എസ്എൻസി ലാവ്ലിൻ കേസുമായി ബന്ധപ്പെട്ട ഹർജികൾ പരിഗണിക്കുന്നത് വീണ്ടും മാറ്റിവച്ച് സുപ്രീം കോടതി. 37-മത്തെ തവണയാണ് കേസ് മാറ്റി വയ്ക്കുന്നത്. ആറു വർഷത്തോളമായി കോടതിയുടെ പരിഗണനയിലുള്ള ഹർജികൾ കഴിഞ്ഞ 11ന് ലിസ്റ്റ് ചെയ്തിരുന്നെങ്കിലും സമയക്കുറവുമൂലം പരിഗണിച്ചിരുന്നില്ല.
ജസ്റ്റിസ് സൂര്യകാന്ത് അധ്യക്ഷനായ ബെഞ്ചിൽ 9–ാം നമ്പർ ആയാണ് ലിസ്റ്റ് ചെയ്തിരുന്നതെങ്കിലും ഒരിക്കൽക്കൂടി മാറ്റിവയ്ക്കുകയായിരിന്നു. ഇനിയുള്ള ഹർജിയുടെ തീയതി അറിയിച്ചിട്ടില്ല.ജസ്റ്റിസ് സൂര്യകാന്ത് അധ്യക്ഷനായ ബെഞ്ചിൽ ദിപാങ്കർ ദത്ത, ഉജ്വൽ ഭുയാൻ എന്നിവരായിരുന്നു മറ്റ് അംഗങ്ങൾ. വാദങ്ങൾ നീണ്ടുപോയതിന് ശേഷം വൈകിട്ട് 3.30 ക്കാണ് ലാവ്ലീൻ കേസ് പരിഗണിക്കാൻ വന്നത്.
അഡീഷനൽ സൊളിസിറ്റർ ജനറൽ എസ്.വി.രാജു കോടതിയിൽ ഇല്ലാത്തതിനാൽ അൽപസമയം കഴിഞ്ഞു പരിഗണിക്കണമെന്ന് ജൂനിയർ അഭിഭാഷകൻ ആവശ്യപ്പെടുകയും തുടർന്ന് ഇത് തള്ളുകയും ഹർജികൾ പിന്നീട് പരിഹരിക്കാനായി മാറ്റുകയും ചെയ്തു.