Highlights (Page 212)

തിരുവനന്തപുരം: കോവിഡ് പശ്ചാത്തലത്തില്‍ പ്രതിരോധ സാമഗ്രികളുടെ വില നിശ്ചയിച്ചു. ഇതുപ്രകാരം പിപിഇ കിറ്റിന് പരമാവധി 273 രൂപ മാത്രമേ ഈടാക്കാന്‍ സാധിക്കു. സാനിട്ടൈസറും വിലനിയന്ത്രണ പട്ടികയിലുള്‍പ്പെടുത്തിയിട്ടുണ്ട്.

വില ഇങ്ങനെ
പിപിഇ കിറ്റ്- 273
എന്‍ 95 മാസ്‌ക്- 22
ട്രിപ്പിള്‍ ലെയര്‍ മാസ്‌ക്- 3.90
ഫെയ്‌സ് ഷീല്‍ഡ്- 21
ഡിസ്‌പോസിബിള്‍ ഏപ്രണ്‍- 12
സര്‍ജിക്കല്‍ ഗൗണ്‍-65
എക്‌സാമിനേഷന്‍് ഗ്ലൗസ്- 5.75
ഹാന്‍ഡ് സാനിറ്റൈസര്‍് (500എംഎല്)- 192
ഹാന്‍ഡ് സാനിറ്റൈസര്‍ (200എംഎല്)- 98
ഹാന്‍ഡ് സാനിറ്റൈസര്‍ (100എംഎല്)- 55
സ്റ്റെറൈല്‍ ഗ്ലൗസ് ( ഒരു ജോഡി)- 12
എന്‍ആര്‍ബി മാസ്‌ക്- 80
ഹ്യുമിഡിഫയര്‍ ഉള്ള ഫ്‌ളോമീറ്റര്‍- 1520 രൂപ
ഫിംഗര്‍ ടിപ്പ് പള്‍സ് ഓക്‌സീമീറ്റര്‍- 1500 രൂപ

മുംബൈ: ജനിതകമാറ്റം സംഭവിച്ച വൈറസുകളെ ചെറുക്കാന്‍ പര്യാപ്തമാണ് കോവിഡ് വാക്‌സിനുകളെന്ന് ഇന്ത്യയിലേയും ബ്രിട്ടനിലേയും ഗവേഷകര്‍ നടത്തിയ പഠനത്തില്‍ കണ്ടെത്തി. എന്നാല്‍, വാക്‌സിനിലൂടെ ലഭിക്കുന്ന ആന്റിബോഡികളില്‍ നിന്ന് രക്ഷപ്പെടാന്‍ ചെറിയ തോതില്‍ ജനിതകമാറ്റം വന്ന വൈറസുകള്‍ക്ക് കഴിയും. എങ്കിലും വൈറസിന്റെ ശക്തി കുറയ്ക്കാന്‍ വാക്‌സിനുകള്‍ക്ക് കഴിയും. അതിനാലാണ് വാക്‌സിനെടുത്ത ചിലര്‍ക്ക് രോഗം ബാധിക്കുന്നത്. മൂന്നു മാസം മുന്‍പ് മഹാരാഷ്ട്രയിലെ വിദര്‍ഭയിലാണ് ബി 1.617 എന്ന വകഭേദം കണ്ടെത്തിയത്. ഇരട്ട ജനിതക മാറ്റം വന്ന ഈ വൈറസുകള്‍ക്ക് വലിയ വ്യാപന ശേഷിയാണ്.ജനിതക മാറ്റം വന്ന വൈറസുകള്‍ക്കെതിരെ വാക്‌സിനുകള്‍ ഫലപ്രദമാണെന്ന് ദല്ഹി ജെനോമിക്‌സ് ആന്ഡ് ഇന്റഗ്രേറ്റീവ് ബയോളജിയിലെ ഡോ. അനുരാഗ് അഗര്വാളും വിനോദ് സ്‌കറിയയും പറഞ്ഞു.

