Sports (Page 66)

On:

ദോഹ: ഖത്തര്‍ ലോകകപ്പിലെ. മൂന്നാം സ്ഥാനക്കാരെ നിര്‍ണയിക്കുന്ന ലൂസേഴ്സ് ഫൈനല്‍ ഇന്ന് രാത്രി 8:30 ന് ഖലീഫ ഇന്റര്‍നാഷണല്‍ സ്റ്റേഡിയത്തില്‍ നടക്കും. സെമിഫൈനലില്‍ തോറ്റ ക്രൊയേഷ്യയും മൊറോക്കോയും തമ്മിലാണ് മത്സരം. ക്രൊയേഷ്യ അര്‍ജന്റീനയോടും മൊറോക്കോ നിലവിലെ ചാമ്ബ്യന്മാരായ ഫ്രാന്‍സിനോടുമാണ് തോറ്റത്.

ഫൈനല്‍ ലക്ഷ്യമിട്ട് സെമി പോരാട്ടത്തിനിറങ്ങിയ ഇരുടീമുകള്‍ക്കും കനത്ത തിരിച്ചടിയാണ് നേരിടേണ്ടി വന്നത്. അതിനാല്‍ തന്നെ ഖത്തറില്‍ നിന്നും വെറും കയ്യോടെ മടങ്ങാന്‍ ഇരു ടീമുകളും തയ്യാറല്ല. സെമിഫൈനല്‍ കളിച്ച മൊറോക്കോ ഇതിനോടകം ചരിത്രം സൃഷ്ടിച്ച് കഴിഞ്ഞ ടീമാണ്. ഖത്തറില്‍ നിന്ന് മൂന്നാം സ്ഥാനക്കാരായി മടങ്ങാനായിരിക്കും ഹക്കീമിയും സംഘവും കളത്തിലിറങ്ങുക.

തുടര്‍ച്ചയായ രണ്ടാം ഫൈനല്‍ ലക്ഷ്യമിട്ടാണ് മോഡ്രിച്ചും സംഘവും മെസ്സിയുടെ അര്‍ജന്റീനയുമായി ഏറ്റുമുട്ടിയത്. എന്നാല്‍ കഴിഞ്ഞ ലോകകപ്പിലേറ്റ പരാജയത്തിന് മെസ്സിയും സംഘവും മറുപടി നല്‍കുന്ന കാഴ്ച്ചയാണ് ഖത്തറില്‍ കണ്ടത്. ഏകപക്ഷീയമായ മൂന്ന് ഗോളുകള്‍ക്കായിരുന്നു ആല്‍ബിസെലെസ്റ്റെകളുടെ വിജയം. മൊറോക്കോയ്ക്കെതിരെ കളത്തിലിറങ്ങുമ്‌ബോള്‍ ക്യാപ്റ്റന്‍ ലൂക്കാ മോഡ്രിച്ച് നയിക്കുന്ന മധ്യ നിരയില്‍ തന്നെയാണ് ടീമിന്റെ വിശ്വാസം.

On:

കൊച്ചി: കൊച്ചിയില്‍ ഡിസംബര്‍ 23ന് നടക്കുന്ന ഐപിഎല്‍ 2023 ലേലത്തിന്റെ പട്ടികയില്‍ 405 താരങ്ങള്‍ പങ്കെടുക്കും. 991 കളിക്കാരുടെ പ്രാരംഭ പട്ടികയില്‍ നിന്ന് 369 കളിക്കാരെയാണ് 10 ടീമുകള്‍ ഷോര്‍ട്ട്ലിസ്റ്റ് ചെയ്തത്. ലേലത്തില്‍ അവതരിപ്പിക്കുന്ന 369 കളിക്കാരോടൊപ്പം മുപ്പത്തിയാറ് കളിക്കാരെ കൂടി അധികമായി ഉള്‍പ്പെടുത്തണമെന്ന് ടീമുകള്‍ അഭ്യര്‍ത്ഥിച്ചു. തുടര്‍ന്ന് മൊത്തം 405 കളിക്കാരെ അന്തിമ പട്ടികയില്‍ ഉള്‍പ്പെടുത്തി.

