Health (Page 180)

ന്യൂഡല്‍ഹി: കോവിഡിന്റെ മൂന്നാം തരംഗം ഇന്ത്യയില്‍ അതികഠിനമായിരിക്കുമെന്ന് റിപ്പോര്‍ട്ട്. എസ്ബിഐ ഇക്കോറാപ്പ് റിപ്പോര്‍ട്ട് അനുസരിച്ച് ഇന്ത്യയില്‍ കൊവിഡ് മൂന്നാംതരംഗം 98 ദിവസം വരെ നീണ്ടുനില്‍ക്കാവുന്നതാണെന്നും മികച്ചരീതിയില്‍ തയ്യാറെടുത്താല്‍ ഇന്ത്യയില്‍ മരണനിരക്ക് പിടിച്ചുനിര്‍ത്താന്‍ സാധിക്കുമെന്നും റിപ്പോര്‍ട്ടില്‍ പറയുന്നു.

എന്നാല്‍ ഇന്ത്യയില്‍ ഒന്നാം തരംഗത്തെ അപേക്ഷിച്ച് രണ്ടാംതരംഗത്തിന്റെ ആധിക്യം അന്താരാഷ്ട്ര ശരാശരിയെക്കാള്‍ കുറവായതിനാല്‍ ഒരുപക്ഷെ മൂന്നാം തരംഗവും മറ്റു ലോകരാജ്യങ്ങളില്‍ അനുഭവപ്പെട്ടതു പോലെ അത്ര തീവ്രമായേക്കില്ലെന്നും റിപ്പോര്‍ട്ട്സൂചിപ്പിക്കുന്നു.പ്രതിദിനകേസുകള്‍ 4.14ലക്ഷംവരെ രേഖപ്പെടുത്തിയ രണ്ടാംതരംഗത്തിനുശേഷം കൊവിഡ് മഹാമാരിയുടെ മൂന്നാംതരംഗം നേരിടുന്നതിനുളള മുന്നൊരുക്കങ്ങള്‍ ഇന്ത്യയില്‍ നടക്കുന്ന അവസരത്തിലാണ് ഈ റിപ്പോര്‍ട്ട് ഒരു മുന്നറിയിപ്പായി വരുന്നത്.

ന്യൂഡല്‍ഹി: കുട്ടികളിലെ കോവിഡ് വ്യാപന നിയന്ത്രണത്തിനായി വിദഗ്ദ്ധ സംഘത്തെ കേന്ദ്രസര്‍ക്കാര്‍ നിയോഗിച്ചു. കുട്ടികളിലെ കോവിഡ് വ്യാപനം നിയന്ത്രിക്കുന്നതിനായി വിദഗ്ധ സംഘത്തെ രൂപീകരിച്ച് മാര്‍ഗനിര്‍ദേശങ്ങള്‍ പുറത്തിറക്കുമെന്നും പീഡിയാട്രിക് ഡോസുകള്‍ക്കായി കേന്ദ്രം തയ്യാറെടുക്കുകയാണെന്ന് ഡോ. വി.കെ പോള്‍ അറിയിച്ചു. എന്നാല്‍ കോവിഷീല്‍ഡ് ഡോസുകള്‍ രണ്ടെണ്ണമായി തന്നെ തുടരുമെന്നും അദ്ദേഹം കൂട്ടിച്ചേര്‍ത്തു. രാജ്യത്ത് കഴിഞ്ഞ ഇരുപത്തിനാല് മണിക്കൂറിനിടെ 1.27 ലക്ഷം കോവിഡ് കേസുകളാണ് റിപ്പോര്‍ട്ട് ചെയ്യപ്പെട്ടത്. കഴിഞ്ഞ 54 ദിവസത്തിനിടയിലെ ഏറ്റവും കുറഞ്ഞ കണക്കാണിത്. രോഗമുക്തി നേടുന്നവരുടെ എണ്ണവും കൂടുന്നുണ്ട്. എന്നാല്‍, രോഗികളുടെ എണ്ണം കുറയുന്നുണ്ടെങ്കിലും മരണനിരക്ക് ഉയര്‍ന്ന് നില്ക്കുന്നത് ആശങ്കയായി തുടരുന്നുണ്ട്.

ന്യൂഡല്‍ഹി: കൊറോണ വൈറസ് ഉത്ഭവത്തെ കുറിച്ച് അന്വേഷണത്തിന് ഇന്ത്യയും. കോവിഡ് -19 വൈറസിന്റെ ഉത്ഭവത്തെക്കുറിച്ച് ആഴത്തിലുള്ള അന്വേഷണത്തിനായി യുഎസ്, യുകെ രാജ്യങ്ങള്‍ക്കൊപ്പമാണ് ഇന്ത്യയും കൈകോര്‍ക്കുക. ചൈനയിലെ വുഹാന്‍് ലാബില്‍ നിന്നാണ് കൊറോണ വൈറസിന്റെ ഉത്ഭവമെന്നാണ് യുഎസ് രഹസ്യാന്വേഷണ ഏജന്‍സി ഉള്‍പ്പെടെ കണ്ടെത്തിയിരിക്കുന്നത്. നേരത്തേ, ചൈനയില്‍് ഇതുമായി ബന്ധപ്പെട്ട പരിശോധയ്ക്കു പോയ ലോക ആരോഗ്യ സംഘടന സംഘത്തിന് ഇന്ത്യ പിന്തുണ അറിയിച്ചിരുന്നു.

