Entertainment (Page 224)

ജൂഡ് ആന്റണി ഒരുക്കിയ സാറാസ് ഏറെ വിമര്‍ശനങ്ങളും പ്രശംസകളും പിടിച്ചുപറ്റിയ ഒന്നായിരുന്നു. ഇപ്പോഴിതാ, ചിത്രത്തെക്കുറിച്ചുള്ള തന്റെ അഭിപ്രായം ആരാധകരുമായി പങ്കുവച്ചിരിക്കുകയാണ് നടന്‍ ഹരീഷ് പേരടി.

ഫേസ്ബുക്ക് പോസ്റ്റിന്റെ പൂർണ്ണരൂപം

കല്യാണം എന്ന Establishment നോട് യോജിക്കാതെ തന്നെ ഒരു സ്ത്രിക്ക് അവൾക്ക് തോന്നുന്ന സമയത്ത് ശാസ്ത്രിയമായി..അവൾ അറിയാത്ത, ജീവിതത്തിൽ ഒരിക്കലും കാണാനും സാധ്യതയില്ലാത്ത, ഏതോ ഒരു പുരുഷൻ്റെ ബിജം സ്വീകരിച്ച് ഗർഭണിയാകാൻ സ്വാതന്ത്ര്യമുള്ള ഒരു ജനാധിപത്യ രാഷ്ട്രത്തിലാണ് നമ്മൾ ജീവിക്കുന്നത്…എനിക്ക് പ്രസവിക്കണ്ടാ എന്ന് ആവർത്തിച്ച് പറയുന്ന ഒരു പെൺകുട്ടിയെ പിന്നെയും കല്യാണം,കുടുംബം തുടങ്ങിയ വ്യവസ്ഥാപിത സമ്പ്രദായങ്ങൾക്കിടയിൽ പൂട്ടിയിട്ട് സിനിമയുണ്ടാക്കുമ്പോൾ ജയിലിൽ സ്വാതന്ത്ര്യത്തിനെ  കുറിച്ച് നല്ല കവിത എഴുതിയ തടവുകാരന് സമ്മാനം കൊടുക്കുന്നതുപോലെ തോന്നി..

കരയുന്ന കുട്ടിയെ ഒന്ന് എടുക്കാൻ പോലും താത്പര്യം കാണിക്കാത്ത ഈ പെൺകുട്ടി എന്ത് സിനിമയാണ് ഉണ്ടാക്കുന്നത് എന്ന് മനസ്സിലാക്കാനും പറ്റുന്നില്ല..അവൾ കഥ പറയുന്ന സമയത്തൊക്കെ സംഗീതം കൊണ്ട് രംഗങ്ങൾ നിശബ്ദമാക്കപ്പെടുന്നുമുണ്ട്..(ചില സിനിമകളിൽ തെറികൾ പറയുമ്പോൾ mute ചെയ്യുന്നതുപോലെ)..അന്യൻ്റെ കുട്ടികളും നമ്മുടെ കുട്ടികളാണെന്ന് കരുതി കേരളം 18 കോടി കൊടുത്ത് താലോലിച്ച ഈ സമയത്ത് സ്വന്തം ശരീരത്തിൻ്റെ രാഷ്ട്രിയം പറയാൻ ഗർഭാവസ്ഥ തടസ്സമാവുന്നത് പുരോഗമനത്തെ ( മുന്നോട്ടുള്ള കുതിപ്പിനെ) കുറിച്ചുള്ള അറിവില്ലായമയാണ്…

പൂർണ്ണ ഗർഭിണിയായ പോലീസ് ഓഫീസർ നായകൻ്റെ മുഖത്തേക്ക് തോക്കുചൂണ്ടി നിൽക്കുന്ന നാലാം സീസൺ കഴിഞ്ഞ് ലോകം മുഴുവൻ money heistൻ്റെ അഞ്ചാം സീസണു കാത്തിരിക്കുമ്പോൾ ആണ് ഈ സിനിമ..ക്യാമറയേയും സംവിധായകനേയും തട്ടിമാറ്റി കടന്നു പോയ ആദാമിൻ്റെ വാരിയെല്ലുകൾ ജീവിച്ച സ്ഥലത്ത്,വിപ്ലവം നടത്തിയ സ്ഥലത്ത്,എല്ലാ establishment കളെയും അംഗീകരിച്ച പ്രസവിക്കാൻ താത്പര്യമില്ലാത്ത,എന്നാൽ ഉടനെ പ്രസവിക്കാനും സാധ്യതയുള്ള ഈ രാജകുമാരി..മലയാള സിനിമയുടെ ഒരു രാഷ്ട്രിയ ദൂരെമേയല്ല..നായകൻ്റെ ലിംഗത്തിന് വിശുദ്ധിയുള്ളതുകൊണ്ട് ചവിട്ടേറ്റുവാങ്ങാൻ ഒരു സഹനടൻ്റെ ലിംഗവും …മനോഹരമായ tail end…

