Sports (Page 67)

On:

ദോഹ: ഖത്തര്‍ ലോകകപ്പിലെ ഫൈനലുറപ്പിക്കാന്‍ ലയണല്‍ മെസിയുടെ അര്‍ജന്റീനയും ലൂക്ക മൊഡ്രിച്ചിന്റെ ക്രൊയേഷ്യയും ഇന്ന് നേര്‍ക്കുനേര്‍.

ലുസെയില്‍ സ്റ്റേഡിയത്തില്‍ ഇന്ത്യന്‍ സമയം രാത്രി 12.30 മുതലാണ് അര്‍ജന്റീനയും ക്രൊയേഷ്യയും തമ്മിലുള്ള സെമി ഫൈനല്‍ പോരാട്ടം. പെനാല്‍റ്റി ഷൂട്ടൗട്ടോളം നീണ്ട ക്വാര്‍ട്ടറില്‍ ഹോളണ്ടിന്റെ വലിയ വെല്ലുവിളി മറികടന്നാണ് അര്‍ജന്റീന സെമി ഉറപ്പിച്ചത്. ഒന്നാം റാങ്കുകാരും ഏറ്രവും കൂടുതല്‍ തവണ ലോകകപ്പ് സ്വന്തമാക്കിയിട്ടുമുള്ള ബ്രസീലിനെ ക്വാര്‍ട്ടറിലെ പെനാല്‍റ്റി ഷൂട്ടൗട്ടില്‍ മലര്‍ത്തയടച്ചാണ് ക്രൊയേഷ്യ അവസാന നാലില്‍ ഇടം നേടിയത്.

നാളെ രാത്രി നടക്കുന്ന രണ്ടാം സെമി ഫൈനലില്‍ നിലവിലെ ചാമ്ബ്യന്‍മാരായ ഫ്രാന്‍സും കറുത്ത കുതിരകളായ മൊറോക്കോയും തമ്മില്‍ ഏറ്രുമുട്ടും.

On:

മുള്‍ട്ടാന്‍: രണ്ടാം ക്രിക്കറ്റ് ടെസ്റ്റില്‍ പാകിസ്താനെതിരെ ഇംഗ്ലണ്ടിന് 26 റണ്‍സിന്റെ ജയം. ഇതോടെ മൂന്ന് മത്സരങ്ങളടങ്ങിയ പരമ്ബര ഇംഗ്ലണ്ട് (2-0)സ്വന്തമാക്കി. 22 വര്‍ഷത്തിനുശേഷമാണ് ഇംഗ്ലണ്ട്, പാകിസ്താനില്‍ ഒരു ടെസ്റ്റ് പരമ്ബര നേടുന്നത്. സ്‌കോര്‍ബോര്‍ഡ് ചുരുക്കത്തില്‍: ഇംഗ്ലണ്ട്-281,275, പാകിസ്താന്‍-202, 328

രണ്ടാം ഇന്നിംഗ്‌സില്‍ 355 റണ്‍സ് വിജയലക്ഷ്യം പിന്തുടര്‍ന്ന പാകിസ്താന്‍, നാലാം ദിനം നാലിന് 198 എന്ന നിലയിലാണ് ക്രീസിലെത്തിയത്. ആറ് വിക്കറ്റ് ശേഷിക്കെ 157 റണ്‍സായിരുന്നു ജയിക്കാന്‍ വേണ്ടിയിരുന്നത്. എന്നാല്‍ 328 റണ്‍സിന് ഓള്‍ ഔട്ടായ പാകിസ്താന്‍ 26 റണ്‍സിന്റെ അപ്രതീക്ഷിത തോല്‍വി വഴങ്ങുകയായിരുന്നു. ടോസ് നേടിയ ഇംഗ്ലണ്ട് ആദ്യ ഇന്നിങ്സില്‍ നേടിയത് 281 റണ്‍സ്. 63 റണ്‍സെടുത്ത ബെന്‍ ഡക്കറ്റും 60 റണ്‍സ് നേടിയ ഒലി പോപ്പുമാണ് ഇംഗ്ലണ്ടിനായി പിടിച്ചുനിന്നത്. അരങ്ങേറ്റത്തില്‍ തന്നെ ഏഴ് വിക്കറ്റ് വീഴ്ത്തിയ സ്പിന്നര്‍ അബ്റാര്‍ അഹമ്മദാണ് ഇംഗ്ലണ്ടിന്റെ വീഴ്ത്തിയത്. മറുപടി ബാറ്റിങില്‍ പാകിസ്താന്‍ 202 റണ്‍സിന് വീണു. നായകന്‍ ബാബര്‍ അസം 75 റണ്‍സെടുത്ത് ടോപ് സ്‌കോററായി.സൌദ് ഷക്കീല്‍ 63 റണ്‍സ് നേടി പിന്തുണകൊടുത്തു.

