General (Page 1,492)

തിരുവനന്തപുരം: സംസ്ഥാന സർക്കാർ തങ്ങൾക്ക് വലിയ പിന്തുണ നൽകുന്നുവെന്ന ഗോയെങ്ക ഗ്രൂപ്പിന്റെ അഭിന്ദന ട്വീറ്റും കേരളം മികച്ച നിക്ഷേപ സൗഹൃദ സംസ്ഥാനമാണെന്ന മുഖ്യമന്ത്രി പിണറായി വിജയന്റെ മറുപടിയുമാണ് ഇപ്പോൾ സാമൂഹ്യ മാദ്ധ്യമങ്ങളിലെ ചർച്ചാ വിഷയം. സർക്കാരിനെ അഭിനന്ദിച്ചു കൊണ്ടുള്ള ഗോയെങ്ക ഗ്രൂപ്പിന്റെ ട്വീറ്റ് പുതിയ വിവാദങ്ങൾക്ക് വഴിവെച്ചിരിക്കുകയാണ്. ആർ.പി. ഗോയെങ്ക ഗ്രൂപ്പും ഹാരിസൺ മലയാളം ലിമിറ്റഡും തമ്മിലുളള ബന്ധമാണ് ചർച്ചയാകുന്നത്.

കുടിയേറ്റ തൊഴിലാളികളുടെ അവകാശ സംരക്ഷകനും സ്വതന്ത്ര പത്രപ്രവർത്തകനുമായ റെജിമോൻ കുട്ടപ്പനാണ് ഇതുസംബന്ധിച്ച് ഫേസ്ബുക്ക് കുറിപ്പ് പങ്കുവെച്ചിരിക്കുന്നത്. ആർ.പി. ഗോയെങ്ക ഗൂപ്പ് ഹാരിസൺ മലയാളം ലിമിറ്റഡ് എന്ന പേരിൽ കൈവശം വച്ചിരിക്കുന്നത് 76,756 ഏക്കർ ഭൂമിയാണ്. ഇതിൽ 59,363 ഏക്കറിന് രേഖകളില്ല. ഇതിൽ 12,568 ഏക്കറിന് വ്യാജ രേഖകളാണെന്നും 29,000 ഏക്കറിൽ നിന്നും ഒഴിഞ്ഞ് പോകാൻ കേസ് നടക്കുന്നുണ്ടെന്നും റജിമോൻ ഫേസ്ബുക്കിൽ കുറിച്ചു. ഇതെല്ലാം രാജമാണിക്യം റിപ്പോർട്ടിൽ ഉണ്ടെന്നും അദ്ദേഹം പറയുന്നു.

റജിമോൻ കുട്ടപ്പന്റെ ഫേസ്ബുക്ക് പോസ്റ്റ്

മുഖ്യമന്ത്രിയെ പുകഴ്ത്തിയ മുഖ്യമന്ത്രി തിരിച്ചുനന്ദി പറഞ്ഞ RP ഗോയെങ്ക ഗ്രൂപ്പിന്റെ ഹാരിസൺ മലയാളം ലിമിറ്റഡിൻറെ സ്ഥല കേസ് എന്താണ്?RP ഗോയെങ്ക ഗ്രൂപ് ഹാരിസൺ മലയാളം ലിമിറ്റഡ് എന്ന പേരിൽ കേരളത്തിൽ കയ്യിൽ വെച്ചിരിക്കുന്നത് 76,769 ഏക്കർ. അതിൽ 59,363 ഏക്കറിനു രേഖകൾ ഇല്ല. ഒപ്പം 12,568 ഏക്കറിനു വ്യാജ രേഖകൾ ആണ്. 29,000 ഏക്കറിൽ നിന്ന് ഒഴിഞ്ഞു പോകാൻ കേസ് നടക്കുന്നുണ്ട്‌. ഇതെല്ലാം രാജമാണിക്യം റിപ്പോർട്ടിൽ ഉണ്ട് കേട്ടോ.ഇനി RPG

ചരിത്രം (Court Papers)

