Sports (Page 48)

On:

വിമന്‍സ് പ്രീമിയര്‍ ലീഗ് 2023- ഡല്‍ഹി ക്യാപിറ്റല്‍സും മുംബൈ ഇന്ത്യന്‍സും ഡോ. ഡി.വൈ പാട്ടീല്‍ സ്റ്റേഡിയത്തില്‍ ഇന്ന് ഏറ്റുമുട്ടും.

ലീഗില്‍ ഇതുവരെ കളിച്ച രണ്ട് മത്സരങ്ങളും ഡല്‍ഹിയും മുംബൈയും ജയിച്ചതിനാല്‍ ഒരു ടീം ആദ്യ തോല്‍വി ഏറ്റുവാങ്ങും. ഇരുകൂട്ടരുടെയും നിലവിലെ ഫോം നോക്കുമ്‌ബോള്‍ ഇത് തകര്‍പ്പന്‍ മത്സരമായിരിക്കും. ഇരുടീമുകളുടെയും ഓപ്പണര്‍മാരായ മുംബൈ ഇന്ത്യന്‍സിന്റെ ഹെയ്ലി മാത്യൂസും ഡല്‍ഹി ക്യാപിറ്റല്‍സിന്റെ മെഗ് ലാനിങ്ങും ഡബ്‌ള്യുപിഎല്‍ ഓറഞ്ച് ക്യാപ്പിനായി കടുത്ത മത്സരമാണ് നടത്തുന്നത്. ടൂര്‍ണമെന്റിലെ ഏറ്റവും കൂടുതല്‍ റണ്‍സ് സ്‌കോറര്‍ ക്യാപ്റ്റന്‍ ലാനിംഗ് ആണെങ്കില്‍, മാത്യൂസ് അവര്‍ക്ക് 18 റണ്‍സ് പിന്നിലാണ്, ടൂര്‍ണമെന്റിലെ ഏറ്റവും ഉയര്‍ന്ന രണ്ടാമത്തെ റണ്‍സ് സ്‌കോററാണ്.

ഇതുവരെ നടന്ന രണ്ട് ഏറ്റുമുട്ടലുകളിലും ഡല്‍ഹി ക്യാപിറ്റല്‍സ് 200ന് മുകളില്‍ സ്‌കോര്‍ രേഖപ്പെടുത്തുകയും ഗെയിമുകള്‍ സമഗ്രമായി ജയിക്കുകയും ചെയ്തു. ബാറ്റര്‍മാര്‍ മാത്രമല്ല, ബൗളര്‍മാരും ടോട്ടല്‍ പ്രതിരോധത്തില്‍ മികച്ച പ്രകടനം കാഴ്ചവച്ചിട്ടുണ്ട്. റോയല്‍ ചലഞ്ചേഴ്സ് ബാംഗ്ലൂരിനെതിരെയും ഗുജറാത്ത് ജയന്റ്സിനെതിരെയും അനായാസം വിജയങ്ങള്‍ സ്വന്തമാക്കാന്‍ മുംബൈ ഇന്ത്യന്‍സിന്റെ കാര്യവും സമാനമായിരുന്നു.

On:

ഡല്‍ഹി: നടുവിനേറ്റ പരിക്കിനെ തുടര്‍ന്ന് ജസ്പ്രീത് ബുമ്ര ശസ്ത്രക്രിയയ്ക്ക് വിധേയനായി. ന്യൂസിലാന്‍ഡിലായിരുന്നു ശസ്ത്രക്രിയ നടത്തിയത്. കഴിഞ്ഞ തിങ്കളാഴ്ച താരത്തിന്റെ ശസ്ത്രക്രിയ വിജയകരമായി പൂര്‍ത്തിയായതായി അധികൃതര്‍ അറിയിച്ചു. മാര്‍ച്ച് അവസാനം വരെ അദ്ദേഹം ന്യൂസിലാന്‍ഡില്‍ തുടരുമെന്നാണ് വിവരം.