69 റണ്‍സ് ഒന്നാം ഇന്നിങ്സ് ലീഡുമായി രണ്ടാം ഇന്നിങ്സില്‍ ബാറ്റിങ് ആരംഭിച്ച ഇംഗ്ലണ്ടിന് 275 റണ്‍സെടുക്കാനെ കഴിഞ്ഞുള്ളൂ. അവിടെയും അബ്‌റാറിന്റെ പന്തുകള്‍ക്ക് ഇംഗ്ലണ്ട് ബാറ്റര്‍മാര്‍ക്ക് ഉത്തരമില്ലായിരുന്നു. 108 റണ്‍സെടുത്ത ഹാരി ബ്രൂക്കാണ് പിടിച്ചുനിന്നത്. ബെന്‍ ഡക്കറ്റ് 79 റണ്‍സ് നേടി. ഇതോടെ ഇംഗ്ലണ്ട് പാകിസ്താന് മുന്നില്‍ 355 റണ്‍സ് വിജയലക്ഷ്യം ഉയര്‍ത്തി. മറുപടി ബാറ്റിങില്‍ പാകിസ്താന് 66 റണ്‍സിന്റെ ഓപ്പണിങ് കൂട്ടുകെട്ട് പിറന്നെങ്കിലും പിന്നെ പിടിവിട്ടു. സൌദ് ഷക്കീലും ഇമാമുല്‍ ഹഖും പൊരുതിയെങ്കിലും ആവശ്യമായ സമയത്ത് ഇംഗ്ലണ്ട് വിക്കറ്റ് വീഴ്ത്തി. നാല് വിക്കറ്റ് വീഴ്ത്തിയ മാര്‍ക്ക് വുഡായിരുന്നു കേമന്‍.

ആദ്യ ടെസ്റ്റില്‍ ഇംഗ്ലണ്ട് 74 റണ്‍സിന്റെ വിജയം നേടിയിരുന്നു. പരമ്ബരയിലെ മൂന്നാമത്തെയും അവസാനത്തെയും ടെസ്റ്റ് 17ന് കറാച്ചിയില്‍ തുടങ്ങും. അതേസമയം തോല്‍വിയോടെ ലോക ടെസ്റ്റ് ചാംപ്യന്‍ഷിപ്പ് ഫൈനലിന് യോഗ്യത നേടാമെന്ന പാകിസ്താന്‍ പ്രതീക്ഷ അവസാനിച്ചു. ഈ വര്‍ഷത്തെ മൂന്നാമത്തെ ടെസ്റ്റ് പരമ്ബര തോല്‍വി നേരിട്ട പാകിസ്താന്‍, ലോക ടെസ്റ്റ് ചാംപ്യന്‍ഷിപ്പ് പട്ടികയില്‍ 42.42 ശതമാനം പോയിന്റുമായി ആറാം സ്ഥാനത്തേക്ക് പിന്തള്ളപ്പെട്ടു.

On:

ദോഹ: ലോകകപ്പ് സെമി പോരാട്ടങ്ങള്‍ നാളെ തുടങ്ങും. ആദ്യ പോരില്‍ അര്‍ജന്റീന ക്രൊയേഷ്യയെ നേരിടും. ഫ്രാന്‍സും മൊറോക്കോയും തമ്മിലാണ് രണ്ടാം സെമിഫൈനല്‍.

വൈകാരികമായി കൂടി മറുപടി നല്‍കാന്‍ തുടങ്ങിയ മെസ്സി ക്രൊയേഷ്യക്കെതിരെ കാത്തുവെച്ചിരിക്കുന്നത് എന്താകും എന്ന് കണ്ടറിയണം. എന്നാല്‍, മോഡ്രിച്ചിന് ചുറ്റും വലയം തീര്‍ത്ത് കളിക്കുന്ന ക്രൊയേഷ്യ ബ്രസീലിനെ വീഴ്ത്തിയതിന്റെ ആത്മവിശ്വാസത്തിലാണ്.

സെറ്റ് പീസ് അവരങ്ങള്‍ മുതലെടുക്കുന്ന ഉയരക്കൂടുതലുള്ള താരങ്ങള്‍ ക്രൊയേഷ്യന്‍ സാധ്യതകള്‍ വര്‍ധിപ്പിക്കുന്നു. കിരീടം നിലനിര്‍ത്താന്‍ ശ്രമിക്കുന്ന ഫ്രഞ്ച് പട ഇംഗ്ലണ്ടിനെ മറികടന്നാണ് എത്തുന്നത്. മധ്യനിരയും മുന്നേറ്റ നിരയും എണ്ണയിട്ട യന്ത്രം പോലെ പ്രവര്‍ത്തിക്കുന്നു. അട്ടിമറികള്‍ക്കപ്പുറം ടീമെന്ന നിലയില്‍ കാട്ടുന്ന ഒത്തിണക്കമാണ് എതിരാളികളായ മൊറോക്കോയുടെ വിജയമന്ത്രം.ഗോള്‍ വഴങ്ങാന്‍ മടിക്കുന്ന മൊറോക്കന്‍ പ്രതിരോധപ്പട ഫ്രാന്‍സിന് വെല്ലുവിളിയാകും.

