Career (Page 40)

On:

ഇടുക്കി: ക്ഷീരവികസന വകുപ്പ് മിൽക്ക് ഷെഡ് ഡെവലപ്പ്മെന്റ് പദ്ധതി നടപ്പാക്കുന്നതിന് വാത്തിക്കുടി, ഇടുക്കി, നെടുങ്കണ്ടം, കട്ടപ്പന ക്ഷീരവികസന യൂണിറ്റ് ഓഫീസുകളിൽ 10 മാസത്തേക്ക് കരാർ അടിസ്ഥാനത്തിൽ വിമൺ ക്യാറ്റിൽ കെയർ ഒഴിവിലേക്ക് നിയമനം നടത്തുന്നതിന് അതത് ക്ഷീരവികസന യൂണിറ്റ് പരിധിയിലെ വനിതകളിൽ നിന്നും അപേക്ഷ ക്ഷണിച്ചു. തിരഞ്ഞെടുക്കപ്പെടുന്നവർക്ക് പ്രതിമാസം 8000 രൂപ ഇൻസെന്റീവ് നൽകും. അപേക്ഷകൾ നിർദിഷ്ട മാതൃകയിൽ തയ്യാറാക്കി അതാത് യൂണിറ്റ് ഓഫീസിൽ സമർപ്പിക്കണം. അപേക്ഷകർ 18 നും 45 നും ഇടയിൽ പ്രായമുളളവരും കുറഞ്ഞത് 10ാം ക്ലാസ് വിജയിച്ചവരുമായിരിക്കണം. ക്ഷീരസഹകരണ സംഘങ്ങളിൽ അംഗങ്ങളായ വനിതകളായിരിക്കണം.

വിമൺ ക്യാറ്റിൽ കെയർ വർക്കറായി മുൻപ് സേവനം അനുഷ്ഠിച്ചവർക്ക് ആ സേവനകാലയളവ് പ്രായപരിധിയിൽ ഇളവ് അനുവദിക്കും. അപേക്ഷകർ എസ്എസ്എഎൽസി ബുക്കിന്റെ പകർപ്പ് (ആദ്യ പേജ്, മാർക്ക് ലിസ്റ്റ്) അപേക്ഷയോടൊപ്പം സമർപ്പിക്കണം. അഭിമുഖം തൊടുപുഴ സിവിൽ സ്റ്റേഷനിൽ മൂന്നാം നിലയിൽ പ്രവർത്തിക്കുന്ന ഇടുക്കി ക്ഷീരവികസന വകുപ്പ് ഡെപ്യൂട്ടി ഡയറക്ടറുടെ ഓഫീസിൽ വച്ച് ജൂലൈ 5 പകൽ 11 മണിക്ക് നടത്തും. ഇന്റർവ്യു സംബന്ധിച്ച് പ്രത്യേക അറിയിപ്പ് നൽകുന്നതല്ല. തിരഞ്ഞെടുക്കപ്പെടുന്നവർക്ക് ക്ഷീരപരിശീലന കേന്ദ്രത്തിൽ വച്ച് പരിശീലനം നൽകും. അപേക്ഷ സ്വീകരിക്കുന്ന അവസാന തീയതി ജൂലൈ 03 തിങ്കളാഴ്ച വൈകീട്ട് 5 മണി വരെ. കൂടുതൽ വിവരങ്ങൾക്ക് അതാത് ക്ഷീരവികസന ഓഫീസുമായി ബന്ധപ്പെടുക.

On:

ആലപ്പുഴ: ക്ഷീരവികസന യൂണിറ്റ് നടപ്പാക്കുന്ന തീറ്റപ്പുൽ കൃഷി വികസന പദ്ധതിയുടെ നടത്തിപ്പിനായി വെളിയനാട് യൂണിറ്റിലേക്ക് ഡയറി പ്രമോട്ടറെ താത്ക്കാലികമായി നിയമിക്കുന്നു. പത്താം ക്ലാസ് ജയിച്ചവർക്കാണ് അവസരം. പ്രായം: 18-50 വയസ്സ്. പ്രതിമാസം 8000 രുപ പ്രതിഫലം ലഭിക്കും.