അടുത്ത ഓഗസ്റ്റോടെ ബുമ്ര പരിശീലനത്തിലേക്ക് തിരിച്ചുവരുമെന്നാണ് ബിസിസിഐ മെഡിക്കല്‍ സ്റ്റാഫ് വ്യക്തമാക്കുന്നത്. തുടര്‍ന്ന് ഒക്ടോബര്‍-നവംബര്‍ മാസങ്ങളില്‍ നടക്കുന്ന ഐസിസി വേള്‍ഡ് കപ്പില്‍ താരം മാറ്റുരയ്ക്കുമെന്നാണ് പ്രതീക്ഷ.

2022 ജൂലൈയില്‍ നടന്ന മത്സരത്തിനിടെയായിരുന്നു ബുമ്രയുടെ നടുവിന് പരിക്കേറ്റത്. ഇംഗ്ലണ്ടിനെതിരായ ഏകദിന പരമ്ബര നടക്കുന്നതിനിടെയായിരുന്നു സംഭവം. തുടര്‍ന്ന് ഏഷ്യാകപ്പ് ഉള്‍പ്പെടെ നിരവധി മത്സരങ്ങള്‍ ബുംമ്രയ്ക്ക് നഷ്ടമായി.

On:

നാളെ മുതല്‍ ആരംഭിക്കുന്ന ബോര്‍ഡര്‍-ഗവാസ്‌കര്‍ ട്രോഫിയിലെ നാലാമത്തെയും അവസാനത്തെയും ടെസ്റ്റിനായി ഇന്ത്യ ഇറങ്ങും. ആദ്യ രണ്ട് മത്സരങ്ങളും ജയിച്ച ഇന്ത്യ 2-1 മുന്നില്‍ ആണ്.

അതേസമയം, നാലാം മത്സരത്തില്‍ ഇന്ത്യന്‍ ടീം മാനേജ്മെന്റ് അവരുടെ പ്ലേയിംഗ് ഇലവനില്‍ രണ്ട് മാറ്റങ്ങള്‍ വരുത്തിയേക്കും. മറുവശത്ത്, ഇന്‍ഡോറിലെ തകര്‍പ്പന്‍ വിജയത്തിന് ശേഷം ഓസ്ട്രേലിയ അവരുടെ പ്ലേയിംഗ് ഇലവനില്‍ മാറ്റങ്ങളൊന്നും വരുത്താന്‍ സാധ്യതയില്ല.

മുഹമ്മദ് ഷമി നാലാം ടെസ്റ്റില്‍ മുഹമ്മദ് സിറാജിനായി എത്തിയേക്കും. കഴിഞ്ഞ വര്‍ഷം മൂന്ന് ഫോര്‍മാറ്റിലും കളിച്ചിട്ടുള്ള സിറാജിന് ആശ്വാസം ലഭിച്ചേക്കും. മൂന്നാം ടെസ്റ്റില്‍ അസാമാന്യ പ്രകടനം പുറത്തെടുത്ത ഉമേഷ് യാദവ് ഇലവനില്‍ സ്ഥാനം നിലനിര്‍ത്തിയേക്കും. ആദ്യ രണ്ട് ടെസ്റ്റുകളില്‍ ഏഴ് വിക്കറ്റ് വീഴ്ത്തിയ ഷമി, അര്‍ഹമായ ഇടവേളയ്ക്ക് ശേഷം പോകാനുള്ള ശ്രമത്തിലാണ്. കയ്യുറകളുമായി കെഎസ് ഭാരത് മൂന്ന് ടെസ്റ്റുകളിലും മികച്ചു നിന്നു.

On:

ഐഎസ്എല്ലിലെ വിവാദ പ്ലേ ഓഫ് മത്സരത്തിന് ശേഷം കേരള ബ്ലാസ്റ്റേഴ്സും ബംഗലൂരു എഫ്സിയും വീണ്ടും ഏറ്റുമുട്ടുന്നു.