1) 1800 ലണ്ടൻ ആസ്ഥാനമായ Malayalam Rubber & Produce Co. Ltd. (MPRL) നു തിരുവതാംകൂർ രാജ്യത്ത് സ്ഥലം കിട്ടുന്നു.
2) 14.07.1921, പുതിയ കമ്പനി ‘Malayalam Plantations Ltd.’ (MP (UK) Ltd) യിലേക്ക് MRPL സ്ഥലം കൈമാറുന്നു.
3) ‘Malayalam Plantations Ltd.’ (MP (UK) Ltd) രെജിസ്ട്രേഷൻ ലണ്ടൻ തന്നെ.
4) തിരുവിതാംകൂർ കൊട്ടാരം ‘Malayalam Plantations Ltd. UK ‘ നെ അംഗീകരിക്കുന്നു. കച്ചവടം ചെയ്യാൻ.
5) സ്വാതന്ത്ര്യത്തിനു ശേഷവും ‘Malayalam Plantations Ltd UK .’ സ്ഥലം കയ്യടക്കി വെച്ചിരിക്കുന്നു ഓർക്കുക ലണ്ടൻ ആണ് രെജിസ്ട്രേഷൻ.
6) കേരള ഭൂപരിക്ഷണ നിയമത്തിൽ പോലും ‘Malayalam Plantations Ltd. UK ‘ ഇളവുകൾ കിട്ടുന്നു.
7) 1973 ഇൽ ഫെറ വരുന്നു. വിദേശ നാണയ വിനിമയ ചട്ടം. അപ്പോൾ ‘Malayalam Plantations Ltd. UK ‘ റിസർവ് ബാങ്കിൽ നിന്നും പ്രത്യേക അനുമതി വാങ്ങുന്നു കച്ചവടം നടത്തുന്നു.
8) 5.01.1978 Malayalam Plantations India Ltd. (MP (India) Ltd) എന്ന പുതിയ കമ്പനി ഉണ്ടാക്കുന്നു. അതിലേക്കു ‘Malayalam Plantations Ltd. UK ‘ ലയിപ്പിക്കുന്നു
9) RBI സമ്മതം വേണമായിരുന്നു. 20.02.1979 RBI സമ്മതിക്കുന്നു. 04.04.1979 കോടതി ലയനം ശരിവെക്കുന്നു.
10) ഇതിനിടയിൽ കൊച്ചിയിൽ 1978 ഇൽ Harrisons & Crossfield (India) Ltd കൊച്ചിയിൽ ഉണ്ടാകുന്നു.
11) 1984 ഇൽ Harrisons & Crossfield (India) Ltd MP (India) Ltd ലയനം ഉണ്ടാകുന്നു.
12) Harrisons & Crossfield (India) Ltd അപ്പോൾ തന്നെ പല കച്ചവടം ഉണ്ടായിരുന്നു. Harrisons & Crossfield (India) Ltd പിന്നീട് The East India Tea & Produce Co., Ltd., Wynaad Tea Co. Ltd., Mooply Valley Tea Co. Ltd., Malayalam Rubber & Produce Co. Ltd., Wallardie Tea Estate Ltd എന്നി കമ്പനികളെ വിഴുങ്ങി.
13) ശേഷം 1984 ഇൽ .Harrisons & Crossfield (India) Ltd + MP (India) Ltd = Harrisons Malayalam Limited (HML) ആകുന്നു.

തിരുവനന്തപുരം: സ്ത്രീകളിൽ നിന്നു തന്നെയാണ് സ്ത്രീധനത്തിനെതിരായ ആദ്യ പ്രതിഷേധസ്വരം ഉയരേണ്ടതെന്ന് ആരോഗ്യ വകുപ്പ് മന്ത്രി വീണാ ജോർജ്. വിവാഹം കഴിച്ചയയ്ക്കുമ്പോൾ പെൺകുട്ടികളുടെ സുരക്ഷിതത്വത്തിന് സ്ത്രീധനം ആവശ്യമാണെന്ന കാഴ്ചപ്പാട് മാറ്റാൻ പൊതുസമൂഹം തയാറാകണെന്ന് വീണാ ജോർജ് ആവശ്യപ്പെട്ടു. സ്ത്രീധനത്തിനെതിരായ ബോധവൽക്കരണ പരിപാടിയിൽ പങ്കെടുത്ത് സംസാരിക്കവെയാണ് മന്ത്രി ഇക്കാര്യം വ്യക്തമാക്കിയത്. ‘സ്ത്രീ തേജസ്’ എന്ന പേരിൽ പള്ളിക്കൽ പിയുഎം വിഎച്ച്എസ്എസാണ് പരിപാടി സംഘടിപ്പിച്ചത്.

വിദ്യാർത്ഥികൾക്കും രക്ഷിതാക്കൾക്കുമായാണ് പരിപാടി നടത്തിയത്. സ്വസ്തി ഫൗണ്ടേഷൻ, യങ് ഇന്ത്യൻസ് എന്നിവയുടെ പങ്കാളിത്തത്തോടെയാണ് പരിപാടി സംഘടിപ്പിച്ചത്. പെൺകുട്ടികൾ സ്വയംപര്യാപ്തത ആർജിക്കണമെന്ന് ക്ലാസ് നയിച്ച കൗൺസിലർ വീണാ റേച്ചൽ ജോൺസൺ പറഞ്ഞു. പരസ്പര ബഹുമാനമാണ് കുടുംബ ബന്ധത്തിന്റെ അടിത്തറയെന്നും റേച്ചൽ ജോൺസൺ വിശദമാക്കി.

