുതലായും തിരിച്ചു വിളിക്കുന്നത്. ആഡംബര കാർ നിർമ്മാതാക്കളായ മെഴ്സിഡസ്-ബെൻസ് തങ്ങളുടെ തിരഞ്ഞെടുത്ത വാഹനങ്ങളിലെ സാങ്കേതിക തകരാർ മൂലം തീപിടുത്തമുണ്ടാകാൻ സാധ്യതയുള്ളതായി ഉടമകളെ അറിയിച്ചതായുള്ള റിപ്പോർട്ടുകൾ പുറത്തു വന്നിരുന്നു. ആവശ്യമായ ഭാഗങ്ങൾ ലഭ്യമല്ലാത്തതിനാൽ ഈ പ്രശ്‌നം പരിഹരിക്കാനുള്ള ഒരു തിരിച്ചുവിളിക്കൽ ഇപ്പോൾ സാധ്യമല്ലെന്നും തകരാർ സംശയിക്കപ്പെടുന്ന വാഹനങ്ങളുടെ ഉടമകൾക്ക് ജാഗ്രതാ നിർദ്ദേശം നൽകിയിട്ടുണ്ടെന്നും റിപ്പോർട്ടുകളുണ്ട്.

മോസ്‌കോ: റഷ്യ അതിർത്തിയിൽ പ്രവർത്തനങ്ങൾ കൂടുതൽ സജീവമാക്കിയതായി റിപ്പോർട്ട്. ഉക്രെയിൻ അതിർത്തിയിൽ റഷ്യ സൈന്യവിന്യാസം നടത്തിയതുമായി ബന്ധപ്പെട്ട് അമേരിക്കയും റഷ്യയും തമ്മിൽ നടന്ന ചർച്ചകൾ പരാജയപ്പെട്ടതോടെയാണ് റഷ്യയുടെ പുതിയ നീക്കം. സ്വന്തം സൈന്യത്തിനെതിരായി തന്നെ റഷ്യ ആക്രമണം അഴിച്ചുവിട്ടേക്കുമെന്നാണ് അമേരിക്കൻ രഹസ്യാന്വേഷണ കേന്ദ്രങ്ങൾ അറിയിച്ചത്. ഉക്രെയിൻ ആക്രമിക്കുന്നതിനുള്ള ഒരു കാരണം കണ്ടെത്താനായാണ് റഷ്യ ഇത്തരമൊരു വ്യാജ ഏറ്റുമുട്ടൽ നടത്തുന്നത്.

ഉക്രെയിനിനെ ഒരു ആക്രമണകാരിയായി ചിത്രീകരിക്കാൻ ലക്ഷ്യം വെച്ച് സാമൂഹ്യ മാദ്ധ്യമങ്ങളിലൂടെ റഷ്യ വ്യാജപ്രചാരണവും നടത്തുന്നുണ്ട്. അതിർത്തിയിൽ വിന്യസിച്ചിരിക്കുന്ന സൈന്യത്തിന്റെ തയ്യാറെടുപ്പുകൾ റഷ്യൻ സൈനിക മേധാവികൾ വിലയിരുത്തുന്നുണ്ട്. നഗര യുദ്ധമുറകളിലും അട്ടിമറികളിലും പ്രത്യേക പരിശീലനം നേടിയ ഒരു വിഭാഗംസൈനികരായിരിക്കും അതിർത്തിയിലെ സൈന്യത്തിനു നേരെ വ്യാജ ആക്രമണം അഴിച്ചുവിടുക എന്നതിന്റെ തെളിവുകൾ അമേരിക്കയുടെ കൈവശമുണ്ടെന്നാണ് അമേരിക്കയുടെ അവകാശവാദം. ഇതിനായി ഇതിനോടകം ഒരു സംഘത്തെ അമേരിക്ക തയ്യാറാക്കി നിർത്തുകയും ചെയ്തിട്ടുണ്ട്.

അതേസമയം തങ്ങൾ ഒരു പ്രകോപനത്തിന് തയ്യാറെടുക്കുകയാണെന്ന വാർത്ത റഷ്യൻ വക്താവ് നിഷേധിച്ചു. തികച്ചും വസ്തുതാവിരുദ്ധമായ കാര്യങ്ങളാണ് രഹസ്യാന്വേഷണ റിപ്പോർട്ട് എന്ന പേരിൽ പ്രചരിപ്പിക്കുന്നതെന്നാണ് റഷ്യ നൽകുന്ന വിശദീകരണം.