405 കളിക്കാരില്‍ 273 പേര്‍ ഇന്ത്യക്കാരും 132 പേര്‍ വിദേശ താരങ്ങളുമാണ്, ഇതില്‍ 4 കളിക്കാര്‍ അസോസിയേറ്റ് രാജ്യങ്ങളില്‍ നിന്നുള്ളവരാണ്. മൊത്തം ക്യാപ്ഡ് കളിക്കാര്‍ 119, അണ്‍ക്യാപ്പ്ഡ് കളിക്കാര്‍ 282, 4 അസോസിയേറ്റ് രാജ്യങ്ങളില്‍ നിന്ന്. പരമാവധി 87 ഒഴിവുകളാണ് ഇപ്പോള്‍ ലഭ്യമായിട്ടുള്ളത്. കൂടാതെ വിദേശ കളിക്കാര്‍ക്കായി 30 ഒഴിവുകളും.

ലേലത്തില്‍ ഏറ്റവും ഉയര്‍ന്ന ഇടംപിടിക്കുന്ന 19 വിദേശ കളിക്കാര്‍ക്ക് 2 കോടി രൂപയാണ് ഉയര്‍ന്ന കരുതല്‍ വില. 1.5 കോടി രൂപ അടിസ്ഥാന വിലയുള്ള 11 താരങ്ങളാണ് ലേലപ്പട്ടികയിലുള്ളത്. ഒരു കോടി രൂപ അടിസ്ഥാന വിലയുള്ള 20 ക്രിക്കറ്റ് താരങ്ങളുടെ പട്ടികയിലെ രണ്ട് ഇന്ത്യന്‍ താരങ്ങളാണ് മനീഷ് പാണ്ഡെയും മായങ്ക് അഗര്‍വാളും.

On:

വിമന്‍സ് ഇന്ത്യന്‍ പ്രീമിയര്‍ ലീഗ് 2023ന്റെ ഉദ്ഘാടന പതിപ്പ് മാര്‍ച്ച് 3 മുതല്‍ 26 വരെ ഇന്ത്യയില്‍ കളിക്കും. ഒക്ടോബറില്‍ നടന്ന വാര്‍ഷിക പൊതുയോഗത്തില്‍ ബിസിസിഐ ഉദ്ഘാടന ടൂര്‍ണമെന്റിന്റെ പദ്ധതികള്‍ അവതരിപ്പിച്ചു. എന്നാല്‍, ടൂര്‍ണമെന്റിന്റെ തീയതികളും ഷെഡ്യൂളും ഇതുവരെ അന്തിമമാക്കിയിട്ടില്ല.

റിപ്പോര്‍ട്ട് അനുസരിച്ച്, ഫെബ്രുവരി 10 ന് ദക്ഷിണാഫ്രിക്കയില്‍ ആരംഭിക്കുന്ന 2023 വനിതാ ടി 20 ലോകകപ്പ് അവസാനിച്ച് ഒരാഴ്ചയ്ക്ക് ശേഷം ടൂര്‍ണമെന്റ് സംഘടിപ്പിക്കാന്‍ ബിസിസിഐ നോക്കുന്നു. ഇന്ത്യയില്‍ 22 മത്സരങ്ങളുള്ള അഞ്ച് ടീമുകളുടെ മത്സരമാണ് ആദ്യ വിമന്‍സ് ഇന്ത്യന്‍ പ്രീമിയര്‍ ലീഗ് . ഓരോ ടീമിനും 18 കളിക്കാര്‍ ഉണ്ടായിരിക്കും, പരമാവധി ആറ് വിദേശ കളിക്കാര്‍, കൂടാതെ അവരുടെ കളിക്കുന്ന പതിനൊന്നില്‍ അഞ്ച് വിദേശ കളിക്കാരെ (മുഴുവന്‍ അംഗരാജ്യങ്ങളില്‍ നിന്ന് നാല് പേരും ഒരു അസോസിയേറ്റ് രാഷ്ട്രത്തില്‍ നിന്ന് ഒരാളും) പേര് നല്‍കാം.