കോഴിക്കോട്: സംസ്ഥാനത്ത് ചെറിയ പെരുന്നാള്‍ വ്യാഴാഴ്ചയെന്ന് വിവിധ മഹല്ല് ഖാസിമാരായ പാണക്കാട് ഹൈദരലി ശിഹാബ് തങ്ങള്‍, കാന്തപുരം എ പി അബൂബക്കര്‍ മുസ്ലിയാര്‍, സയ്യിദ് ജിഫ്രി മുത്തുക്കോയ തങ്ങള്‍, സയ്യിദ് ഇബ്‌റാഹിമല്‍് ഖലീല്‍ അല്‍ബുഖാരി, പ്രൊഫ. ആലിക്കുട്ടി മുസ്ലിയാര്‍ എന്നിവര്‍ അറിയിച്ചു.കോവിഡിന്റെ പശ്ചാത്തലത്തില്‍ ഇത്തവണയും ആഘോഷങ്ങള്‍ വീടുകളില്‍ മാത്രമായി ഒതുങ്ങും.പള്ളികളെല്ലാം പൂട്ടികിടക്കുന്നതിനാല്‍ പെരുന്നാള്‍ നിസ്‌കാരവും വീടുകളില്‍ നടത്തേണ്ടി വരും. റമദാന്‍ വ്രതത്തിന് അവസാനം കുറിച്ചു കൊണ്ടാണ് ഇസ്ലാം മത വിശ്വാസികള്‍ ചെറിയ പെരുന്നാള്‍ അഥവാ ഈദുല്‍ ഫിത്തര്‍ ആഘോഷിക്കുന്നത്. ചന്ദ്ര കലണ്ടറിനെ അടിസ്ഥാനപ്പെടുത്തിയാണ് ഇസ്ലാം മതത്തിലെ ആഘോഷ ദിനങ്ങള്‍ തീരുമാനിക്കപ്പെടുന്നത്. ഈ കലണ്ടറിലെ ഒന്‍പതാമത്തെ മാസമായ റമദാനിലാണ് വിശ്വാസികള്‍ നോമ്പ് നോക്കുന്നത്. റമദാനിന് ശേഷമുള്ള മാസമായ ശവ്വാലിലെ ഒന്നാം തീയതിയാണ് ഈദുല്‍ ഫിത്തര്‍.ഇന്ത്യയില്‍ കേരളത്തിലൊഴികെയുള്ള സംസ്ഥാനങ്ങളില്‍ നോമ്പ് തുടങ്ങിയത് ഏപ്രില്‍ 14 നാണ്. ഇസ്ലാമിക വിശ്വാസം അനുസരിച്ച് ഓരോ മാസവും തുടങ്ങുന്നത് ചന്ദ്രക്കല കാണുന്നതിനെ അടിസ്ഥാനമാക്കിയാണ്. കോവിഡ് മഹാമാരിയുടെ പശ്ചാത്തലത്തില്‍ ഇത്തവണയും പെരുന്നാള്‍ ആഘോഷങ്ങള്‍ വളരെ ലളിതമായ രീതിയിലേ നടത്തപ്പെടുകയുള്ളൂ. ആളുകള്‍ കൂടുതല്‍ ദാന ധര്‍മ്മങ്ങളിലും മറ്റു ചാരിറ്റി പ്രവര്‍ത്തനിങ്ങളിലും ഏര്‍പ്പെടുന്ന സമയം കൂടിയാണ് ഈദ്.

തിരുവനന്തപുരം: സംസ്ഥാനത്ത് 50 ശതമാനത്തിന് മുകളില്‍ ടെസ്റ്റ് പോസിറ്റിവിറ്റി നിരക്ക് ഉള്ള 72 പഞ്ചായത്തുകള്‍ ഉണ്ടെന്ന് മുഖ്യമന്ത്രി പിണറായി വിജയന്‍. 300ല്‍ അധികം പഞ്ചായത്തുകളില്‍ 30 ശതമാനത്തിന് മുകളിലാണ് പോസിറ്റിവിറ്റി നിരക്ക്. 500 മുതല്‍ 2000 വരെ ആക്ടീവ് കേസ് ലോഡുള്ള 57 പഞ്ചായത്തുകളുണ്ട്. എറണാകുളം ജില്ലയില്‍ 50 ശതമാനം ടെസ്റ്റ് പോസിറ്റിവിറ്റി റേറ്റുള്ള 19 പഞ്ചായത്തുകളാണുള്ളത്.

