General (Page 1,426)

കന്യാകുമാരി: വിവേകാനന്ദസ്മാരകത്തിന്റെ നവീകരണ പ്രവർത്തനങ്ങൾ നടത്താനൊരുങ്ങി കേന്ദ്ര സർക്കാർ. വിവേകാനന്ദ സ്മാരകത്തിന്റെ 50 -ാം വാർഷികത്തോടനുബന്ധിച്ചാണ് കേന്ദ്ര സർക്കാരിന്റെ നടപടി. കന്യാകുമാരിയിലെ തിരുവള്ളുവർ പ്രതിമയിൽ നിന്ന് വിവേകാനന്ദപ്പാറയിലേക്ക് നടന്നുപോകുവാൻ സാധിക്കുന്ന കടൽപ്പാലം നിർമ്മിക്കാനാണ് സർക്കാർ പദ്ധതിയിടുന്നത്.

കേന്ദ്രസർക്കാരിന്റെ സാഗർമാല പദ്ധതിയുടെ ഭാഗമായാണ് കടൽപ്പാല നിർമ്മാണം. 37 കോടിയുടെ രുപയാണ് പദ്ധതി ചെലവ്. കേന്ദ്രസംസ്ഥാന സർക്കാരുകൾ നിർമ്മാണച്ചെലവിന്റെ അമ്പത് ശതമാനം വീതം വഹിക്കും.

തമിഴ്നാട് പൊതുമരാമത്ത് മന്ത്രി ഇ.വി. വേലുവാണ് ഇക്കാര്യം അറിയിച്ചത്. ടെണ്ടർ നടപടികൾ പൂർത്തിയായതിനുശേഷം ദേശീയപാതാ വിഭാഗം നിർമ്മാണപ്രവർത്തനങ്ങൾക്ക് തുടക്കമിടും. വിവേകാനന്ദസ്മാരകത്തോടുചേർന്നുള്ള ബോട്ട് ജെട്ടി പദ്ധതിയിൽപ്പെടുത്തി വിപുലപ്പെടുത്താനും തീരുമാനിച്ചിട്ടുണ്ട്. 20 കോടി രൂപ ഈ പദ്ധതിയ്ക്കായി വകയിരുത്തിയിട്ടുണ്ട്.

ന്യൂഡൽഹി: രാജ്യത്ത് 125 രൂപയുടെ നാണയം പുറത്തിറക്കി. പ്രധാനമന്ത്രി നരേന്ദ്ര മോദിയാണ് 125 രൂപയുടെ നാണയം അവതരിപ്പിച്ചത്. ഇസ്‌കോൺ എന്ന സ്ഥാപനത്തിന്റെ സ്ഥാപകനായ ശ്രീല ഭക്തിവേദാന്ത സ്വാമി പ്രഭുപാദരുടെ 125-ാം ജന്മവാർഷികത്തോടനുബന്ധിച്ചാണ് പ്രത്യേക നാണയം പുറത്തിറക്കിയത്. വീഡിയോ കോൺഫറൻസിലൂടെ നടന്ന ചടങ്ങിലാണ് നാണയം അവതരിപ്പിച്ചത്. രാജ്യത്തെ വിവിധ ഭാഗങ്ങളിലായി നൂറോളം ക്ഷേത്രങ്ങൾ സ്ഥാപിച്ച വ്യക്തിയാണ് ശ്രീല ഭക്തിവേദാന്ത സ്വാമി പ്രഭുപാദ. നിരവധി പുസ്തകങ്ങളും അദ്ദേഹം രചിച്ചിട്ടുണ്ട്.

ഹരേ കൃഷ്ണ പ്രസ്ഥാനം എന്നാണ് ഇന്റർനാഷണൽ സൊസൈറ്റി ഫോർ കൃഷ്ണ കോൺഷ്യസ്‌നെസ് (ഇസ്‌കോൺ) അറിയപ്പെടുന്നത്. 1896 സെപ്റ്റംബർ 1 ന് കൽക്കട്ടയിലാണ് ശ്രീല ഭക്തിവേദാന്ത സ്വാമി പ്രഭുപാദറിന്റെ ജനനം. ലോകമെമ്പാടുമുള്ളവരിലേക്ക് ശ്രീകൃഷ്ണ ഉപദേശങ്ങൾ എത്തിക്കുക എന്ന ലക്ഷ്യത്തോടെ ന്യൂയോർക്കിലെത്തിയ ശേഷമാണ് അദ്ദേഹം ഇസ്‌കോൺ ആരംഭിച്ചത്. ഭഗവദ് ഗീത ഉൾപ്പെടെ വിവിധ ഭാഷകളിൽ വിവർത്തനം ചെയ്തിട്ടുണ്ട്. 89 പുസ്തകങ്ങൾ വിവിധ ഭാഷകളിൽ അദ്ദേഹം വിവർത്തനം ചെയ്തിട്ടുണ്ട്.

നിർണായക സംഭാവനകൾ നൽകിയിട്ടുള്ള പ്രമുഖ വ്യക്തികളുടെ സ്മരണാർത്ഥമാണ് പ്രത്യേക നാണയങ്ങൾ പുറത്തിറക്കുന്നത്. മഹത് വ്യക്തികളോടുള്ള ആദരവ് അറിയിക്കാനാണ് കേന്ദ്രം നാണയങ്ങൾ പുറത്തിറക്കുന്നത്. പ്രത്യേക രൂപകൽപ്പനയുള്ള ഈ നാണയങ്ങൾ രാജ്യത്ത് മറ്റ് ആവശ്യങ്ങൾക്ക് ഉപയോഗിക്കാൻ കഴിയില്ല.