On:

ഓസ്‌ട്രേലിയക്കെതിരായ ടി20 പരമ്ബരയിലെ രണ്ടാം മത്സരത്തില്‍ ഇന്ത്യയ്ക്ക് വമ്പന്‍ ജയം. സൂപ്പര്‍ ഓവറില്‍ ആദ്യം ബാറ്റ് ചെയ്ത ഇന്ത്യ 20 റണ്‍സ് അടിച്ചുകൂട്ടി. ആദ്യ പന്തില്‍ തന്നെ സിക്‌സ് പറത്തിയ റിച്ച ഗോഷ് തൊട്ടടുത്ത പന്തില്‍ പുറത്തായെങ്കിലും 3 പന്തില്‍ 13 റണ്‍സ് നേടി സ്മൃതി മന്ദാന ഇന്ത്യയ്ക്കായി തകര്‍ത്തടിച്ചു. മറുപടി ബാറ്റിങില്‍ രേണുക സിങിനെതിരെ 16 റണ്‍സ് നേടാനെ ഓസ്‌ട്രേലിയക്ക് സാധിച്ചുള്ളൂ.

മത്സരത്തില്‍ ഓസ്‌ട്രേലിയ ഉയര്‍ത്തിയ 188 റണ്‍സിന്റെ വിജയലക്ഷ്യവുമായി ഇറങ്ങിയ ഇന്ത്യയ്ക്ക് വേണ്ടി മികച്ച തുടക്കമാണ് സ്മൃതി മന്ദാനയും ഷഫാലി വര്‍മ്മയും സമ്മാനിച്ചത്. ഓപ്പണിങ് കൂട്ടുകെട്ടില്‍ 76 റണ്‍സ് ഇരുവരും കൂട്ടിച്ചേര്‍ത്തു. ഷഫാലി വര്‍മ്മര്‍ 23 പന്തില്‍ 34 റണ്‍സ് നേടി പുറത്തായപ്പോള്‍ സ്മൃതി മന്ദാന 49 പന്തില്‍ 9 ഫോറും 4 സിക്‌സും ഉള്‍പ്പെടെ 79 റണ്‍സ് നേടി. പതിനേഴാം ഓവറില്‍ സ്മൃതി പുറത്തായെങ്കിലും 13 പന്തില്‍ 26 റണ്‍സ് നേടിയ റിച്ച ഗോഷും 5 പന്തില്‍ 11 റണ്‍സ് നേടിയ ദേവിക വൈദ്യയും തിളങ്ങിയതോടെയാണ് ഇന്ത്യ മത്സരത്തില്‍ ഒപ്പമെത്തിയത്.

അവസാന പന്തില്‍ 5 റണ്‍സ് വേണമെന്നിരിക്കെ ദേവിക ഫോര്‍ നേടിയതോടെയാണ് മത്സരം സൂപ്പര്‍ ഓവറിലേക്ക് നീണ്ടത്. മത്സരത്തില്‍ ആദ്യം ബാറ്റ് ചെയ്ത ഓസ്‌ട്രേലിയ ബെത് മൂണിയുടെയും ടാലിയ മഗ്രാത്തിന്റെയും മികവിലാണ് നിശ്ചിത 20 ഓവറില്‍ ഒരു വിക്കറ്റ് നഷ്ടത്തില്‍ 187 റണ്‍സ് നേടിയത്. ബെത് മൂണി 54 പന്തില്‍ 82 റണ്‍സ് നേടിയപ്പോള്‍ ടാലിയ മഗ്രാത്ത് 51 പന്തില്‍ 71 റണ്‍സ് നേടി.

On:

സൂപ്പര്‍ താരം ക്രിസ്റ്റ്യാനോ റൊണാള്‍ഡോയെ മൊറോക്കോയ്‌ക്കെതിരായ ക്വാര്‍ട്ടര്‍ മത്സരത്തിലെ ആദ്യ ഇലവനില്‍ പരിഗണിക്കാതിരുന്ന പോര്‍ച്ചുഗല്‍ പരിശീലകന്‍ ഫെര്‍ണാണ്ടോ സാന്റോസിനെതിരെ താരത്തിന്റെ ജീവിതപങ്കാളി ജോര്‍ജിന റോഡ്രിഗസ്. ലോകത്തിലെ ഏറ്റവും മികച്ച താരത്തെ വിലകുറച്ചുകാണുകയാണെന്ന് ജോര്‍ജിന തന്റെ ഇന്‍സ്റ്റഗ്രാം ഹാന്‍ഡിലില്‍ കുറിച്ചു.

‘നിങ്ങള്‍ക്ക് ആദരവും ബഹുമാനവും ഉള്ള ഒരുപാട് വാക്കുകള്‍ ഉള്ള ആ സുഹൃത്ത്. നിങ്ങള്‍ കളിയില്‍ പ്രവേശിച്ചപ്പോള്‍ എല്ലാം എങ്ങനെ മാറിയെന്ന് അദ്ദേഹം കണ്ടു. പക്ഷേ അത് വളരെ വൈകിപ്പോയി. ലോകത്തിലെ ഏറ്റവും മികച്ച കളിക്കാരനെ, അവന്റെ ഏറ്റവും ശക്തമായ ആയുധത്തെ വിലകുറച്ചുകാണാന്‍ നിങ്ങള്‍ക്ക് കഴിയില്ല. അര്‍ഹതയില്ലാത്ത ഒരാള്‍ക്ക് വേണ്ടി നിലകൊള്ളാന്‍ കഴിയുമോ. ജീവിതം നമ്മെ ചിലത് പഠിപ്പിക്കും. ഇന്ന് നമ്മള്‍ തോറ്റിട്ടില്ല, നമ്മള്‍ പഠിച്ചു. ക്രിസ്റ്റ്യാനോ, ഞങ്ങള്‍ നിങ്ങളെ ആരാധിക്കുന്നു’-ജോര്‍ജിന കുറിച്ചു.