കണ്ണൂര്‍, എറണാകുളം, തിരുവനന്തപുരം ജില്ലകളില്‍ രോഗം സ്ഥിരീകരിക്കുന്നവരുടെ എണ്ണം ഉയര്‍ന്നുതന്നെ തുടരുകയാണ്. ഈ ജില്ലകളില്‍ കൂടുതല്‍ ശക്തമായ പ്രതിരോധ പ്രവര്‍ത്തനങ്ങള്‍ നടത്തണം. മറ്റു ജില്ലകളില്‍ രോഗനിരക്ക് പതുക്കെ കുറഞ്ഞുവരുന്നുണ്ട്.മേയ് 15 വരെയുള്ള സമയത്ത് സംസ്ഥാനത്ത് 450 മെട്രിക് ടണ്‍ ഓക്‌സിജന്‍ ആവശ്യമായി വരും എന്നാണ് കണക്കാക്കുന്നത്. ഓക്‌സിജന്‍ വേസ്‌റ്റേജ് കുറയ്ക്കാനുള്ള നടപടികള്‍ സ്വീകരിച്ചിട്ടുണ്ട്. കേന്ദ്ര സര്‍ക്കാര്‍ മൂന്ന് ഓക്‌സിജന്‍ പ്ലാന്റുകള്‍ കൂടി അനുവദിച്ചിട്ടുണ്ടെന്നും മുഖ്യമന്ത്രി പറഞ്ഞു.

മുംബൈ: ഇന്ത്യയില്‍ നിന്നും മെയ് മാസത്തിലെ ആദ്യ ആഴ്ച നടത്തിയ കയറ്റുമതിയില്‍ 80 ശതമാനമാണ് വളര്‍ച്ച. കഴിഞ്ഞ വര്‍ഷം മെയ് ഒന്ന് മുതല്‍ ഏഴ് വരെ 3.91 ബില്യണ്‍ ഡോളറിന്റെ കയറ്റുമതിയാണ് നടന്നത്. 2019 ല്‍ 6.48 ബില്യണ്‍ ഡോളറിന്റെ കയറ്റുമതിയാണ് നടന്നത്. ഇക്കുറി ഇറക്കുമതിയിലും വര്‍ധനവുണ്ട്. കഴിഞ്ഞ വര്‍ഷം ഇതേ സമയത്ത് 4.91 ബില്യണ്‍ ഡോളറിന്റെ കയറ്റുമതിയാണ് നടന്നത്. 2019 ല്‍ ഇത് 10.39 ബില്യണ്‍ ഡോളറായിരുന്നു. കയറ്റുമതിയിലെ കുതിപ്പില്‍ വലിയ പ്രതീക്ഷയര്‍പ്പിച്ചിരിക്കുകയാണ് ഫെഡറേഷന്‍ ഓഫ് ഇന്ത്യന്‍ എക്‌സ്‌പോര്‍ട്ട് ഓര്‍ഗനൈസേഷന്‍ അടക്കമുള്ള സംഘടനകള്‍. കൊവിഡ് വ്യാപനം രാജ്യത്തെ വലിയ പ്രതിസന്ധികളിലും ഈ നേട്ടമുണ്ടാക്കാനായതാണ് പ്രതീക്ഷ വളര്‍ത്തുന്നത്.

തിരുവനന്തപുരം: ലോക്ക് ഡൗണ്‍ കാലത്തെ അടിയന്തര യാത്രകൾക്ക സംസ്ഥാനത്ത് പൊലീസ് പാസ് നിർബന്ധമാക്കി. പൊലീസ് പാസിന് അപേക്ഷിക്കാനുള്ള വെബ്‌സൈറ്റ് പ്രവര്‍ത്തനം ആരംഭിച്ചതായി മുഖ്യമന്ത്രി പിണറായി വിജയ‍ന്‍ അറിയിച്ചു. https://pass.bsafe.kerala.gov.in/ എന്ന വെബ്‌സൈറ്റിലൂടെ പാസിന് അപേക്ഷിക്കാം. അവശ്യ സര്‍വീസ് വിഭാഗത്തിലെ തിരിച്ചറിയല്‍ കാര്‍ഡ് ഇല്ലാത്തവര്‍ക്കും, വീട്ടുജോലിക്കാര്‍, തൊഴിലാളികള്‍ എന്നിവര്‍ക്കും പാസിന് ഓണ്‍ലൈനായി അപേക്ഷിക്കാം.

