General (Page 1,299)

തിരുവനന്തപുരം: തിരുവനന്തപുരം നഗരത്തിൽ ഇന്നും നാളെയും കുടിവെള്ള വിതരണം തടസപ്പെടും. കനകനഗറിൽ വാട്ടർ അതോറിറ്റിയുടെ 700എംഎം ഡിഐ പൈപ്പിൽ ചോർച്ചയുണ്ടായതിനെത്തുടർന്നാണ് ജലവിതരണം തടസപ്പെടുന്നത്.

വെളളയമ്പലം – ശാസ്തമംഗലം റോഡ്, കൊച്ചാർ റോഡ്, ഇടപ്പഴഞ്ഞി, ഒബ്‌സർവേറ്ററി ഹിൽസ്, പാളയം, നിയമസഭ കോംപ്ലക്‌സ്, നന്ദാവനം, വഴുതയ്ക്കാട്, തൈക്കാട്, വലിയശാല, ബേക്കറി, ഊറ്റുകുഴി, സെക്രട്ടേറിയറ്റ്, മാഞ്ഞാലിക്കുളം റോഡ്, ആയുർവേദകോളേജ്, പുളിമൂട്, വഞ്ചിയൂർ, പേട്ട, ചാക്ക, പൂന്തി റോഡ്, വേളി, വെട്ടുകാട്, ശംഖുംമുഖം, കരിക്കകം എന്നിടങ്ങളിലും പാളയം, പാറ്റൂർ സെക്ഷനുകൾക്കു കീഴിൽ വരുന്ന മുഴുവൻ സ്ഥലങ്ങളിലും ഇന്നും നാളെയും ജലവിതരണം തടസപ്പെടും. പിഎച്ച് ഡിവിഷൻ നോർത്ത് എക്‌സിക്യുട്ടീവ് എൻജിനീയറാണ് ഇക്കാര്യം അറിയിച്ചത്.

തിരുവനന്തപുരം കോർപ്പറേഷന്റെ സ്മാർട്ട് ട്രിവാൻട്രം ആപ്പിലൂടെ ടാങ്കർ വഴി ജലവിതരണം ആവശ്യമുളളവർ ബന്ധപ്പെടേണ്ട നമ്പർ: 9496434488 (24 hrs), Land Line No. 0471 – 2377701. ടാങ്കറിൽ വെളളം അത്യാവശ്യം വേണ്ടവർക്ക് ഹെൽപ് ലൈൻ നമ്പർ 8547697340-ൽ ബന്ധപ്പെടാം.

തിരുവനന്തപുരം: കെ.എസ്.ആർ.ടി.സിയുടെ നൂതന പദ്ധതിയായ ‘ഉല്ലാസയാത്ര’ ആദ്യമായി വയനാടിലേയ്ക്ക്. വയനാട് തണുപ്പ് കോരിയിട്ട മഞ്ഞു പാളിയിലൂടെ മാത്രം ഓർത്തെടുക്കാൻ കഴിയുന്ന മായാലോകത്തേക്കാണ് കെഎസ്ആർടിസി ഉപഭോക്താക്കളെ സ്വീകരിക്കുന്നത്. ഏറ്റവും കുറഞ്ഞ ചെലവിലാണ് കെഎസ്ആർടിസി യാത്രക്കാർക്കായി വയനാട് യാത്ര ഒരുക്കിയിരിക്കുന്നത്. ഭക്ഷണവും എൻട്രി ഫീസും ഉൾപ്പെടെ വെറും 1000 രൂപയാണ് ഇതിനായി കെഎസ്ആർടിസി ഈടാക്കുന്നത്. ഫേസ്ബുക്കിൽ പങ്കുവെച്ച കുറിപ്പിലൂടെയാണ് കെഎസ്ആർടിസി ഇക്കാര്യം അറിയിച്ചത്.

പൂക്കോട് തടാകം, ടീ മ്യൂസിയം, ബാണാസുരാസാഗർ, കർലാട് തടാകം, താമരശ്ശേരി ചുരം (പകൽ കാഴ്ചയും രാത്രി കാഴ്ചയും ) തുടങ്ങിയ സ്ഥലങ്ങളാണ് സന്ദർശിക്കുന്നത്. സഞ്ചാരികൾക്ക് എന്നും പുതുമ നിറഞ്ഞ കാഴ്ചകൾ സമ്മാനിക്കുന്ന സുന്ദരയിടമാണ് വയനാട്. വയലും നാടും കാടും ചേരുന്ന അപൂർവം പ്രദേശങ്ങളിലൊന്നാണിവിടം.

