Politics (Page 577)

തിരുവനന്തപുരം: നിരന്തരമായി ദേശവിരുദ്ധ സമീപനം സ്വീകരിക്കുന്ന ഏഷ്യാനെറ്റ് ന്യൂസിനെ പൂര്‍ണമായും ബഹിഷ്‌കരിക്കാന്‍ തീരുമാനിച്ച്‌ ബിജെപി. ഏഷ്യാനെറ്റ് ന്യൂസ് സംഘടിപ്പിക്കുന്ന ചര്‍ച്ചകളിലും ചാനല്‍ തേടുന്ന പ്രതികരണങ്ങളിലും ബിജെപി നേതാക്കള്‍ പങ്കെടുക്കില്ലന്ന് ബിജെപിയും സംസ്ഥാന കമ്മറ്റി തീരുമാനിച്ചു. ബംഗാളിൽ ബിജെപി പ്രവർത്തകർക്ക് നേരെ നടക്കുന്ന അക്രമങ്ങൾ റിപ്പോർട്ട് ചെയ്യില്ലെന്നും ബംഗാൾ പാകിസ്താനിലാണെന്നും പറഞ്ഞ ചാനലിന്റെ ധിക്കാരം അംഗീകരിക്കാനാവില്ലെന്നും ബിജെപി ഫേസ്ബുക്ക് പോസ്റ്റിൽ പറയുന്നു .

ബംഗാളില്‍ തൃണമൂല്‍ ഗുണ്ടകള്‍ നടത്തുന്ന കൊലപാതകങ്ങളെ ന്യായീകരിച്ച ചീഫ് റിപ്പോര്‍ട്ടര്‍ക്കെതിരെ ഇതുവരെ ഏഷ്യാനെറ്റ് ന്യൂസ് നടപടിയെടുത്തിട്ടില്ല. ബംഗാള്‍ അക്രമികളെ വെള്ളപൂശിയ ഏഷ്യാനെറ്റ് ന്യൂസിന്റെ തിരുവനന്തപുരം ബ്യൂറോയിലെ സീനിയര്‍ റിപ്പോര്‍ട്ടര്‍ പി.ആര്‍. പ്രവീണക്കെതിരെ വ്യാപകമായ പ്രതിഷേധമാണ് സോഷ്യല്‍ മീഡിയയില്‍ ഉയര്‍ന്നത്. ഇതു ചാനലില്‍ പ്രതിസന്ധി സൃഷ്ടിച്ചപ്പോള്‍ ഒരു വിശദീകരണം മാത്രമാണ് ഏഷ്യാനെറ്റ് പ്രവീണയോട് ആവശ്യപ്പെട്ടത്. ഇതിനെതിരെ ചാനല്‍ ചെയര്‍മാനും എംപിയും രാജീവ് ചന്ദ്രശേഖറിനെതിരെ വരെ വ്യാപക പ്രതിഷേധം ഉയര്‍ന്നിട്ടുണ്ട്.

പശ്ചിമ ബംഗാളില്‍ തെരഞ്ഞെടുപ്പിന് ശേഷം നടക്കുന്നത് ഭീകര പ്രവര്‍ത്തനമാണെന്ന് മേജര്‍ രവി. അഭയാര്‍ത്ഥികളായി കയറി വന്നവര്‍ ഇന്ത്യാക്കാര്‍ക്കെതിരെ നടത്തുന്ന ഭീകര പ്രവര്‍ത്തനമാണ് ബംഗാളില്‍ കാണുന്നത്. ബംഗാളില്‍ നടക്കുന്നത് തികച്ചും ദേശവിരുദ്ധ പ്രവര്‍ത്തനമാണ്. അത് മമതയുടെ സര്‍ക്കാരോ മോദി ജിയുടെ സര്‍ക്കാരോ കണ്ടില്ലെന്നു നടിക്കാന്‍ പാടില്ലന്നും അദേഹം മനോരമയ്ക്ക് നല്‍കിയ അഭിമുഖത്തില്‍ പറഞ്ഞു.

