മുംബൈ: ശ്രീലങ്കന് പര്യടനത്തിനുള്ള ഇന്ത്യന് ക്രിക്കറ്റ് ടീമിനെ പ്രഖ്യാപിച്ചു. സീനിയര് താരങ്ങളുടെ അഭാവത്തില് ശിഖര് ധവാന് ഇന്ത്യയെ നയിക്കും. ലയാളി താരം സഞ്ജു സാംസണ് വീണ്ടും ടീമിലെത്തി. കര്ണാടകയുടെ മലയാളി താരം ദേവ്ദത്ത് പടിക്കലും കൊല്ക്കത്ത നൈറ്റ് റൈഡേഴ്സ് താരം വരുണ് ചക്രവര്ത്തിയും ടീമിലിടം നേടി. പേസര് ഭുവനേശ്വര് കുമാറാണ് ടീമിന്റെ വൈസ് ക്യാപ്റ്റന്. ചേതന് സക്കറിയ ആണ് ടീമിലെത്തിയ അപ്രതീക്ഷിത താരം.
ചെന്നൈ സൂപ്പര് കിംഗ്സ് ഓപ്പണറായ റിതുരാജ് ഗെയ്ക്വാദ്, മുംബൈ ഇന്ത്യന്സ് താരം സൂര്യകുമാര് യാദവ്, ക്രുനാല് പാണ്ഡ്യ, ഹര്ദ്ദിക് പാണ്ഡ്യ എന്നിവരും ടീമിലിടം നേടിയിട്ടുണ്ട്. നെറ്റ് ബൗളര്മാരായി ഇഷാന് പൊറല്, മലയാളി താരം സന്ദീപ് വാര്യര്, അര്ഷദീപ് സിംഗ്, സായ് കിഷോര്, സിമര്ജീത് സിംഗ് എന്നിവരെയും തെരഞ്ഞെടുത്തു. ശ്രീലങ്കക്കെതിരെ മൂന്ന് ഏകദിനങ്ങളിലും മൂന്ന് ടി20 മത്സരങ്ങളിലുമാണ് ഇന്ത്യ കളിക്കുക.