വെളിയനാട് ക്ഷീര വികസന യൂണിറ്റ് ഓഫീസിൽ നിന്നും ലഭിക്കുന്ന അപേക്ഷ ഫോറം പൂരിപ്പിച്ച് യോഗ്യത സർട്ടിഫിക്കറ്റിന്റെ പകർപ്പ് സഹിതം ജൂലൈ നാലിന് വൈകിട്ട് അഞ്ചിനകം നൽകണം. അഭിമുഖം ജൂലൈ ആറിന് രാവിലെ 11ന് ആലപ്പുഴ ഡപ്യൂട്ടി ഡയറക്ടറുടെ ഓഫീസിൽ നടക്കും. ഫോൺ: 0477 2252358.

On:

തിരുവനന്തപുരം: ആകാശവാണി ദേവികുളം നിലയത്തിൽ അവതാരകരുടെ താത്കാലിക പാനൽ തയ്യാറാക്കുന്നതിന് അപേക്ഷ ക്ഷണിച്ചു. എഴുത്തുപരീക്ഷ, ശബ്ദ പരിശോധന, അഭിമുഖം എന്നിവയിലൂടെയാണ് തിരഞ്ഞെടുപ്പ്. തിരഞ്ഞെടുക്കപ്പെടുന്നവരെ ആകാശവാണിയുടെ ആവശ്യാനുസരണം മാത്രമായിരിക്കും പരിഗണിക്കുക. ഇടുക്കി ജില്ലയിൽ സ്ഥിരതാമസമുളളവർ മാത്രമാണ് അപേക്ഷിക്കേണ്ടത്. പ്രായം 20-നും 50-നും ഇടയിലായിരിക്കണം. അംഗീകൃത സർവകലാശാല ബിരുദമാണ് വിദ്യാഭ്യാസയോഗ്യത.

അപേക്ഷകർക്ക് പ്രക്ഷേപണ യോഗ്യമായ ശബ്ദം, ഉച്ചാരണശുദ്ധി, മലയാളം, ഇംഗ്ലീഷ് ഭാഷകൾ അനായാസം കൈകാര്യം ചെയ്യാനുള്ള കഴിവ്, സമകാലിക സംഭവങ്ങൾ, കല, സാഹിത്യം, സംസ്‌കാരം മുതലായവയിൽ ധാരണ എന്നിവ ഉണ്ടായിരിക്കണം. ഹിന്ദി, തമിഴ് ഭാഷകളിൽ പരിജ്ഞാനം അഭികാമ്യം. അപേക്ഷാ ഫീസ് ജിഎസ്ടി ഉൾപ്പെടെ 354 രൂപയാണ്. ഡിമാൻഡ് ഡ്രാഫ്റ്റായോ ഓൺലൈനിലോ ഫീസടക്കാം. സ്റ്റേറ്റ് ബാങ്ക് ഓഫ് ഇന്ത്യയുടെ കാക്കനാടുള്ള സിഇപിഇസെഡ് ശാഖലയിലാണ് ഓൺലൈനായി തുക അടക്കേണ്ടത്. വെള്ളക്കടലാസിൽ തയ്യാറാക്കിയ അപേക്ഷ, പ്രായം, വിദ്യാഭ്യാസയോഗ്യത, മേൽവിലാസം എന്നിവ തെളിയിക്കുന്ന രേഖകൾ, അപേക്ഷാ ഫീസ് ഓൺലൈനായി അടച്ചതിന്റെ രേഖ അല്ലെങ്കിൽ ഡിമാൻഡ് ഡ്രാഫ്റ്റ് എന്നിവ സഹിതം ദേവികുളം നിലയത്തിൽ അയക്കണം.