പത്തും പന്ത്രണ്ടും വയസ്സായ പെണ്‍കുട്ടികളെ പിടിച്ചു കൊണ്ടുപോയി വീട്ടുകാരുടെ മുന്നിലിട്ട് കൂട്ടബലാത്സംഗം ചെയ്യുന്നു. മാനുഷിക പരിഗണന കൊടുക്കാതെ ചെയ്യുന്ന ഇത്തരം ക്രൂരമായ പ്രവൃത്തികള്‍ക്കെതിരെ ഗാന്ധിയന്‍ തത്വങ്ങള്‍ നടക്കില്ല.മമത ബാനര്‍ജി വീണ്ടും മുഖ്യമന്ത്രി .ആയിരിക്കുകയാണ് മാനുഷികമായ പരിഗണന നല്‍കി ഭരിക്കേണ്ടത് മുഖ്യമന്ത്രിയുടെ കടമയാണ്. ഗവണ്‍മെന്റ് ഒരു കടുത്ത നിലപാട് തന്നെ എടുക്കണം.

അടിക്കേണ്ടവനെ അടിക്കണം. ഈ രോഹിന്‍ഗ്യന്‍സിന്റെ നേതാക്കന്മാരെ പിടിച്ച് തിരിച്ചു കൊടുക്കണം. എനിക്കും വേദനിക്കും എന്ന് അവരും അറിയണം. മനുഷ്യത്വമില്ലാത്ത ഈ പ്രവര്‍ത്തനങ്ങള്‍ക്കെതിരെ കേന്ദ്ര, സംസ്ഥാന ഗവണ്‍മെന്റുകള്‍ ശക്തമായ നടപടി എടുക്കണമെന്നും മേജര്‍ രവി പറഞ്ഞു. നടത്തുന്നതാണെന്നും അദ്ദേഹം ലോകത്ത് ഒരു രാജ്യവും അംഗീകരിക്കാത്ത ആളുകള്‍ ആണ് റോഹിംഗ്യന്‍സ്. കാരണം അവരുടെ രക്തത്തില്‍ തന്നെ ഭീകരത ഉണ്ട്. പുറത്തുനിന്ന് വരുന്ന അഭയാര്‍ത്ഥികള്‍ക്ക് ഐഡി കാര്‍ഡ് കൊടുക്കുന്നതിന്റെ ഫലമാണ് ഈ അനുഭവിക്കുന്നത്.

പ്ലാവിലകൾ സംഘടിപ്പിച്ചുപോകുന്ന യുവാക്കളുടെ ചിത്രങ്ങൾ ഫേസ്ബുക്കിൽ പങ്കുവച്ച് ഡി വൈ എഫ് ഐ സംസ്ഥാന സെക്രട്ടറി എ എ റഹിം.തെരുവ് നായകൾക്കും, പക്ഷികൾക്കും കൂടി ഭക്ഷണവും വെള്ളവും കരുതണമെന്ന് ആവർത്തിച്ച് ഓർമ്മപ്പെടുത്തുന്ന മുഖ്യമന്ത്രിയുടെ നാട്ടിൽ ഡിവൈഎഫ്‌ഐ പിള്ളേർ ഇതല്ലാതെ മറ്റെന്താണ് ചെയ്യേണ്ടതെന്നും അദ്ദേഹം ചോദിക്കുന്നു.കൊവിഡ് ബാധിച്ച ഒരു കുടുംബത്തിലെ മിണ്ടാപ്രാണികൾക്കുവേണ്ടിയാണ് പ്ലാവിലയെന്ന് അദ്ദേഹം പറയുന്നു.

നാട്ടിൽ ഒരു കുടുംബത്തിൽ എല്ലാവർക്കും കോവിഡ്.അവർക്കുള്ള മരുന്നും ഭക്ഷണവും മാത്രം ഉറപ്പായാൽ പോരല്ലോ,മിണ്ടാപ്രാണികളുടെ ജീവനും പ്രധാനമാണല്ലോ.വീട്ടുകാർ അടുത്തുള്ള ഡിവൈഎഫ്ഐക്കാരോട് ആവശ്യം അറിയിച്ചു. പിന്നെയെല്ലാം ഈ ചിത്രങ്ങളിലുണ്ടെന്നും അദ്ദേഹം പറയുന്നു’.