മൊറോക്കോയ്ക്കെതിരായ മത്സരത്തില്‍ പകരക്കാരനായാണ് പോര്‍ച്ചുഗീസ് നായകന്‍ റൊണാള്‍ഡോ രണ്ടാം പകുതിയില്‍ കളിക്കാനിറങ്ങിയത്. പകരക്കാരനായി ഇന്നലെ ഗ്രൗണ്ടിലെത്തിയപ്പോള്‍ മുതല്‍ ഗോളടിക്കാനായി കിണഞ്ഞുശ്രമിച്ച റൊണാള്‍ഡോയ്ക്ക് ലക്ഷ്യം കാണാനായില്ല. ഒടുവില്‍ നിശ്ചിത സമയമവസാനിക്കുമ്പോള്‍ ഏകപക്ഷീയമായ ഒരു ഗോളിന്റെ ബലത്തില്‍ മൊറോക്കോ സെമി ഫൈനല്‍ ബെര്‍ത്തുറപ്പിച്ചു. നാല് വര്‍ഷങ്ങള്‍ക്ക് ശേഷം 2026-ല്‍ നടക്കുന്ന ലോകകപ്പില്‍ പങ്കെടുക്കുക എന്നത് റൊണാള്‍ഡോയെ സംബന്ധിച്ചിടത്തോളം അസാധ്യമാണ്. നിലവില്‍ 37 വയസുണ്ട് താരത്തിന്. അതുകൊണ്ടുതന്നെ അവസാന ലോകകപ്പ് മത്സരവും കഴിഞ്ഞ് ലോകകിരീടത്തില്‍ മുത്തമിടാനാവാതെ നീങ്ങുകയാണ് ക്രിസ്റ്റ്യാനോ.

On:

ദോഹ: ക്രിസ്റ്റിയാനോ റൊണാള്‍ഡോയുടെ പോര്‍ച്ചുഗലിനെ ഒരു ഗോളിന് മുട്ടുകുത്തിച്ചാണ് മൊറോക്കോ സെമിയില്‍. ലോകകപ്പ് ഫുട്ബോളിന്റെ ചരിത്രത്തില്‍ സെമിയില്‍ കടക്കുന്ന ആദ്യ ആഫ്രിക്കന്‍ ടീമാണ് മൊറോക്കോ. യൂസഫ് എന്‍ നെസിറിയുടെ ഉയര്‍ന്നുചാടിയുള്ള ഹെഡ്ഡറാണ് മൊറോക്കോയുടെ ഭാഗ്യം നിര്‍ണയിച്ചത്. പോര്‍ച്ചുഗലിന്റെ വിധിയെഴുതിയതും ഈ ഗോളായിരുന്നു. 42-ാം മിനിറ്റിലായിരുന്നു ആ സുവര്‍ണ്ണ ഗോള്‍.

മത്സരത്തിന്റെ ആദ്യപകുതി അവസാനിക്കാന്‍ മിനിറ്റുകള്‍ മാത്രം അവശേഷിക്കേയാണ് മൊറോക്കോ ലീഡ് നേടിയത്. ഇടതുവിങ്ങില്‍ നിന്ന് യഹിയ എല്‍ ഇദ്രിസി ഉയര്‍ത്തി നല്‍കിയ ക്രോസ്് ഹെഡ് ചെയ്ത് നെസിറി വലയിലാക്കുകയായിരുന്നു. ആദ്യ പകുതിയില്‍ മൊറോക്കോ പല തവണ അവസരങ്ങള്‍ പാഴാക്കി. പന്തടക്കത്തിലും പാസിങ്ങിലും പോര്‍ച്ചുഗല്‍ ആദ്യ പകുതിയില്‍ മുന്‍പില്‍ നിന്നു. പോര്‍ച്ചുഗലിന് ലഭിച്ച അവസരങ്ങളിലേറെയും പാഴാക്കിയത് ജാവോ ഫെലിക്‌സായിരുന്നു. രണ്ടാം പകുതിയിലെ ആദ്യ മിനിറ്റുകളില്‍ തന്നെ ക്രിസ്റ്റ്യാനോ റൊണാള്‍ഡോയെയും ജാവോ കാന്‍സലോയെയും പോര്‍ച്ചുഗല്‍ കളത്തിലിറക്കി. എന്നാല്‍ റൊണാള്‍ഡോയ്ക്കും പോര്‍ച്ചുഗലിന്റെ വിധി മാറ്റാനായില്ല. തൊണ്ണൂറാം മിനിറ്റില്‍ താരം ഒരു ബുള്ളറ്റ് ഷോട്ട് തൊടുത്തെങ്കിലും ഗോളി യാസിന്‍ ബോനോ അത് രക്ഷപ്പെടുത്തി.