ന്യൂഡൽഹി: ആഗോള ജിഹാദ് പ്രഖ്യാപിച്ച് ഭീകരസംഘടന അൽഖ്വയ്ദ. ഇസ്ലാമിക പ്രദേശങ്ങളുടെ വിമോചനത്തിനായാണ് അൽഖ്വയ്ദ ആഗോള ജിഹാദ് പ്രഖ്യാപിച്ചത്. അൽഖ്വയ്ദയുടെ പട്ടികയിൽ കശ്മീരും ഉണ്ടെന്നാണ് വിവരം. അൽഖ്വയ്ദയുടെ പട്ടികയിൽ കശ്മീർ ഇടം നേടാൻ കാരണം പാകിസ്താനാണെന്നാണ് റിപ്പോർട്ട്. റഷ്യയിലെ ചെച്നിയ, ചൈനയിലെ ഷിൻജിയാംഗ് എന്നിവയെ ജിഹാദ് പട്ടികയിൽ നിന്ന് അൽഖ്വയ്ദ ഒഴിവാക്കിയിട്ടുണ്ട്. ഇതിന് പിന്നിൽ ആസൂത്രിത നീക്കമുണ്ടെന്നാണ് ഇന്ത്യ വ്യക്തമാക്കുന്നത്.

പാകിസ്താൻ ചാരസംഘടനയായ ഐ.എസ്.ഐയാണ് കശ്മീരിനെ താലിബാൻ പട്ടികയിൽ ഉൾപ്പെടുത്തിയതിന് പിന്നിലെ കാരണം. ലഷ്‌കർ ഇ ത്വയ്ബ, ജെയ്‌ഷെ മുഹമ്മദ് തുടങ്ങി പാകിസ്ഥാൻ ആസ്ഥാനമായുള്ള ഭീകര സംഘടനകൾക്ക് ഇന്ത്യയിൽ ആക്രമണം നടത്താൻ ഇതു കൂടുതൽ ആത്മവിശ്വാസം പകരുമെന്നാണ് കേന്ദ്ര സർക്കാർ പറയുന്നത്.

ഭീകരരെ പരിശീലിപ്പിക്കാനും പ്രവർത്തനങ്ങൾ ഏകോപിപ്പിക്കാനുമുള്ള പുതിയ താവളമായിട്ടാണ് അഫ്ഗാനിസ്താനെ പാകിസ്താൻ കാണുന്നതെന്നാണ് ഉന്നത് ഉദ്യോഗസ്ഥർ പറയുന്നത്. അൽഖ്വയ്ദ തലവൻ അയ്മൻ അൽ സവാഹിരി പാക്ക് നിയന്ത്രണത്തിലാണ് പ്രവർത്തിക്കുന്നതെന്ന് വ്യക്തമായതായും ഉദ്യോഗസ്ഥർ വിശദമാക്കുന്നു.

കെവാഡിയ: 2014 ൽ നരേന്ദ്ര മോദി സർക്കാർ അധികാരത്തിലെത്തിയതിനു ശേഷം രാജ്യത്ത് വലിയ ഭീകരാക്രമണങ്ങളൊന്നും നടന്നിട്ടില്ലെന്ന് പ്രതിരോധ മന്ത്രി രാജ്‌നാഥ് സിംഗ്. ബിജെപിയെ ഭീകരർക്ക് ഭയമാണെന്ന് അദ്ദേഹം വ്യക്തമാക്കി. ഗുജറാത്തിലെ കെവാഡിയയിൽ നടന്ന സംസ്ഥാന ബിജെപി പ്രവർത്തക സമിതി യോഗത്തിൽ സംസാരിക്കവെയായിരുന്നു അദ്ദേഹത്തിന്റെ പ്രതികരണം.

നരേന്ദ്ര മോദിയുടെ വരവിനു ശേഷം രാജ്യത്തിന്റെ ഒരു ഭാഗത്തും വലിയ ഭീകരാക്രമണം നടന്നിട്ടില്ല. ഇത് വലിയൊരു നേട്ടമാണ്. എന്തു സംഭവിച്ചാലും സർക്കാർ ഭീകരരെ വെറുതെ വിടില്ലെന്നും അദ്ദേഹം പറഞ്ഞു. സുരക്ഷിത താവളങ്ങളിൽപ്പോലും തങ്ങൾ സുരക്ഷിതരല്ലെന്ന് ഭീകരവാദികൾക്ക് ഇപ്പോൾ മനസ്സിലായി കഴിഞ്ഞു. രാജ്യത്തിനകത്ത് മാത്രമല്ല, വേണ്ടിവന്നാൽ അതിർത്തി കടന്നും ഭീകരവാദികളെ കൊല്ലുമെന്ന വ്യക്തമായ സന്ദേശമാണ് ഉറി ആക്രമണത്തിനു ശേഷം ഇന്ത്യ ലോകത്തിന് നൽകിയതെന്നും അദ്ദേഹം വിശദമാക്കി.

കോൺഗ്രസിനെതിരെയും രാഹുൽ ഗാന്ധിക്കെതിരെയും രാജ്‌നാഥ് സിംഗ് രൂക്ഷ വിമർശനം ഉന്നയിച്ചു. കോൺഗ്രസ് അനാവശ്യ പ്രശ്‌നങ്ങളുണ്ടാക്കിയിട്ടും രാജ്യത്ത് റഫാൽ വിമാനങ്ങൾ പറന്നിറങ്ങിയെന്നും എന്നാൽ രാഹുൽ ഗാന്ധിക്ക് ഇതുവരെ പറന്നുയരാൻ സാധിച്ചില്ലെന്നും അദ്ദേഹം വിമർശിച്ചു.