അപേക്ഷകരുമായി ബന്ധപ്പെടാനുള്ള ഫോൺ നമ്പർ നിർബന്ധമായും അപേക്ഷയിൽ സൂചിപ്പിക്കണം. അപേക്ഷ അയക്കാനുള്ള വിലാസം: പ്രോഗ്രാം മേധാവി, ആകാശവാണി, ദേവികുളം -685613. ബാങ്ക് വിവരങ്ങൾ താഴെ പറയും പ്രകാരമാണ്. അക്കൗണ്ട് പേര്: പിബിബിസി റെമിറ്റൻസ് എസി, അക്കൗണ്ട് നമ്പർ: 10295186492, ഐഎഫ്എസ്സി: ടആകച0009485, എംഐസിആർ കോഡ്: 682002015, ശാഖ: സിഇപിഇസെഡ്, കാക്കനാട്. അപേക്ഷ ലഭിക്കേണ്ട അവസാന തീയതി: ജൂലൈ ഏഴ്.

On:

മലപ്പുറം: നിലമ്പൂർ ഐ.ജി.എം.ആർ സ്‌കൂളിൽ ലൈബ്രേറിയൻ, കമ്പ്യൂട്ടർ ഇൻസ്ട്രക്ടർ തസ്തികകളിലേക്ക് താത്കാലിക നിയമനം നടത്തുന്നു. ലൈബ്രറി സയൻസിൽ ബിരുദം, കമ്പ്യൂട്ടറൈസഡ് ലൈബ്രറിയിൽ മൂന്ന് വർഷത്തെ പ്രവൃത്തി പരിചയം എന്നിവയാണ് ലൈബ്രേറിയൻ തസ്തികയിലേക്കുള്ള യോഗ്യത. പട്ടിക വർഗ വിഭാഗത്തിൽപ്പെട്ട നിശ്ചിത യോഗ്യതയും കഴിവുമുള്ളവർക്ക് മുൻഗണന ലഭിക്കും. യോഗ്യരായ 25നും 45നും ഇടയിൽ പ്രായമുള്ള ഉദ്യോഗാർഥികൾ നിലമ്പൂർ ഐ.ടി.ഡി പ്രൊജക്ട് ഓഫീസിൽ അപേക്ഷ സമർപ്പിക്കണം. പ്രതിമാസം 22,000 രൂപ ഹോണറേറിയം ലഭിക്കും.

കമ്പ്യൂട്ടർ ഇൻസ്ട്രക്ടർ തസ്തികയിലേക്ക് എസ്.എസ്.എൽ.സി, തത്തുല്യം, ബന്ധപ്പെട്ട ട്രേഡിൽ എൻ.ടി.സി/ കെ.ജി.സി ഇ/ വി.എച്ച്.എസ്.ഇ വിജയം, മൂന്ന് വർഷത്തെ പ്രവൃത്തി പരിചയം എന്നിവയാണ് യോഗ്യത. ടൈപ്പിങ് അറിയുന്നവർക്കും പട്ടിക വർഗ വിഭാഗത്തിൽപ്പെട്ട നിശ്ചിത യോഗ്യതയും കഴിവുമുള്ളവർക്കും മുൻഗണനയുണ്ട്. യോഗ്യരായ 25നും 45നും ഇടയിൽ പ്രായമുള്ള ഉദ്യോഗാർഥികൾ നിലമ്പൂർ ഐ.ടി.ഡി പ്രൊജക്ട് ഓഫീസിൽ അപേക്ഷ സമർപ്പിക്കണം. പ്രതിമാസം 19950 രൂപ ഹോണറേറിയം ലഭിക്കും. ഫോൺ: 04931 224194, 04931 220194, 04931 220315. അപേക്ഷ നൽകേമ്ട അവസാന തീയതി: ജൂൺ 30.

