ആ വീഴ്ച ഒരു അവസാനം ആവേണ്ടതായിരുന്നു, ഫഹദിന്റെ കുറിപ്പ് വൈറല്
നസ്രിയയും ഫഹദും മലയാളസിനിമാപ്രേക്ഷകരുടെ പ്രിയപ്പെട്ട താരദമ്പതികളാണ്. ഇപ്പോഴിതാ, നസ്രിയയെ കുറിച്ചും, ഷൂട്ടിംഗിനിടയില് തനിക്ക് സംഭവിച്ച അപകടത്തെക്കുറിച്ചും സമൂഹമാധ്യമത്തില് ഫഹദ് പങ്ക് വച്ച കുറിപ്പാണ് വൈറലാകുന്നത്.
ഫഹദിന്റെ വാക്കുകള്
ഈ കൊറോണയുടെ സമയത്ത് ഇതെഴുതുന്നത് ശരിയാണോ എന്നറിയില്ല. നമുക്ക് കഴിയാവുന്ന തരത്തില് എല്ലാവരും മുന്നോട്ട് പോരാടുകയാണ് എന്ന വിശ്വാസത്തില് ഞാന് എഴുതട്ടെ. മലയാന് കുഞ്ഞിന്റെ ചിത്രീകരണ സമയത്ത് സംഭവിച്ച ഒരു അപകടത്തില് നിന്നു ഞാനും ഭേദപ്പെട്ടു വരികയാണ്. എന്റെ കലണ്ടറില് ലോക്ഡൗന് ആരംഭിച്ചത് മാര്ച്ച് 2 നാണ്. അതൊരു അവസാനം ആവേണ്ടതായിരുന്നു എന്നാണ് എന്റെ ഡോക്ടര്മര് പറഞ്ഞത്. വീഴ്ചയില് എന്റെ കൈകള് നിലത്ത് കുത്തിയത് കൊണ്ട് ഞാന് രക്ഷപ്പെട്ടു. വീഴ്ചയുടെ ആഘാതത്തില് 80% ആള്ക്കാരും മറക്കുന്ന കാര്യം ആണത്. അതു കൊണ്ടാണ് ഞാന് രക്ഷപ്പെട്ടതെന്ന് ഡോക്ടര്മാര് പറഞ്ഞു. അതെനിക്ക് പുനര് ജന്മം ആയിരുന്നു.
ഈ ഒരു അപ്രതീക്ഷിത സമയത്ത് എന്നും എന്റെ കൂടെ നിന്നിട്ടുള്ള പ്രേക്ഷകരോട് ഒരു വിശദീകരണം തരണമെന്ന് എനിക്ക് തോന്നി. മാലിക് എന്ന സിനിമയുടെ അണിയറ പ്രവര്ത്തകര് സിനിമ ഒടിടി റിലീസ് നടത്താന് തീരുമാനിച്ച വിവരം ഞിങ്ങളെ അറിയിക്കുകയാണ്. എന്റെ മറ്റ് ഒടിടി പടങ്ങളില് നിന്ന് വ്യത്യസ്തമായി തീര്ത്തും തിയേറ്റര് അനുഭവത്തിനു വേണ്ടി ചിത്രീകരിച്ച സിനിമയാണിത്. അത് കൊണ്ട് എല്ലാവരും സിനിമയ്ക്ക് ഏറ്റവും അനുയോജ്യമായ ഒന്നായി ഈ തീരുമാനത്തെ കാണണമെന്ന് അപേക്ഷിക്കുന്നു. തീയറ്ററുകള് 100% തുറന്നതിനു ശേഷം മാത്രം കാണിക്കാന് ഞാന് കാത്തിരുന്ന സിനിമയാണിത്. പക്ഷെ അത് വരെ ഇനി കാത്തിരിക്കാന് പറ്റില്ല. ഈ അവസരത്തില് എനിക്ക് നല്കാന് പറ്റുന്ന മറ്റൊരു