National (Page 834)

ന്യൂഡല്‍ഹി: പേടിഎമ്മില്‍ കോവിഡ് വാക്‌സിന്‍ ഫൈന്‍ഡര്‍ അവതരിപ്പിച്ചു. 18 മുതല്‍ 45 വരെ പ്രായമുള്ള വ്യത്യസ്ത പിന്‍്‌കോഡുകളിലുള്ളവര്‍ക്ക് നിശ്ചിത തീയതികളില്‍ വാക്‌സിനെടുക്കാന്‍ ലഭ്യമായ സ്ലോട്ടുകള്‍് കണ്ടെത്താന്‍ പ്ലാറ്റ്‌ഫോം സഹായിക്കും. പുതിയ സ്ലോട്ട് ലഭ്യമാകുന്നുണ്ടോയെന്ന് തുടര്‍ച്ചയായി പരിശോധിക്കേണ്ട ബുദ്ധിമുട്ടുകള്‍ ഓട്ടോമേറ്റഡ് സംവിധാനത്തിലൂടെ ഒഴിവാക്കാനും സാധിക്കും. കോവിന്‍ എപിഐയിലെ നില അനുസരിച്ച് യഥാര്‍ത്ഥ വിവരങ്ങളുടെ അടിസ്ഥാനത്തിലാണ് ഡാറ്റ ലഭ്യമാകുന്നത്. മെയ് ഒന്നു മുതലാണ് കേന്ദ്ര സര്‍ക്കാര്‍ 18 മുതല് 44 വയസുവരെയുള്ളവര്‍ക്കായി ലോകത്തെ ഏറ്റവും വലിയ വാക്‌സിനേഷന്‍ ഡ്രൈവ് ആരംഭിച്ചത്.
ഏറ്റവും അടുത്ത സ്ഥലത്തെ കോവിഡ് വാക്‌സിന് സ്ലോട്ട് ലഭ്യത കണ്ടെത്താനും സ്ലോട്ട് ലഭ്യമാകുമ്പോള് അറിയിപ്പു ലഭിക്കാനുമുള്ള ഫീച്ചറാണ് അവതരിപ്പിച്ചിരിക്കുന്നതെന്നും സര്‍ക്കാര്‍, സ്ഥാപനങ്ങള്‍, വ്യക്തികള്‍ തുടങ്ങി എല്ലാവരും ശരിയായ ട്രാക്കിലൂടെ നീങ്ങിയാല്‍ മാത്രമേ ഫലപ്രാപ്തിയുണ്ടാകൂവെന്നും പേടിഎം വക്താവ് പറഞ്ഞു.

ന്യൂഡല്‍ഹി: ഇസ്രായേലില്‍ കൊല്ലപ്പെട്ട സൗമ്യയുടെ വേര്‍പാടില്‍ ദുഃഖിക്കുന്നുവെന്ന് ഇന്ത്യയിലെ ഇസ്രയേല്‍ അംബാസഡര്‍ റോണ്‍് മല്‍ക്ക. സൗമ്യയും ഭര്‍ത്താവും സന്തോഷും കുഞ്ഞും കൂടി നില്ക്കുന്ന ചിത്രവും റോണ്‍ ട്വീറ്റ് ചെയ്തു. അഡോണ്‍ എന്ന കുഞ്ഞിനൊപ്പമാണ് എന്റെ മനസ്. ചെറുപ്രായത്തില്‍് അവന് അമ്മയെ നഷ്ടമായിരിക്കുന്നു. ഇനി അമ്മയുടെ സാന്നിധ്യമില്ലാതെ അവന് വളരണം. ഈ പൈശാചികമായ ആക്രമണം 2008ലെ മുംബൈ ഭീകരാക്രമണത്തില്‍ മാതാപിതാക്കള്‍് നഷ്ടപ്പെട്ട കുഞ്ഞു മോഷയെയാണ് ഓര്മിപ്പിക്കുന്നത്. ദൈവം അവര്‍ക്ക് കരുത്തും ധൈര്യവും നല്കട്ടെ.” റോണ്‍ ട്വീറ്റ് ചെയ്തു.
ഇസ്രയേലി പട്ടണമായ അഷ്‌കെലോണില്‍ നടന്ന റോക്കറ്റാക്രമണത്തിലാണ് ഇടുക്കി കീരിത്തോട് കാഞ്ഞിരന്താനം സന്തോഷിന്റെ ഭാര്യ സൗമ്യ (32) കൊല്ലപ്പെട്ടത്. സൗമ്യ വൈകിട്ട് 5.30നു കീരിത്തോട്ടിലുള്ള ഭര്‍്ത്താവുമായി ഫോണില്‍ സംസാരിച്ചു കൊണ്ടിരിക്കുമ്പോഴാണു റോക്കറ്റ് താമസസ്ഥലത്ത് പതിച്ചത്. ഇവിടെത്തന്നെയുള്ള ബന്ധുവാണു പിന്നാലെ മരണവിവരം വിളിച്ചറിയിച്ചത്.