അവസാന വിസിലിന് രണ്ട് മിനിറ്റ് മാത്രം ബാക്കിയുള്ളപ്പോള്‍ പെപ്പേ ഹെഡ്ഡറിലൂടെ ഗോള്‍ പ്രതീക്ഷ ഉണര്‍ത്തിയെങ്കിലും അതും പുറത്തുപോയി. ഇതോടെ പോര്‍ച്ചുഗലിന്റെ തോല്‍വി പൂര്‍ണമായി. 2006 ന് ശേഷം ആദ്യ ലോകകപ്പ് സെമിയെന്ന പറങ്കിപ്പടയുടെ സ്വപ്നമാണ് ഇതോടെ പൊലിഞ്ഞത്.

On:

ന്യൂഡല്‍ഹി: പിടി ഉഷയെ ഇന്ത്യന്‍ ഒളിമ്പിക്സ് അസോസിയേഷന്‍ അദ്ധ്യക്ഷയായി ഔദ്യോഗികമായി തിരഞ്ഞെടുത്തു. സുപ്രീം കോടതി മുന്‍ ജസ്റ്റിസ് എല്‍.നാഗേശ്വര്‍ റാവുവിന്റെ മേല്‍നോട്ടത്തില്‍ ഇന്നു നടന്ന തിരഞ്ഞെടുപ്പിലാണ് ഉഷയെ എതിരില്ലാതെ തിരഞ്ഞെടുത്തത്.

അതേസമയം, ഇന്ത്യന്‍ ഒളിമ്പിക്സ് അസോസിയേഷന്റെ തലപ്പത്തെത്തുന്ന ആദ്യ വനിതയും ആദ്യ മലയാളിയുമാണ് ഇവര്‍. നിലവില്‍ രാജ്യസഭാംഗമാണ് 58 കാരിയായ പി.ടി ഉഷ. നേരത്തെ ഏഷ്യന്‍ അത്ലറ്റിക് ഫെഡറേഷന്റെയും ഇന്ത്യന്‍ അത്ലറ്റിക് ഫെഡറേഷന്റെയും നിരീക്ഷക പദവിയും അവര്‍ വഹിച്ചിരുന്നു.

95 വര്‍ഷത്തെ ചരിത്രമുള്ള ഐഒഎയില്‍ പ്രസിഡന്റ് പദവിയിലെത്തുന്ന ആദ്യ സജീവ കായികതാരമാണ് പിടി ഉഷ. യാദവീന്ദ്ര സിങ് മഹാരാജാവാണ് മുന്‍പ് കായികലോകത്ത് നിന്നും ഐഒഎ അദ്ധ്യക്ഷനായത്. ഇന്ത്യ കണ്ട എക്കാലത്തെയും മികച്ച ഓട്ടക്കാരിയായാണ് പി.ടി.ഉഷയെ കണക്കാക്കുന്നത്. 1985 ലും 1986 ലും ലോക അത്‌ലറ്റിക്സിലെ മികച്ച പത്തുതാരങ്ങളില്‍ ഒരാള്‍ ഉഷയായിരുന്നു. ഉഷയ്ക്കു മുമ്പും പിന്നീടും ഇന്ത്യയില്‍ നിന്നൊരാളും ഈ ലിസ്റ്റില്‍ ഇടം നേടിയിട്ടില്ല. 1980 ലെ മോസ്‌കോ ഒളിമ്പിക്സിലാണ് ഉഷയുടെ അരങ്ങേറ്റം. 1982 ല്‍ ഡെല്‍ഹിയില്‍ വച്ചു നടന്ന ഏഷ്യാഡില്‍ നൂറുമീറ്റര്‍ ഓട്ടത്തിലും, ഇരുന്നൂറുമീറ്റര്‍ ഓട്ടത്തിലും വെള്ളിമെഡല്‍ കരസ്ഥമാക്കി. 1984 ലോസ് ഏഞ്ചല്‍സ് ഒളിമ്പിക്സില്‍ നാനൂറു മീറ്റര്‍ ഹര്‍ഡില്‍സ് ഓട്ടത്തില്‍ സെമിഫൈനലില്‍ ഒന്നാമതായി ഓടിയെത്തിയെങ്കിലും ഫൈനലില്‍ ഫോട്ടോഫിനിഷില്‍ നാലാം സ്ഥാനത്തേക്ക് പിന്തള്ളപ്പെടുകയായിരുന്നു.