താമരശ്ശരി ചുരം കയറുന്നതുമുതൽ വയനാടിന്റെ ദൃശ്യചാരുതയ്ക്ക് തുടക്കമാകും. ചെറുതും വലുതുമായ നൂൽമഴയും കോടമഞ്ഞും പെയ്തിറങ്ങുന്ന ഈ ഹരിതഭൂവിൽ എവിടേയ്ക്ക് കണ്ണുപായിച്ചാലും കാഴ്ചകളിലേക്കുള്ള കയറ്റിറക്കങ്ങളാണ്. വയനാടിന്റെ കാർഷിക ഗോത്രപാരമ്പര്യങ്ങൾ ലോകത്ത് മറ്റൊരിടത്തും ദൃശ്യവുമല്ല.

കെ.എസ്.ആർ.ടി.സി യും വയനാട് ജില്ലാ ടൂറിസം പ്രമോഷൻ കൗൺസിലും ( DTPC) മറ്റ് സർക്കാർ വകുപ്പുകളുമായി ചേർന്ന് കൂടുതൽ വൈവിധ്യമാർന്ന ‘ഉല്ലാസയാത്രകൾ ‘ ആരംഭിക്കുന്നതിന്റെ ചർച്ചകൾ ആരംഭിച്ചു കഴിഞ്ഞു. കുറഞ്ഞ ചെലവിൽ വയനാടൻ കാഴ്ച്ചകൾ സഞ്ചാരികളിലേക്കെത്തിക്കാൻ ഒരുങ്ങിക്കഴിഞ്ഞുവെന്ന് കെ.എസ്.ആർ.ടി.സി വ്യക്തമാക്കി.

ഫേസ്ബുക്ക് കുറിപ്പിന്റെ പൂർണ്ണരൂപം:

കെ.എസ്.ആർ.ടി .സിയുടെ നൂതന പദ്ധതിയായ ‘ഉല്ലാസയാത്ര’ ആദ്യമായി വയനാടിലേയ്ക്ക്…

വയനാട് തണുപ്പ് കോരിയിട്ട മഞ്ഞു പാളിയിലൂടെ മാത്രം ഓർത്തെടുക്കാൻ കഴിയുന്ന മായാലോകം….

സഞ്ചാരികൾക്ക് എന്നും പുതുമ നിറഞ്ഞ കാഴ്ചകൾ സമ്മാനിക്കുന്ന സുന്ദരയിടമാണ് വയനാട്. വയലും നാടും കാടും ചേരുന്ന അപൂർവം പ്രദേശങ്ങളിലൊന്നാണിവിടം.

താമരശ്ശരി ചുരം കയറുന്നതുമുതൽ വയനാടിന്റെ ദൃശ്യചാരുതയ്ക്ക് തുടക്കമാകും. ചെറുതും വലുതുമായ നൂൽമഴയും കോടമഞ്ഞും പെയ്തിറങ്ങുന്ന ഈ ഹരിതഭൂവിൽ എവിടേയ്ക്ക് കണ്ണുപായിച്ചാലും കാഴ്ചകളിലേക്കുള്ള കയറ്റിറക്കങ്ങളാണ്. വയനാടിന്റെ കാർഷിക ഗോത്രപാരമ്പര്യങ്ങൾ ലോകത്ത് മറ്റൊരിടത്തും ദൃശ്യവുമല്ല…

നിങ്ങൾക്ക് ഏറ്റവും സന്തോഷകരമായ യാത്രകൾ സംഘടിപ്പിക്കുന്ന നിങ്ങളുടെ സ്വന്തം കെ എസ് ആർ ടി സി 2021 ഡിസംബർ 11 മുതൽ മലപ്പുറം, പെരിന്തൽമണ്ണ, നിലമ്പൂർ എന്നിവിടങ്ങളിൽനിന്നും വയനാട്ടിലേക്ക് ആദ്യമായി ഉല്ലാസ യാത്ര സംഘടിപ്പിക്കുന്നു, അതും കുറഞ്ഞ ചിലവിൽ ഭക്ഷണവുംഎൻട്രി ഫീസും ഉൾപ്പെടെ വെറും 1000 രൂപക്ക്.

വയനാട് എവിടൊക്കെ പോകുന്നതെന്നറിയണ്ടേ?

പൂക്കോട് തടാകം
ടീ മ്യൂസിയം
ബാണാസുരാസാഗർ
കർലാട് തടാകം
താമരശ്ശേരി ചുരം (പകൽ കാഴ്ചയും രാത്രി കാഴ്ചയും )
തുടങ്ങിയ വിനോദ സഞ്ചാര കേന്ദ്രങ്ങളിലൂടെയാണ് സഞ്ചാരം.