കേരളം വേദിയാകുന്ന ഹീറോ സൂപ്പര്‍ കപ്പ് 2023യിലാണ് ഇരുടീമുകളും കണക്കുതീര്‍ക്കാന്‍ ഇറങ്ങുന്നത്. ഒരേ ഗ്രൂപ്പിലുള്ള ബ്ലാസ്റ്റേഴ്സ് – ബംഗലൂരു മത്സരം ഏപ്രില്‍ 16ന് കോഴിക്കോട് കോര്‍പ്പറേഷന്‍ സ്റ്റേഡിയത്തില്‍ നടക്കും.

ഐഎസ്എല്ലിന്റെ പ്ലേഓഫില്‍ സുനില്‍ ഛേത്രി നേടിയ വിവാദ ഗോള്‍ അംഗീകരിക്കാതെ ബ്ലാസ്റ്റേഴ്സ് ടീം കളി അവസാനിപ്പിച്ച് മടങ്ങിയിരുന്നു. ഛേത്രിയുടെ ഗോള്‍ അംഗീകരിക്കാനാവില്ലന്നും ഗോളിന് അനുമതി നല്‍കിയ റഫറി ക്രിസ്റ്റല്‍ ജോണിനെതിരെ നടപടിയെടുക്കണമെന്നും ആവശ്യപ്പെട്ട് അഖിലേന്ത്യ ഫുട്ബാള്‍ ഫെഡറേഷന് ബ്ലാസ്റ്റേഴ്സ് നല്‍കിയ പരാതി തള്ളിയിരുന്നു.

On:

ബംഗളൂരു എഫ്.സിക്കെതിരായ പ്ലേഓഫ് മത്സരം മാറ്റിനടത്തണമെന്ന കേരള ബ്ലാസ്റ്റേഴ്‌സ് ആവശ്യം തള്ളി അഖിലേന്ത്യാ ഫുട്ബോള്‍ ഫെഡറേഷന്‍.

ഐ.എസ്.എല്ലില്‍ ഇന്ന് സെമി പോരാട്ടങ്ങള്‍ തുടങ്ങാനിരിക്കെയാണ് ബ്ലാസ്റ്റേഴ്സ്-ബംഗളൂരു വിവാദത്തില്‍ എ.ഐ.എഫ്.എഫ് അച്ചടക്ക സമിതി ഇന്നലെ അടിയന്തര യോഗം ചേര്‍ന്നത്. ബംഗളൂരു നായകന്‍ സുനില്‍ ഛേത്രിയുടെ വിവാദ ഫ്രീകിക്ക് ഗോള്‍ അനുവദിച്ച റഫറി ക്രിസ്റ്റല്‍ ജോണിന്റെ തീരുമാനത്തില്‍ പ്രതിഷേധിച്ച് ബ്ലാസ്റ്റേഴ്സ് അഖിലേന്ത്യാ ഫുട്ബോള്‍ ഫെഡറേഷന് പരാതി നല്‍കിയിരുന്നു. ക്രിസ്റ്റലിനെ ഐ.എസ്.എല്‍ മത്സരങ്ങളില്‍നിന്ന് വിലക്കണമെന്നും പരാതിയില്‍ ആവശ്യപ്പെട്ടിരുന്നു.

ബംഗളൂരു എഫ്.സിയും മുംബൈ സിറ്റിയും തമ്മിലുള്ള ആദ്യ പാദ സെമിഫൈനലിന് മുന്‍പ് വിഷയത്തില്‍ തീരുമാനമെടുക്കാമെന്ന് ഫുട്ബോള്‍ ഫെഡറേഷന്‍ നല്‍കിയ മറുപടി. ഇക്കാര്യം കൂടി പരിഗണിച്ചാണ് ഇന്നലെ അടിയന്തര യോഗം വിളിച്ചത്.

