General (Page 1,404)

തിരുവനന്തപുരം: സാംസ്‌കാരിക സാഹിത്യ സാമൂഹ്യ പ്രവർത്തകർക്കും കലാകാരന്മാർക്കും കത്തയച്ച് പ്രതിപക്ഷ നേതാവ് വി ഡി സതീശൻ. മതസൗഹാർദ്ദം തകർക്കാനും വർഗീയത വളർത്താനുമുള്ള ശ്രമങ്ങൾക്കെതിരെ ഇടപെടണമെന്ന് അഭ്യർത്ഥിച്ചാണ് അദ്ദേഹം കത്തയച്ചത്. മതേതരത്വത്തിന് പോറലേൽക്കുകയും വർഗീയത പിടിമുറുക്കുകയും ചെയ്യുമ്പോൾ മാനവികത അപ്രസക്തമാകും. മതേതരത്വത്തിൽ ഉറച്ച് കേരളത്തിന്റെ സമാധാനാന്തരീക്ഷം കാക്കാനുള്ള പരമാവധി ശ്രമങ്ങൾ കോൺഗ്രസ് ആരംഭിച്ചിട്ടുണ്ടെന്നും പിന്തുണ വേണമെന്നും അദ്ദേഹം കത്തിൽ ആവശ്യപ്പെട്ടു.

കത്തിന്റെ പൂർണ്ണരൂപം:

നമ്മുടെ സംസ്ഥാനത്ത് വർഗീയത വളർത്തുന്ന തരത്തിൽ പ്രസ്താവനകളും ചർച്ചകളും വ്യാപകമായിരിക്കുന്നത് ശ്രദ്ധയിൽ വന്നിട്ടുണ്ടാവുമല്ലോ. മുൻപില്ലാത്ത വിധം സമൂഹത്തിൽ ചേരിതിരിവ് ഉണ്ടായിരിക്കുന്നു. സംശയങ്ങളും ആശങ്കകളും വിവിധ മതവിശ്വാസികൾ തമ്മിലുള്ള പരസ്പര വിശ്വാസത്തെയും ബഹുമാനത്തെയും തകർക്കുന്ന രീതിയിലേക്ക് എത്തിയിരിക്കുകയാണ്. കേരളത്തിലെ വിവിധ മതവിശ്വാസികൾ എക്കാലവും പരസ്പരം പുലർത്തിയിരുന്ന സ്നേഹ വിശ്വാസങ്ങൾക്കും സാഹോദര്യത്തിനും പോറൽ ഏൽക്കുന്നത് അത്യന്തം വേദനാജനകമാണ്. സമൂഹത്തെ ചേർത്ത് നിർത്തുന്ന ഇഴയടുപ്പങ്ങൾ പൊട്ടിയകലുന്നത് ആശങ്കയുണ്ടാക്കുന്നതാണ്. നമ്മുടെ കേരളം വിദ്വേഷത്തിലും അവിശ്വാസത്തിലും പകയിലും ചെന്നവസാനിക്കരുത്.

എഴുത്തിലും വാക്കിലും ജീവിതത്തിലും മലയാളിക്ക് എന്നും വഴികാട്ടിയിട്ടുള്ള അങ്ങ് ഈ ഘട്ടത്തിൽ സമൂഹത്തിൽ നിറയുന്ന വർഗീയ പ്രവണതകൾ തിരുത്തുന്നതിനും നന്മയുടെ വഴിതെളിക്കുന്നതിനും മാർഗനിർദേശം നൽകണം. അത്തരം ശ്രമങ്ങൾക്ക് ഉപദേശവും പിന്തുണയും വിനീതമായി അഭ്യർത്ഥിക്കുന്നു. മതേതരത്വത്തിന് പോറലേൽക്കുകയും വർഗീയത പിടിമുറുക്കുകയും ചെയ്യുമ്പോൾ മാനവികത അപ്രസക്തമാകും. മതേതരത്വത്തിൽ ഉറച്ചു നിന്നുകൊണ്ട് കേരളത്തിന്റെ സമാധാനാന്തരീക്ഷം കാത്തു സൂക്ഷിക്കാനുള്ള പരമാവധി ശ്രമങ്ങൾ കോൺഗ്രസ്സ് പാർട്ടിയും യുഡിഎഫും ആരംഭിച്ചത് അങ്ങയെ അറിയിക്കുന്നു. എല്ലാ പിന്തുണയും ഉണ്ടാകണം.