നവാഗതനായ പ്രേം ശങ്കര്‍ സംവിധാനം ചെയ്ത രണ്ട് പേര്‍ ഒടിടി പ്ലാറ്റ്‌ഫോമിലെത്തുന്നു. 2017-ലെ ഐഎഫ്എഫ്‌കെ മത്സര വിഭാഗത്തില്‍ പ്രേക്ഷകശ്രദ്ധ നേടിയ ചിത്രമാണിത്. പേരു സൂചിപ്പിക്കുന്നതുപോലെ ഒരു രാത്രിയില്‍ ബംഗളൂരു നഗരത്തിലൂടെയുള്ള രണ്ടു പേരുടെ കാര്‍ യാത്രയാണ് ‘രണ്ടു പേര്‍.പിന്നീട് ജല്ലിക്കട്ട്, പാപം ചെയ്യാത്തവര്‍ കല്ലെറിയട്ടെ തുടങ്ങിയ സിനിമകളിലൂടെ ശ്രദ്ധേയയായ ശാന്തി ബാലചന്ദ്രന്റെ ആദ്യസിനികളിലൊന്നാണ് ‘രണ്ടു പേര്‍’. ഫിലിംമേക്കര്‍ കൂടിയായ നായകകഥാപാത്രത്തെ അവതരിപ്പിക്കുന്നത് സിനിമാ ടിക്കറ്റ്, മാന്നാര്‍ മത്തായി സ്പീക്കിംഗ് 2 തുടങ്ങിയ ചിത്രങ്ങളില്‍ വേഷമിട്ട ബേസില്‍ പൗലോസ്. ഇവരെക്കൂടാതെ സുരാജ് വെഞ്ഞാറമ്മൂട്, അലന്‍സിയര്‍, സുനില്‍ സുഖദ എന്നിവരും അഭിനയിക്കുന്നു.

ദിലീപിനെ നായകനാക്കി അംബാനിയുടെ ആരാധകന്റെ കഥ സിനിമയാക്കാനുള്ള പദ്ധതിയില്‍ ഒമര്‍ലുലു. ദിലീപിന്റെ ചിത്രത്തിനൊപ്പം താന്‍ പങ്കുവച്ച അംബാനി എന്ന സിനിമാ പോസ്റ്റര്‍ ഒരാരാധകന്‍ അയച്ചുതന്നതാണെന്നും ഒമര്‍ലുലു പറഞ്ഞു.

ഒമറിന്റെ വാക്കുകള്‍- ദിലീപേട്ടനെ നായകനാക്കി ചിത്രം ചെയ്യാന്‍ താല്പര്യമുണ്ടോ എന്ന് ആഷിക്ക് എന്നൊരാള്‍ കമന്റായി ചോദിച്ചിരുന്നു. ‘അംബാനി’ എന്നൊരു ചിത്രം മനസ്സിലുണ്ട് എന്ന് ഞാന്‍ മറുപടിയായി പറയുകയും ചെയ്തു. അത് കണ്ടിട്ടാണ് അവര്‍ അംബാനി എന്ന പേരില്‍ ദിലീപേട്ടന്റെ പടം വച്ച് ഒരു മാസ് പോസ്റ്റര്‍ ചെയ്തു അയച്ചത്. ആ ചിത്രം വൈറല്‍ ആയി.’യഥാര്‍ഥത്തില്‍ ഈ പ്രോജക്ടിന്റെ കഥ പോലും ആയിട്ടില്ല. എന്റെ മനസില്‍ അങ്ങനെ ഒരു ആശയം ഉണ്ട്. അത് ദിലീപേട്ടന്‍ തന്നെ ചെയ്യണമെന്നുമാണ് ആഗ്രഹം. എന്തായാലും ഇത് വൈറല്‍ ആയ സ്ഥിതിക്ക് ഉടന്‍ തന്നെ ദിലീപേട്ടനോട് ഈ പ്രോജക്ട് സംസാരിക്കാന്‍ തീരുമാനിച്ചിരിക്കുകയാണ്.”ഈ പോസ്റ്റര്‍ കണ്ടു ഒരുപാടുപേര് വിളിച്ചു.