തിരുവനന്തപുരം: ബി.ജെ.പിയ്ക്ക് പറയത്തക്ക നേട്ടങ്ങളൊന്നും അവകാശപ്പെടാനില്ലാത്ത നിയമസഭാ തിരഞ്ഞെടുപ്പാണ് കഴിഞ്ഞ് പോയിരിക്കുന്നത്. ബി.ജെ.പി സംസ്ഥാന അദ്ധ്യക്ഷൻ കെ. സുരേന്ദ്രൻ മത്സരിച്ച മഞ്ചേശ്വരത്തെ രണ്ട് ബൂത്തുകളിലുൾപ്പെടെ 59 നിയോജകമണ്ഡലങ്ങളിലെ ബൂത്തുകളിൽ മുന്നണിയെ വോട്ടില്ലായ്മ വേട്ടയാടി.

അതേസമയം 493 ബൂത്തുകളിൽ എൻ.ഡി.എ സ്ഥാനാർത്ഥിക്ക് ലഭിച്ചത് ഓരോ വോട്ടുകൾ വീതമാണ്. ഏറ്റവും കൂടുതൽ വോട്ടില്ലാബൂത്തുകളും ഒറ്റ വോട്ട് ബൂത്തുകളും ഉളളത് മലപ്പുറം ജില്ലയിലാണ്. മലപ്പുറം ജില്ലയിലെ പൊന്നാനിയിലാണ് മുന്നണിക്ക് പൂജ്യം വോട്ടുകൾ ലഭിച്ച ബൂത്തുകൾ ഏറ്റവും കൂടുതലുളളത്. ഇവിടെ 34 ബൂത്തിൽ പൂജ്യം വോട്ട് ലഭിച്ചപ്പോൾ പതിനാറിടത്ത് ഓരോ വോട്ടുമാത്രമാണ് ലഭിച്ചത്.

തോൽവിയുടെ ആ​ഘാതത്തിൽ നിന്നും കരയറാൻ പാർട്ടി ശ്രമിക്കുന്നതിനിടയിലും, സംസ്ഥാനത്തെ 318 ബൂത്തുകളിലെ കണക്കുകൾ നേതൃത്വത്തെ വേട്ടയാടും എന്നുറപ്പാണ്. ഈ ബൂത്തുകളിൽ എൻ.ഡി.എ സ്ഥാനാർത്ഥിക്ക് ഒരു വോട്ടു പോലും നേടാനായില്ല എന്നത് അപമാനകരമാണ്.ആയിരത്തിലേറെ ബൂത്തുകളിൽ രണ്ടു മുതൽ അഞ്ചു വരെ വോട്ടുകൾ മാത്രമാണെന്നും പുറത്തുവന്ന കണക്കുകൾ വ്യക്തമാക്കുന്നു.സുരേന്ദ്രൻ മത്സരിച്ച കോന്നിയിലെ 54, 212 നമ്പർ ബൂത്തുകളിൽ ആരും അദ്ദേഹത്തിന് വോട്ടു ചെയ്തില്ല.

തിരുവനന്തപുരം: സ്വര്‍ണക്കടത്ത് കേസുമായി ബന്ധപ്പെട്ട് കേന്ദ്ര ഏജന്‍സികള്‍ക്കെതിരായ ജുഡീഷ്യല്‍ അന്വേഷണവുമായി സംസ്ഥാന സര്‍ക്കാര്‍ മുന്‍പോട്ട് പോകാന്‍ തീരുമാനം. വിഷയത്തില്‍ ഗൂഢാലോചന നടന്നോ, പിന്നില്‍ ആരൊക്കെ എന്നതടക്കമുള്ള കാര്യങ്ങള്‍ പരിഗണനാ വിഷയമാക്കി സര്‍ക്കാര്‍ വിജ്ഞാപനം പുറത്തിറക്കി. തെരഞ്ഞെടുപ്പിന് മുമ്പ് ദേശീയ അന്വേഷണ ഏജന്‍സികള്‍ക്കെതിരെ ജുഡീഷ്യല്‍ അന്വേഷണം പ്രഖ്യാപിച്ച സര്‍ക്കാരിന്റെ അസാധാരണ നടപടി വലിയ ചര്‍ച്ചയായിരുന്നു.