സ്ത്രീകളുടെ സുരക്ഷയ്ക്ക് ഉതകുന്ന വിവിധ നിയമങ്ങളെക്കുറിച്ച് അഡ്വ. മിറാഷ് അലക്‌സാണ്ടർ പരിപാടിയിൽ വിശദീകരിച്ചു. സ്വസ്തി ഫൗണ്ടേഷൻ ട്രസ്റ്റി ഡോ. ദേവീ മോഹൻ, യങ് ഇന്ത്യൻസ് എക്‌സിക്യൂട്ടിവ് കൗൺസിൽ മെമ്പർ ശങ്കരി ജെ.ഉണ്ണിത്താൻ, സ്‌കൂൾ പ്രിൻസിപ്പൽ സനിൽകുമാർ തുടങ്ങിയവരും യോഗത്തിൽ സംസാരിച്ചു.

കൊല്ലം: സഹായം ആവശ്യപ്പെട്ട് ഫോണിൽ ബന്ധപ്പെട്ട വിദ്യാർത്ഥിയോട് കയർത്ത് സംസാരിച്ച മുകേഷ് എംഎൽഎയ്‌ക്കെതിരെ ബാലാവകാശ കമ്മീഷന് പരാതി. വിദ്യാർത്ഥി സംഘടനയായ എം.എസ്.എഫാണ് മുകേഷിനെതിരെ ബാലാവകാശ കമ്മീഷന് പരാതി നൽകിയത്. പത്താം ക്ലാസിൽ പഠിക്കുന്ന കുട്ടി ഒന്നിലധികം തവണ ഫോൺ വിളിച്ചതിന്റെ പേരിൽ ഭീഷണിപ്പെടുത്തിയ എംഎൽഎക്കെതിരെ നടപടിയെടുക്കണമെന്നാണ് എംഎസ്എഫ് ആവശ്യപ്പെടുന്നത്. അർഹമായ ശിക്ഷ നൽകണമെന്നും എംഎസ്എഫ് ആവശ്യപ്പെടുന്നു.

പാലക്കാട് നിന്നും സഹായം അഭ്യർഥിച്ച് വിളിച്ച പത്താം ക്ലാസുകാരനോടാണ് മുകേഷ് കയർത്തു സംസാരിച്ചത്. സഹായത്തിനു വിളിക്കേണ്ടത് സ്വന്തം നാട്ടിലെ എംഎൽഎയെ ആണെന്നും തന്റെ നമ്പർ തന്ന കൂട്ടുകാരന്റെ ചെവിക്കുറ്റി അടിച്ചു പൊട്ടിക്കുമെന്നും മുകേഷ് പറയുന്നതിന്റെ ഓഡിയോ ക്ലിപ്പ് സാമൂഹ്യ മാദ്ധ്യമങ്ങളിൽ പ്രചരിച്ചതോടെയാണ് സംഭവം പുറത്തറിയുന്നത്. ഇതോടെയാണ് എംഎസ്എഫ് മുകേഷിനെതിരെ പരാതിയുമായി ബാലാവകാശ കമ്മീഷനെ സമീപിച്ചത്.

തിരുവനന്തപുരം: ജമ്മുവിലെ വ്യോമത്താവളത്തിൽ ഡ്രോൺ ആക്രമണം ഉണ്ടായ പശ്ചാത്തലത്തിൽ കേരളത്തിലും തമിഴ്നാട്ടിലും ജാഗ്രത ശക്തമാക്കണമെന്ന് മുന്നറിയിപ്പ്. ഭീകരവാദ ഗ്രൂപ്പുകൾ ഡ്രോൺ ഉപയോഗിച്ച് സംസ്ഥാനങ്ങളിലേക്ക് നുഴഞ്ഞുകയറാനുള്ള സാധ്യത ഉളളതിനാൽ അതീവജാഗ്രത പുലർത്തണമെന്നാണ് നിർദ്ദേശം. രഹസ്യാന്വേഷണ വിഭാഗമാണ് ഇതുസംബന്ധിച്ച മുന്നറിയിപ്പ് നൽകിയത്.