ഇന്ന് മെയ് 12. നഴ്‌സുമാരുടെ ദിനം. കൊവിഡ‍ിന്റെ രണ്ടാം തരം​ഗത്തിലാണ് രാജ്യം. 2021 ലെ നഴ്‌സ് ദിനത്തിന് ഏറെ വാര്‍ത്താ പ്രാധാന്യമുണ്ട്. ഒരു പക്ഷേ ലോകമെമ്പാടുമുള്ള നഴ്‌സുമാര്‍ ഇത്രയധികം വെല്ലുവിളി നേരിട്ട ഒരു കാലം ഇതിനു മുമ്പ് ഉണ്ടായിട്ടില്ലെന്ന് തന്നെ പറയാം. ആധുനിക നഴ്‌സിങ്ങിന്റെ ശില്‍പി എന്നറിയപ്പെടുന്ന ഫ്‌ളോറന്‍സ് നൈറ്റിംഗേലിന്റെ ജന്മദിനമായ മെയ് പന്ത്രണ്ടാം തീയതി അന്താരാഷ്ട്ര നഴ്‌സസ് ദിനമായി ആഘോഷിച്ച് വരുന്നു. 1974 മുതലാണ് ഇന്റര്‍നാഷണല്‍ കൗണ്‍സില്‍ ഓഫ് നഴ്‌സസ് (ICN) മെയ് പന്ത്രണ്ട് നഴ്‌സസ് ദിനമായി ആചരിക്കാന്‍ തുടങ്ങിയത്.

വളരെ ഉയര്‍ന്ന സാമ്പത്തിക ചുറ്റുപാടില്‍ ജനിച്ചുവളര്‍ന്ന മിസ് നൈറ്റിംഗേല്‍ അക്കാലത്ത് സഹജീവികളോടും രോഗികളോടും മുറിവേറ്റവരോടും ഉള്ള കാരുണ്യം ഒന്നു കൊണ്ടുമാത്രം ആതുരശുശ്രൂഷാ രംഗത്തേക്കിറങ്ങിയ മഹദ് വ്യക്തിയായിരുന്നു. അക്കാലത്ത് നഴ്‌സിങ്ങിന് ഒരു വ്യക്തമായ പാഠ്യപദ്ധതിയോ വിദ്യാഭ്യാസ സംവിധാനമോ പോലും ഉണ്ടായിരുന്നില്ല.2021 ലെ നഴ്‌സ് ദിനത്തിന്റെ അഥവാ നഴ്‌സിങ്ങ് വാരാഘോഷത്തിന്റെ മുദ്രാവാക്യം ‘Nurses – A voice to lead – A vision for future health care’ എന്നതാണ്.

ഇത്തവണത്തെ നഴ്‌സസ് ദിനത്തോടനുബന്ധിച്ച് ചര്‍ച്ചചെയ്യുന്ന പ്രധാന വിഷയം കൊവിഡ് മഹാമാരിയും അതുമായി ബന്ധപ്പെട്ട് നഴ്‌സുമാരുടെയും മറ്റ് ആരോഗ്യപ്രവര്‍ത്തകരുടെയും ആരോഗ്യത്തിനും ജീവനും ഉള്ള ഭീഷണി തന്നെയാണ്. ലോകം കൊവിഡ് 19 എന്ന മാരകരോഗത്തിന്‍റെ പിടിയിലമര്‍ന്ന് കടന്നു പോകുന്ന ഈ സമയത്ത് ഭൂമിയിലെ മാലാഖമാർ മനുഷ്യ ജീവനുകള്‍ രക്ഷിച്ചെടുക്കാനായി കർമ്മനിരതരാണ്.ഒരു ആശുപത്രിയിൽ നഴ്‌സുമാർ വഹിക്കുന്ന പങ്ക് വളരെ വലുതാണ്. പ്രത്യേകിച്ച് നിലവിലെ കോവിഡ് മഹാമാരിയെ തുടർന്നുള്ള പ്രതിസന്ധി ഘട്ടത്തിൽ.

