റിലീസിന് മുന്പേ തന്നെ നിരവധി റെക്കോഡുകള് ഭേദിച്ച ഷാരൂഖ് ചിത്രം ‘പഠാന്’ ബോക്സോഫീസില് വന് കുതിപ്പാണ് നടത്തുന്നത്. 900 കോടി ക്ലബ്ബില് ചിത്രം ഇടം നേടിയിരിക്കുന്നുവെന്നാണ് ഇപ്പോള് പുറത്തു വരുന്ന റിപ്പോര്ട്ടുകള്. യഷ് രാജ് ഫിലിംസാണ് സോഷ്യല് മീഡിയയിലൂടെ ഇക്കാര്യം അറിയിച്ചത്.
ജനുവരി 25-ന് റിലീസായ ചിത്രം 1000 കോടി പിന്നിടുമെന്ന പ്രതീക്ഷയിലാണ് ആരാധകര്. ഷാരൂഖ് ഖാന്റെ കരിയറിലെ ഏറ്റവും മികച്ച ആദ്യ ദിന കളക്ഷന് പഠാന് നേരത്തെ സ്വന്തമാക്കിയിരുന്നു. ആദ്യ ദിനം ഇന്ത്യയില് നിന്ന് 44 കോടി നേടിയ ഹാപ്പി ന്യൂ ഇയറിനെയാണ് പഠാന് പിന്നിലാക്കിയത്. ഷാരൂഖ് ഖാനൊപ്പം ദീപിക പദുകോണും ജോണ് എബ്രഹാമും പ്രധാന വേഷത്തിലെത്തുന്ന പഠാന് സംവിധാനം ചെയ്തിരിക്കുന്നത് സിദ്ധാര്ഥ് ആനന്ദാണ്.