ആശാ പരേഖിന് ദാദാ സാഹേബ് ഫാല്ക്കെ അവാര്ഡ്
ന്യൂഡല്ഹി: ബോളിവുഡ് നടിയും സംവിധായികയും നിര്മ്മാതാവുമായ ആശ പരേഖിന് ദാദാ സാഹേബ് ഫാല്ക്കെ അവാര്ഡ്. ഇന്ത്യന് ഫിലിം സെന്സര് ബോര്ഡിന്റെ അധ്യക്ഷയാകുന്ന ആദ്യ വനിതയാണ് ആശാഖ് പരേഖ്. കേന്ദ്ര മന്ത്രി അനുരാഗ് താക്കൂര് ആണ് അവാര്ഡ് പ്രഖ്യാപിച്ചത്.
അറുപതുകളിലേയും എഴുപതുകളിലേയും ഹിന്ദി സിനിമയിലെ മുന്നിര നായികമാരിലൊരാളാണ് ആശാ പരേഖ്. 1992-ല് രാജ്യം പത്മശ്രീ നല്കി ആശയെ ആദരിച്ചിരുന്നു. ബാലതാരമായിട്ടാണ് ആശ ആദ്യമായി വെള്ളിത്തിരയുടെ ഭാഗമാകുന്നത്. ‘മാ’ (1952) എന്ന ചിത്രത്തിലെ ബാലാതാരമായി ആശാ പരേഖിനെ സംവിധായകന് ബിമല് റോയ് കാസ്റ്റ് ചെയ്യുകയായിരുന്നു. നസിര് ഹുസൈന്റെ ‘ദില് ദേകെ ദേഖോ’ എന്ന ചിത്രത്തില് നായികയായി 1959ല് ആശാ പരേഖ് വെള്ളിത്തിരയില് തിരിച്ചെത്തി. തുടര്ന്നങ്ങോട്ട് ‘ജബ് പ്യാര് കിസി സെ ഹോതാ ഹേ’, ‘ഫിര് വൊഹി ദില് ലയാ ഹൂ’, ‘പ്യാര് കാ മൗസം’, ‘കാരവന്’, ‘ചിരാഗ്’ തുടങ്ങി ഒട്ടേറെ ചിത്രങ്ങളില് നായികയായി തിളങ്ങി. രാജ്യം പത്മശ്രീ നല്കി ആശാ പരേഖിനെ ആദരിച്ചിട്ടുണ്ട്.
അതേസമയം, രജനീകാന്തിനായിരുന്നു 2019-ലെ ദാദാസാഹിബ് ഫാല്ക്കേ പുരസ്കാരം.