ബെര്ലിന്: പോര്ച്ചുകല്, ബ്രിട്ടന്, അയര്ലാന്ഡ്, റഷ്യ, നേപ്പാള്, ഇന്ത്യ തുടങ്ങിയ രാജ്യങ്ങളില് നിന്നുള്ള യാത്രാ വിലക്ക് നീക്കി ജര്മനി. കൊവിഡ് രണ്ടാം തരംഗത്തിന്റെ പശ്ചാത്തലത്തിലായിരുന്നു വിലക്കേര്പ്പെടുത്തിയിരുന്നത്. എങ്കിലും ഇന്ത്യയില് നിന്നടക്കമുള്ള യാത്രക്കാര്ക്ക് ക്വാറന്റീന് നിബന്ധനകള് പാലിക്കേണ്ടി വരും. ഡെല്റ്റ വകഭേദമുള്ള രാജ്യങ്ങളുടെ ലിസ്റ്റില് നിന്ന് ഹൈ ഇന്സിഡന്സ് എന്ന പട്ടികയിലേക്കാണ് രാജ്യങ്ങളെ മാറ്റിയിരിക്കുന്നത്.
എന്നാല്, ഇവിടങ്ങളില് നിന്നുള്ള യാത്രികരില് വാക്സിനേഷന് പൂര്ത്തിയായവര്ക്കും, കൊവിഡ് മുക്തി നേടിയവര്ക്കും ക്വാറന്റീന് നിര്ബന്ധമാക്കില്ല. ജര്മനിയില് എത്തി പത്ത് ദിവസം ക്വാറന്റീനില് കഴിയുകയും വേണം. അഞ്ച് ദിവസത്തിന് ശേഷം കൊവിഡ് നെഗറ്റീവ് സര്ട്ടിഫിക്കറ്റ് ഹാജരാക്കിയാല് ക്വാറന്റീന് അവസാനിപ്പിക്കാമെന്നും വ്യവ്യസ്ഥയുണ്ട്.