ഉറപ്പ്, തീയറ്ററുകള് തുറന്നതിനു ശേഷം ഏറ്റവും പുതിയതും മികച്ചതുമായ ഒരു അനുഭവം സമ്മാനിക്കുന്ന സിനിമ നല്കാന് കഴിയും എന്നതാണ്ബാംഗ്ലൂര് ഡേയ്സ് എന്ന സിനിമയുടെ ഏഴാം വാര്ഷികവും നല്ല ഓര്മകള് സമ്മാനിക്കുന്നു. നസ്രിയയെ ഇഷ്ടപ്പെടുന്നതും ഒരുമിച്ചൊരു ജീവിതം ആരംഭിക്കുന്നതും എല്ലാം. ഒരു കത്തും ഒപ്പം മോതിരവും നല്കിയാണ് എന്റെ ഇഷ്ടം നസ്രിയയെ അറിയിച്ചത്. നസ്രിയ യെസ് പറഞ്ഞില്ല നോ എന്നും പറഞ്ഞില്ല. ബാംഗ്ലൂര് ഡെയ്സില് അഭിനയിക്കുമ്പോള് ഞാന് മറ്റു രണ്ടു സിനിമകളില് കൂടി അഭിനയിക്കുന്നുണ്ടായിരുന്നു. മൂന്ന് സിനിമകളില് അഭിനയിക്കുകയെന്നത് ആത്മഹത്യാപരമാണ്. പക്ഷേ അപ്പോഴും ഞാന് ബാംഗ്ലൂര് ഡെയ്സ് ലൊക്കേഷനിലേക്ക് തിരികെ പോകാന് കാത്തിരുന്നു.
എനിക്കൊപ്പം ജീവിക്കാന് തീരുമാനിച്ചതിനാല് നസ്രിയ ഒരുപാട് കാര്യങ്ങള് ജീവിതത്തില് വേണ്ടെന്നു വച്ചിട്ടുണ്ട്. ഞങ്ങള് വിവാഹിതരായിട്ട് ഏഴ് വര്ഷമായി. ഇപ്പോഴും ഞാന് ടിവിയുടെ റിമോട്ട് ബാത്ത് റൂമില് മറന്നു വയ്ക്കുമ്പോള് ‘നിങ്ങളാരാണെന്നാണ് നിങ്ങളുടെ വിചാരം?’ എന്ന ചോദ്യം വീണ്ടും നസ്രിയ ചോദിക്കും. കഴിഞ്ഞ ഏഴു വര്ഷം എനിക്ക് ഞാന് അര്ഹിക്കുന്നതിലും കൂടുതല് ലഭിച്ചു. ഞങ്ങള് ഒന്നിച്ചു ജോലി ചെയ്യുന്നു, പരസ്പരം പിന്തുണയ്ക്കുന്നു ഒന്നിച്ചൊരു കുടുംബമായി കഴിയുന്നു.നസ്രിയയ്ക്കൊപ്പം ജീവിതം തുടങ്ങിയ ശേഷമാണ് എനിക്ക് നേട്ടങ്ങള് ഉണ്ടായി തുടങ്ങിയത്. ഇതൊന്നും ഞാന് ഒറ്റയ്ക്ക് ചെയ്തതല്ല. നസ്രിയയ്ക്ക് ഞങ്ങളെ കുറിച്ച് അത്ര ഉറപ്പ് ഇല്ലായിരുന്നുവെങ്കില് എന്റെ ജീവിതം എന്താകുമായിരുന്നു എന്ന് ഓര്ക്കുകയാണ്.
എല്ലാ അവസാനങ്ങളും മറ്റൊരു മനോഹരമായ കഥയുടെ തുടക്കമായിരിക്കുമെന്നും ഇപ്പോള് കടന്നുപോകുന്ന മോശം സാഹചര്യം ഉടന് അവസാനിക്കുമെന്നും ഫഹദ് കുറിക്കുന്നു. മറ്റൊരു നല്ല തുടക്കം ഉണ്ടാകുമെന്ന് പ്രത്യാശിക്കുന്നു.
