Highlights (Page 167)

റോം: ജി-20 ഉച്ചകോടിയില്‍ കൊവിഡിനെതിരെ രാജ്യം കൈവരിച്ച നേട്ടങ്ങളെ ഊന്നിപ്പറഞ്ഞ് പ്രധാനമന്ത്രി നരേന്ദ്രമോദിയുടെ പ്രസംഗം. ‘ആഗോള ജനസംഖ്യയുടെ ആറില്‍ ഒന്ന് എന്നായി കൊവിഡ് വ്യാപനം കുറക്കാന്‍ ഇന്ത്യക്ക് കഴിഞ്ഞു. ഇതിലൂടെ ആഗോള സുരക്ഷ ഉറപ്പാക്കാനും, വൈറസിന് കൂടുതല്‍ ജനിതക മാറ്റങ്ങള്‍ ഉണ്ടാകുന്നത് തടയാനും സാധിച്ചു’, പ്രധാനമന്ത്രി അവകാശപ്പെട്ടു.

ലോക രാഷ്ട്രങ്ങളുടെ ഉപയോഗത്തിനായി അടുത്ത വര്‍ഷം 5 ബില്യനിലധികം ഡോസ് കൊവിഡ് വാക്‌സിന്‍ നിര്‍മ്മിക്കാനുള്ള ഒരുക്കത്തിലാണ് ഇന്ത്യ എന്നും മോദി വ്യക്തമാക്കി. രാജ്യാന്തര യാത്രകള്‍ പ്രോത്സാഹിപ്പിക്കണമെന്നും ഇതിനായി മറ്റു രജ്യങ്ങളില്‍ നിന്നുമുള്ള വാക്‌സിന്‍ സര്‍ട്ടിഫിക്കറ്റുകള്‍ക്ക് ലോകരാഷ്ട്രങ്ങള്‍ അംഗീകാരം നല്‍കണമെന്നും അദ്ദേഹം പറഞ്ഞു.

150ല്‍ അധികം രാജ്യങ്ങള്‍ക്ക് കൊവിഡ് വാകിസ്ന്‍ എത്തിച്ചു നല്‍കാന്‍ ഇന്ത്യക്ക് സാധിച്ചു. ‘ഒരേ ഭൂമി, ഒരേ ആരോഗ്യം’ എന്ന കാഴ്ചപ്പാടാണ്‌ പ്രസംഗത്തില്‍ മോദി പങ്കുവെച്ചത്.  

ന്യൂയോർക്ക്: ഇന്ത്യയിൽ നിന്നു വിവിധ സംഘങ്ങൾ കവർച്ച ചെയ്ത പുരാവസ്തുക്കൾ തിരിച്ചു നൽകി അമേരിക്ക. രാജ്യത്ത് നിന്നും കടത്തിയ 248 പുരാവസ്തുക്കൾ യുഎസ് തിരികെ നൽകിയത്.

12-ാം നൂറ്റാണ്ടിലെ നടരാജ വിഗ്രഹം ഉൾപ്പെടെ 112 കോടി രൂപയോളം വിലമതിക്കുന്ന പുരാവസ്തു ശേഖരമാണ് ഇന്ത്യയ്ക്ക് തിരികെ ലഭിച്ചത്. യുഎസിലെ ഇന്ത്യൻ കോൺസൽ ജനറൽ രൺധീർ ജെയ്സ്വാളാണ് പുരാവസ്തുക്കൾ ഏറ്റുവാങ്ങിയത്.

യുഎസിലെ 5 കുറ്റാന്വേഷണ സംഘങ്ങൾ കഴിഞ്ഞ ദശകങ്ങളിലാണ് ഈ പുരാവസ്തുക്കൾ വീണ്ടെടുത്തത്. നടരാജന്റെ വെങ്കലശിൽപം ഉൾപ്പെടെ ഇവയിൽ 235 എണ്ണം നിലവിൽ ജയിലിൽ വിചാരണ കാത്തു കഴിയുന്ന, കലാവസ്തു ദല്ലാൾ സുഭാഷ് കപൂറിൽ നിന്നും കണ്ടെടുത്തവയാണ്. കപൂറും സഹായികളും കടത്തിയ 1000 കോടി രൂപയിലേറെ വിലവരുന്ന 2,500 വസ്തുക്കളാണ് കണ്ടെടുത്തിരിക്കുന്നത്. അഫ്ഗാനിസ്താൻ, കംബോഡിയ, നേപ്പാൾ, പാക്കിസ്ഥസ്താൻ, ശ്രീലങ്ക തുടങ്ങിയ രാജ്യങ്ങളിൽ നിന്നും ഇയാൾ പുരാവസ്തുക്കൾ കടത്തിയിട്ടുണ്ട്.