On:

മലപ്പുറം: നിലമ്പൂർ ഐ.ജി.എം.ആർ സ്‌കൂളിൽ ജൂനിയർ പബ്ലിക് നഴ്സ് തസ്തികയിലേക്ക് താത്കാലിക നിയമനം നടത്തുന്നു. ബി എസ് സി, ജനറൽ നഴ്സിങ്, കേരള നഴ്സ് ആൻഡ് മിഡ്വൈസ് കൗൺസിൽ രജിസ്ട്രേഷൻ എന്നിവയാണ് യോഗ്യത.

യോഗ്യരായ പട്ടിക വർഗ വിഭാഗത്തിൽപ്പെട്ട യുവതികൾ ജൂലൈ അഞ്ചിന് രാവിലെ 11ന് ഐ ടി ഡി പി ഓഫീസിൽ നടക്കുന്ന അഭിമുഖത്തിന് ഹാജരാവണം. പ്രതിമാസം 13000 രൂപ ഹോണറേറിയം ലഭിക്കും. ഫോൺ: 04931 220315.

On:

ന്യൂഡൽഹി: ബിരുദ-പിജി തലങ്ങളിൽ പ്രാചീന ഭാരതത്തിലെ ആശയങ്ങൾ ഇനി നിർബന്ധമായി പഠിക്കണം. ജ്യോതിശാസ്ത്രവുമായി ബന്ധപ്പെട്ട വേദ സങ്കൽപങ്ങൾ മുതൽ പ്ലാസ്റ്റിക് സർജറി സംബന്ധിച്ച പ്രാചീന ഭാരതത്തിലെ ആശയങ്ങൾ വരെ ബിരുദപിജി തലങ്ങളിൽ ഇനി നിർബന്ധമായി പഠിക്കേണ്ടതുണ്ട്.

ഇതുസംബന്ധിച്ച മാർഗരേഖ യുജിസി പ്രസിദ്ധീകരിച്ചു. ഇന്ത്യൻ നോളജ് സിസ്റ്റവുമായി (ഐകെഎസ്) ബന്ധപ്പെട്ട വിഷയങ്ങൾ യുജിപിജി തലത്തിൽ നിർബന്ധമാക്കിയാണ് യുജിസി മാർഗരേഖ പ്രസിദ്ധീകരിച്ചത്. ഡിഗ്രിക്ക് ആകെ ക്രെഡിറ്റിന്റെ 5% ഇത്തരം കോഴ്‌സുകൾക്കാണ്. ഇലക്ടീവ് കോഴ്‌സുകളിൽ നിശ്ചിത ശതമാനം കോഴ്‌സുകൾ ഈ വിഭാഗത്തിൽനിന്നാകണമെന്നും നിർദ്ദേശമുണ്ട്.

ഇന്ത്യയുടെ ഭൂമിശാസ്ത്ര പ്രത്യേകതകൾ, രാമായണവും മഹാഭാരതവും അവയുടെ പ്രധാന പ്രാദേശികഭേദങ്ങളും, പുരാണങ്ങൾ, ഇന്ത്യൻ തത്വചിന്ത, വേദകാലഘട്ടം മുതൽ വിവിധ പ്രദേശങ്ങളിലെ ഭക്തി പാരമ്പര്യങ്ങൾ തുടങ്ങിയവ വിവിധ വിഷയങ്ങളിൽ കോഴ്‌സുകളായി വാഗ്ദാനം ചെയ്യാമെന്നാണ് യുജിസി നിർദ്ദേശം. എംബിബിഎസ് വിദ്യാർഥികൾ ഇന്ത്യൻ സിസ്റ്റം ഓഫ് മെഡിസിൻ പഠിക്കണം. ഒന്നാം വർഷം ആയുർവേദം, യോഗ, നാച്ചുറോപ്പതി, യുനാനി, സിദ്ധ, ഹോമിയോപ്പതി എന്നിവയെക്കുറിച്ച് അടിസ്ഥാന ധാരണയുണ്ടാക്കണം. രണ്ടാം വർഷം ഇതിന്റെ തിയറി, പ്രാക്ടിക്കൽ കോഴ്‌സുകൾ പഠിക്കണം.

