കൊച്ചി: ആരാധകരോട് നന്ദി പറഞ്ഞ് കേരള ബ്ലാസ്റ്റേഴ്സ്. തിങ്ങിനിറഞ്ഞ സ്റ്റേഡിയത്തിന്റെ ഫോട്ടോയും ഹോംഗ്രൗണ്ടില് കളിച്ച മത്സരങ്ങളുടെ കണക്കുകളും പങ്കുവെച്ചായിരുന്നു ബ്ലാസ്റ്റേഴ്സിന്റെ ട്വീറ്റ്. കളിച്ച പത്ത് മത്സരങ്ങളില് ഏഴെണ്ണം ബ്ലാസ്റ്റേഴ്സ് വിജയിച്ചു.19 ഗോളുകളാണ് അടിച്ചത്. ഏകദേശം 28000 കാണികളാണ് ഓരോ മത്സരവും കാണാനെത്തിയത്. ഇക്കാര്യങ്ങളെല്ലാം ബ്ലാസ്റ്റേഴ്സ് പങ്കുവെക്കുന്നു.
നോക്കൗട്ടില് ബംഗളൂരു എഫ്.സി ക്യാപ്റ്റന് സുനില് ഛേത്രിയുടെ ഗോളിനെ ചൊല്ലിയുള്ള തര്ക്കത്തെ തുടര്ന്ന് മത്സരം പാതിവഴിയില് നിര്ത്തി പോയതോടെയാണ് ബ്ലാസ്റ്റേഴ്സ് സെമി കാണാതെ ടൂര്ണമെന്റില് നിന്ന് പുറത്തുപോകുന്നത്. താരങ്ങളോട് കളി നിര്ത്താന് ആവശ്യപ്പെട്ട ഇവാന്റെ തീരുമാനം ഉചിതമായെന്ന് വാദിച്ച് ഒരു വിഭാഗം ആരാധകര് രംഗത്തെത്തിയിരുന്നു.