ന്യൂഡല്‍ഹി: ലോകത്തില്‍ കണ്ടെത്തിയ വിവിധ കോവിഡ് വകഭേദങ്ങള്‍ക്ക് പേരിട്ട് WHO . ഡെല്‍റ്റ, കാപ്പ, ബീറ്റ, ഗാമ എന്നിങ്ങനെയാണ് ലോകാരോഗ്യസംഘടന പേരിട്ടത്. ഇന്ത്യയില്‍ കണ്ടെത്തിയ വകഭേദമായ ബി.1.617.1 ഡെല്‍റ്റ എന്ന പേരിലും, ബ്രിട്ടണിലെ ജനിതകമാറ്റം വന്ന വൈറസ് കാപ്പ എന്ന പേരിലും അറിയപ്പെടും. ദക്ഷിണാഫ്രിക്കന്‍ വകഭേദത്തിന് ബീറ്റ എന്നും ബ്രസീല്‍ വൈറസ് വകഭേദത്തിന് ഗാമ എന്നുമാണ് പേരിട്ടത്.ഡെല്‍റ്റ വകഭേദം 53 രാജ്യങ്ങളിലാണ് സ്ഥിരീകരിച്ചത്.

മുംബൈ: മുന്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന് കോവിഡ് ചികിത്സയ്ക്ക് ഉപയോഗിച്ച ആന്റിബോഡി മിശ്രിതം ഇന്ത്യയിലെത്തിച്ചു. കാസിരിവിമാബ്, ഇംഡെവിമാബ് എന്നീ രണ്ട് ആന്റിബോഡികള്‍ ചേര്‍ത്തുണ്ടാക്കിയ ഈ മിശ്രിതം മുംബെയിലെ അഞ്ച് രോഗികള്‍ക്ക് നല്‍കി. സ്വിസ് മരുന്ന് കമ്പനിയായ റോച്ചെ വികസിപ്പിച്ചെടുത്ത ഈ മരുന്നിന്റെ ഒരു ഡോസിന് 60,000 രൂപയാണ് വില. സിപ്ലയാണ് ഇന്ത്യയില്‍ വിതരണം ചെയ്യുന്നത്. മനുഷ്യകോശങ്ങളിലേക്ക് കൊറോണ വൈറസിന്റെ പ്രവേശനം തടയുന്നതിനാണ് ഈ മരുന്ന് ഉപയാഗിക്കുന്നത്.ഉയര്‍ന്ന അപകട സാധ്യതയുള്ളവരുടെ രോഗം മൂര്‍ച്ഛിക്കുന്നത് തടയാനാണ് ഈ മരുന്ന് ഉപയോഗിക്കുന്നതെന്ന് ലീലാവതി ആശുപത്രിയിലെ ഡോ. വസന്ത് നഗ്വേകര്‍ പറഞ്ഞു.
അതേസമയം, രാജ്യത്ത് കഴിഞ്ഞ 24 മണിക്കൂറില്‍ 1,65,553 പുതിയ കോവിഡ് കേസുകള്‍ റിപ്പോര്‍ട്ട് ചെയ്തു. തുടര്‍ച്ചായ മൂന്നാം ദിവസമാണ് രണ്ടു ലക്ഷത്തില്‍ താഴെ കേസുകള്‍ റിപ്പോര്‍ട്ട് ചെയ്യുന്നത്. ഇതുവരെ ആകെ 2.78 കോടി പേര്‍ക്കാണ് രോഗം സ്ഥിരീകരിച്ചിട്ടുള്ളത്.21,14,508 സജീവ രോഗികളാണുള്ളത്. ഒറ്റ ദിവസം 3460 കോവിഡ് മരണം കൂടി സ്ഥിരീകരിച്ചതോടെ ആകെ മരണസംഖ്യ 3,25,972 ആയി. 2,76,309 പേരാണ് രോഗമുക്തി നേടിയത്. ഇതോടെ ആകെ രോഗമുക്തര്‍ 2,54,54,320 ആയി.

ന്യൂഡല്‍ഹി: ജൂണോടെ ഏകദേശം 12 കോടി വാക്‌സിന്‍ ഡോസുകള്‍ രാജ്യത്ത് ആഭ്യന്തര വിതരണത്തിന് ലഭ്യമാകുമെന്ന് കേന്ദ്രസര്‍ക്കാര്‍. ഇതുവരെ 212 ദശലക്ഷം ഡോസ് കോവിഡ് വാക്‌സിനുകളാണ് രാജ്യത്ത് വിതരണം ചെയ്തത്. മൊത്തം ജനസംഖ്യയുടെ മൂന്ന് ശതമാനം ആളുകള്ക്കു മാത്രമേ രണ്ട് ഡോസ് വാക്‌സിനുകളും ലഭിച്ചിട്ടുള്ളൂ. ജൂണ്‍മാസത്തില്‍ ആരോഗ്യപ്രവര്‍ത്തകര്‍, മുന്നിര പോരാളികള്‍്, 45- വയസ്സിനു മുകളില്‍ പ്രായമുള്ളവര്‍ എന്നിവര്‍ക്ക് വിതരണം ചെയ്യാന്‍് 6.09 കോടി ഡോസ് കോവിഡ് വാക്‌സിനുകള്‍് സംസ്ഥാനങ്ങള്‍ക്കും കേന്ദ്രഭരണ പ്രദേശങ്ങള്‍ക്കും നല്കും. സൗജന്യമായാണ് ഇത് കേന്ദ്രസര്‍ക്കാര്‍് സംസ്ഥാനങ്ങള്‍്ക്കും കേന്ദ്രഭരണ പ്രദേശങ്ങള്‍ക്കും നല്കുകയെന്നും മന്ത്രാലയം അറിയിച്ചു.