തിരുവനന്തപുരം: ഋഷഭ് ഷെട്ടി ചിത്രം കാന്താരയിലെ ‘വരാഹരൂപം’ പകര്പ്പവകാശം ലംഘിച്ചാണ് സിനിമയില് ഉള്പ്പെടുത്തിയതെന്ന കേസില് കേരളത്തിലെ വിതരണക്കാരായ നടന് പൃഥ്വിരാജ് ഉള്പ്പെടെ ഏഴ് പേരില് നിന്ന് കൂടി മൊഴിയെടുക്കും.
സംഗീത സംവിധായകന് അജനീഷ് ലോക്നാഥിനെയും ചോദ്യംചെയ്യും. ഋഷഭ് ഷെട്ടിയുടെ ചോദ്യംചെയ്യല് പൂര്ത്തിയായി. ഋഷഭ് ഷെട്ടി, നിര്മാതാവ് വിജയ് കിരഗന്ദൂര് എന്നിവരെയാണ് കോഴിക്കോട് ടൗണ്പോലീസ് രണ്ടുദിവസമായി ചോദ്യംചെയ്തത്.
വരാഹരൂപം ഗാനം ഉള്പ്പെടുത്തി കാന്താര സിനിമ പ്രദര്ശിപ്പിക്കുന്നത് വിലക്കിയ ഹൈക്കോടതി ഉത്തരവ് സുപ്രീംകോടതി സ്റ്റേ ചെയ്തിട്ടുണ്ട്. അതേസമയം പകര്പ്പവകാശം ലംഘിച്ചെന്ന കേസില് കാന്താരയുടെ നിര്മാതാവിനും സംവിധായകനുമെതിരെ അന്വേഷണം തുടരാന് സുപ്രീംകോടതി അന്വേഷണ ഉദ്യോഗസ്ഥര്ക്ക് അനുമതി നല്കുകയും ചെയ്തിരുന്നു.