തിരുവനന്തപുരം: ക്ലബ് ഹൗസിൽ സഭ്യതയുടെ അതിർവരമ്പുകൾ ലംഘിക്കുന്ന റെഡ് റൂമുകൾ സജീവമാകുന്നതായി റിപ്പോർട്ട്. അർദ്ധ രാത്രികളിൽ സജീവമാകുന്ന ഇത്തരം റെഡ് റൂമുകൾക്കെതിരെ നിരീക്ഷണം ശക്തമാക്കാനാണ് പോലീസിന്റെ തീരുമാനം.

റെഡ് റൂമുകൾ ഹണി ട്രാപ്പ് പോലുള്ള കുറ്റകൃത്യങ്ങളിലേക്ക് നീങ്ങിയേക്കാം എന്നാണ് പോലീസ് മുന്നറിയിപ്പ് നൽകുന്നത്. മലയാളികൾ അടക്കം ഇത്തരം റൂമുകൾ നടത്തുന്നുണ്ടെന്നാണ് ലഭ്യമാകുന്ന വിവരം. ഹിന്ദി തമിഴ് ഭാഷകളിലുള്ള റെഡ് റൂമുകൾ നേരത്തെ തന്നെ ക്ലബ് ഹൗസിൽ ഉണ്ടായിരുന്നു. ഇതിന്റെ തുടർച്ചയായാണ് ഇത്തരം റെഡ് റൂമുകൾ മലയാളത്തിലേക്കും വന്നത്. റെഡ് റൂമുകൾ നടത്തുന്ന മോഡറേറ്റർമാരെ പൊലീസ് നിരീക്ഷിക്കുന്നുണ്ടെന്നാണ് സൂചന. ഇവരുടെ വിവരങ്ങൾ ശേഖരിക്കുകയാണെന്നും റെഡ് റൂമുകളിലെ സ്ഥിരം കേൾവിക്കാരെയും പൊലീസ് ചോദ്യം ചെയ്തേക്കുമെന്നും റിപ്പോർട്ടുകളുണ്ട്.

സ്ത്രീ, പുരുഷഭേദം ഇല്ലാതെയാണ് ഇത്തരം റൂമുകൾ സംഘടിപ്പിക്കപ്പെടുന്നത്. അശ്ലീല സംസാരങ്ങളും, ചോദ്യത്തോരങ്ങളുമായി തുറന്ന സംസാരം എന്നാണ് ഇത്തരം റൂമുകളുടെ രീതി. കേൾവിക്കാരായി ആയിരത്തിന് മുകളിൽ ആളുകളെ ഇത്തരം റൂമുകൾ ആകർഷിക്കുന്നുവെന്നും 18 ന് മുകളിൽ എന്ന ലേബലുമായി എത്തുന്ന ഗ്രൂപ്പുകളിൽ പലപ്പോഴും കൗമരക്കാരാണ് കൂടുതലെന്നുമാണ് സൂചന. അശ്ലീല റൂമുകളിൽ ഏറെയും കൗമാരക്കാരാണെന്നാണ് സൈബർ പൊലീസ് നൽകുന്ന മുന്നറിയിപ്പ്. മൊബൈൽ ഫോണുകൾ രാത്രി രക്ഷിതാക്കൾ വാങ്ങി വെയ്ക്കുന്നതാവും സുരക്ഷിതമെന്ന് പൊലീസ് അറിയിച്ചു.

മലപ്പുറം: കേരളത്തിൽ അതി ഭീകരമായ നാർക്കോട്ടിക് മാഫിയ പിടിമുറുക്കുന്നുണ്ടെന്ന് മുസ്ലീം ലീഗ് എംഎൽഎ നജീബ് കാന്തപുരം. പാലാ ബിഷപ്പിന്റെ നാർക്കോട്ടിക് ജിഹാദ് പരാമർശം വിവാദമാകുന്നതിനിടെയാണ് നജീബ് കാന്തപുരം ഇക്കാര്യം വ്യക്തമാക്കിയത്. കോവിഡ് കാലത്ത് നാർക്കോ സംഘങ്ങളുടെ ശ്രംഖല അതിന്റെ വല ശക്തമായി വിരിച്ചിട്ടുണ്ടെന്ന് അദ്ദേഹം പറഞ്ഞു. ഫേസ്ബുക്കിൽ പങ്കുവെച്ച കുറിപ്പിലൂടെയായിരുന്നു അദ്ദേഹത്തിന്റെ പ്രതികരണം.