ഓരോ ടീമും മറ്റ് ടീമുകളുമായി രണ്ട് തവണ കളിക്കും, ഇത് 20 ഗ്രൂപ്പ്-സ്റ്റേജ് മത്സരങ്ങളാക്കി മാറ്റുകയും ടേബിള്‍ ടോപ്പര്‍ ഫൈനലിലേക്ക് യോഗ്യത നേടുകയും ചെയ്യും. രണ്ടും മൂന്നും സ്ഥാനങ്ങള്‍ നേടുന്ന ടീമുകള്‍ എലിമിനേറ്റര്‍ മത്സരത്തില്‍ ഏറ്റുമുട്ടി രണ്ടാം ഫൈനല്‍ സ്ഥാനം നേടും.

On:

ചിറ്റൊഗ്രാം: ബംഗ്ലാദേശിനെതിരായ ആദ്യ ക്രിക്കറ്റ് ടെസ്റ്റിന്റെ രണ്ടാം ദിനം ഇന്ത്യക്ക്. ബംഗ്ലാദേശ് എട്ട് വിക്കറ്റ് നഷ്ടത്തില്‍ 133 റണ്‍സ് എന്ന നിലയിലാണ് നിലവില്‍. ഇന്ത്യയുടെ സ്‌കോര്‍ മറികടക്കാന്‍ ബംഗ്ലാദേശിന് ഇനിയും 271 റണ്‍സ് വേണം. നാല് വിക്കറ്റെടുത്ത സ്പിന്നര്‍ കുല്‍ദീപ് യാദവാണ് ആതിഥേയരെ തകര്‍ത്തത്.

രണ്ടാം ദിനം 278 റണ്‍സിന് ആറ് വിക്കറ്റ് എന്ന നിലയില്‍ ബാറ്റിങ് ആരംഭിച്ച ഇന്ത്യ 404 റണ്‍സിന് ഓള്‍ ഔട്ടായി.ഇന്ത്യയുടെ ടോപ് സ്‌കോറര്‍ 90 റണ്‍സെടുത്ത ചേതേശ്വര്‍ പൂജാരയാണ് . ശ്രേയസ് അയ്യര്‍ 86 റണ്‍സെടുത്തു. രവിചന്ദ്രന്‍ അശ്വിനും കുല്‍ദീപ് യാദവും ചേര്‍ന്നാണ് ഇന്ത്യയെ 400 കടക്കാന്‍ സഹായിച്ചത്. അശ്വിന്‍ 58 റണ്‍സും കുല്‍ദീപ് 40 റണ്‍സും നേടി.

ബംഗ്ലാദേശിനായി മെഹ്ദി ഹസനും തൈജുല്‍ ഇസ്ലാമും നാല് വിക്കറ്റ് വീതം വീഴ്ത്തി. ഖാലിദ് അഹമ്മദും ഇബാദത്ത് ഹുസൈനും ഓരോ വിക്കറ്റ് വീതവും നേടി.

On:

കൊച്ചി: 2022 ഡിസംബര്‍ 26ന് നടക്കുന്ന തങ്ങളുടെ അടുത്ത ഹോം മത്സരത്തിനുള്ള പ്രത്യേക ടിക്കറ്റ് നിരക്കുകള്‍ പ്രഖ്യാപിച്ച് കേരള ബ്ലാസ്റ്റേഴ്സ് എഫ്സി.

ഒഡീഷ എഫ്സിക്കെതിരെ നടക്കുന്ന മത്സരത്തിന് എല്ലാ സ്റ്റാന്‍ഡുകള്‍ക്കും 250 രൂപ മാത്രമായിരിക്കും ടിക്കറ്റ് നിരക്ക്. ആരാധകര്‍ക്ക് ക്രിസ്മസ് സമ്മാനമായാണ് ഈ പരിമിത കാല ഓഫര്‍ പ്രഖ്യാപിക്കുന്നതെന്ന് കേരള ബ്ലാസ്റ്റേഴ്സ് എഫ്സി ഔദ്യോഗിക വാര്‍ത്താകുറിപ്പില്‍ അറിയിച്ചു.