മുഖ്യമന്ത്രിയെ പ്രതിചേര്‍ക്കാന്‍ ഗൂഡാലോചന നടന്നുവെന്ന സ്വപ്നാ സുരേഷിന്റെ ശബ്ദരേഖ, മന്ത്രിമാരെയും സ്പീക്കറെയും പ്രതിയാക്കാന്‍ ശ്രമം ഉണ്ടായെന്ന് കാണിച്ച് സന്ദീപ് നായര്‍ എറണാകുളം ജില്ലാ സെഷന്‍സ് ജഡ്ജിക്ക് കത്ത് നല്‍കിയത് എന്നിവയാണ് ജസ്റ്റിസ് വി കെ മോഹന്‍ കമ്മീഷന്റെ പരിഗണനാ വിഷയങ്ങള്‍. ആറു മാസമാണ് കമ്മീഷന്റെ കാലാവധി.
തെരഞ്ഞെടുപ്പ് കാലത്ത് സര്‍ക്കാര്‍ സ്വീകരിച്ച ആ നിലപാട് ജനങ്ങള്‍ക്കിടയില്‍ കേന്ദ്ര ഏജന്‍സികളുടെ നടപടിയെ സംശയത്തിന്റെ നിഴലിലാക്കാന്‍ ഇത് സഹായിച്ചെന്നാണ് സര്‍ക്കാര്‍ വിലയിരുത്തല്‍.

തിരുവനന്തപുരം: ബിജെപി ജില്ലാ യോഗത്തില്‍ നേതാക്കളുടെ തമ്മിലടി. നെടുമങ്ങാട് മണ്ഡലത്തില്‍ ജെ ആര്‍ പത്മകുമാറിന് പകരം ശോഭാ സുരേന്ദ്രനോ, വി വി രാജേഷോ ആയിരുന്നെങ്കില്‍ മികച്ച പ്രകടനം കാഴ്ച വയ്ക്കാനാകുമായിരുന്നെന്ന മണ്ഡലം പ്രസിഡന്റ് വിജയകുമാറിന്റെ പരാമര്‍ശമാണ് പ്രശ്‌നങ്ങള്‍ തുടങ്ങി വച്ചത്. തന്നെ അപമാനിക്കുന്ന പ്രതികരണമാണിതെന്ന് പറഞ്ഞ പത്മകുമാര്‍ പാര്‍ട്ടി പലയിടങ്ങളിലും നിഷ്‌ക്രിയമായതിനെതിരെ ആഞ്ഞടിച്ചു. മണ്ഡലം പ്രസിഡന്റ് ഉള്‍പ്പെടെയുള്ളവര്‍ക്കെതിരായ പരാതി നേതൃത്വത്തിന് എഴുതി നല്‍കുമെന്നും പത്മകുമാര്‍ യോഗത്തില്‍ പറഞ്ഞു.ഇതിനിടെയാണ് വി വി രാജേഷും മുന്‍ പ്രസിഡന്റ് എസ് സുരേഷും തമ്മില്‍ ഇടഞ്ഞത്. കോവിഡ് പ്രതിസന്ധിയ്ക്കിടയിലും മികച്ച പ്രകടനം കാഴ്ചവയ്ക്കാനായെന്ന് ജില്ലാ പ്രസിഡന്റ് വി വി രാജേഷ് പറഞ്ഞു.സംസ്ഥാന സെക്രട്ടറിയായതിനാല്‍ വിശദമായി മേല്‍ക്കമ്മറ്റിയില്‍ കാര്യങ്ങള്‍ ബോധിപ്പിക്കുമെന്നും സുരേഷ് വ്യക്തമാക്കി. കാര്യങ്ങള്‍ വഷളാകുന്നത് കണ്ട സംസ്ഥാന പ്രസിഡന്റ് കെ സുരേന്ദ്രന്‍, ഉടന്‍ ജില്ലാ കോര്‍ കമ്മിറ്റി വിളിച്ച് ഇത്തരം കാര്യങ്ങള്‍ ചര്‍ച്ച ചെയ്യാമെന്ന് പറഞ്ഞ് രംഗം ശാന്തമാക്കി.അതേസമയം മണ്ഡലങ്ങളിലെ ബിജെപി വോട്ട് ചോര്‍ച്ചയില്‍ ഭാരവാഹികള്‍ മറുപടി പറയണമെന്നും സുരേന്ദ്രന്‍ പറഞ്ഞു.
ബിഡിജെഎസ്, കേരള കാമരാജ് കോണ്‍ഗ്രസ് ഉള്‍പ്പെടെയുള്ള ഘടകകക്ഷികള്‍ക്കെതിരെയും രൂക്ഷ വിമര്‍ശനമാണ് യോഗത്തില്‍ ഉയര്‍ന്നത്.