On:

വനിതാ ദിനം അടുത്തിരിക്കെ, വനിതാ പ്രീമിയര്‍ ലീഗ് ടൂര്‍ണമെന്റിന്റെ ആറാം മത്സരത്തില്‍ എല്ലാവര്‍ക്കും സൗജന്യ പ്രവേശനം അടുത്തിടെ പ്രഖ്യാപിച്ചു. മാര്‍ച്ച് 8 ന് ബ്രാബോണ്‍ സ്റ്റേഡിയത്തില്‍ ഗുജറാത്ത് ജയന്റ്‌സും റോയല്‍ ചലഞ്ചേഴ്സ് ബാംഗ്ലൂരും തമ്മിലാണ് മത്സരം.

സ്ത്രീത്വത്തെയും ജീവിതത്തിന്റെ എല്ലാ തുറകളിലുമുള്ള അവരുടെ നേട്ടങ്ങളെയും ആഘോഷിക്കുന്നതിനായി മാര്‍ച്ച് 8 അന്താരാഷ്ട്ര വനിതാ ദിനമായി ഐക്യരാഷ്ട്രസഭ ആഘോഷിക്കുന്നു. അങ്ങനെ, സ്ത്രീ സാഹോദര്യത്തോട് ഐക്യദാര്‍ഢ്യം പ്രകടിപ്പിച്ചുകൊണ്ട്, പ്രത്യേക ദിനത്തില്‍ സ്ത്രീത്വം ആഘോഷിക്കാന്‍ എല്ലാവരേയും ഒരുമിച്ച് കൊണ്ടുവരാന്‍ ഡബ്‌ള്യുപിഎല്‍ തീരുമാനിച്ചിരിക്കുകയാണ്.

ആര്‍സിബിയും എംഐയും തമ്മിലുള്ള ടൂര്‍ണമെന്റിന്റെ നാലാമത്തെ മത്സരത്തിനിടെയാണ് വാര്‍ത്ത പ്രഖ്യാപിച്ചത്, ഇത് അവരുടെ സോഷ്യല്‍ മീഡിയ പ്ലാറ്റ്ഫോമുകളിലൂടെ ഡബ്‌ള്യുപിഎല്‍ സ്ഥിരീകരിച്ചു.

On:

ന്യൂഡല്‍ഹി: ബോര്‍ഡര്‍ ഗവാസ്‌കര്‍ ടെസ്റ്റ് പരമ്ബരയുടെ അവസാന മത്സരം കാണാന്‍ പ്രധാനമന്ത്രി നരേന്ദ്രമോദിയും ഓസ്ട്രേലിയന്‍ പ്രധാനമന്ത്രി ആന്റണി അല്‍ബനീസും മാര്‍ച്ച് 9 ന് അഹമ്മദാബാദിലെ നരേന്ദ്ര മോദി സ്റ്റേഡിയത്തിലെത്തും.

നാല് ദിവസത്തെ സന്ദര്‍ശനത്തിനായി മാര്‍ച്ച് 8-ന് ഓസ്ട്രേലിയന്‍ പ്രധാനമന്ത്രി ഇന്ത്യയിലെത്തും. 2017ന് ശേഷം ഇതാദ്യമായാണ് ഒരു ഓസ്ട്രേലിയന്‍ പ്രധാനമന്ത്രി ഇന്ത്യ സന്ദര്‍ശിക്കുന്നത്. അഹമ്മദാബാദ്, മുംബൈ, ന്യൂഡല്‍ഹി എന്നിവിടങ്ങളില്‍ അല്‍ബനീസ് സന്ദര്‍ശനം നടത്തും. ഓസ്ട്രേലിയന്‍ പ്രധാനമന്ത്രിയുടെ സന്ദര്‍ശനത്തിലൂടെ രാജ്യത്തിന്റെ തന്ത്രപരവും സാമ്ബത്തികവുമായ ബന്ധം കൂടുതല്‍ മെച്ചപ്പെടുത്താനാകുമെന്ന് ഓസ്ട്രേലിയന്‍ പ്രധാനമന്ത്രിയുടെ ഓഫീസ് പുറത്തുവിട്ട പ്രസ്താവനയില്‍ പറഞ്ഞു.