On:

നെതര്‍ലന്‍ഡ്സിനെതിരെയുള്ള രണ്ടാം ക്വാര്‍ട്ടറില്‍ വിജയിച്ച് അര്‍ജന്റീന. ഇരട്ടഗോള്‍ ലീഡ് നേടി മത്സരത്തില്‍ മുന്നിട്ടുനിന്ന മെസ്സിപ്പടയെ വെഗ്ഹോസ്റ്റിനെ സൂപ്പര്‍ സബ്ബായിറക്കി സമനിലയില്‍ കുരുക്കിയ ഡച്ച് ടീമിന് പക്ഷേ ഷൂട്ടൗട്ട് സമ്മര്‍ദ്ദം അതിജീവിക്കാനായില്ല. നാലു അര്‍ജന്റീനന്‍ താരങ്ങള്‍ കിക്ക് ലക്ഷ്യത്തിലെത്തിച്ചപ്പോള്‍ മൂന്നു പേരാണ് ഡച്ചപടയില്‍ നിന്ന് ലക്ഷ്യം കണ്ടത്. അര്‍ജന്റീനന്‍ ഗോള്‍കീപ്പര്‍ മാര്‍ട്ടിനെസ് കിടിലന്‍ സേവുകളും ഷൂട്ടൗട്ടില്‍ കാഴ്ചവെച്ചു. നാലാമത് കിക്കെടുത്ത എന്‍സോ അവസരം പാഴാക്കിയെങ്കിലും ലൗത്താരോയെടുത്ത അവസാന കിക്ക് സെമിയില്‍ അര്‍ജന്റീനയുടെ ഇടം ഉറപ്പാക്കി.

ക്വാര്‍ട്ടര്‍ ഫൈനലില്‍ ഇരട്ടഗോള്‍ നേടിയ അര്‍ജന്റീന മുന്നിട്ടുനില്‍ക്കുകയായിരുന്നു. ആദ്യ പകുതിയില്‍ മൊളീനയും രണ്ടാം പകുതിയില്‍ പെനാല്‍ട്ടിയിലൂടെ മെസ്സിയുമാണ് നീലപ്പടക്കായി ഗോള്‍ നേടിയത്. എന്നാല്‍ 78ാം മിനുട്ടില്‍ സബ്ബായി ഇറങ്ങിയ സ്‌ട്രൈക്കര്‍ വൗട്ട് വെഗ്‌ഹോസ്റ്റ് 83ാം മിനുട്ടില്‍ ഓറഞ്ച് പടയ്ക്ക് ആദ്യ ഗോള്‍മധുരം നല്‍കി. രണ്ടാം വട്ടവും നെതര്‍ലന്‍ഡ്‌സിനെ തുണച്ചത് അദ്ദേഹം തന്നെയായിരുന്നു. രണ്ടാം പകുതിയുടെ അധികസമയത്ത് കൂംപനേഴ്‌സിന്റെ പാസില്‍ നിന്നായിരുന്നു ഗോള്‍. 73ാം മിനുട്ടില്‍ അര്‍ജന്റീന രണ്ടാം ഗോള്‍ നേടിയ ശേഷമാണ് സൂപ്പര്‍ സബ്ബെന്ന് വിളിക്കാവുന്ന വെഗ്‌ഹോസ്റ്റ് ഇറങ്ങിയത്. ഡീപേയ്ക്ക് പകരമായാണ് താരം 78ാം മിനുട്ടില്‍ ഇറങ്ങിയത്. തുടര്‍ന്ന് 83ാം മിനുട്ടില്‍ ബെര്‍ജിസായിരുന്നു അസിസ്റ്റില്‍ നിന്ന് ഡച്ചുകാര്‍ക്കായി ആദ്യ ഗോള്‍ നേടുകയായിരുന്നു.

