Highlights (Page 178)

ന്യൂഡൽഹി: ഇന്ത്യ-നേപ്പാൾ സംയുക്ത ബറ്റാലിയൻ തല സൈനിക പരിശീലന അഭ്യാസം ആരംഭിച്ചു.’സൂര്യ കിരൺ’ എന്ന പേരിട്ടിരിക്കുന്ന പരിശീലനം പിത്തോറഗഡിലാണ് നടക്കുന്നത്. 2021 ഒക്ടോബർ 3 വരെയാണ് അഭ്യാസം നടക്കുക.

ഇന്ത്യൻ സൈന്യത്തിൽ നിന്നും നേപ്പാളി ആർമിയിൽ നിന്നുമുള്ള ഓരോ ഇൻഫൻട്രി ബറ്റാലിയൻ അഭ്യാസത്തിൽ പങ്കെടുക്കുന്നു. തീവ്രവാദ വിരുദ്ധ/ദുരന്ത നിവാരണ പ്രവർത്തനങ്ങൾക്കാണ് സൈനിക അഭ്യാസത്തിൽ മുൻഗണന നൽകുന്നത്. അഭ്യാസത്തിന്റെ ഭാഗമായി, സംയോജിച്ചുള്ള പ്രവർത്തനങ്ങളും നടത്തും.

അഭ്യാസത്തിന് തുടക്കം കുറിക്കുന്നതുമായി ബന്ധപ്പെട്ട് സംഘടിപ്പിച്ച ഉദ്ഘാടന ചടങ്ങിൽ ഇന്ത്യൻ, നേപ്പാളി സൈനിക ഈണങ്ങൾക്കനുസൃതമായി ഇരു സംഘങ്ങളും മാർച്ച് നടത്തി. ഇരു സൈനിക വിഭാഗങ്ങളിൽ നിന്നുമുള്ള 650 പ്രതിരോധ ഉദ്യോഗസ്ഥരാണ് പരിപാടിയിൽ പങ്കെടുക്കുന്നത്.

തിരുവനന്തപുരം: 2020 ജൂൺ മാസത്തിൽ രജിസ്ട്രർ ചെയ്ത വിവാഹങ്ങളിൽ കൂടുതലും വരൻ മുസ്ലീം സമുദായത്തിൽപ്പെട്ടയാളും പെൺകുട്ടികൾ ക്രിസ്ത്യൻ ഹിന്ദു കമ്യൂണിറ്റികളിൽപ്പെട്ട വരുമാണെന്ന് ഹിന്ദു ഐക്യ വേദി സംസ്ഥാന അദ്ധ്യക്ഷ ശശികല ടീച്ചർ. 2020 ജൂണിൽ രജിസ്ട്രർ ചെയ്ത 65 വിവാഹങ്ങളിൽ 64 എണ്ണവും ഇത്തരത്തിലാണെന്ന് ശശികല ടീച്ചർ പറഞ്ഞു. ഫേസ്ബുക്കിൽ പങ്കുവെച്ച കുറിപ്പിലൂടെയായിരുന്നു ശശികല ടീച്ചറുടെ പ്രതികരണം.