പ്ലാസ്റ്റിക് സർജറിയുമായി ബന്ധപ്പെട്ടു പൗരാണിക ഗ്രന്ഥങ്ങളിൽ പറഞ്ഞിരിക്കുന്ന കാര്യങ്ങളെക്കുറിച്ചും കോഴ്‌സുകളുണ്ട്. ബിഎസ്സി മാത്സ് വിദ്യാർഥി വേദങ്ങളിലെ അക്കങ്ങൾ, ജ്യോമെട്രി എന്നിവയുമായി ബന്ധപ്പെട്ട ഐകെഎസ് കോഴ്‌സും പഠിക്കണം. എംഎ ഹിസ്റ്ററി വിദ്യാർഥി ചരിത്രവുമായി ബന്ധപ്പെട്ട ഐകെഎസ് കോഴ്‌സ് തിരഞ്ഞെടുക്കണമെന്നും യുജിസി വ്യക്തമാക്കി.

On:

തിരുവനന്തപുരം: സംസ്ഥാന വിദ്യാഭ്യാസ ഗവേഷണ പരിശീലന സ്ഥാപനമായ എസ്‌സിഇആർടി (കേരള) യിലേക്ക് സംസ്‌കൃതം വിഷയത്തിൽ റിസർച്ച് ഓഫീസർ/അസിസ്റ്റന്റ് പ്രൊഫസർ തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ നിയമിക്കുന്നു. സർക്കാർ സ്‌കൂളുകൾ, സർക്കാർ അധ്യാപക പരിശീലന കേന്ദ്രങ്ങൾ, സർക്കാർ കോളജുകൾ, സർക്കാർ ട്രെയിനിങ് കോളജുകൾ, യൂണിവേഴ്‌സിറ്റികൾ എന്നിവയിൽ ജോലി ചെയ്യുന്ന അധ്യാപകർ നിശ്ചിത മാതൃകയിൽ അപേക്ഷിക്കണം. അപേക്ഷകൾ വകുപ്പു മേലധികാരികളുടെ എൻ.ഒ.സി. സഹിതം അപേക്ഷ നൽകണം.

ഡയറക്ടർ, എസ്.സി.ഇ.ആർ.ടി., വിദ്യാഭവൻ, പൂജപ്പുര, തിരുവനന്തപുരം 12 എന്ന വിലാസത്തിലാണ് അപേക്ഷ ലഭിക്കേണ്ടത്. അഭിമുഖത്തിന് ശേഷമായിരിക്കും തെരഞ്ഞെടുപ്പ്. വിശദവിവരങ്ങൾ www.scert.kerala.gov.in ൽ ലഭ്യമാണ്. അപേക്ഷ ലഭിക്കേണ്ട അവസാന തീയതി: ജൂലൈ 5.

On:

തിരുവനന്തപുരം: ആരോഗ്യമേഖലയിലെ പ്രൊഫഷണലുകൾക്കായി നോർക്ക റൂട്ട്‌സും യുണൈറ്റഡ് കിംങ്ഡമിലെ (യു.കെ) പ്രമുഖ NHS ട്രസ്റ്റുമായി ചേർന്ന് സംഘടിപ്പിച്ചു വരുന്ന ടാലന്റ് മൊബിലിറ്റി ഡ്രൈവ് പുരോഗമിക്കുന്നു. ഇതുവഴി നഴ്‌സുമാർക്കും ഓപ്പറേഷൻ ഡിപ്പാർട്ടമെന്റ് പ്രാക്റ്റീഷണർമാർക്കും (ODP) നിരവധി അവസരങ്ങൾ ലഭ്യമാണ്. എല്ലാ ആഴ്ചയിലും യുകെയിലെ തൊഴിൽദാതാക്കളുമായി ഇന്റർവ്യൂ ഇതുവഴി സാധ്യമാണ്.