ഇത്തരം തൊഴിലാളികൾക്കു വേണ്ടി ഇവരുടെ തൊഴില്‍ദായകര്‍ക്കും അപേക്ഷിക്കാം. അനുമതി കിട്ടിയില്‍ ഈ വെബ്‌സൈറ്റില്‍ നിന്ന് പാസ് ഡൗണ്‍ലോഡ് ചെയ്തെടുക്കാവുന്നതാണ്.ജില്ല വിട്ടുള്ള യാത്രകള്‍ തീര്‍ത്തും അത്യാവശ്യമുള്ള കാര്യങ്ങൾക്കും മാത്രമെ പാസ് ഉപയോഗിക്കവൂ. പൊലീസ് പാസിനൊപ്പം തിരിച്ചറിയല്‍ കാര്‍ഡ് കൂടി കരുതണം. വാക്‌സിനേഷന് പോകുന്നവര്‍ക്കും, അടുത്തുള്ള സ്ഥലങ്ങളില്‍ സാധനങ്ങള്‍ വാങ്ങാന്‍ പോകുന്നവര്‍ക്കും സത്യവാങ്മൂലം മതി. അതിന്റെ മാതൃകയും ഈ വെബ്‌സൈറ്റില്‍ ലഭിക്കും.

പേര്, സ്ഥലം, യാത്രയുടെ ഉദ്ദേശം എന്നിവ പാസിനായി അപേക്ഷിക്കുമ്പോള്‍ രേഖപ്പെടുത്തണം. ഇത് പരിശോധിച്ച് സ്പെഷ്യല്‍ ബ്രാഞ്ചാണ് യാത്രാനുമതി നല്‍കുക. അനുമതി ലഭിക്കുന്ന മുറയ്ക്ക് അനുമതി പത്രം ഡൗണ്‍ലോഡ് ചെയ്യാന്‍ സാധിക്കും. ഈ മാതൃകയില്‍ വെള്ള പേപ്പറില്‍ എഴുതിയ സത്യപ്രസ്താവനയും സ്വീകരിക്കും. അടിയന്തരമായി പാസ് ആവശ്യമുള്ളവര്‍ക്ക് സ്റ്റേഷന്‍ ഹൗസ് ഓഫീസര്‍മാരെ നേരിട്ട് സമീപിച്ച് പാസിന് അപേക്ഷ നല്‍കാവുന്നതാണ്.

ഇരുവശത്തേയ്ക്കും യാത്ര ചെയ്യുന്നതിനുള്ള പാസ് യാത്ര തുടങ്ങുന്ന സ്ഥലത്തുള്ള സ്റ്റേഷന്‍ ഹൗസ് ഓഫീസര്‍ തന്നെ നല്‍കും.മരണം, ആശുപത്രി ആവശ്യം, അടുത്ത ബന്ധുവിന്റെ വിവാഹം തുടങ്ങിയ അത്യാവശ്യങ്ങള്‍ക്കാണ് പാസ് അനുവദിക്കുക. ദിവസ വേതനക്കാരായ തൊഴിലാളികള്‍, വീട്ടുജോലിക്കാര്‍ എന്നിവര്‍ക്കും അപേക്ഷിക്കാം.അടുത്തുള്ള കടകളില്‍ അവശ്യസാധനങ്ങളും മരുന്നും വാങ്ങാനായി സത്യപ്രസ്താവന നല്‍കിയാല്‍ മതിയാകും. ഇതിന്റെ മാതൃകയും സൈറ്റില്‍ ലഭ്യമാക്കിയിട്ടുണ്ട്.