ലൗവ് ജിഹാദ് ഉണ്ടോ ഇല്ലയോ എന്ന് അറിയില്ല. പക്ഷേ ഇങ്ങനെ ചില വിസ്മയങ്ങൾ നടക്കുന്നുണ്ട്. കഴിഞ്ഞവർഷം രജിസ്ട്രേഷൻ ഡിപ്പാർട്ട്‌മെന്റ് സ്‌പെഷ്യൽ മാര്യേജ് ആക്റ്റ് അനുസരിച്ച് വിവാഹിതരാകുന്നതിനുള്ള അപേക്ഷകരുടെ വിവരങ്ങൾ ഇനി മുതൽ വെബ്‌സൈറ്റിൽ പ്രസിദ്ധീകരിക്കേണ്ടതില്ലെന്നും നോട്ടീസ് ബോർഡിൽ മാത്രം പ്രസിദ്ധീകരിച്ചാൽ മതിയെന്നും തീരുമാനിക്കുന്നതിന് തൊട്ടുമുൻപുള്ള മാസം ലോക്ക് ഡൗൺ നിലനിൽക്കെ 2020 ജൂൺ മാസത്തിൽ മാത്രം കേരളത്തിലെ രജിസ്ട്രർ ഓഫിസുകളിൽ നടന്നത് 65 വിവാഹങ്ങൾ ആണ്. ഇവയെല്ലാം ലവ് ജിഹാദാണെന്നോ പ്രണയ വിവാഹങ്ങളല്ലെന്നോ അവയിൽ ഒന്നും പ്രണയമില്ലെന്നോ അല്ല. പക്ഷേ ഇതിൽ ഏതാണ്ട് 95 ശതമാനവും 18 ഉം 19 ഉം വയസുള്ള പെൺകുട്ടികളാണെന്ന് ശശികല പറഞ്ഞു.

ലിസ്റ്റിലുള്ള 65 പേരിൽ ഒരെണ്ണമൊഴികെ ബാക്കിയെല്ലാത്തിലും വരൻ മുസ്ലീം സമുദായത്തിൽപ്പെട്ടയാളും പെൺകുട്ടികൾ ക്രിസ്ത്യൻ ഹിന്ദു കമ്യൂണിറ്റികളിൽ പെട്ടവരുമാണ്. സ്‌നേഹത്തിന് ജാതിയും മതവും ഒന്നുമില്ലെങ്കിലും സ്‌നേഹിച്ചവർ വിവാഹത്തിലെത്തുമ്പോൾ ഇതെല്ലം കടന്നുവരാറുള്ളതായാണ് സാധാരണ കണ്ടു വരുന്നത്. ഇതിൽ 65 പേരിൽ എത്രപേർ ജാതിക്കും മതത്തിനും അതീതമായിട്ടാണ് പരസ്പരം സ്‌നേഹിച്ചതെന്ന് ഇതിലെ ഫോട്ടോകൾ പോലും സാക്ഷ്യപ്പെടുത്തുന്നുണ്ട്. അതിൽ ഏഴ് പേരൊഴികെ ബാക്കിയെല്ലാവരും ഹൂറിപെണ്ണുങ്ങളായി വസ്ത്രധാരണം ചെയ്തുകൊണ്ടാണ് ഫോട്ടോയ്ക്ക് പോലും പോസ് ചെയ്തിട്ടുള്ളത്. അതെല്ലാം അവരുടെ വ്യക്തിസ്വാതന്ത്ര്യമാണെങ്കിലും കണ്ടിരിക്കുന്ന പൊതുസമൂഹത്തിനും മറ്റുള്ള മിശ്രവിവാഹിതർക്കും ഇതൊരു വിസ്മയമായി തോന്നുന്നതിൽ തെറ്റുപറയാനാവില്ലല്ലോയെന്ന് ശശികല ചോദിച്ചു.

മിശ്രവിവാഹങ്ങൾ പ്രേത്സാഹിക്കപ്പെടേണ്ടത് തന്നെയാണ് ഇന്ത്യൻ ഭരണഘടന മിശ്രവിവാവാഹിതർക്ക് പ്രത്യേക പരിഗണനകളും ആനുകൂല്യങ്ങളും നൽകുന്നുമുണ്ട്. എന്നാൽ, ഇത് ഭർത്താവിന്റെ മതത്തിലേക്ക് ആളെ ചേർക്കാനുള്ള ഉഡായിപ്പായി മാറുന്ന വിസ്മയത്തെ ഗൗരവമായി കാണേണ്ടതുണ്ട്. ഇതിന് മിശ്രവിവാഹം എന്നല്ല വിളിക്കേണ്ടത്. മതപരിവർത്തനം എന്നു തന്നെയാണെന്നും ശശികല ടീച്ചർ ഫേസ്ബുക്കിൽ കുറിച്ചു.