നിലവില്‍ 299, രൂപ. 399, രൂപ. 499, രൂപ. 899 എന്നീ നിരക്കുകളില്‍ വില്‍ക്കുന്ന ടിക്കറ്റുകളാണ് പ്രത്യേക ഇളവില്‍ 250 രൂപക്ക് ആരാധകര്‍ക്ക് നല്‍കുന്നത്. വിഐപി, വിവിഐപി ഹോസ്പിറ്റാലിറ്റി ടിക്കറ്റുകള്‍ക്ക് ഈ ഇളവ് ബാധകമായിരിക്കില്ല. ഹീറോ ഇന്ത്യന്‍ സൂപ്പര്‍ ലീഗില്‍ തുടര്‍ച്ചയായ അഞ്ച് വിജയങ്ങള്‍ നേടി റെക്കോഡിട്ട ടീം, നിറഞ്ഞ ആരാധകരുടെ സാനിധ്യത്തില്‍ ഹോം ഗ്രൗണ്ടില്‍ തുടര്‍ച്ചയായ മൂന്നാം വിജയമാണ് ലക്ഷ്യമിടുന്നത്. 26ന് ഒഡീഷ എഫ്സിക്കെതിരെ നടക്കുന്ന ഹോം മത്സരത്തിന്, മുഴുവന്‍ ടിക്കറ്റും വിറ്റുതീരുന്നത് വരെ മാത്രമായിരിക്കും ടിക്കറ്റ് നിരക്ക് ഇളവുകള്‍ ഉണ്ടാവുക.

On:

കൊച്ചിയില്‍ ഡിസംബര്‍ 23ന് നടക്കുന്ന ഐപിഎല്‍ 2023 മിനിലേലത്തില്‍ ഇന്ത്യന്‍ പ്രീമിയര്‍ ലീഗ് കളിക്കുന്ന കളിക്കാരുടെ പട്ടിക പ്രഖ്യാപിച്ചു. 132 വിദേശ താരങ്ങള്‍ ഉള്‍പ്പെടെ 405 താരങ്ങള്‍ പൂളില്‍ ഉണ്ടാകും. തുടക്കത്തില്‍, ടീമുകള്‍ 991 കളിക്കാരുടെ ആദ്യ പട്ടികയില്‍ നിന്ന് 369 പേരുകള്‍ തിരഞ്ഞെടുത്തു, തുടര്‍ന്ന് 36 പേരുകള്‍ കൂടി അഭ്യര്‍ത്ഥിച്ചു.

282 അണ്‍ക്യാപ്ഡ് താരങ്ങളാണ് സമീപകാലത്തെ പട്ടികയിലുള്ളത്. വിദേശ താരങ്ങള്‍ക്കുള്ള 30 സ്ലോട്ടുകള്‍ ഉള്‍പ്പെടെ പരമാവധി 87 സ്ലോട്ടുകള്‍ ലഭ്യമാണ്. ഏറ്റവും ഉയര്‍ന്ന കരുതല്‍ വില 2 കോടി രൂപയാണ്, 19 വിദേശ കളിക്കാര്‍ ഈ ബ്രാക്കറ്റില്‍ ഇടം നേടാന്‍ തിരഞ്ഞെടുത്തു. ഐപിഎല്‍ 2023 മിനി ലേലത്തിനായുള്ള 405 കളിക്കാരുടെ പട്ടികയിലെ ഏറ്റവും പ്രായം കുറഞ്ഞ ക്രിക്കറ്റ് താരമാണ് അഫ്ഗാനിസ്ഥാന്റെ ബൗളര്‍ അല്ലാ ഗസന്‍ഫര്‍, ഡിസംബര്‍ 23 ന് ലേലത്തില്‍ പങ്കെടുക്കുന്നവരുടെ താല്‍പ്പര്യം ആകര്‍ഷിക്കാന്‍ സാധ്യതയുണ്ട്. ടി20 ക്രിക്കറ്റില്‍ അഫ്ഗാനിസ്ഥാനില്‍ നിന്നുള്ള യുവ സ്പിന്നര്‍മാര്‍ക്ക് എപ്പോഴും ആവശ്യക്കാരുണ്ട്. 2007 ജൂലൈ 15 നാണ് ഗസന്‍ഫര്‍ ജനിച്ചത്, 15 വര്‍ഷവും 151 ദിവസവും പ്രായമുള്ള ഐപിഎല്‍ 2023 മിനി-ആക്ഷനുള്ള 405 കളിക്കാരുടെ പൂളിലെ ഏറ്റവും പ്രായം കുറഞ്ഞ കളിക്കാരനായി ഗസന്‍ഫര്‍ മാറി. വലംകൈ ഓഫ് സ്പിന്നറായ അദ്ദേഹം ഷ്പജീസ ക്രിക്കറ്റ് ലീഗില്‍ മിസ് ഐനക് നൈറ്റ്‌സിനായി കളിക്കുന്നു. 6 അടി 2 ഇഞ്ച് ഉയരമുള്ള അദ്ദേഹം ലേലത്തിനായി 20 ലക്ഷം രൂപയ്ക്ക് അടിസ്ഥാന വിലയായി നിശ്ചയിച്ചു.

