Politics (Page 101)

വീണ്ടും ലോക കേരള സഭക്കായി മുഖ്യമന്ത്രിയും മറ്റു മന്ത്രിമാരും വിദേശത്തേക്ക് പോവും. ഇത്തവണ സൗദി അറേബ്യയിൽ വച്ചാണ് ലോക കേരള സഭ നടക്കുന്നത്. സമ്മേളനത്തിൽ പങ്കെടുക്കുന്നതിന് വേണ്ടി വിദേശയാത്രക്ക് അതുമതി തേടി കേന്ദ്രത്തിനു അപേക്ഷ നൽകിയിട്ടുണ്ട്. അടുത്തമാസം 19 മുതൽ 22 വരെയാണ് കേരള സഭ നടക്കുന്നത്.

ലോക കേരള സഭ ഈ വർഷം രണ്ടു മേഖല സമ്മേളനമാണ് പ്രഖ്യാപിച്ചിരുന്നത്. ആദ്യം പ്രഖ്യാപിച്ച അമേരിക്കൻ സമ്മേളനം കഴിഞ്ഞു. ഇനിയുള്ളത് സൗദി സമ്മേളനമാണ് അതാണ് ഒക്ടോബറിൽ നടക്കുന്നത്. മേഖല സമ്മേളനം, യാത്ര പരസ്യപ്രചാരണം എന്നിവക്കായി സാമ്പത്തിക പ്രതിസന്ധിക്കിടയിലും കഴിഞ്ഞ ലോക കേരള സഭയിൽ രണ്ടരകോടി രൂപ അനുവദിച്ച് ഉത്തരവിട്ടിരുന്നു. ന്യൂയോർക്കിൽ വച്ച് നടന്ന ലോക കേരള സഭ ഏറെ വിവാദങ്ങളും സൃഷ്ടിച്ചിരുന്നു. സാമ്പത്തിക പ്രതിസന്ധി സമയത്ത് ലോക കേരള സഭക്കുള്ള സർക്കാരിന്റെ ധൂർത്ത് ഏറെ വിമർശിക്കപ്പെട്ടിരുന്നു. അതുകൊണ്ട് തന്നെ ഇത്തവണ ലോക കേരള സഭക്ക് കേന്ദ്രം അനുമതി നൽകുമോ എന്ന കാര്യത്തിൽ ആശങ്ക നിലനിൽക്കുന്നുണ്ട്.

മന്ത്രിസഭാ പുനഃസ്ന്ഘടനയെ പരിഹസിച്ച് എം പി കെ മുരളീധരൻ. തൊഴുത്ത്‌ മാറ്റി കെട്ടിയാൽ മച്ചി പശു പ്രസവിക്കില്ലെന്നായിരുന്നു അദ്ദേഹം പറഞ്ഞത്. മന്ത്രി സഭ പുനഃസംഘടന സർക്കാരിന്റെ മുഖം മിനുക്കാനാണെങ്കിലും മുഖം വികൃതമാവുന്ന ലക്ഷണമാണ് കാണുന്നതെന്നും അദ്ദേഹം കുറ്റപ്പെടുത്തി. പല കേസിലും പ്രതികളാണ് ഇപ്പോൾ മന്ത്രി സഭയിലുള്ളത് ഗണേഷ് കുമാർ കൂടി വന്നാൽ ആ കൂട്ടത്തിൽ ഒരാൾ കൂടി ആവുമെന്നും കെ മുരളീധരൻ പറഞ്ഞു. മന്ത്രിസഭ പുനഃസംഘടന ഇടതുസർക്കാരിന്റെ ആഭ്യന്തര കാര്യമാണെന്ന് പറഞ്ഞ അദ്ദേഹം വർഷന്തോറും സ്‌പീക്കറേ മാറ്റുന്നത് ശെരിയല്ലെന്നും കൂട്ടിച്ചേർത്തു. സ്‌പീക്കറീ തെരഞ്ഞെടുക്കുന്നത് എം എൽ എ മാർ വോട്ട് ചെയ്തിട്ടാണ് അല്ലാതെ മന്ത്രി സഭ പോലെയല്ല. സ്പീക്കർ നിഷ്പക്ഷമായാ ഒരു പദവിയാണെന്നും അതിനെ രാഷ്ട്രീയമായി മാറ്റുന്നത് ശെരിയല്ലെന്നു വി എസ് അച്യുതാനന്ദൻ പറഞ്ഞിട്ടുണ്ട് എനിക്കും അതുതന്നെയാണ് പറയാനുള്ളത് എന്നും അദ്ദേഹം കൂട്ടിച്ചേർത്തു.

മന്ത്രിസഭ പുനഃസംഘടനയുമായി ബന്ധപ്പെട്ട് നിരവധി എംഎൽഎമാർ മന്ത്രി സ്ഥാനം ആവശ്യപെട്ടിരുന്നു. ഇപ്പോഴിതാ വിഷയത്തിൽ തോമസ് കെ തോമസ് എംഎല്‍എ നടത്തിയ പ്രതികരണത്തിൽ മറുപടിയുമായി എത്തിയിരിക്കുകയാണ് മന്ത്രി എകെ ശശീന്ദ്രന്‍. മന്ത്രിയാകാന്‍ ആര്‍ക്കും ആഗ്രഹിക്കാമെന്നും എന്നാല്‍ പ്രതികരിക്കേണ്ടത് മാധ്യമങ്ങളോടല്ലെന്ന് ശശീന്ദ്രന്‍ പറഞ്ഞു. രണ്ടര വര്‍ഷത്തിന് ശേഷം എകെ ശശീന്ദ്രന്‍ മന്ത്രിപദം ഒഴിയണമെന്ന് നേരത്തെ ധാരണയുണ്ടായിരുന്നതായി തോമസ് കെ തോമസ് പ്രതികരിച്ചിരുന്നു. മന്ത്രിസഭ പുനഃസംഘടന എന്‍സിപിക്കും ബാധകമാണെന്ന്നും തോമസ് കെ തോമസ് പറഞ്ഞിരുന്നു. ആ പ്രതികരണത്തിലാണിപ്പോൾ ശശീന്ദ്രന്റെ മറുപടി. പാര്‍ട്ടി എന്ത് തീരുമാനം എടുത്താലും അനുസരിക്കുമെന്നും പ്രതികരണങ്ങള്‍ക്ക് പാര്‍ട്ടിവേദിയാണ് നല്ലതെന്നും ശശീന്ദ്രന്‍ പറഞ്ഞു. മന്ത്രിസഭ പുനഃസംഘടനയുമായി ബന്ധപ്പെട്ട് ചര്‍ച്ചകളൊന്നും നടന്നിട്ടില്ലെന്നും ഇല്ലാത്ത ചര്‍ച്ചയുടെ പേരില്‍ പ്രതികരിച്ച് വിവാദം ഉണ്ടാക്കണോയെന്നും അദ്ദേഹം ചോദിച്ചു.