രണ്ടാം പകുതിയില്‍ 73ാം മിനുട്ടിലാണ് മെസ്സി പെനാല്‍ട്ടിയിലൂടെ ഗോളടിച്ചത്. അക്യൂനയെ ബംഫ്രിസ് വീഴ്ത്തിയതിനാണ് പെനാല്‍ട്ടി ലഭിച്ചത്. 38ാം മിനുട്ടില്‍ നായകന്‍ ലയണല്‍ മെസ്സിയുടെ പാസിലാണ് മൊളീന വലകുലുക്കിയത്. മത്സരത്തില്‍ ഇരുടീമുകളും പ്രതിരോധത്തില്‍ ഊന്നിയാണ് കളിച്ചിരുന്നത്. എന്നാല്‍ മെസ്സിയുടെ ഇടപെടല്‍ മത്സരത്തിന്റെ ഗതി മാറ്റുകയായിരുന്നു. ഗോളി നോപ്പെര്‍ട്ടിനും ബ്ലിന്‍ഡിനുമിടയിലൂടെ മൊളീന പന്ത് വലയിലെത്തിച്ചു. അതിനിടെ, മത്സരത്തില്‍ തുടര്‍ച്ചയായ മിനുട്ടുകളില്‍ മൂന്നു താരങ്ങള്‍ മഞ്ഞക്കാര്‍ഡ് കണ്ടു. 43ാം ജൂറിന്‍ ടിംബെര്‍, 44ാം മിനുട്ടില്‍ മാര്‍കസ് അക്യൂന, 45ാം മിനുട്ടില്‍ ക്രിസ്റ്റിയന്‍ റൊമേരേ എന്നിവരാണ് മഞ്ഞക്കാര്‍ഡ് കണ്ടത്. റൊമേരോക്ക് മഞ്ഞക്കാര്‍ഡ് കിട്ടിയത് പന്ത് കൈകൊണ്ട് തട്ടിയതിനായിരുന്നു. ശേഷം 48ാം മിനുട്ടില്‍ നെതര്‍ലന്‍ഡ് സബ് സ്ട്രൈക്കര്‍ വോട്ട് വേഗ്ഹോസ്റ്റും മഞ്ഞക്കാര്‍ഡ് നേരിട്ടു. 76ാം മിനുട്ടില്‍ ഇരുടീമിലെയും ഓരോ താരങ്ങള്‍ കൂടി മഞ്ഞക്കാര്‍ഡ് വാങ്ങി. ലിസാന്‍ഡ്രോ മാര്‍ടിനെസും ഡിപേയുമാണ് നടപടി ഏറ്റുവാങ്ങിയത്. 50ാം മിനുട്ടില്‍ മിസ്സ് പാസില്‍ നിന്ന് ലഭിച്ച പന്ത് ഡെ പോള്‍ മെസ്സിയ്ക്ക് മുമ്ബിലായി ഡച്ച് പോസ്റ്റിലേക്ക് അടിച്ചെങ്കിലും നോപ്പെര്‍ട്ട് കൈവശപ്പെടുത്തി. 63ാം മിനുട്ടില്‍ മെസ്സിയെടുത്ത ഫ്രീകിക്ക് ഡച്ച് പോസ്റ്റിനെ തൊട്ടുരുമ്മി കടന്നുപോയി. അതേസമയം, 59ാം മിനുട്ട് വരെ നെതര്‍ലന്‍ഡ്സ് എതിര്‍ടീമിന്റെ ബോക്സില്‍ ഒരു ഷോട്ട് പോലും ഉതിര്‍ത്തിരുന്നില്ല. രണ്ടാം പകുതിയുടെ അധിക സമയത്ത് രണ്ടു ഫ്രീകിക്കുകള്‍ ലഭിച്ചെങ്കിലും നെതര്‍ലന്‍ഡ്സിന് മുതലാക്കാനായില്ല. 91ാം മിനുട്ടില്‍ നെതര്‍ലന്‍ഡ്സ് താരത്തിന്റെ കാലില്‍ തട്ടി ഗോള്‍കിക്കാവുകയും 93ാം മിനുട്ടിലെ ഫ്രീകിക്ക് അര്‍ജന്റീനന്‍ മതിലില്‍ തട്ടി ചിതറുകയുമായിരുന്നു. 113ാം മിനുട്ടില്‍ റൗത്താരോയുടെ കിടിലന്‍ ഷോട്ട് ഡച്ച് താരത്തിന്റെ ദേഹത്ത് തട്ടി കോര്‍ണറാകുകയായിരുന്നു. പിന്നീട് തുടര്‍ച്ചയായ അര്‍ജന്റീനന്‍ മുന്നേറ്റങ്ങളാണുണ്ടായത്. പക്ഷേ ഒന്നും ലക്ഷ്യത്തിലെത്തിക്കാനായില്ല.

On:

ദോഹ: ഖത്തര്‍ ലോകകപ്പിലെ ക്വാര്‍ട്ടര്‍ മത്സരത്തില്‍ പെനാല്‍ട്ടി ഷൂട്ടൗട്ടില്‍ ബ്രസീലിനെ വീഴ്ത്തി ക്രൊയേഷ്യ. ഷൂട്ടൗട്ടില്‍ ക്രൊയേഷ്യ നാലുവട്ടം പന്ത് ബ്രസീല്‍ കോട്ടക്കുള്ളില്‍ കയറ്റി. എന്നാല്‍ ബ്രസീലിന്റെ രണ്ടു താരങ്ങള്‍ കിക്ക് പാഴാക്കി. റോഡ്രിഗോയും മാര്‍ക്വിനോസുമാണ് കിക്ക് നഷ്ടപ്പെടുത്തിയത്. പെനാല്‍ട്ടി ഷൂട്ടൗട്ടില്‍ ക്രൊയേഷ്യയാണ് ആദ്യ കിക്കെടുത്തത്. നിക്കോളാസ് വ്ളാസിച് പന്ത് കൂളായി വലയിലാക്കി. റോഡ്രിഗോയുടെ ഷോട്ട് ക്രൊയേഷ്യന്‍ ഗോളി തടുത്തു. പിന്നീട് നികോള വ്ളാസിചും ഗോള്‍ നേടി. കാസിമിറോയും കിക്ക് വലയിലെത്തിച്ചു. തുടര്‍ന്ന് വന്ന മോഡ്രിച്ചും ഗോളാക്കി. പിന്നീട് വന്ന പെഡ്രോ മഞ്ഞ പടയ്ക്ക് ആശ്വാസമേകിയപ്പോള്‍ ഒര്‍സിച് സമ്മര്‍ദ്ദം അതിജീവിച്ച് ക്രൊയേഷ്യക്ക് അടുത്ത ഗോള്‍ നേടി. എന്നാല്‍ അടുത്ത ക്വിക്കെടുത്ത മാര്‍ക്വിനോസിന് ടീമിന്റെ പ്രതീക്ഷകള്‍ കാക്കാനായില്ല. റോഡ്രിഗോയടിച്ച ഷോട്ട് ലിവാക്കോവിച്ച് തടഞ്ഞപ്പോള്‍ മാര്‍ക്വിനോസിന്റെ കിക്ക് പോസ്റ്റിനടിച്ച് പുറത്തായി.