എന്നാല്‍, 405 കളിക്കാരുടെ പട്ടികയിലെ ഏറ്റവും പ്രായം കൂടിയ കളിക്കാരന്‍ അമിത് മിശ്രയാണ്. 40 വയസും 19 ദിവസവും പ്രായമുള്ള വെറ്ററന്‍ ഇന്ത്യന്‍ സ്പിന്നര്‍, വരാനിരിക്കുന്ന സീസണിന് മുന്നോടിയായി ഡല്‍ഹി ക്യാപിറ്റല്‍സ് പുറത്തിറക്കിയതിന് ശേഷം ഐപിഎല്‍ 2023 മിനി ലേലത്തിനായി രജിസ്റ്റര്‍ ചെയ്തു. ടി20 ക്രിക്കറ്റില്‍ 244 മത്സരങ്ങളില്‍ നിന്ന് 22.38 ശരാശരിയിലും 7.14 ഇക്കോണമി റേറ്റിലും 272 വിക്കറ്റുകള്‍ നേടിയ മിശ്ര മികച്ച സംഖ്യയാണ്. 154 ഐപിഎല്‍ മത്സരങ്ങളില്‍ നിന്ന് 23.97 ശരാശരിയില്‍ 166 വിക്കറ്റുകള്‍ നേടിയിട്ടുണ്ട്.

On:

മൊറോക്കോയെ സെമിഫൈനലില്‍ പൂട്ടി നിലവിലെ ചാമ്ബ്യന്മാരായ ഫ്രാന്‍സ് ലോകകപ്പ് ഫുട്ബാളില്‍ തുടര്‍ച്ചയായ രണ്ടാം തവണയും ഫൈനലിലേക്ക്.

കളി തുടങ്ങി അഞ്ചാം മിനിട്ടില്‍തന്നെ തിയോ ഹെര്‍ണാണ്ടസ് നേടിയ ഗോളിന് മുന്നിട്ടുനിന്ന ഫ്രാന്‍സ് 79-ാം മിനിട്ടില്‍ കോളോ മുവാനി നേടിയ ഗോളുംകൂടിച്ചേര്‍ത്ത് വിജയിക്കുകയായിരുന്നു. ഞായറാഴ്ച ലുസൈല്‍ സ്റ്റേഡിയത്തില്‍ നടക്കുന്ന കലാശക്കളിയില്‍ ലയണല്‍ മെസിയുടെ അര്‍ജന്റീനയാണ് ഫ്രാന്‍സിന്റെ എതിരാളികള്‍.കളി തുടങ്ങി അഞ്ചാം മിനിട്ടില്‍തന്നെ തിയോ ഹെര്‍ണാണ്ടസ് നേടിയ ഗോളിന് മുന്നിട്ടുനിന്ന ഫ്രാന്‍സ് 79-ാം മിനിട്ടില്‍ കോളോ മുവാനി നേടിയ ഗോളുംകൂടിച്ചേര്‍ത്ത് വിജയിക്കുകയായിരുന്നു. ഞായറാഴ്ച ലുസൈല്‍ സ്റ്റേഡിയത്തില്‍ നടക്കുന്ന കലാശക്കളിയില്‍ ലയണല്‍ മെസിയുടെ അര്‍ജന്റീനയാണ് ഫ്രാന്‍സിന്റെ എതിരാളികള്‍.