കൊച്ചി: കോഓര്‍ഡിനേഷന്റെ കുറവാണ് ബിജെപിക്ക് വോട്ട് ചോരാന്‍ ഇടയാക്കിയതെന്നും സംസ്ഥാനത്ത് ബിജെപിക്ക് വളരാന്‍ സാഹചര്യമുണ്ടെന്ന് ജനപക്ഷം നേതാവ് പിസി ജോര്‍ജ്ജ്. കോണ്‍ഗ്രസ് നന്നായാല്‍ കൊള്ളാമെന്നും ബിജെപി കൂടുതല്‍ ഉത്തരവാദിത്വ ബോധത്തോടെ പ്രവര്‍ത്തിക്കണമെന്നാണ് തന്റെ ആഗ്രഹമെന്നും അദ്ദേഹം പറഞ്ഞു. ശക്തമായ നേതൃത്വമാണ് കോണ്‍ഗ്രസിന് ആവശ്യമെന്നും ഉമ്മന്‍ചാണ്ടിയെ കൊണ്ട് ഇനി പറ്റുകയില്ലെന്നും അദ്ദേഹം പറഞ്ഞു.വെറുതേ ഭരിച്ചു പോകാമെന്ന് ആരും കരുതരുത്. ഭൂരിപക്ഷം ഉണ്ടെന്നുകരുതി ആരെയും കക്കാന്‍ അനുവദിക്കില്ല. പൂഞ്ഞാറില്‍ തോറ്റെങ്കിലും തെരഞ്ഞെടുപ്പ് രംഗത്തു നിന്നും പിന്മാറില്ല. പൊതു പ്രവര്‍ത്തനം നടത്താന്‍ എംപിയുടേയും എംഎല്‍എയുടേയും പദവി ആവശ്യമില്ലെന്നും പിസി ജോര്‍ജ്ജ് വ്യക്തമാക്കി.

തിരുവനന്തപുരം: സമൂഹത്തെ സ്വാധീനിക്കാൻ കഴിയുന്ന ഒരു പിടി ശക്തികളെയും വ്യക്തികളെയും പിന്നീട് പ്രചാരണത്തിന്റെ ഭാഗമാക്കിയതാണ് നിയമസഭാ തെരഞ്ഞെടുപ്പിൽ ഇടതുപക്ഷത്തെ വീണ്ടും അധികാരത്തിലെത്തിച്ചതെന്ന് പി.സി വിഷ്ണുനാഥ് എം.എൽ.എ.

“ഒരിക്കൽ തൊഴിലാളിയുടെ കാര്യം പറഞ്ഞു കംപ്യൂട്ടറിനെ എതിർത്ത സിപിഎം കഴിഞ്ഞ വർഷം ലോക തൊഴിലാളി ദിനമായ മേയ് ഒന്നിനാണ് മുഖ്യമന്ത്രി പിണറായി വിജയനെ കൊണ്ട് അവരുടെ നവമാധ്യമപ്രചാരണ പരിപാടിയുടെ ഉദ്ഘാടനം കുറിച്ചത്.പിണറായി വിജയനെ രക്ഷകനായി അവതരിപ്പിച്ച് ഒരേ കേന്ദ്രത്തിൽ നിന്നു നൽകിയ കാപ്സ്യൂൾ സകല സിനിമാക്കാരും ഫെയ്സ്ബുക് പോസ്റ്റാക്കി ഇട്ടു.