നെയ്മറിന്റെ ഗോളില്‍ അധിക സമയത്തില്‍ ലീഡെടുത്ത ബ്രസീലിനെതിരെ ക്രൊയേഷ്യ തിരിച്ചടിക്കുകയായിരുന്നു. അധിക സമയത്തില്‍ 117ാം മിനുട്ടിലാണ് ബ്രൂണോ പെറ്റ്കോവിച്ചിലൂടെ ക്രോട്ടുകള്‍ സമനില പിടിച്ചത്. ഒര്‍സിചാണ് ഗോളിലേക്ക് അസിസ്റ്റ് നല്‍കിയത്. നേരത്തെ 106ാം മിനുട്ടില്‍ ലൂകസ് പക്വറ്റയുടെ അസിസ്റ്റില്‍ നിന്നാണ് നിര്‍ണായക ഗോള്‍ നെയ്മര്‍ നേടിയത്. രണ്ടാം പകുതിയും ഗോള്‍രഹിത സമനിലയിലായിരുന്നു. തുടര്‍ന്ന് അധിക സമയത്തിന്റെ ഒന്നാം പകുതിയിലാണ് സുല്‍ത്താന്റെ ഗോള്‍വേട്ട. എട്ടു സേവുമായി ക്രൊയേഷ്യന്‍ ഗോളി ഡൊമിനിക് ലിവകോവിച്ച് ബ്രസീലിനെ തടുത്തിടുകയായിരുന്നു. ഒരു ലോകകപ്പില്‍ ക്രൊയേഷ്യന്‍ ഗോളി നേടുന്ന ഏറ്റവും കൂടുതല്‍ സേവാണിത്.

13-ാം മിനിറ്റില്‍ വലതു വിങ്ങിലൂടെ ക്രൊയേഷ്യ ഒരു മികച്ച മുന്നേറ്റം നടത്തി. പലാസിചിന്റെ ക്രോസ് പക്ഷെ പെരിസിചിലേക്ക് എത്തിയില്ല. ഇതായിരുന്നു കളിയിലെ ആദ്യ നല്ല അവസരം. 20-ാം മിനിറ്റില്‍ വിനിഷ്യസും റിച്ചാര്‍ലിസണും നടത്തിയ നീക്കം ഗ്വാര്‍ഡിയോളിന്റെ മികച്ച ബ്ലോക്കിലൂടെയാണ് അവസാനിച്ചത്. ആദ്യ പകുതിയില്‍ തന്നെ ബ്രസീലിന്റെ ഡനിലോയും ക്രൊയേഷ്യയുടെ ബ്രൊസോവിചും മഞ്ഞ കാര്‍ഡ് വാങ്ങി. 41-ാം മിനി്റ്റില്‍ പെനാള്‍ട്ടി ബോക്സിന് തൊട്ടുപുറത്ത് വെച്ച് ബ്രസീലിന് ഒരു ഫ്രീകിക്ക് കിട്ടിയെങ്കിലും നെയ്മറിന്റെ കി്ക്ക ഭീഷണിയാകാതെ ഒഴിഞ്ഞുപോയി.

On:

2022 ഫുട്‌ബോള്‍ ലോകകപ്പിന്റെ നോക്കൗട്ട് ഘട്ടത്തിന്റെ രണ്ടാം റൗണ്ട്, ക്വാര്‍ട്ടര്‍ ഫൈനല്‍ ഇന്ന് മുതല്‍. രണ്ട് വമ്ബന്‍ ടീമുകളുടെ മത്സരങ്ങളാണ് നടക്കുക. ആദ്യ മത്സരത്തില്‍ ബ്രസീലിയന്‍ താരം നെയ്മര്‍ ഇറങ്ങുമ്‌ബോള്‍ രണ്ടാം മത്സരത്തില്‍ മെസ്സി മാജിക്കിന്റെ അര്‍ജന്റീന ടീമിന്റെ കളിയാണ്. ഇന്നത്തെ രണ്ട് മത്സരങ്ങളും നിര്‍ണായകമാണ്.

ബ്രസീല്‍ കഴിഞ്ഞ വര്‍ഷത്തെ റണ്ണര്‍ അപ്പ് ക്രൊയേഷ്യയെ നേരിടും. മറുവശത്ത്, മുന്‍ ചാമ്ബ്യന്മാരായ അര്‍ജന്റീന ശക്തരായ നെതര്‍ലന്‍ഡ്സിനെ നേരിടുമെന്നതിനാല്‍ രണ്ടാം മത്സരം അത്യന്തം ആവേശകരമായിരിക്കും. ഈ രണ്ട് മത്സരങ്ങളിലും ഇഞ്ചോടിഞ്ച് പോരാട്ടമാണ് പ്രതീക്ഷിക്കുന്നത്.

ബ്രസീല്‍ vs ക്രൊയേഷ്യ: രാത്രി 8.30ന്
അര്‍ജന്റീന vs നെതര്‍ലന്‍ഡ്സ്: നാളെ പുലര്‍ച്ചെ 12.30ന്