‘രോമാഞ്ചം!’ കാന്താരയെ പ്രശംസിച്ച് രജനികാന്ത്; സ്വപ്ന സാക്ഷാല്ക്കാരമെന്ന് ഋഷഭ് ഷെട്ടി
ഋഷഭ് ഷെട്ടി സംവിധാനം ചെയ്ത് അദ്ദേഹം തന്നെ പ്രധാന വേഷത്തിലെത്തുന്ന കന്നഡ ചിത്രം ‘കാന്താര’ രാജ്യത്തുടനീളം വിജയകരമായി പ്രദര്ശനം തുടരുകയാണ്. മലയാളം, ഹിന്ദി, തെലുങ്ക്, തമിഴ് എന്നീ ഭാഷകളിലേക്ക് ഡബ്ബ് ചെയ്തും പ്രദര്ശനം ചിത്രത്തിന്റെ നടത്തുന്നുണ്ട്.
നേരത്തെ കാന്താരയെ പ്രശംസിച്ച് വിവിധ ഭാഷകളില് നിന്നുള്ള സെലിബ്രിറ്റികള് രംഗത്തെത്തിയിരുന്നു. ഇപ്പോഴിതാ, തമിഴ് സൂപ്പര് സ്റ്റാര് രജനികാന്തും ചിത്രത്തെ പ്രശംസിച്ചിരിക്കുകയാണ്. കാന്താര കണ്ട് രോമാഞ്ചമുണ്ടായെന്ന് രജനികാന്ത് ട്വിറ്ററില് കുറിച്ചു. ഋഷഭ് ഷെട്ടിയെ പേരെടുത്ത് അഭിനന്ദിക്കുകയും ചെയ്തു. തന്റെ സ്വപ്നം സാക്ഷാത്കരിച്ചത് പോലെയാണെന്നും ഗ്രാമീണ കഥകള് ചെയ്യാന് തന്നെ പ്രചോദിപ്പിച്ചത് രജനികാന്താണെന്നും ഋഷഭ് ഷെട്ടി പ്രതികരിച്ചു.
കാന്താര’ ഒരു വലിയ സിനിമാറ്റിക് നേട്ടമാണെന്ന് പൃഥ്വിരാജ് സോഷ്യല് മീഡിയയില് കുറിച്ചിരുന്നു. ”ഋഷഭ് ഷെട്ടി ക്യാമറയ്ക്ക് മുന്നിലും പിന്നിലും ഒരുപോലെ കഴിവുള്ളയാളാണ്. ഹൊംബാലെ ഫിലിംസ്, നിങ്ങള് എന്തൊക്കെ തരം ഉള്ളടക്കമാണ് നിര്മ്മിക്കുന്നത്?, വഴി കാണിച്ചതിന് നന്ദി. മനോഹരമായ അവസാന 20 മിനിറ്റിനായി കാത്തിരിക്കുക,” എന്നാണ് പൃഥ്വിരാജ് ട്വീറ്റ് ചെയ്തത്.