അതിർത്തി മേഖലകളിൽ ചില ഭീകര സംഘടനകൾ ഡ്രോൺ ആക്രമണങ്ങൾക്ക് തയ്യാറെടുക്കുന്നുവെന്ന സൂചനകൾ കേന്ദ്ര രഹസ്യാന്വേഷണ വിഭാഗത്തിന് ലഭിച്ചിട്ടുണ്ട്. താലിബാൻ അടക്കമുള്ള സംഘടനകൾ ആക്രമണം നടത്താനുള്ള സാധ്യതയുമുണ്ടെന്നും റിപ്പോർട്ടുകളുണ്ട്. തീവ്രവാദസംഘടനകളുമായി ചേർന്ന് പ്രവർത്തിക്കാനായി കേരളത്തിൽ നിന്ന് സിറിയയിലേക്കും അഫ്ഗാനിസ്ഥിലേക്കും ആളുകൾ പോയതും തമിഴ്‌നാട് കേന്ദ്രീകരിച്ച് പ്രവർത്തിക്കുന്ന അൽ-ഉമ്മ പോലുള്ള സംഘടനകളുടെ സാന്നിധ്യവും അന്വേഷണ ഏജൻസികൾ നിരീക്ഷിച്ച് വരികയാണ്. ഈ സാഹചര്യത്തിലാണ് ജാഗ്രത കർശനമാക്കാൻ സംസ്ഥാനങ്ങൾക്ക് നിർദ്ദേശം ലഭിച്ചിരിക്കുന്നത്.

തമിഴ്നാട്ടിലേയും കേരളത്തിന്റേയും തെക്കൻ തീരദേശമേഖലയിൽ നാവികസേനയും തീരസുരക്ഷാസേനയും ജാഗ്രതയും നിരീക്ഷണവും ശക്തമാക്കിയിരിക്കുകയാണ്.

തൃശ്ശൂർ: മുരിങ്ങൂർ പീഡനകേസിൽ വനിതാ കമ്മീഷനെതിരെ ആരോപണവുമായി കായിക താരം മയൂഖ ജോണി. പരാതി നൽകിയിട്ടും മൊഴി എടുക്കാൻ പോലും കമ്മീഷൻ എത്തിയില്ലെന്നാണ് മയൂഖ ജോണി ആരോപിക്കുന്നത്. സ്വാധീനത്തിന് വഴങ്ങിയാണ് കമ്മീഷൻ പ്രവർത്തിക്കുന്നതെന്നും ഇന്ന് മൊഴി എടുക്കാൻ എത്തുമെന്ന് അറിയിച്ചിട്ടും വന്നില്ലെന്നും മയൂഖ ജോണി വ്യക്തമാക്കി.

കേസിൽ പോലീസ് അന്വേഷണത്തിൽ സംഭവിച്ചുവെന്നാരോപിച്ച് മയുഖ നേരത്തെ രംഗത്തെത്തിയിരുന്നു. പീഡന വിവരം സംബന്ധിച്ച് എസ്പി പൂങ്കുഴലിയ്ക്ക് പരാതി നൽകിയിരുന്നുവെന്നും എന്നാൽ പോലീസിൽ നിന്നും മോശം സമീപനമാണ് ഉണ്ടായതെന്നുമായിരുന്നു മയൂഖ ജോണിയുടെ വെളിപ്പെടുത്തൽ. വനിതാ കമ്മീഷൻ അദ്ധ്യക്ഷയായിരുന്ന എംസി ജോസഫൈൻ പ്രതികൾക്ക് വേണ്ടി ഇടപെട്ടുവെന്നും മയൂഖ പറഞ്ഞിരുന്നു.

അതേസമയം കേസിൽ പ്രതി ജോൺസന്റെ കുടുംബത്തിൽ നിന്നും അന്വേഷണ സംഘം ഇന്നലെ മൊഴി രേഖപ്പെടുത്തി. പീഡനത്തിനിരയായ യുവതിയുടെ മൊഴിയും അന്വേഷണ സംഘം പരിശോധിക്കുന്നുണ്ട്. നിലവിൽ ജോൺസൺ ഒളിവിൽ പോയിരിക്കുകയാണ്. ഹൈക്കോടതിയിൽ നിന്നും മുൻകൂർ ജാമ്യം നേടാനുള്ള ശ്രമവും ഇയാൾ നടത്തുന്നുണ്ട്. സിയോൻ സഭയിൽ നിന്ന് പുറത്ത് പോയതിനുള്ള വൈരാഗ്യത്താൽ കെട്ടിച്ചമച്ച വ്യാജ കേസാണ് ഇതെന്നാണ് ജോൺസന്റെ കുടുംബത്തിന്റെ ആരോപണം.