പെൺകുട്ടികളടക്കം പിഞ്ചു കുട്ടികളെ പോലും നാർക്കോ സംഘങ്ങളുടെ കണ്ണികളാക്കി മാറ്റാൻ വളരെ വലിയ ശ്രമങ്ങൾ നടക്കുന്നുണ്ട്. പണമുണ്ടാക്കാൻ ഏത് വൃത്തി കെട്ട വഴിയും സ്വീകരിക്കുന്ന വലിയൊരു സംഘം ഇതിന് പിന്നിലുണ്ട്. ഏത് കുട്ടിയും വലയിൽ വീണു പോകും വിധമാണ് ഇതിന്റെ നെറ്റ്‌വർക്കെന്നും അദ്ദേഹം അഭിപ്രായപ്പെട്ടു.

പാലാ ബിഷപ്പ് ആരോപിച്ച തരത്തിലല്ല ഇതിന്റെ വ്യാപ്തി. ഈ ലഹരി മാഫിയക്ക് മതം മാത്രമല്ല. കണ്ണും മൂക്കുമില്ല. ഹൃദയവുമില്ല. പണക്കൊതി മാത്രമെയുള്ളൂ. ഭരണ കൂടവും പൊതുജനങ്ങളും ഓരോ കുടുംബവും അതീവ ജാഗ്രത പുലർത്തണം. വെറുതെ മതങ്ങളെ ചാർത്തി ഈ വിഷയത്തെ അതിന്റെ യഥാർത്ഥ പ്രശ്‌നത്തിൽ നിന്ന് വഴിതിരിച്ച് വിടരുത്. അത് തെറ്റും ദുരുദ്ദേശപരവുമാണ്. ഇന്ന് നേരിട്ടറിഞ്ഞ നെഞ്ച് പിളർക്കുന്ന ഒരു യാഥാർത്ഥ്യത്തിൽ നിന്നാണ് ഈ കുറിപ്പ് പങ്കുവെക്കുന്നതെന്നും അദ്ദേഹം കൂട്ടിച്ചേർത്തു.

കൊച്ചി: കാലാവസ്ഥ വ്യതിയാനം പ്രതിരോധിക്കുന്നതിനുള്ള കേന്ദ്ര ഫണ്ട് വിനിയോഗിക്കുന്നതിൽ കേരളം അലംഭാവം കാട്ടുന്നുവെന്നതിന്റെ തെളിവുകൾ പുറത്ത്. വിവരാവകാശ രേഖയിലാണ് ഇക്കാര്യം വ്യക്തമാകുന്നത്. വനങ്ങളുടെ ഗുണനിലവാരവും വിസ്തീർണ്ണവും വർദ്ധിപ്പിക്കാൻ ആരംഭിച്ച ദേശീയ പദ്ധതിയായ ഗ്രീൻ ഇന്ത്യ മിഷനു കീഴിൽ 2015-16 മുതൽ 2020-21 വരെയുള്ള കാലയളവിൽ കേന്ദ്ര സർക്കാർ സംസ്ഥാനത്തിന് നൽകിയത് 25.47 കോടി രൂപയാണ്. എന്നാൽ ഇതിൽ സംസ്ഥാനം ചെലവിട്ടത് 9.88 കോടി രൂപ മാത്രമാണ്.

