International (Page 211)

ലണ്ടൻ: കോവിഡ് വൈറസ് എന്ന മഹാമാരിക്കെതിരെയുള്ള പോരാട്ടത്തിലാണ് ലോകരാജ്യങ്ങൾ. രോഗവ്യാപനവും വൈറസിന് സംഭവിക്കുന്ന ജനിതക വകഭേദങ്ങളുമാണ് ആരോഗ്യ പ്രവർത്തകരെ ആശങ്കയിലാക്കുന്നത്.

കോവിഡിന്റെ ആദ്യ ഘട്ടത്തിലെ വ്യാപനത്തിന് കാരണം ആൽഫാ വകഭേദമായിരുന്നു. പിന്നീട് ആൽഫാ വകഭേദത്തേക്കാൾ രോഗവ്യാപന സാധ്യത കൂടുതലുള്ള ഡെൽറ്റാ വകഭേദത്തിന്റെ സാന്നിദ്ധ്യം റിപ്പോർട്ട് ചെയ്യപ്പെട്ടു. കോവിഡിന്റെ രണ്ടാം തരംഗത്തിന് കാരണം ഡെൽറ്റാ വകഭേദമായിരുന്നു. പിന്നീട് ഡെൽറ്റാ പ്ലസ് എന്ന വകഭേദം കണ്ടെത്തി. എന്നാൽ ഇവയ്‌ക്കെല്ലാം ശേഷം കോവിഡിന്റെ മറ്റൊരു ജനിതക വകഭേദം കൂടി കണ്ടെത്തിയിരിക്കുകയാണ്. ലാംബ്ഡ എന്ന പേരിലുള്ള പുതിയ വകഭേദമാണ് ഇപ്പോൾ കണ്ടെത്തിയിരിക്കുന്നത്.

കഴിഞ്ഞ വർഷം അവസാനത്തോടെ പെറുവിലാണ് ലാംബ്ഡ വകഭേദം ആദ്യമായി സ്ഥിരീകരിക്കപ്പെട്ടതെന്നാണ് ഗവേഷകരുടെ വിലയിരുത്തൽ. നിലവിൽ 31 ലധികം രാജ്യങ്ങളിൽ ഈ വൈറസിന്റെ സാന്നിദ്ധ്യം റിപ്പോർട്ട് ചെയ്യപ്പെട്ടിട്ടുണ്ടെന്നാണ് വിവരം. ഇന്ത്യയിൽ ഇതുവരെ ‘ലാംബ്ഡ’ വകഭേദമുള്ള കോവിഡ് കേസുകൾ റിപ്പോർട്ട് ചെയ്യപ്പെട്ടിട്ടില്ല.

ലോകത്തിൽ തന്നെ കോവിഡ് മരണനിരക്ക് കൂടിയ പെറുവിൽ 80 ശതമാനത്തിലധികം കേസുകളും നിലവിൽ ‘ലാംബ്ഡ’ വകഭേദം മൂലമുണ്ടാകുന്നതാണെന്നാണ് സൂചന. യുകെയിലും ‘ലാംബ്ഡ’ വെല്ലുവിളികൾ ഉയർത്തുന്നുണ്ടെന്നാണ് വിവരം.

ആദ്യതരംഗത്തിൽ ഉണ്ടായിരുന്ന ‘ആൽഫ’ വകഭേദത്തെക്കാൾ 60 ശതമാനം കൂടുതലായിരുന്നു ‘ഡെൽറ്റ’ വകഭേദത്തിന്റെ രോഗ വ്യാപനസാധ്യത. അതിനേക്കാൾ കൂടുതലായിരുന്നു ഡെൽറ്റ പ്ലസിൽ ഉണ്ടായിരുന്നത്. ഇതിലും കൂടുതലാണ് ‘ലാംബ്ഡ’യിലുള്ളതെന്നാണ് ഗവഷകർ വ്യക്തമാക്കുന്നത്. വാക്സിനെ തോൽപിച്ചുകൊണ്ട് മനുഷ്യശരീരത്തിൽ കയറിപ്പറ്റാനും, രോഗതീവ്രത വർധിപ്പാനും, മരണനിരക്ക് വർധിപ്പിക്കാനുമെല്ലാം ‘ലാംബ്ഡ’ കാരണമാകുമെന്നാണ് മുന്നറിയിപ്പ്. ഒരിക്കൽ വൈറസ് ബാധിതരായവരെ വീണ്ടും രോഗബാധിതരാക്കാനും ലാംബ്ഡ വകഭേദത്തിന് ശേഷിയുണ്ടെന്നും ഗവേഷകർ പറയുന്നു.