ഇതെല്ലാം മുൻകൂട്ടി മനസ്സിലാക്കി അങ്ങനെയുള്ള സിപിഎമ്മിനു പോന്ന എതിരാളി ആകാൻ കോൺഗ്രസിനു സാധിച്ചില്ലെന്നും വിഷ്ണുനാഥ് പറഞ്ഞു. മലയാള മനോരമ ദിനപത്രത്തിന് അനുവദിച്ച പ്രത്യേക അഭിമുഖത്തിലാണ് വിഷ്ണുനാഥ് ഇക്കാര്യം വ്യക്തമാക്കിയത്. സമൂഹത്തെ സ്വാധീനിക്കാൻ കഴിയുന്ന ഒരു പിടി ശക്തികളെയും വ്യക്തികളെയും പിന്നീട് പ്രചാരണത്തിന്റെ ഭാഗമാക്കി.

ചലച്ചിത്ര താരങ്ങൾ ഇതുപോലെ പരസ്യമായി ഒരു മുന്നണിയുടെ ഭാഗമായി മാറിയ കാലം ഉണ്ടായിട്ടുണ്ടോ? നരേന്ദ്ര മോദി കേന്ദ്രത്തിൽ വന്ന സമയത്ത് ദേശീയ തലത്തിൽ ചലചിത്ര രംഗത്തുള്ളവുടെ സമാന പ്രതികരണങ്ങൾ ഉണ്ടായിട്ടുണ്ട്.” – വിഷ്ണുനാഥ് പറഞ്ഞു.

“2011 ൽ സിപിഎം കോട്ട ബംഗാളിൽ തകർത്ത മമത ബാനർജി 2016 ൽ വീണ്ടും ജയിച്ചു. ആ മമതയ്ക്ക് ആത്മവിശ്വാസക്കുറവ് ഉണ്ടായിട്ടല്ലല്ലോ തിരഞ്ഞെടുപ്പ് വിദഗ്ധനായ പ്രശാന്ത് കിഷോറിനെ കാര്യങ്ങൾ ഏൽപ്പിച്ചത്. അത്തരം പ്രഫഷണൽ സഹായം ആവശ്യമെങ്കിൽ അതു ചെയ്യണം.

പഴയ സിപിഎം ആണെന്ന് വരുത്തിത്തീർക്കാൻ ചില ആസ്ഥാന ബുദ്ധിജീവികളെ കൊണ്ട് പൈങ്കിളി സാഹിത്യം എഴുതിക്കുന്നതു മാറ്റിവച്ചാൽ കോട്ടും സ്യൂട്ടും ഇട്ട് ഇവന്റ് മാനേജർമാർ കൈകാര്യം ചെയ്യുന്ന സിപിഎമ്മാണ് യഥാർഥത്തിൽ ഉള്ളത്.”

“മറ്റൊരു സംസ്ഥാനത്തിലും ഇല്ലാത്ത വിനോദ നികുതി കേരളത്തിൽ അടിച്ചേൽപ്പിച്ച ശേഷം ചലച്ചിത്ര രംഗത്തുള്ളവർ നൽകിയ നിവേദനത്തിന്റെ പേരിൽ ഒഴിവാക്കിയപ്പോൾ പിണറായി വിജയനെ അക്കൂട്ടർ രക്ഷകനായി അവതരിപ്പിച്ചു. ഒരേ കേന്ദ്രത്തിൽ നിന്നു നൽകിയ കാപ്സ്യൂൾ സകല സിനിമാക്കാരും ഫെയ്സ്ബുക് പോസ്റ്റാക്കി ഇട്ടു.

ഇതെല്ലാം മുൻകൂട്ടി മനസ്സിലാക്കി അങ്ങനെയുള്ള സിപിഎമ്മിനു പോന്ന എതിരാളി ആകാൻ കോൺഗ്രസിനു സാധിച്ചില്ല. ഞങ്ങളുടെ സോഷ്യൽ മീഡിയ പ്രചാരണം ആരംഭിക്കുന്നത് നീണ്ടു പോയി. നിലവിലെ പരിമിതികൾക്കുള്ളിലും അതിനു നേതൃത്വം കൊടുക്കുന്നവർ അതു ഗംഭീരമായി ചെയ്തു.”- അദ്ദേഹം കൂട്ടിച്ചേർത്തു.