ന്യൂഡൽഹി: ന്യൂനപക്ഷ സ്‌കോളർഷിപ്പ് കേസിൽ സംസ്ഥാന സർക്കാരിന് തിരിച്ചടി. കേസിൽ ഹൈക്കോടതി വിധിക്ക് സ്റ്റേയില്ല. ന്യൂനപക്ഷ സ്‌കോളർഷിപ്പിലുള്ള 80:20 അനുപാതം റദ്ദാക്കിയ കേരള ഹൈക്കോടതി വിധിക്കെതിരെ സംസ്ഥാന സർക്കാരാണ് സുപ്രീംകോടതിയെ സമീപിച്ചത്. ഹർജി പരിഗണിച്ച് ഹൈക്കോടതി വിധി സ്റ്റേ ചെയ്യണമെന്നായിരുന്നു സംസ്ഥാന സർക്കാർ ആവശ്യപ്പെട്ടിരുന്നത്. ജസ്റ്റിസ് എൽ നാഗേശ്വർ റാവു അദ്ധ്യക്ഷനായ ബെഞ്ചാണ് സംസ്ഥാന സർക്കാരിന്റെ ഹർജി പരിഗണിച്ചത്. എന്നാൽ സംസ്ഥാന സർക്കാരിന്റെ ആവശ്യം സുപ്രീം കോടതി നിരസിച്ചു. കേസിലെ കക്ഷിക്കാർക്ക് കോടതി നോട്ടീസ് അയക്കുകയും ചെയ്തു.

80:20 അനുപാതം റദ്ദാക്കി ജനസംഖ്യാടിസ്ഥാനത്തിലാവണം സ്‌കോളർഷിപ്പ് നൽകണ്ടതെന്നായിരുന്നു കേരള ഹൈക്കോടതി വിധി. ന്യൂനപക്ഷ സ്‌കോളർഷിപ്പ് തീരുമാനിക്കാൻ സംസ്ഥാനത്തിന് അധികാരമില്ല. ഒരു വിഭാഗത്തിന് മാത്രം ആനുകൂല്യങ്ങൾ നൽകുന്നത് വിവേചനം ആണെന്നായിരുന്നു ഹൈക്കോടതിയുടെ നിരീക്ഷണം. എന്നാൽ വിദ്യാഭ്യാസ പിന്നാക്കാവസ്ഥ പരിഗണിക്കാതെ സ്‌കോളർഷിപ്പ് നൽകിയാൽ അത് അനർഹർക്കായിരിക്കും ലഭിക്കുകയെന്നാണ് സർക്കാർ പറയുന്നത്.

അതേസമയം 80:20 അനുപാതം റദ്ദാക്കിയ ഹൈക്കോടതി ഉത്തരവിനെതിരെ സർക്കാർ സുപ്രീംകോടതിയെ സമീപിച്ചതിൽ സിറോമലബാർ സഭ പ്രതിക്ഷേധം അറിയിച്ചിരുന്നു. സുപ്രീംകോടതിയിൽ സമർപ്പിച്ച അപ്പീൽ പിൻവലിക്കാൻ സർക്കാർ തയ്യാറാകണമെന്നായിരുന്നു സഭയുടെ നിലപാട്. സർവകക്ഷിയോഗത്തിന്റെ തീരുമാനങ്ങൾക്ക് വിരുദ്ധമായാണ് സർക്കാരിന്റെ ഇപ്പോഴത്തെ നിലപാടെന്നും ഇതിന് പിന്നിൽ ചില സമ്മർദ്ധമുണ്ടായെന്ന് ന്യായമായും അനുമാനിക്കണമെന്നും സഭ പറഞ്ഞിരുന്നു. ഹൈക്കോടതി വിധി അംഗികരിച്ച് എല്ലാവർക്കും തുല്യനീതി നടപ്പിലാക്കുകയാണ് സംസ്ഥാന സർക്കാർ ചെയ്യേണ്ടതെന്നാണ് സീറോ മലബാർ സഭ ആവശ്യപ്പെടുന്നത്.