On:

ദോഹ: ഖത്തര്‍ ലോകകപ്പിലെ ഫൈനല്‍ മത്സരം തന്റെ അവസാന ലോകകപ്പ് മത്സരമായിരിക്കുമെന്ന് മെസി. ഫൈനല്‍ കളിച്ച് ലോകകപ്പില്‍ നിന്ന് വിടപറയാനാവുന്നത് സന്തോഷം എന്നാണ് ക്രൊയേഷ്യയെ തകര്‍ത്തതിന് പിന്നാലെ മെസി പറഞ്ഞത്.

‘ലോകകപ്പ് യാത്രയിലെ എന്റെ അവസാന മത്സരം ഫൈനലിലേത് ആവുന്നു എന്നത് സന്തോഷിപ്പിക്കുന്നതാണ്. അടുത്ത ലോകകപ്പിനായി ഇനിയും ഒരുപാട് വര്‍ഷമുണ്ട്. എനിക്ക് അതിനാവുമെന്ന് ഞാന്‍ കരുതുന്നില്ല. ഇതുപോലെ ഫിനിഷ് ചെയ്യാനാവുക, അതാണ് നല്ലത്. അര്‍ജന്റീന ഒരിക്കല്‍ കൂടി ലോകകപ്പ് ഫൈനലില്‍, ആസ്വദിക്കുക. പ്രയാസമേറിയ ഘട്ടങ്ങളിലൂടെ നമ്മള്‍ കടന്നു പോയി. ഇന്ന് നമ്മള്‍ ഗംഭീരമായതൊന്ന് അനുഭവിച്ചറിയുന്നു. ഞാന്‍ ഇത് ആസ്വദിക്കുകയാണ്. വളരെ സന്തോഷം തോന്നുന്നു. ഓരോ മത്സരത്തേയും നേരിടാന്‍ കരുത്ത് തോന്നുന്നു. നെതര്‍ലന്‍ഡ്സിന് എതിരായ കളിയില്‍ എക്സ്ട്രാ ടൈം എളുപ്പമായിരുന്നില്ല. ഇന്ന് ഞങ്ങള്‍ ക്ഷീണിതരായിരുന്നു. എന്നാല്‍, ജയം പിടിച്ചെടുക്കാന്‍ ഞങ്ങള്‍ക്കായി. എങ്ങനെ കളി വായിച്ചെടുക്കണമെന്നും എപ്പോള്‍ പ്രസ് ചെയ്യണം എന്നെല്ലാം ഞങ്ങള്‍ക്കറിയാം. ഓരോ മത്സരത്തിലും ഓരോ വിശദാംശവും വിലപ്പെട്ടതാണ്’- താരം പറഞ്ഞു.

On:

ദോഹ: ഖത്തര്‍ ലോകകപ്പ് രണ്ടാം സെമിയില്‍ ഫ്രാന്‍സും മൊറോക്കോയും ഇന്ന് നേര്‍ക്കുനേര്‍. അല്‍ ബെയ്ത്ത് സ്റ്റേഡിയത്തില്‍ ഇന്ത്യന്‍ സമയം രാത്രി 12.30നാണ് മത്സരം. തുടര്‍ച്ചയായ രണ്ടാം ഫൈനലാണ് ഫ്രാന്‍സ് ലക്ഷ്യമിടുന്നത്. അപ്രതീക്ഷിത മുന്നേറ്റത്തിലൂടെ സെമിയിലെത്തിയ മൊറോക്കോ ടൂര്‍ണമെന്റില്‍ തോല്‍വി അറിയാത്ത ഏക ടീമാണ്.