കെ.എസ്.ആർ.ടി.സി യും വയനാട് ജില്ലാ ടൂറിസം പ്രമോഷൻ കൗൺസിലും ( DTPC) മറ്റ് സർക്കാർ വകുപ്പുകളുമായി ചേർന്ന് കൂടുതൽ വൈവിധ്യമാർന്ന ‘ഉല്ലാസയാത്രകൾ ‘ ആരംഭിക്കുന്നതിന്റെ ചർച്ചകൾ ആരംഭിച്ചു കഴിഞ്ഞു. കുറഞ്ഞ ചെലവിൽ വയനാടൻ കാഴ്ച്ചകൾ സഞ്ചാരികളിലേക്കെത്തിക്കാൻ കെ.എസ്.ആർ.ടി.സി ഒരുങ്ങിക്കഴിഞ്ഞു.
അപ്പോ ….. വരുകയല്ലേ …..

മലപ്പുറം – വയനാട് ഉല്ലാസ യാത്ര ഇബ്രോഷർ ഡൗൺലോഡ് ചെയ്യാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക.
Brochure downloadable link : https://bit.ly/3lEIXnE

കൂടുതൽ വിവരങ്ങൾക്ക്:

നിലമ്പൂർ

7736582069
9745047521
9447436967
04931 223929
ഈ – മെയിൽ – nbr@kerala.gov.in

പെരിന്തൽമണ്ണ
9048848436
9544088226
9745611975
04933227342
ഈ – മെയിൽ – pmn@kerala.gov.in

മലപ്പുറം

9447302014
9995726885
9995090216
7736570412
9495306404
04832734950

ഈ – മെയിൽ – mpm@kerala.gov.in

കെഎസ്ആർടിസി, കൺട്രോൾറൂം (24×7)
ടോൾ ഫ്രീ നമ്പർ – 18005994011
മൊബൈൽ – 9447071021
ലാൻഡ്ലൈൻ – 0471-2463799
സോഷ്യൽ മീഡിയ സെൽ, കെഎസ്ആർടിസി – (24×7)
വാട്‌സാപ്പ് – 8129562972
ബഡ്ജ്ജറ്റ് ടൂറിസം സെൽ
ഈ – മെയിൽ – btc.keralartc.gov.in
Connect us on
Website: www.keralartc.com
YouTube – https://youtube.com/channel/UCQO70_lRhoPu__PMrnroIHg
faccebook – https://www.facebook.com/KeralaStateRoadTransportCorporation/
Instagram – https://instagram.com/ksrtcofficial?utm_medium=copy_link
Dailyhunt – https://profile.dailyhunt.in/keralartc
Twitter –
https://twitter.com/transport_state?s=08

തിരുവനന്തപുരം: കഴിഞ്ഞ രണ്ടര ദശകത്തിനിടെ കടലെടുത്തത് സംസ്ഥാനത്തിന്റെ മൊത്തം കടൽ തീരത്തിന്റെ 45 ശതമാനമെന്ന് റിപ്പോർട്ട്. നാഷണൽ സെന്റർ ഫോർ കോസ്റ്റൽ റിസർച്ച് തയ്യാറാക്കിയ നാഷണൽ ഷോർ ലൈൻ ചെയ്ഞ്ച് അസസ്‌മെന്റ് മാപ്പിംഗ് ഫോർ ഇന്ത്യൻ കോസ്റ്റൽ റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്. 1990 മുതൽ 2016 വരെ കാലയളവിലെ ഉപഗ്രഹചിത്രങ്ങളുടെ അടിസ്ഥാനത്തിലാണ് റിപ്പോർട്ട് തയ്യാറാക്കിയത്.

അശാസ്ത്രീയമായ ഹാർബർ, തുറമുഖ നിർമ്മാണം, മണൽ ഖനനം, തീരത്തെ പരിസ്ഥിതി വിരുദ്ധ നിർമ്മാണ പ്രവർത്തനങ്ങൾ, കാലാവസ്ഥാ മാറ്റം മൺസൂൺ വ്യതിചലനം, ആഗോള താപനം മൂലമുണ്ടായ സമുദ്ര ജലനിരപ്പിലെ വർദ്ധന എന്നിവയാണ് തീരം കടലെടുക്കാൻ കാരണമെന്ന് അധികൃതർ ചൂണ്ടിക്കാട്ടുന്നു. കടലിൽ നിന്ന് ഏഴര മീറ്റർ വരെ പൊക്കമുള്ള പ്രദേശമാണ് തീരപ്രദേശം എന്നറിയപ്പെടുന്നത്. 592.96 കിലോമീറ്ററാണ് കേരളത്തിന്റെ തീരപ്രദേശം.