ബിരുദമോ ഡിപ്ലോമയോ വിദ്യാഭ്യാസ യോഗ്യതയും, IELTS/ OET യുകെ സ്‌കോറുമുളള ഉദ്യോഗാർത്ഥികൾക്ക് അപേക്ഷിക്കാം. IELTS /OET ഇല്ലാത്ത ഉദ്യോഗാർത്ഥികൾ തിരഞ്ഞെടുക്കപ്പെട്ടാൽ കണ്ടീഷണൽ ഓഫർ ലെറ്റർ നൽകുന്നതും 6 മാസത്തിനകം OET /IELTS പാസാവേണ്ടതുമാണ്. ജനറൽ മെഡിക്കൽ & സർജിക്കൽ നഴ്‌സ് തസ്തികയിലേക്ക് (ബി എസ് സി) കഴിഞ്ഞ 3 വർഷത്തിനുള്ളിൽ കുറഞ്ഞത് ഒരു വർഷത്തെ പ്രവൃത്തി പരിചയവും തീയറ്റർ നഴ്‌സ് (ബി എസ് സി) കഴിഞ്ഞ 2 വർഷത്തിനുള്ളിൽ കുറഞ്ഞത് ഒരു വർഷത്തെ പ്രവൃത്തി പരിചയം / മെന്റൽ ഹെൽത്ത് നഴ്‌സ് (ബി എസ് സി) നഴ്‌സിംഗ് കൗൺസിൽ രജിസ്‌ട്രേഷൻ കഴിഞ്ഞു സൈക്യാട്രി വാർഡിൽ കുറഞ്ഞത് 6 മാസത്തെ പ്രവൃത്തി പരിചയം ആണ് വേണ്ടത്.

മിഡൈ്വഫ് തസ്തികയിലേക്ക് അപേക്ഷിക്കുന്ന നഴ്‌സുമാർക്ക് നഴ്‌സിംഗ് ഡിപ്ലോമ 2 വർഷത്തിനകം പൂർത്തിയായവരാണെങ്കിൽ പ്രവൃത്തിപരിചയം ആവശ്യമില്ല. അല്ലെങ്കിൽ കഴിഞ്ഞ 3 വർഷത്തിനുള്ളിൽ 1 വർഷം മിഡൈ്വഫ്‌റി പ്രവൃത്തിപരിചയം ഉണ്ടാവേണ്ടതാണ്.

ഓപ്പറേഷൻ ഡിപ്പാർട്ടമെന്റ് പ്രാക്റ്റീഷണർമാർക്കും (ODP )അപേക്ഷിക്കാവുന്നതാണ്. യോഗ്യത BSc/ ഡിപ്ലോമ ഇൻ ഓപ്പറേഷൻ തിയറ്റർ & അനസ്‌തേഷ്യ ടെക്‌നോളജിസ്റ്റ് അല്ലെങ്കിൽ BSc അനസ്‌തേഷ്യ ടെക്‌നോളജിസ്റ്റ്. ഒരു വർഷത്തെ പ്രവർത്തിപരിചയം ഉണ്ടായിരിക്കണം. ഓപ്പറേഷൻ ഡിപ്പാർട്ട്‌മെന്റ് പ്രാക്റ്റീഷനിർമാർക്ക് ഒരു വർഷത്തെ പ്രവർത്തിപരിചയം കൂടാതെ 7 .0 ൽ കുറയാത്ത അക്കാഡമിക് IELTS സ്‌കോർ തെരഞ്ഞെടുക്കപ്പെടുകയാണെങ്കിൽ നേടിയെടുക്കേണ്ടതുമാണ്.