On:

കൊച്ചി: ആരാധകരോട് നന്ദി പറഞ്ഞ് കേരള ബ്ലാസ്റ്റേഴ്സ്. തിങ്ങിനിറഞ്ഞ സ്റ്റേഡിയത്തിന്റെ ഫോട്ടോയും ഹോംഗ്രൗണ്ടില്‍ കളിച്ച മത്സരങ്ങളുടെ കണക്കുകളും പങ്കുവെച്ചായിരുന്നു ബ്ലാസ്റ്റേഴ്സിന്റെ ട്വീറ്റ്. കളിച്ച പത്ത് മത്സരങ്ങളില്‍ ഏഴെണ്ണം ബ്ലാസ്റ്റേഴ്സ് വിജയിച്ചു.19 ഗോളുകളാണ് അടിച്ചത്. ഏകദേശം 28000 കാണികളാണ് ഓരോ മത്സരവും കാണാനെത്തിയത്. ഇക്കാര്യങ്ങളെല്ലാം ബ്ലാസ്റ്റേഴ്സ് പങ്കുവെക്കുന്നു.

നോക്കൗട്ടില്‍ ബംഗളൂരു എഫ്.സി ക്യാപ്റ്റന്‍ സുനില്‍ ഛേത്രിയുടെ ഗോളിനെ ചൊല്ലിയുള്ള തര്‍ക്കത്തെ തുടര്‍ന്ന് മത്സരം പാതിവഴിയില്‍ നിര്‍ത്തി പോയതോടെയാണ് ബ്ലാസ്റ്റേഴ്സ് സെമി കാണാതെ ടൂര്‍ണമെന്റില്‍ നിന്ന് പുറത്തുപോകുന്നത്. താരങ്ങളോട് കളി നിര്‍ത്താന്‍ ആവശ്യപ്പെട്ട ഇവാന്റെ തീരുമാനം ഉചിതമായെന്ന് വാദിച്ച് ഒരു വിഭാഗം ആരാധകര്‍ രംഗത്തെത്തിയിരുന്നു.

On:

കൊല്‍ക്കത്ത: ഐഎസ്എല്ലില്‍ ഒഡീഷ എഫ്സിയെ എതിരില്ലാത്ത രണ്ട് ഗോളിന് വീഴ്ത്തി എ.ടി.കെ മോഹന്‍ബഗാന്‍ എഫ്സി സെമിഫൈനലില്‍.

രണ്ടാം സെമിഫൈനലില്‍ ഹൈദരാബാദ് എഫ്സിയോടാണ് എ.ടി.കെ ഏറ്റുമുട്ടുക. ഹ്യൂഗോ ബൗമസും (36ാം മിനുട്ട്) ദിമിത്രി പെട്രോറ്റോസുമാണ്(58ാം മിനുട്ട്) കൊല്‍ക്കത്തക്കായി എതിര്‍വല കുലുക്കിയത്. കൊല്‍ക്കത്തയിലെ സാള്‍ട്ട്ലേക് സ്റ്റേഡിയത്തിലാണ് മത്സരം നടന്നത്.

കഴിഞ്ഞ കളിയില്‍ കേരള ബ്ലാസ്റ്റേഴ്സിനെ വിവാദ ഗോളിലൂടെ വീഴ്ത്തി ബംഗളൂരു എഫ്.സി സെമിഫൈനലിലെത്തിയിരുന്നു. മാര്‍ച്ച് ഒമ്ബതിനാണ് ഹൈദരാബാദ് എഫ്സി-എ.ടി.കെ മത്സരത്തിന്റെ ആദ്യ ലെഗ് നടക്കുക. മാര്‍ച്ച് 13 ന് രണ്ടാം ലെഗും നടക്കും. മാര്‍ച്ച് ഏഴിനാണ് ഐ.എസ്.എല്ലിലെ ആദ്യ സെമിഫൈനല്‍. മുംബൈ സിറ്റിയും ബംഗളൂരു എഫ്.സിയും തമ്മിലുള്ള ആദ്യ ലെഗാണ് അന്ന് നടക്കുക. മാര്‍ച്ച് 12ന് രണ്ടാം ലെഗ് നടക്കും. മാര്‍ച്ച് 18നാണ് ഫൈനല്‍.

