Politics (Page 89)

ലോകത്ത് കമ്യൂണിസ്റ്റ് ചേരി ഇല്ലാതായതിന്റെ നഷ്ടം മുഴുവന്‍ മുസ്ലിങ്ങള്‍ക്കും മുസ്ലിം ലോകത്തിനുമാണെന്നും കമ്യൂണിസ്റ്റ് പാര്‍ട്ടിയുടെ വില സമസ്തയടക്കമുള്ള മതസംഘടനകള്‍ തിരിച്ചറിഞ്ഞതായും എന്ന് കെ ടി ജലീൽ. സമസ്തക്ക് ഇനി ലീഗിന്റെ ഇടനില വേണ്ടെന്നും ജലീൽ പറഞ്ഞു. സമസ്തയും മുസ്ലിംലീഗും തമ്മിലുള്ള ബന്ധം ഊഷ്മളമായ ബന്ധമാണ് വര്‍ഷങ്ങളായി നിലനിന്നിരുന്നത്. എന്നാൽ സമീപകാലത്ത്‌ ലീഗ് സമസ്തയോട് സ്വീകരിച്ചിരുന്ന പരമ്പരാഗത നിലപാടില്‍ മാറ്റംവന്നു.

സമസ്തയെ വരുതിയില്‍ നിര്‍ത്തിക്കാന്‍ ലീഗ് നേതൃത്വം ശ്രമിക്കുകയും സമസ്ത അതിനോട് പ്രതികരിക്കുകയും ചെയ്തു.കമ്യൂണിസത്തോട് ആശയപരമായ വിയോജിപ്പുകള്‍ നിലനിര്‍ത്തിക്കൊണ്ട് തന്നെ വര്‍ത്താമന ലോക സാഹചര്യങ്ങള്‍ വിലയിരുത്തി ഇന്ത്യന്‍ സാഹചര്യങ്ങള്‍ നിരീക്ഷിച്ച് കമ്യൂണിസ്റ്റ് പാര്‍ട്ടിയോട് വ്യത്യസ്തമായ ഒരു നിലപാട് സ്വീകരിക്കാമെന്ന് എല്ലാ മത സംഘടനകളും പ്രത്യേകിച്ച് മുസ്ലിം സമൂഹം വിലയിരുത്തിയിട്ടുള്ള ഒരു കാര്യമാണെന്നും പറഞ്

മുസ്‍ലിം ലീഗിന്റെ പലസ്തീൻ ഐക്യദാർഢ്യ റാലിയിലെ പ്രസംഗത്തിലുണ്ടായ വിവാദ പരാമർശത്തിൽ ശശി തരൂരിനെ പിന്തുണച്ച് കെ.മുരളീധരൻ എംപി.ശശി തരൂരിന്റെ പ്രസംഗം പലസ്തീനൊപ്പവും ഇസ്രയേലിന് എതിരായിട്ടാണെന്നും അവിടെ പ്രസംഗിച്ചതിൽ ഒരു വാചകം ഒഴിച്ച് ബാക്കി എല്ലാം പാർട്ടി നിലപാടാണെന്നും മുരളീധരൻ പറഞ്ഞു. റാലിയിൽ ഹമാസിനെ ഭീകരർ എന്നായിരുന്നു തരൂർ വിശേഷിപ്പിച്ചത്.

‘‘ഒക്ടോബർ ഏഴിനു നടന്ന സംഭവത്തെ ഭീകരാക്രമണമായിട്ടു കോൺഗ്രസ് അംഗീകരിക്കുന്നില്ല. ശശി തരൂർ ഇതുവരെ സ്വീകരിച്ച ബിജെപി വിരുദ്ധ നിലപാടുകളെ ഒരു വാചകത്തിന്റെ പേരിൽ അംഗീകരിക്കാതിരിക്കാൻ പറ്റില്ല. അദ്ദേഹം ആന്റി ബിജെപിയാണ്, പ്രോ പലസ്തീനാണ്. ഇസ്രയേൽ അനുകൂലിയല്ല. തരൂരിനെ ദുർബലമാക്കുന്നതു തിരുവനന്തപുരത്ത് ബിജെപിയെ സഹായിക്കും. അതുകൊണ്ടാണ് ബിജെപി നേതാക്കന്മാർക്ക് ഇപ്പോൾ തരൂർ പ്രേമം തുടങ്ങിയിരിക്കുന്നത്.അദ്ദേഹം അതു മനസിലാക്കി പ്രവർത്തിക്കുമെന്ന് കരുതുന്നു.’’– മുരളീധരൻ പറഞ്ഞു.