ഫൈസര്‍ വാക്‌സിന്റെ ഫലപ്രാപ്തി അറുപത്തിനാല് ശതമാനമായി കുറഞ്ഞതായി ഇസ്രയേല്‍ ആരോഗ്യ മന്ത്രാലയം. ഫൈസര്‍ വാക്‌സിന്റെ ഫലപ്രാപ്തി 94.3 ശതമാനമാണെന്ന് വ്യക്തമാക്കിയിരുന്നു. പക്ഷെ, മുന്‍പത്തേ അപേക്ഷിച്ച് ഇപ്പോള്‍ വളരെ കുറഞ്ഞ ഫലപ്രാപ്തിയാണ് രേഖപ്പെടുത്തിയിട്ടുള്ളതെന്ന് റിപ്പോര്‍ട്ടുണ്ട്. ഇസ്രയേലില്‍ കൊവിഡിന്റെ ഡെല്‍റ്റ വകഭേദം വ്യാപിക്കുന്ന സാഹചര്യത്തിലാണ് ഫൈസറിന്റെ ഫലപ്രാപ്തി കുറയുന്നതായി കണ്ടെത്തിയിരിക്കുന്നത്.2020 ഡിസംബര്‍ 20 നാണ് ഇസ്രായേലില്‍ പ്രതിരോധ കുത്തിവയ്പ്പ് ആരംഭിച്ചത്.

വാഷിംഗ്ടൺ: കുട്ടികൾ മാസ്‌ക് ധരിക്കുന്നത് ആരോഗ്യത്തിന് ഭീഷണിയെന്ന് ഗവേഷകർ. അമേരിക്കൻ മെഡിക്കൽ അസോസിയേഷൻ പുറത്തുവിട്ട പഠന റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്. കോവിഡ് വൈറസ് വ്യാപനത്തെ തുടർന്ന് ധരിക്കുന്നതിന് നിർബന്ധിതരായ കുട്ടികൾ പരിധിയിൽ കവിഞ്ഞ ആറിരട്ടി വിഷലിപ്തമായ കാർബൺ ഡയോക്സയ്ഡ് ശ്വസിക്കുന്നതായാണ് പഠനത്തിൽ പറയുന്നത്. ഡോ.ഹരാൾഡ് വൽച്ചിയുടെ നേതൃത്വത്തിൽ വിദഗ്ദ ഡോക്ടർമാരാണ് പഠനം നടത്തിയിരിക്കുന്നത്.

ശ്വസിക്കുന്ന കാർബൺ ഡയോക്സയ്ഡിന്റെ പരിധി 0.2 ശതമാനമാണ്. അടച്ചിട്ട മുറികൾക്കുള്ളിൽ കഴിയുന്ന കുട്ടികൾ മാസ്‌ക് ധരിക്കുമ്പോൾ അവർ ശ്വസിക്കുന്ന കാർബൺ ഡയോക്സയ്ഡിന്റെ അളവ് 13 ശതമാനമാണെന്ന് പഠനത്തിൽ പറയുന്നു. മാസ്‌ക് ധരിക്കുന്ന ഏഴുവയസ്സിനു മുകളിലുള്ള കുട്ടികളാണ് കൂടുതൽ കാർബൺ ഡയോക്സയ്ഡ് ഉള്ളിലേക്ക് വലിച്ചെടുക്കുന്നതെന്നും പഠനം വിശദമാക്കുന്നു. ശുദ്ധവായുവായ ഓക്‌സിജനാണ് നാം ശ്വസിക്കുന്നത്. അശുദ്ധവായുവായ കാർബൺ ഡയോക്‌സൈഡിനെ നാം പുറന്തള്ളുകയും ചെയ്യുന്നു. എന്നാൽ മാസ്‌ക് ധരിക്കുന്നതോടെ ആവശ്യമായ ശുദ്ധവായു അകത്തേക്കു ശ്വസിക്കുന്നതു കുറയുകയും അശുദ്ധവായു പുറത്തേക്ക് വിടുന്നത് മാസ്‌ക് തടയുകയും ചെയ്യുന്നു. വലിയ ആരോഗ്യ പ്രശ്‌നങ്ങൾക്ക് ഇത് വഴിവെയ്ക്കുമെന്നാണ് ഗവേഷകർ മുന്നറിയിപ്പ് നൽകുന്നത്.

പന്ത്രണ്ട് മണിക്കൂറോളം മാസ്‌ക് ധരിച്ചു ജോലി ചെയ്യുന്ന ആരോഗ്യ പ്രവർത്തകരുടെ ആരോഗ്യത്തിന് പോലും ഭീഷണി നേരിടുമെന്നും കോവിഡിൽ നിന്നും മോചിതരായാൽ പോലും അതിനെ തുടർന്നുള്ള ആരോഗ്യ പ്രശ്നങ്ങളെ അതിജീവിക്കുക എന്നതു വലിയൊരു ഭീഷണിയായി നിലനിൽക്കുമെന്നും ഗവേഷകർ പറയുന്നു.