General (Page 1,294)

തിരുവനന്തപുരം: രശ്മിതാ രാമചന്ദ്രനെതിരെ നടപടി സ്വീകരിക്കുമെന്ന് അഡ്വക്കേറ്റ് ജനറൽ കെ. ഗോപാലകൃഷ്ണ കുറുപ്പ്. സംയുക്ത സൈനിക മേധാവി ബിപിൻ റാവത്തിന്റെ ഹെലികോപ്ടർ അപകട മരണത്തിന് പിന്നാലെ അദ്ദേഹത്തെ അവഹേളിച്ചതിന് ഗവൺമെന്റ് പ്ലീഡർ രശ്മിത രാമചന്ദ്രനെതിരെ സ്വഭാവിക നടപടിയുണ്ടാകുമെന്ന് അദ്ദേഹം അറിയിച്ചു. സംഭവത്തിൽ സമൂഹ മാദ്ധ്യമങ്ങളിൽ നിന്നും ഉൾപ്പെടെ നിരവധി പരാതികളാണ് അദ്ദേഹത്തിന് ഏറ്റുവാങ്ങേണ്ടി വന്നത്. രശ്മിതയ്‌ക്കെതിരെ ബിജെപിയും വിമുക്ത ഭടൻമാരും അഡ്വക്കേറ്റ് ജനറലിന് പരാതി നൽകുകയും ചെയ്തിരുന്നു.

മരണം ഒരാളെയും വിശുദ്ധനാക്കുന്നില്ലെന്ന വാചകം ഉൾപ്പെടുത്തി പങ്കുവെച്ച കുറിപ്പിൽ ബിപിൻ റാവത്തിനെതിരെ രൂക്ഷ വിമർശനങ്ങളാണ് രശ്മിത രാമചന്ദ്രൻ ഉന്നയിച്ചിരുന്നത്. ഇന്ത്യൻ സേനകളുടെ പരമോന്നത കമാൻഡർ രാഷ്ട്രപതിയാണെന്ന സങ്കൽപം മറികടന്ന് മൂന്ന് സേനകളുടെയും നിയന്ത്രണമുള്ള ചീഫ് ഓഫ് ഡിഫൻസ് സ്റ്റാഫായിട്ടാണ് റാവത്തിനെ നിയമിച്ചതെന്നും രശ്മിത ആരോപിച്ചിരുന്നു. കശ്മീരി പൗരനെ ജീപ്പിൻ മുന്നിൽ കെട്ടിയ ഉദ്യോഗസ്ഥൻ മേജർ ലിതുൽ ഗൊഗോയിക്ക് കമൻഡേഷൻ കാർഡ് സമ്മാനിച്ചത് റാവത്താണെന്നും രശ്മിത കുറ്റപ്പെടുത്തിയിരുന്നു.

സൈന്യത്തിലെ വനിതകളുടെ പ്രവേശനം, പൗരത്വ നിയമം എന്നിവയിൽ അദ്ദേഹം പ്രതിലോമകരമായ നിലപാട് സ്വീകരിരുന്നുവെന്നും സൈനികർ വ്യാജമായി വികലാംഗരാണെന്ന് അവകാശം വാദം ഉന്നയിച്ചെന്ന് റാവത്ത് പറഞ്ഞിരുന്നതായും രശ്മിത ഫേസ്ബുക്കിൽ പങ്കുവെച്ച കുറിപ്പിൽ വ്യക്തമാക്കിയിരുന്നു.

തിരുവനന്തുപുരം: പിജി ഡോക്ടർമാർക്ക് പിന്നാലെ സംസ്ഥാനത്തെ മെഡിക്കൽ കോളേജുകളിലെ ഹൗസ് സർജന്മാരും സമരത്തിൽ. ഇതോടെ ആശുപത്രികളിലെ പ്രവർത്തനങ്ങൾ താറുമാറായിരിക്കുകയാണ്. അത്യാവശ്യ ചികിത്സകൾ മുടങ്ങുകയും ശസ്ത്രക്രിയകൾ മാറ്റിവെയ്‌ക്കേണ്ടി വരികയും ചെയ്യേണ്ട അവസ്ഥയാണ് നിലവിലുള്ളത്. രാവിലെ എട്ടുമുതൽ 24 മണിക്കൂർ നേരത്തേക്കാണ് ഹൗസ് സർജന്മാർ സമരം പ്രഖ്യാപിച്ചത്.

ഹൗസ് സർജന്മാരുമായി ചർച്ച നടത്താനാണ് ആരോഗ്യ വകുപ്പിന്റെ നീക്കം. എന്നാൽ പിജി ഡോക്ടർമാരുമായി ചർച്ച നടത്തേണ്ടതില്ലെന്ന നിലപാടിൽ ഉറച്ചു നിൽക്കുകയാണ് സർക്കാർ. നാല് ദിവസമായി പി ജി ഡോക്ടർമാർ സമരത്തിലാണ്. കൂടുതൽ ഡോക്ടർമാരെ നിയമിച്ച് ജോലിഭാരം കുറയ്ക്കുക, സ്റ്റൈപൻഡ് പരിഷ്‌കരണം തുടങ്ങി നിരവധി ആവശ്യങ്ങളുന്നയിച്ചാണ് പിജി ഡോക്ടർമാർ സമരം നടത്തുന്നത്. ഈ ആവശ്യങ്ങൾ അംഗീകരിച്ചതാണെന്നും പിജി ഡോക്ടർമാരുമായി ചർച്ചയ്ക്കില്ലെന്നുമാണ് സർക്കാരിന്റെ നിലപാട്.