ഭക്ഷ്യവകുപ്പിനെതിരെ രൂക്ഷവിമർശനവുമായി സി പി ഐ മുതിർന്ന നേതാവ് പന്ന്യൻ രവീന്ദ്രൻ. ടാർഗറ്റ് അച്ചീവ് ചെയ്താൽ മാത്രമേ കൂലി ലഭിക്കുള്ളു എന്ന് പറയുന്നത് മര്യാദകേടാണെന്നും പറഞ്ഞു. എ ഐ ടി യു സി സെക്രട്ടറിയേറ്റിന് മുമ്പിൽ സംഘടപ്പിച്ച സമരത്തിൽ വച്ചായിരുന്നു സ്വന്തം പാർട്ടിയിൽ നിന്നുള്ള മന്ത്രി ഭരിക്കുന്ന വകുപ്പിനെതിരെ പന്ന്യൻ രവീന്ദ്രൻ രൂക്ഷ വിമർശനം നടത്തിയത്.

സാധനം കൊടുക്കുന്ന ആളുകൾ പട്ടിണി കിടന്ന് ജീവിക്കാൻ പറ്റുമോ. ഒരു മാസം കൂലിപ്പണി എടുക്കുന്ന ആളുകൾക്ക് ശമ്പളം മുടങ്ങുന്നില്ലലോ ? ഉദ്യോഗസ്ഥന്മാരുടെ ശമ്പളത്തിന് ഒരു കുഴപ്പവുമില്ല. അവരുടെ ശമ്പളമെല്ലാം കൃത്യമായി ലഭിക്കുന്നുണ്ട്. കുഴപ്പം പാവപ്പെട്ടവർക്കാണ്.ഇത് സർക്കാരിന്റെ നയമല്ല.

സർക്കാർ ജനങ്ങളുടെ സർക്കാരാണ്. നീതിപൂർവമായ നമ്മുടെ നാട്ടിൽ ഭരണം നടത്തുന്ന സർക്കാരാണ് ഈ സർക്കാർ. ലാഭമുണ്ടെങ്കിൽ ശമ്പളം കൊടുക്കുന്നതാണ് സർക്കാർ നയം, അത് കച്ചവടമാണ്, ഇത് കച്ചവടമല്ല ഭരണമാണ് . പന്ന്യൻ രവീന്ദ്രൻ പറഞ്ഞു.താത്ക്കാലിക ജീവനക്കാർ ടാർഗറ്റ് അച്ചീവ് ചെയ്താലേ ജോലി ചെയ്യാൻ കഴിയൂ എന്നത് മര്യാദകേടാണ്.

ഉദ്യോഗസ്ഥന്മാർക്ക് ഒപ്പിട്ടാലും ഒപ്പിട്ടില്ലെങ്കിലും ശമ്പളംകൃത്യമായി ലഭിക്കും. ജീവനക്കാരുടെ കാര്യം അങ്ങനെയല്ല. ലക്ഷക്കണക്കിന് വ്യാപാരം നടന്നാൽ മാത്രമേ തൊഴിലാളി വേണ്ടൂ എന്നതാണ്. ചരിത്രത്തിൽ എവിടെയും ഇല്ലാത്ത ഏർപ്പാടാണ് അത്. ഇത് ജനാധിപത്യ ഭരണകൂടമാണ്. പഴയകാലത്ത് നമ്മുടെ നാട്ടിൽ നടന്നപോലെ മുതലാളിമാരുടെ പിടിച്ചുപറി നടക്കാനുള്ള ഏർപ്പാടല്ല ഇത്.

ഇടതുപക്ഷ ജനാധിപത്യ മുന്നണി തത്വാധിഷ്ടിത മുന്നണിയാണ്. തൊഴിലാളികൾ ആ മുന്നണിയുടെ സർക്കാർ വരാൻ പണിയെടുത്തവരാണ്. ഇന്നും സർക്കാരിന്റെ കൂടെ നിൽക്കുന്നവരാണ്. അവർ ഇങ്ങനെ വരേണ്ടിവന്ന അവസ്ഥ എങ്ങനെ ഉണ്ടായി. ആരാണ് ഉത്തരവാദികൾ. സാമ്പത്തിക പ്രശ്നം കേരളത്തിൽ ഉണ്ട്. അതിന് പരിഹാരം കാണണം. അതിന് ഇതാണോ മാർഗം’,പന്ന്യൻ രവീന്ദ്രൻ ചോദിച്ചു.