രോഗികളുടെ ആവശ്യങ്ങൾ തിരിച്ചറിയുന്നതിനും അവ നിറവേറ്റുന്നതിനും നഴ്‌സുമാർ മുഴുവൻ സമയവും പ്രവർത്തിക്കുന്ന സമയമാണിത്.എല്ലാ നഴ്‌സുമാരെയും അവരുടെ സേവനങ്ങളെയും വിലമതിക്കുന്നതിനാണ് അന്താരാഷ്ട്ര നഴ്‌സസ് ദിനം ആചരിക്കുന്നത്. പൊതുജനാരോഗ്യം ഉറപ്പാക്കുന്നതിൽ നഴ്‌സുമാർ വഹിക്കുന്ന പങ്ക് വളരെ പ്രധാനമാണ്. ആശുപത്രികളിലെത്തുന്ന രോഗികൾക്ക് താങ്ങും തണലുമായി നിന്ന് ശുശ്രൂഷിക്കുന്ന നഴ്സുമാർക്ക് നിരവധി താരങ്ങളാണ് ആശംസകളുമായി രംഗത്തെത്തിയിരിക്കുന്നത്.

ന്യൂഡല്‍ഹി: കോവിഡ് കേസുകള്‍ വര്‍ദ്ധിക്കുന്ന സാഹചര്യത്തില്‍ പിഎം കെയേഴ്‌സ് ഫണ്ട് ഉപയോഗിച്ച് ഒരു ലക്ഷം ഓക്‌സിജന്‍ കോണ്‍സന്‍ട്രേറ്റുകള്‍ സംഭരിക്കുമെന്ന് കേന്ദ്ര ആഭ്യന്തരമന്ത്രാലയം. ഒരു ലക്ഷം ഓക്‌സിജന്‍ കോണ്‍സന്‍ട്രേറ്ററുകളാണ് സംഭരിക്കുക. 5805 മെട്രിക് ടണ്‍ ദ്രാവക ഓക്‌സിജന്‍ ഇറക്കുമതി ചെയ്യുന്നുണ്ട്. 7049 മെട്രിക് ടണ്‍ സംഭരണശേഷിയുളള 374 ടാങ്കറുകളും രാജ്യത്ത് എത്തിച്ചിട്ടുണ്ട്. 1407 മെട്രിക് ടണ്‍ സംഭരണശേഷിയുളള 81 കണ്ടെയ്‌നറുകള്‍ വ്യോമസേനയുടെ സഹായത്തോടെ ഇറക്കുമതി ചെയ്തിട്ടുണ്ട്. 637എല്‍എംഒ ടാങ്കറുകള്‍ എത്തിക്കുന്നതിനായി പ്രത്യേക 157 ഓക്‌സിജന്‍ തീവണ്ടികളുണ്ടെന്നും റിപ്പോര്‍ട്ടില്‍ പറയുന്നു.
നിലവില്‍, ഏകദേശം 5805 മെട്രിക് ടണ്‍് ദ്രാവക ഓക്‌സിജനാണ് ഇറക്കുമതി ചെയ്യുന്നത്. 3440 മെട്രിക് ടണ്‍ യുഎഇയില്‍ നിന്നും 1505 മെട്രിക് ടണ്‍് കുവൈത്തില്‍ നിന്നും 600 മെട്രിക് ടണ്‍ ഫ്രാന്‍സില്‍് നിന്നും 200 മെട്രിക് ടണ്‍ സിങ്കപ്പൂരില്‍ നിന്നും 60 മെട്രിക് ടണ്‍ ഫ്രാന്‍സില്‍ നിന്നുമാണ് ഇറക്കുമതി ചെയ്യുന്നത്.