ഉദ്യോഗാർത്ഥികൾക്ക് സ്ഥിരം നിയമനം ആണ് ലഭ്യമാകുന്നത്. രജിസ്റ്റേർഡ് നഴ്‌സ് ആവുന്ന മുറയ്ക്ക് ബാൻഡ് 5 പ്രകാരമുള്ള ശമ്പളവും മറ്റ് ആനുകൂല്യങ്ങളും ലഭിക്കും. വിശദവിവരങ്ങൾ www.norkaroots.org, www.nifl.norkaroots.org എന്നീ വെബ്ബ്‌സൈറ്റുകളിൽ ലഭ്യമാണ്. കൂടുതൽ വിവരങ്ങൾക്ക് 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോൺടാക്ട് സെന്ററിന്റെ ടോൾ ഫ്രീ നമ്പറുകളായ 1800 425 3939 (ഇന്ത്യയിൽ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോൾ സർവ്വീസ്) ബന്ധപ്പെടാവുന്നതാണ്.

On:

തിരുവനന്തപുരം: തിരുവനന്തപുരം എൽ.ബി.എസ് ഇൻസ്റ്റിറ്റ്യൂട്ട് ഓഫ് ടെക്‌നോളജി ഫോർ വിമൻ എൻജിനിയറിങ് കോളജിൽ കേന്ദ്ര സർക്കാരിന്റെ ഫണ്ടഡ് റിസർച്ച് പ്രോജക്ടിലേക്ക് ഒപ്‌റ്റോ ഇലക്ട്രോണിക്‌സിൽ മാസ്റ്റേഴ്‌സ് സ്‌പെഷ്യലൈസേഷനുള്ള ജൂനിയർ റിസർച്ച് ഫെല്ലോയെ (ജെ.ആർ.എഫ്) ആവശ്യമുണ്ട്.

നിയമനത്തിനായുള്ള അഭിമുഖം ജൂൺ 30ന് നടക്കും. യോഗ്യതയുള്ളവർ അസൽ സർട്ടിഫിക്കറ്റ് സഹിതം അന്നേദിവസം രാവിലെ 10.30ന് കോളജ് ഓഫീസിൽ ഹാജരാകണം. വിശദവിവരങ്ങൾക്ക് : www.lbsitw.ac.in.

On:

തിരുവനന്തപുരം: കേരള വന ഗവേഷണ സ്ഥാപനത്തിൽ നിയമനം. 2027 സെപ്റ്റംബർ 27 വരെ കാലാവധിയുള്ള ഗവേഷണ പദ്ധതിയിൽ പ്രോജക്ട് അസിസ്റ്റന്റ് തസ്തികയിലാണ് നിയമനം നടക്കുന്നത്. താത്കാലിക ഒഴിവിലേക്കാണ് നിയമനം. ജൂൺ 26 രാവിലെ 10 ന് സ്ഥാപനത്തിന്റെ തൃശൂർ ഓഫീസിൽ ഇന്റർവ്യൂ നടത്തും. വിശദാംശങ്ങൾ www.kfri.res.in എന്ന വെബ്‌സൈറ്റിൽ ലഭ്യമാണ്.

അതേസമയം, സർക്കാർ സ്ഥാപനമായ അസാപ് (ASAP) പെൺകുട്ടികൾക്ക് മാത്രമായി നടത്തുന്ന എൻ സി വി ഇ ടി (NCVET) അംഗീകൃത സർട്ടിഫിക്കറ്റ് കോഴ്സ് ഇൻ ചൈൽഡ് ഹെൽത്ത് എന്ന കോഴ്സിലേക്ക് അപേക്ഷ ക്ഷണിച്ചു. ജൂലൈ 15 വരെ അപേക്ഷിക്കാം. www.lbscentre.kerala.gov.in മുഖേന അപേക്ഷ നൽകാം. കൂടുതൽ വിവരങ്ങൾക്ക്: 9495999709/ 9495999623, 0471-2560327.