Sports (Page 187)

പ്രഥമലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ ഇന്ത്യക്ക് തോല്‍വി. എട്ട് വിക്കറ്റിനാണ് കിവീസ്, ഇന്ത്യയെ പരാജയപ്പെടുത്തിയത്. 21 വര്‍ഷത്തിന് ശേഷമാണ് ന്യൂസിലന്ഡ് ഒരു ഐ സി സി ട്രോഫിയില്‍ മുത്തമിടുന്നത്. 2000ലെ ഐ സി സി ചാമ്പ്യന്‍സ് ട്രോഫിയാണ് ന്യൂസിലന്‍ഡ് അവസാനമായി നേടിയത്. ഇന്ത്യ ഉയര്‍ത്തിയ 139 റണ്‍സ് വിജയലക്ഷ്യം പിന്തുടര്‍ന്നിറങ്ങിയ ന്യൂസിലന്‍ഡ് മികച്ച രീതിയിലാണ് തുടങ്ങിയത്.ക്രീസിലൊരുമിച്ച നായകന് വില്യംസണും റോസ് ടെയ്‌ലറും വളരെ ഭംഗിയായി ഇന്നിങ്‌സ് മുന്നോട്ട് നയിച്ചു.

രണ്ടാം ഇന്നിങ്‌സില് ബാറ്റിങ് തുടങ്ങിയ ഇന്ത്യക്ക് ഓപ്പണര്‍മാരായ രോഹിത് ശര്‍മയുടേയും(81പന്തില് 30) ശുഭ്മാന്‍ ഗില്ലിന്റേയും(33 പന്തില് എട്ട്) വിക്കറ്റുകളാണ് ആദ്യം നഷ്ടമായത്.അഞ്ചാം ദിനത്തില്‍ കളി നിര്‍ത്തുമ്പോള്‍ ഇന്ത്യ രണ്ട് വിക്കറ്റ് നഷ്ടത്തില്‍ 64 റണ്‍സ് എന്ന നിലയിലായിരുന്നു.ആറാം വിക്കറ്റില്‍ പന്തും ജഡേജയുമാണ് ഇന്ത്യയുടെ ഇന്നിങ്‌സ് മികച്ച രീതിയില്‍ മുന്നോട്ട് നയിച്ച് ലഞ്ച് വരെ എത്തിച്ചത്. ലഞ്ചിന് ശേഷം മത്സരം പുനരാരംഭിച്ച് അധികം വൈകാതെ തന്നെ ജാഡേജയെ നീല് വാഗ്‌നര്‍ വിക്കറ്റ് കീപ്പറുടെ കൈകളില്‍ എത്തിച്ചു.

ടോക്കിയോ: ഒളിമ്പിക്‌സ് വേദിയിൽ കാണികളെ പ്രവേശിപ്പിക്കാൻ തീരുമാനം. ഒളിമ്പിക്‌സ് കമ്മിറ്റിയാണ് ഇത് സംബന്ധിച്ച തീരുമാനമെടുത്തത്. കോവിഡ് മാനദണ്ഡങ്ങൾ കർശനമായി പാലിച്ച് എല്ലാ സ്റ്റേഡിയങ്ങളിലേക്കും പതിനായിരം പേരെ മാത്രമായിരിക്കും പ്രവേശിപ്പിക്കുക. ഒളിമ്പിക്സിനെത്തുന്നവർ രണ്ടു വാക്സിനും എടുത്തിട്ടുണ്ടോയെന്ന് ഉറപ്പാക്കും. വിമാനത്താവളം മുതൽ ഇക്കാര്യം പരിശോധിക്കും.

വിദേശ സഞ്ചാരികൾക്ക് ഒളിമ്പിക്‌സ് വേദിയിലേക്ക് പ്രവേശം ഉണ്ടാകില്ല. പക്ഷെ അനുമതിയില്ല. വിദേശ രാജ്യങ്ങളിൽ നിന്നുള്ള ഔദ്യോഗിക പ്രതിനിധികളും കോവിഡ് പരിശോധനയ്ക്ക് വിധേയരാകണമെന്നാണ് ജപ്പാൻ നിർദ്ദേശിച്ചിരിക്കുന്നത്. ജൂലൈ 23 നാണ് ഒളിമ്പിക്‌സ് ആരംഭിക്കുന്നത്. വേദികളിൽ 50 ശതമാനം പേർക്കാണ് അനുമതിയുള്ളത്.