തിരുവനന്തപുരം തേങ്ങാപട്ടണത്തെ ഹാർബർ നിർമ്മാണം, തുറമുഖത്തെ ഡ്രഡ്ജിംഗ്, കൊല്ലം ആലപ്പാട്ട് വർഷങ്ങളായി നടക്കുന്ന മണൽ ഖനനം, ആലപ്പുഴയിൽ പുറക്കാട് മുതൽ ചെല്ലാനം വരെ അശാസ്ത്രീയ ഹാർബർ നിർമ്മാണം, പൊന്നാനി -കാസർകോട് വരെയുള്ള അശാസ്ത്രീയ നിർമ്മാണ പ്രവർത്തനങ്ങൾ തുടങ്ങിയവയാണ് ഭീഷണി സൃഷ്ടിക്കുന്നവ. 1993-2015 കാലയളവിൽ രാജ്യത്തെ സമുദ്രങ്ങളിൽ 3.3 മില്ലി മീറ്റർ ജലനിരപ്പ് ഉയർന്നുവെന്നാണ് കണക്കുകൾ വ്യക്തമാക്കുന്നത്. കൊച്ചി തീരത്തെ സമുദ്ര ജലനിരപ്പിൽ പ്രതിവർഷം 1.75 മില്ലി മീറ്റർ വർധനയും ഉണ്ടായിട്ടുണ്ട്. കൊച്ചിയിലെ 169 ചതുരശ്ര കിലോമീറ്റർ പ്രദേശം വെള്ളപ്പൊക്ക ഭീഷണിയിലാണ്.

തിരുവനന്തപുരം: സ്‌കൂൾ വിദ്യാർത്ഥികളെ ബാബറി ബാഡ്ജ് ധരിപ്പിച്ച സംഭവത്തിൽ കേസെടുത്ത് ബാലാവകാശ കമ്മീഷൻ. സംസ്ഥാന ബാലാവകാശ കമ്മിഷൻ ചെയർമാൻ കെ വി മനോജ്കുമാറാണ് സംഭവത്തിൽ സ്വമേധയാണ് കേസെടുത്തത്. പത്തനംതിട്ട കോട്ടാങ്ങലിൽ സെന്റ് ജോർജ് സ്‌കൂളിലെ പിഞ്ചുവിദ്യാർത്ഥികളെയാണ് തടഞ്ഞുനിർത്തി ബലം പ്രയോഗിച്ച് ഇത്തരത്തിൽ സ്റ്റിക്കർ പതിപ്പിച്ചത്. കുട്ടികളിൽ പലരും ഇതു വേണ്ടെന്ന് അറിയിച്ചെങ്കിലും പോപ്പുലർ ഫ്രണ്ടുകാർ ബലം പ്രയോഗിച്ച് സ്റ്റിക്കർ പതിപ്പിക്കുകയായിരുന്നു.

സംഭവത്തിൽ അടിയന്തര റിപ്പോർട്ട് സമർപ്പിക്കാനാണ് സംസ്ഥാന പൊലീസ് മേധാവിക്കും പത്തനംതിട്ട ജില്ലാ പൊലിസ് മേധാവിക്കും നൽകിയിരിക്കുന്ന നിർദ്ദേശം. സംഭവവുമായി ബന്ധപ്പെട്ട് മൂന്ന് പേർക്കെതിരെ പോലീസ് കേസ് രജിസ്റ്റർ ചെയ്തിരുന്നു. ചുങ്കപ്പാറ സ്വദേശി മുനീർ ഇബ്നു നസീറാണ് കേസിലെ ഒന്നാം പ്രതി. കണ്ടാലറിയാവുന്ന മറ്റു രണ്ട് പേർക്കുമെതിരെയും കേസെടുത്തിട്ടുണ്ട്.

സംഭവത്തിൽ വ്യാപക പ്രതിഷേധമാണ് ഉയർന്നത്. സംഭവത്തിൽ പാലക്കാട് ജില്ലാ അദ്ധ്യക്ഷൻ പ്രശാന്ത് ശിവൻ കേന്ദ്ര ആഭ്യന്തരമന്ത്രിക്കും കേന്ദ്ര വിദ്യാഭ്യാസ മന്ത്രിക്കും ദേശീയ അന്വേഷണ കമ്മീഷനും പരാതി നൽകുകയും ചെയ്തിരുന്നു.

അതേസമയം പോപ്പുലർ ഫ്രണ്ട് പ്രവർത്തകർ നിർബന്ധിപ്പിച്ച് കുട്ടികളെ ബാബറി ബാഡ്ജ് ധരിപ്പിച്ചതിൽ ദേശീയ ബാലാവകാശ കമ്മീഷൻ നടപടി സ്വീകരിച്ചു. സംഭവത്തിൽ പത്തനംതിട്ട എസ്പിയോട് റിപ്പോർട്ട് തേടുമെന്ന് കമ്മീഷൻ ചെയർപേഴസൺ പ്രിയങ്ക് കനുംഗോ വ്യക്തമാക്കിയിരുന്നു.