ജയിക്കുന്ന ടീം ഫൈനലില്‍ അര്‍ജന്റീനയുമായി ഏറ്റുമുട്ടും. ആദ്യ സെമി ഫൈനലില്‍ ക്രൊയേഷ്യയെ എതിരില്ലാത്ത മൂന്ന് ഗോളുകള്‍ക്ക് പരാജയപ്പെടുത്തിയാണ് അര്‍ജന്റീന സെമി ബര്‍ത്തുറപ്പിച്ചത്. 34-ാംമിനിറ്റിലെ ആദ്യ ഗോളോടെ മെസി അര്‍ജന്റീനയ്ക്ക് വേണ്ടി ലോകകപ്പില്‍ ഏറ്റവുമധികം ഗോള്‍ നേടുന്ന താരം എന്ന റെക്കോഡ് സ്വന്തമാക്കി. 11 ഗോളാണ് താരത്തിന്റെ അക്കൗണ്ടിലുള്ളത്. ഈ ലോകകപ്പില്‍ മെസി നേടുന്ന അഞ്ചാം ഗോളാണിത്.

On:

ഒന്നാം സെമിയില്‍ മറുപടിയില്ലാത്ത മൂന്ന് ഗോളുകള്‍ക്ക് ക്രൊയേഷ്യയെ തകര്‍ത്ത് അര്‍ജന്റീന ഖത്തര്‍ ലോകകപ്പ് ഫൈനലിലെത്തുന്ന ആദ്യ ടീമായി. ജൂലിയന്‍ അല്‍വാരസ് ഇരട്ടഗോളുമായി കളം നിറഞ്ഞപ്പോള്‍ മത്സരത്തില്‍ കിട്ടിയ പെനാല്‍റ്റി ഗോളാക്കി ക്യാപ്ടന്‍ ലയണല്‍ മെസി അര്‍ജന്റീനയ്ക്കായി ലോകകപ്പില്‍ ഏറ്റവും കൂടുതല്‍ ഗോള്‍ നേടുന്ന താരമായി.

മഞ്ഞക്കാര്‍ഡ് മൂലം സസ്‌പെന്‍ഷനിലായ അക്യുനയ്ക്ക് പകരം ടഗ്ലിയാഫിക്കോയേയും ലിസാന്‍ഡ്രോ മാര്‍ട്ടിനസിന് പകരം ലിയാന്‍ഡ്രോ പരെഡേസിനെയും ആദ്യ പതിനൊന്നില്‍ ഉള്‍പ്പെടുത്തി മെസിയേയും ജൂലിയന്‍ അല്‍വാരസിനേയും മുന്നേറ്റത്തില്‍ അണിനിരത്തി 4-4-2 ശൈലിയിലാണ് അര്‍ജന്റീന കളത്തിലിറങ്ങിയത്. മറുവശത്ത് ക്വാര്‍ട്ടറില്‍ ബ്രസീലിനെതിരെ ഇറങ്ങിയ അതേ ഇലവനെ തന്നെയാണ് ഡാലിച്ച് സെമിയില്‍ വിന്യസിച്ചത്. 4-3-3 ശൈലിയിലാണ് അദ്ദേഹം ക്രൊയേഷ്യയെ വിന്യസിച്ചതെങ്കിലും അര്‍ജന്റീന പന്തുമായി മുന്നോട്ട് വരുമ്‌ബോള്‍ അവര്‍ 5-4-1 ശൈലിയിലേക്ക് മാറി മികച്ച പ്രതിരോധം പടുത്തുയര്‍ത്താനും അവര്‍ ശ്രദ്ധിച്ചുന്നു.

