മനില: ഫിലിപ്പീൻസിൽ സൈനിക വിമാനം തകർന്നു വീണു. സി-130 എന്ന വിമാനമാണ് തകർന്നു വീണത്. 85 പേരാണ് വിമാനത്തിൽ ഉണ്ടായിരുന്നത്. 15 പേരെ രക്ഷപ്പെടുത്തിയതായി സൈനിക മേധാവി ജനറൽ സിറിലിറ്റോ സൊബെജാന വ്യക്തമാക്കി.
എത്രപേരാണ് മരണപ്പെട്ടതെന്ന് സംബന്ധിച്ച് കൃത്യമായ കണക്കുകൾ ലഭിച്ചിട്ടില്ല. സുലു പ്രവിശ്യയിലെ ജോലോ ദ്വീപിലേക്ക് വിമാനം ഇറക്കാനുള്ള ശ്രമത്തിനിടെയാണ് അപകടം ഉണ്ടായത്. ദക്ഷിണ കഗയാനിലെ ഒറോ സിറ്റിയിൽ നിന്ന് സൈനികരെ മാറ്റുന്നതിനിടെയായിരുന്നു വിമാനം തകർന്നു വീണത്.