ചികിത്സ നൽകാതെ രോഗികളെ മടക്കി അയക്കേണ്ട അവസ്ഥയിലേക്ക് എത്തിയിരിക്കുകയാണ് പല മെഡിക്കൽ കോളേജുകളും. പകുതിയിൽ താഴെ ഡോക്ടർമാർ മാത്രമാണ് ഇപ്പോൾ മെഡിക്കൽ കോളേജുകളിലുള്ളത്. ഈ സാഹചര്യത്തിലാണ് ഹൗസ് സർജന്മാരെ മാത്രം സർക്കാർ ചർച്ചയ്ക്ക് വിളിച്ചിരിക്കുന്നത്.

തിരുവനന്തപുരം: മുസ്ലീം ലീഗിനെതിരെ രൂക്ഷ വിമർശനവുമായി മുഖ്യമന്ത്രി പിണറായി. കണ്ണൂർ ജില്ല സമ്മേളനത്തിന്റെ സമാപനത്തോട് അനുബന്ധിച്ച നടന്ന പൊതു സമ്മേളനത്തിലായിരുന്നു അദ്ദേഹത്തിന്റെ പരാമർശം. വഖഫ് ബോർഡ് വിഷയത്തിൽ മുസ്ലീംലീഗ് എന്തിനാണ് ഹൈസ്‌കൂൾ കാലത്ത് മരണപ്പെട്ട തന്റെ അച്ഛനെ പറയുന്ന സ്ഥിതിയുണ്ടായതെന്ന് അദ്ദേഹം ചോദിച്ചു. അദ്ദേഹം എന്ത് തെറ്റാണ് ലീഗിനോട് ചെയ്തത്. അദ്ദേഹം ചെത്തുകാരനായതാണോ തെറ്റ്, ആ ചെത്തുകാരന്റെ മകനായ വിജയൻ എന്നതിൽ ഞാൻ അഭിമാനിക്കുന്നുവെന്നും അദ്ദേഹം പറഞ്ഞു.

ചെത്തുകാരന്റെ മകനാണെന്ന് കേട്ടാൽ പിണറായി വിജയൻ എന്ന തനിക്ക് വല്ലാത്തൊരു വിഷമമാകും എന്നാണോ ചിന്തയെന്നും അദ്ദേഹം ചോദിക്കുന്നു. ഓരോരുത്തരും അവരവരുടെ സാംസ്‌കാരത്തിന് അനുസരിച്ചാണ് കാര്യങ്ങൾ പറയുക. മുസ്ലീംലീഗ് നേതാക്കൾ ആദ്യം അമ്മയേയും പെങ്ങളേയും തിരിച്ചറിയണം. നിങ്ങളുടെ ഈ വിരട്ടൽ കൊണ്ട് കാര്യങ്ങൾ നേടി കളയാം എന്ന ധാരണ വേണ്ടെന്നും അദ്ദേഹം മുന്നറിയിപ്പ് നൽകി. നിങ്ങൾ ആരെ തോണ്ടാനാണ് ഇതു ചോദിക്കുന്നതെന്നും അദ്ദേഹം പറഞ്ഞു.

മന്ത്രി മുഹമ്മദ് റിയാസിന്റേത് വിവാഹമല്ല, വ്യഭിചാരമാണെന്നായിരുന്നു ലീഗ് സംസ്ഥാന സെക്രട്ടറി അബ്ദുറഹ്മാൻ കല്ലായി കോഴിക്കോട് റാലിയിൽ അഭിപ്രായപ്പെട്ടത്. റിയാസിന്റേത് വിവാഹമല്ല, വ്യഭിചാരമാണ്. അത് പറയാനുള്ള നട്ടെല്ലുണ്ടാകണം. സ്വവർഗരതിക്ക് നിയമ പ്രാബല്യം കൊണ്ടുവരണമെന്ന് പറയുന്നവരാണ് കമ്മ്യൂണിസ്റ്റ് പാർട്ടികളെന്നും അദ്ദേഹം പരാമർശിച്ചിരുന്നു.

അതേസമയം മുസ്ലിം ലീഗ് സംഘടിപ്പിച്ച വഖഫ് റാലിക്കിടെ മന്ത്രി മുഹമ്മദ് റിയാസിനെയും ഭാര്യ വീണ വിജയനെയും അപകീർത്തിപ്പെടുത്തുന്ന രീതിയിലുളള പരാമർശം നടത്തിയതിന് മുസ്ലീം ലീഗ് ഖേദം പ്രകടിപ്പിച്ചിരുന്നു.