തിരുവനന്തപുരം: കേരളത്തിന്റെ മതസൗഹാർദം സംരക്ഷിക്കപ്പെടണമെന്ന് മതനേതാക്കന്മാർ. നിലവിലെ പ്രത്യേക സാഹചര്യത്തിൽ സർക്കാർ സർവകക്ഷി യോഗം വിളിക്കണമെന്നും മതനേതാക്കന്മാർ ആവശ്യപ്പെട്ടു. തിരുവനന്തപുരത്ത് ചേർന്ന വിവിധ മതനേതാക്കന്മാരുടെ യോഗത്തിലാണ് ഇത്തരമൊരു ആവശ്യം ഉയർന്നത്. പാലാ ബിഷപ്പിന്റെ നാർക്കോട്ടിക്‌സ് ജിഹാദ് പരാമർശം ശരിയോ തെറ്റോ എന്ന് യോഗം ചർച്ച ചെയ്തില്ലെന്ന് ക്ലിമ്മിസ് കാത്തോലിക്ക ബാവയും പാണക്കാട് മുനവ്വറലി ശിഹാബ് തങ്ങളും ഉൾപ്പടെയുള്ള മത നേതാക്കൾ അറിയിച്ചു.

മയക്കുമരുന്നിനെ കുറിച്ച് പറയാൻ മയക്കുമരുന്ന് എന്ന വാക്ക് തന്നെ ഉപയോഗിക്കുന്നതാണ് ഉചിതമെന്ന് ക്ലിമ്മിസ് കാത്തോലിക്ക ബാവ പറഞ്ഞു. മതസമൂഹങ്ങൾ തമ്മിലുള്ള ആത്മബന്ധം ഒരു കാരണവശാലും നഷ്ടപ്പെടാൻ പാടില്ല. സാമുദായിക ഐക്യം സംരക്ഷിക്കപ്പെടണം. അതിനായി ഇതര മതനേതാക്കന്മാർ ഒത്തുചേരുന്ന ഫോറങ്ങൾ പ്രാദേശികമായി ഉണ്ടാവണം. ഇതര സമുദായങ്ങൾക്ക് മുറിവേൽക്കാതിരിക്കാനും ബഹുമാനത്തോടെ അവരെ കാണുന്നതിനുമുള്ള സവിശേഷമായ ശ്രദ്ധ എല്ലാവരുടെയും ഭാഗത്ത് നിന്ന് ഉണ്ടാകണം. മത-ആത്മീയ മേഖലകളിൽ പ്രവർത്തിക്കുന്നവർ ഈ വിഷയത്തിൽ പ്രത്യേകിച്ചും ശ്രദ്ധ പുലർത്തണമെന്ന് അദ്ദേഹം അഭ്യർത്ഥിച്ചു.

ആരെയെങ്കിലും പ്രത്യേകമായി അപലപിക്കാനോ ന്യായീകരിക്കാനോ വേണ്ടിയല്ല യോഗം ചേർന്നത്. പാലാ ബിഷപ്പിന്റെ പ്രസ്താവനയുടെ പശ്ചാത്തലത്തിൽ ഉണ്ടായ പ്രത്യേക സാഹചര്യത്തിൽ ആണ് യോഗം ചേർന്നത്. പക്ഷെ ബിഷപ്പിന്റെ പ്രസ്താവന ശരിയോ തെറ്റോ എന്നതല്ല യോഗത്തിൽ ചർച്ചയായ വിഷയം. മതസൗഹാർദവും സഹവർത്തിത്തവുമാണ് ഏറ്റവും പ്രാധാന്യത്തോടെ കാണേണ്ടത്. കേരളത്തിൽ മതസൗഹാർദം ശക്തിപ്പെടുത്താനുള്ള പരിശ്രമങ്ങൾക്ക് യോഗത്തിൽ പങ്കെടുത്ത എല്ലാവരും പൂർണ പിന്തുണ പ്രഖ്യാപിച്ചു. ചങ്ങനാശേരി ആർച്ച് ബിഷപ്പ് യോഗത്തിൽ പങ്കെടുക്കുന്നതിന് അസൗകര്യം അറിയിച്ചിരുന്നുവെന്നും ക്ലിമ്മിസ് കാത്തോലിക്ക ബാവ പറഞ്ഞു. മത സൗഹാർദം കാത്തുസൂക്ഷിക്കണം. മറ്റ് സമൂഹങ്ങൾക്ക് മുറിവേൽക്കാതിരിക്കാൻ ശ്രദ്ധ വേണമെന്നും അദ്ദേഹം അഭിപ്രായപ്പെട്ടു.