On:

മുംബയ്: വനിതാ പ്രീമിയര്‍ ലീഗില്‍ റോയല്‍ ചലഞ്ചേഴ്‌സ് ബാംഗ്ലൂരിനെ 60 റണ്‍സിന് തോല്‍പ്പിച്ച് ഡല്‍ഹി ക്യാപ്പിറ്റല്‍സ്. ഡല്‍ഹി ആദ്യം ബാറ്റുചെയ്ത് 223/2 എന്ന കൂറ്റന്‍ സ്‌കോര്‍ ഉയര്‍ത്തിയ ശേഷം ബാംഗ്‌ളൂരിനെ 163/8ല്‍ തളച്ചാണ് വമ്ബന്‍ വിജയം ആഘോഷിച്ചത്.

അര്‍ദ്ധസെഞ്ച്വറികള്‍ നേടുകയും ഓപ്പണിംഗില്‍ 14.3ഓവറില്‍ 162 റണ്‍സ് കൂട്ടിച്ചേര്‍ക്കുകയും ചെയ്ത ഷഫാലി വര്‍മ്മ(45 പന്തില്‍ 84 റണ്‍സ്),ക്യാപ്ടന്‍ മെഗ് ലാന്നിംഗ്(43 പന്തില്‍ 72 റണ്‍സ്) എന്നിവരുടെ വെടിക്കെട്ടാണ് ഡല്‍ഹിയെ കൂറ്റന്‍ സ്‌കോറിലെത്തിച്ചത്. മരിസാന്നെ കാപ്പ് 39 റണ്‍സുമായും ജെമീമ റോഡ്രിഗസ് 22 റണ്‍സുമായും പുറത്താവാതെ നിന്നു. നാലോവറില്‍ 29 റണ്‍സ് വഴങ്ങി അഞ്ച് വിക്കറ്റ് വീഴ്ത്തിയ താര നോറിസാണ് ആര്‍.സി.ബി ബാറ്റിംഗ് നിരയെ തകര്‍ത്തത്. വനിതാ പ്രിമിയര്‍ ലീഗിലെ ആദ്യ അഞ്ചുവിക്കറ്റ് നേട്ടത്തിന് ഉടമയായും നോറിസ് മാറി.

224 റണ്‍സെന്ന കൂറ്റന്‍ വിജയലക്ഷ്യം പിന്തുടര്‍ന്ന ആര്‍.സി.ബിക്ക് എട്ട് വിക്കറ്റ് നഷ്ടത്തില്‍ 163 റണ്‍സെടുക്കാനേ സാധിച്ചുള്ളൂ. മികച്ച തുടക്കം ലഭിച്ച ശേഷം ആര്‍.സി.ബി കളി കൈവിടുകയായിരുന്നു. ക്യാപ്ടന്‍ സ്മൃതി മന്ഥാന (23 പന്തില്‍ 35), എല്ലിസെ പെറി (19 പന്തില്‍ 31), ഹീതര്‍നൈറ്റ് (21 പന്തില്‍ 34), മേഗന്‍ ഷുട്ട് (19 പന്തില്‍30) എന്നിവര്‍ക്ക് മാത്രമാണ് അല്‍പ്പമെങ്കിലും പിടിച്ചുനില്‍ക്കാനായത്. സോഫി ഡിവൈന്‍ (14), ദിഷ കസാറ്റ് (9), റിച്ച ഘോഷ് (2) എന്നിവര്‍ നിരാശപ്പെടുത്തി. ഇന്നത്തെ മത്സരം മുംബയ് ഇന്ത്യന്‍സ് Vs ആര്‍.സി.ബി രാത്രി 7.30 മുതല്‍ ജിയോ സിനിമയില്‍