കേരളം ഉൾപ്പടെ 15 സംസ്ഥാനങ്ങൾക്കാണ് കേന്ദ്ര ഫണ്ട് അനുവദിച്ചത്. ഇതിൽ ആറു സംസ്ഥാനങ്ങൾ മാത്രമാണ് ഫണ്ട് പൂർണ്ണമായും ചെലവഴിച്ചത്. മിസോറാം, സിക്കിം, പഞ്ചാബ്, മണിപ്പൂർ, കർണാടക, മധ്യപ്രദേശ്, ഛത്തീസ്ഗഡ് എന്നീ സംസ്ഥാനങ്ങളാണ് ഫണ്ട് പൂർണ്ണമായും ചെലവഴിച്ചതെന്ന് വിവരാവകാശ രേഖയിൽ വ്യക്തമാക്കുന്നു. പശ്ചിമ ബംഗാൾ, ഹിമാചൽ പ്രദേശ്, ജമ്മു കശ്മീർ എന്നീ സംസ്ഥാനങ്ങൾ ഇതുവരെ വിനിയോഗ സർട്ടിഫിക്കറ്റ് സമർപ്പിച്ചിട്ടില്ല.

കൊച്ചി സ്വദേശിയായ വിവരാവകാശ പ്രവർത്തകൻ കെ. ഗോവിന്ദൻ നമ്ബൂതിരിക്ക് നൽകിയ മറുപടിയിലാണ് കേന്ദ്ര വനം, പരിസ്ഥിതി മന്ത്രാലയം ഇക്കാര്യങ്ങൾ വിശദമാക്കിയിരിക്കുന്നത്. രണ്ടു മഹാപ്രളയങ്ങൾ സംഭവിച്ചിട്ടും കാലാവസ്ഥ വ്യതിയാനം ഉയർത്തുന്ന പാരിസ്ഥിതിക വെല്ലുവിളികളെ പ്രതിരോധിക്കുന്നതിനുള്ള ഫണ്ട് കേരളം ഫലപ്രദമായി വിനിയോഗിക്കാത്തത് എന്തുകൊണ്ടാണെന്ന് സംസ്ഥാന സർക്കാരും വനം വകുപ്പും വ്യക്തമാക്കണമെന്ന് ഗോവിന്ദൻ നമ്പൂതിരി ആവശ്യപ്പെട്ടു.

ജൈവവൈവിധ്യം, ജലം, ജൈവവസ്തുക്കൾ, കണ്ടൽക്കാടുകൾ, തണ്ണീർത്തടങ്ങൾ, നിർണായക ആവാസവ്യവസ്ഥകൾ മുതലായവ സംരക്ഷിക്കുകയാണ് കാലാവസ്ഥാ വ്യതിയാനത്തിനായുള്ള ദേശീയ പ്രവർത്തന പദ്ധതിയുടെ (എൻഎപിസിസി) എട്ട് ദൗത്യങ്ങളിൽ ഒന്നായ ഗ്രീൻ ഇന്ത്യ മിഷന്റെ പ്രധാന ലക്ഷ്യങ്ങൾ. രാജ്യത്ത് കുറഞ്ഞുവരുന്ന വനവിസ്തൃതി പുനഃസ്ഥാപിക്കുകയും മെച്ചപ്പെടുത്തുകയും കാലാവസ്ഥാ വ്യതിയാനം പ്രതിരോധിക്കാനുള്ള നടപടികളുമാണ് ഗ്രീൻ ഇന്ത്യ മിഷൻ (ജിഐഎം) ലക്ഷ്യമിടുന്നത്.

കേന്ദ്രം സംസ്ഥാനങ്ങൾക്ക് അനുവദിച്ച ഫണ്ടിന്റെ വിശദ വിവരങ്ങൾ: ഫണ്ട് അനുവദിച്ചത്, വിനിയോഗിച്ചത്(കോടിയിൽ)

ആന്ധ്രാപ്രദേശ് 4.17, 3.72
ഛത്തീസ്ഗഡ് 66.63, 66.27
ഹിമാചൽ പ്രദേശ് 17.09 –
ജമ്മു കശ്മീർ 25.73 –
കർണാടക 8.97, 8.97
കേരളം 25.47, 9.88
മധ്യപ്രദേശ് 54.81, 54.38
മഹാരാഷ്ട്ര 10.30, 7.65
മണിപ്പൂർ 38.37, 38.24
മിസോറാം 72.95, 72.95
ഒഡീഷ 49.57, 38.50
പഞ്ചാബ് 15.52, 15.59
സിക്കിം 8.64 ,8.47
ഉത്തരാഖണ്ഡ് 48.10, 44.94
പശ്ചിമ ബംഗാൾ 9.43