ക്രൊയേഷ്യയുടെ ടച്ചോടുകൂടി തുടങ്ങിയ മത്സരത്തില്‍ ആദ്യ പത്തു മിനിട്ടില്‍ മികച്ചൊരു നീക്കം പോലും ഇരു ടീമിന്റേയും ഭാഗത്തു നിന്നുണ്ടായില്ല. മിഡ് ഫീല്‍ഡില്‍ തന്നെയായിരുന്നു കളി. തുടക്കത്തില്‍ പന്തടക്കത്തില്‍ ക്രൊയേഷ്യയായിരുന്നു മുന്നില്‍. 25-ാം മിനിട്ടിലാണ് അര്‍ജന്റീനയുടെ ഭാഗത്ത് നിന്ന് ഗോളിലേക്ക് ആദ്യ ഷോട്ട് വന്നത്. ബോക്‌സിനകത്തേക്ക് കയറുന്നതിനിടെ എന്‍സോ ഫെര്‍ണാണ്ടസിന്റെ വലങ്കാലന്‍ ഷോട്ട് ക്രൊയേഷ്യന്‍ ഗോളി ലിവാകോവിച്ച് ഇടത്തേക്ക് ഡൈവ് ചെയ്ത് തട്ടിയകറ്റി. തൊട്ടു പിന്നാലെ ക്രൊയേഷ്യയ്ക്കനുകൂലമായി ഫ്രീകിക്ക് ലഭിച്ചെങ്കിലും മൊഡ്രിച്ചിന് അത് മുതലാക്കാനായില്ല. 31-ാം മിനിട്ടില്‍ പെരിസിച്ചിന്റെ ചിപ്പിംഗ് ഷോട്ട് അര്‍ജന്റീനന്‍ ഗോള്‍ പോസ്റ്റിന് മുകളിലൂടെ പോയി. തൊട്ടു പിന്നാലെയുള്ള നീക്കത്തിനൊടുവിലാണ് ജൂലിയന്‍ അല്‍വാരസിനെ ക്രൊയേഷ്യന്‍ ഗോളി ഡൊമിനിക് ലിവാകോവിച്ച് വീഴ്ത്തിയതിന് അര്‍ജന്റീനയ്ക്ക് പെനാല്‍റ്റി ലഭിച്ചത്. കിക്കെടുത്ത മെസി വലകുലുക്കി അര്‍ജന്റീനയ്ക്ക് ലീഡ് സമ്മാനിച്ചു. തിരിച്ചടിക്കാനുള്ള ക്രൊയേഷ്യന്‍ ശ്രമങ്ങള്‍ക്കിടെ വീണുകിട്ടിയ അവസരം മുതലാക്കി കൗണ്ടര്‍ അറ്റാക്കിനവസാനം അല്‍വാരസ് നേടിയ സോളോ ഗോളിലൂടെ അര്‍ജന്റീന ലീഡുയര്‍ത്തുകയായിരുന്നു. 42-ാം മിനിട്ടില്‍ അര്‍ജന്റീന മൂന്നാം ഗോളിനടുത്തെത്തിയെങ്കിലും മക് അലിസ്റ്രറുടെ ക്ലോസ് റേഞ്ച് ഹെഡ്ഡര്‍ ലിവാകോവിച്ച് ഏറെ ശ്രമപ്പെട്ടാണ് തട്ടിയകറ്റിയത്.

രണ്ടാം പകുതിയില്‍ ഒര്‍സിച്ചിനേയും വ്‌ലാസിച്ചിനേയും കളത്തിലിറക്കി തുടക്കം മുതല്‍ ആക്രമണത്തിനാണ് ക്രൊയേഷ്യ ശ്രമിച്ചത്. എന്നാല്‍ കൃത്യമായ പ്രതിരോധം പെട്ടെന്നുള്ള കൗണ്ടര്‍ അറ്റാക്കുകളുമായി അര്‍ജന്റീന ആത്മവിശ്വാസത്തോടെ പൊരുതുകയായിരുന്നു. ഗോള്‍ തിരിച്ചടിക്കാനായി ക്രൊയേഷ്യ ആക്രമണം കടുപ്പിച്ചപ്പോള്‍ ടൂര്‍ണമെന്റില്‍ ഇതുവരെ മികച്ച പ്രകടനം പുറത്തെടുത്ത അവരുടെ പ്രതിരോധത്തിലെ പിഴവുകള്‍ അര്‍ജന്റീന തുറന്നെടുക്കുകയായിരുന്നു. ക്രൊയേഷ്യന്‍ ആക്രമണങ്ങള്‍ക്കിടെ 69-ാംമിനിട്ടില്‍ മെസിയുടെ മികച്ച പാസിലൂടെ അല്‍വാരസ് ക്രൊയേഷ്യന്‍ വലകുലുക്കി അര്‍ജന്റീനയുടെ ജയമുറപ്പിച്ചു. മൂന്നാം ഗോളിന് പിന്നാലെ അല്‍വാരസിനെ പിന്‍വലിച്ച് ഈ ലോകകപ്പില്‍ ആദ്യമായി ഡിബാലയ്ക്ക് സ്‌കലോണി അവസരം നല്‍കി.