കോഴിക്കോട്: എല്ലാ വിഭാഗങ്ങളേയും ഒരുമിച്ച് കൊണ്ടുപോയ കെ കരുണാകരന്റെ ശൈലിയാണ് മുഖ്യമന്ത്രി പിണറായി വിജയനുള്ളതെന്ന പ്രസ്താവന തിരുത്തി കോൺഗ്രസ് നേതാവ് കെ മുരളീധരൻ. കരുണാകരന്റെ ശൈലിയല്ല പിണറായി വിജയനെന്ന് അദ്ദേഹം പറഞ്ഞു. കേന്ദ്ര കേരള സർക്കാരുകൾക്ക് എതിരായ യുഡിഎഫ് ധർണ ഉദ്ഘാടനം ചെയ്ത് സംസാരിക്കവെയാണ് മുരളീധരന്റെ പ്രതികരണം.

കരുണാകരൻ മതനേതാക്കളെ സഹായിച്ച് പ്രശ്‌നം പരിഹരിക്കുകയാണ് ചെയ്തത്. എന്നാൽ പിണറായി പറഞ്ഞ് പറ്റിക്കുകയാണ് ചെയ്തതെന്നാണ് മുരളീധരൻ പറയുന്നത്. കഴിഞ്ഞ ദിവസമാണ് മുഖ്യമന്ത്രി പിണറായി വിജയന് കരുണാകരന്റെ ശൈലിയാണെന്ന് മുരളീധരൻ പറഞ്ഞത്. ജാതി മത വിഭാഗങ്ങളെ ഒരുമിച്ച് കൊണ്ടുപോകാനുള്ള അസാധാരണ ശേഷി പിണറായിക്ക് ഉണ്ടെന്നായിരുന്നു മുരളീധരന്റെ പരാമർശം. തിരുവനന്തപുരം ജില്ല കോൺഗ്രസ് കമ്മറ്റി സംഘടിപ്പിച്ച ശിൽപ്പശാലയിൽ സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്.

മതസാമുദായിക നേതാക്കൾക്ക് തെരഞ്ഞെടുപ്പ് കാലത്ത് നിരവധി ആനുകൂല്യം പ്രഖ്യാപിച്ചു. എന്നാൽ തെരഞ്ഞെടുപ്പ് കഴിഞ്ഞതോടെ എല്ലാം പിൻവലിച്ചു. ജനങ്ങളെ ദ്രോഹിക്കുന്നതിൽ കേന്ദ്ര കേരള സർക്കാരുകൾ മത്സരിക്കുകയാണ്. തുഗ്ലക്കിന്റെ പരിഷ്‌ക്കാരങ്ങളാണ് കോവിഡിന്റെ കാര്യത്തിൽ സർക്കാർ നടപ്പാക്കുന്നത്. വല്യേട്ടൻ സ്വർണ്ണം കടത്തുമ്പോൾ ചെറിയേട്ടൻ തേക്ക് കടത്തുന്ന രീതിയാണെന്നും അദ്ദേഹം കൂട്ടിച്ചേർത്തു.