കാണികളുടെ എണ്ണം പതിനായിരത്തിനപ്പുറം കടക്കരുതെന്നാണ് തീരുമാനം. ഭക്ഷണശാലകളിൽ കൂട്ടം കൂടി നിൽക്കാതിരിക്കാനും മാസ്‌ക് ധരിക്കുന്നു എന്നുറപ്പു വരുത്താനും വോളണ്ടിയർമാർക്ക് ചുമതല നൽകിയിട്ടുണ്ട്. കായിക താരങ്ങൾക്കും പരിശീലകർക്കും താമസിക്കാൻ ബഹുനില മന്ദിരങ്ങൾ ഒരുക്കിയിട്ടുണ്ട്. മികച്ച റെസ്റ്റോറന്റുകളും പരിശീലന സൗകര്യവും ജിമ്മുകളും ഇവർക്കായി തയ്യാറാക്കിയിട്ടുണ്ട്.

ലണ്ടന്‍ : സൂപ്പര്‍താരങ്ങളായ റാഫേല്‍ നദാലും നവോമി ഒസാക്കയും വിംബിള്‍ഡണ്‍ ടെന്നിസ് കളിക്കില്ലെന്ന് റിപ്പോര്‍ട്ട്. ടോക്യോ ഒളിംപിക്‌സിനായി തയ്യാറെടുപ്പുകള്‍ നടത്താനും കുടുംബാംഗങ്ങള്‍ക്കൊപ്പം കുറച്ച് സമയം ചിലവഴിക്കുന്നതിനുമാണ് പിന്മാറ്റമെന്ന് ഒസാക്കയുടെ ഏജന്റ് വ്യക്തമാക്കി.

നേരത്തെ ഫ്രഞ്ച് ഓപ്പണിലെ ആദ്യ റൗണ്ട് മത്സരത്തിന് ശേഷം ഒസാക്ക പിന്മാറിയിരുന്നു.അതേസമയം നദാല്‍ വിംബിള്‍ഡണൊപ്പം ടോക്യോ ഒളിമ്പിക്‌സില്‍ നിന്നും പിന്മാറി. ശാരീരികാവസ്ഥ മാനിച്ചും തന്റെ ടീമുമായി ചര്‍ച്ച ചെയ്തുമാണ് തീരുമാനം എടുത്തതെന്ന് നദാല്‍ സോഷ്യല്‍മീഡിയയില്‍ പങ്ക് വച്ച കുറിപ്പില്‍ വ്യക്തമാക്കി.

സാന്‍ ഇസിദ്രോ: അര്‍ജന്റീനിയന്‍ ഫുട്ബാള്‍ ഇതിഹാസം ഡീഗോ മറഡോണയുടെ മരണം ഡോക്ടര്‍മാരുടെ ചികിത്സാപിഴവുകള്‍ മൂലമെന്ന് മറഡോണയെ ശുശ്രൂഷിച്ച നഴ്‌സിന്റെ വക്കീല്‍.മറഡോണയുടെ മരണവുമായി ബന്ധപ്പെട്ട് അന്വേഷണം നേരിടുന്ന നഴ്‌സ് ദഹിയാന ജിസെല്‍ മാഡ്രിഡിന്റെ അഭിഭാഷകനാണ് ആരോപണവുമായി രംഗത്തെത്തിയിരിക്കുന്നത്. മറഡോണയുടെ മരണവുമായി അന്വേഷണം നേരിടുന്ന ഏഴു പേരില്‍ ഒരാളാണ് മാഡ്രിഡ്.

മറഡോണയുടെ അഞ്ചു മക്കളില്‍ രണ്ടു പേരാണ് അദ്ദേഹത്തെ ചികിത്സിച്ച ഡോക്ടര്‍ ലിയോപോള്‍ഡെ ലിക്വെയ്‌ക്കെതിരെ കേസ് നല്‍കിയത്.തലച്ചോറിലെ ശസ്ത്രക്രിയയ്ക്ക് ശേഷം ശുശ്രൂഷിച്ച അനാസ്ഥയാണ് അദ്ദേഹത്തിന്റെ മരണത്തിനു കാരണമെന്നും മാഡ്രിഡ് നിരപരാധിയാണെന്നും മറഡോണയെ പകല്‍ സമത്ത് ചികിത്സിച്ച നഴ്‌സ് ആയിരുന്നു മാഡ്രിഡെന്നും അഭിഭാഷകന്‍ പറഞ്ഞു.

അര്‍ജന്റീനിയയുടെ പബ്‌ളിക്ക് പ്രോസിക്യൂട്ടര്‍ ഏര്‍പ്പെടുത്തിയ 20 അംഗ ഡോക്ടര്‍മാരുടെ പാനല്‍ മറഡോണയുടെ ചികിത്സയില്‍ അലംഭാവം ഉണ്ടായിട്ടുണ്ടെന്നും അദ്ദേഹത്തെ മരണത്തിനു വിട്ടു നല്‍കുകയായിരുന്നുവെന്നും കണ്ടെത്തിയിട്ടുണ്ട്.