ഇത് മുകേഷ് അംബാനിയുടെ കഥയാണോ, അനില്‍ അംബാനിയുടെ കഥയാണോ എന്നൊക്കെയാണ് ചോദിക്കുന്നത്. എന്റെ മനസ്സില്‍ അംബാനി ആകാന്‍ നടക്കുന്ന ഒരു ചെറുപ്പക്കാരനെക്കുറിച്ചുള്ള കഥയാണ് ഉള്ളത്. വലിയ ബിസിനസുകാരാകാന്‍ നടക്കുന്ന ഏതൊരാളും ഇടയ്‌ക്കെങ്കിലും പല കാര്യങ്ങള്‍ക്കും അംബാനിയുടെ പേര് ചേര്‍ത്ത് പറയാറുണ്ട്. അങ്ങനെ എന്തിനും ഏതിനും അംബാനിയുടെ പേര് ചേര്‍ത്ത് പറയുന്ന ഒരാള്‍. അയാളെ നാട്ടുകാര്‍ വിളിക്കുന്ന പേരാണ് അംബാനി. ഒരു ത്രില്ലര്‍ ആയി ചെയ്യാന്‍ ആണ് ഉദ്ദേശിക്കുന്നത്. ഇന്നിപ്പോള്‍ ജൂലൈ ആറ്, ധീരുഭായ് അംബാനി മരിച്ച ദിവസമാണെന്ന് യാദൃച്ഛികമായി ഗൂഗിളില്‍ നിന്നും നോട്ടിഫിക്കേഷന്‍ വന്നു. എന്നാല്‍ പിന്നെ ഇത് ഇന്ന് തന്നെ ഉറപ്പിക്കാം എന്ന് കരുതി. ഇനിയിപ്പോ ദിലീപേട്ടനോട് സംസാരിച്ച് മുന്നോട്ട് പോകണം’.

കൊച്ചി : സിനിമാലൊക്കേഷനുകള്‍ കേരളത്തില്‍ നിന്നും അയല്‍സംസ്ഥാനങ്ങളിലേയ്ക്ക് മാറ്റുന്നുവെന്ന് നിര്‍മാതാവും മുതിര്‍ന്ന പ്രൊഡക്ഷന്‍ കണ്‍ട്രോളറുമായ ഷിബു ജി. സുശീലന്‍. കേരളത്തില്‍ ഇനിയും ഷൂട്ടിങ് ആരംഭിക്കാത്ത സാഹചര്യത്തിലാണ് ഇത്.

ഷിബു ജി. സുശീലന്റെ വാക്കുകള്‍:
കേരളത്തിലെ പ്രമുഖ പ്രൊഡക്ഷന്‍ കമ്പനിയുടെ സിനിമ ഷൂട്ടിങ് കേരളത്തില്‍ നിന്ന് പുറത്തേക്ക്…
‘കേരളത്തില്‍ സിനിമ ഷൂട്ടിങിന് സര്‍ക്കാര്‍ അനുമതി നല്‍കാത്തതുകൊണ്ട് പൃഥ്വിരാജ് സംവിധാനം ചെയ്യുന്ന സിനിമ ചിത്രീകരണ അനുമതിയുള്ള അയല്‍ സംസ്ഥാനങ്ങളിലേയ്ക്ക് പോകുന്നു. ഇന്ന് രാവിലെ ‘തീര്‍പ്പ്’ സിനിമ ഡബ്ബിങ്ങിന് വന്നപ്പോള്‍ പൃഥ്വിരാജ് എന്നോട് പറഞ്ഞതാണ്.’

’95ശതമാനം ഇന്‍ഡോര്‍ ചിത്രീകരണം ഉള്ള സിനിമയാണ് പൃഥ്വിരാജ് മോഹന്‍ലാല്‍ കൂട്ടുകെട്ടില്‍ ആരംഭിക്കുന്നത്. കേരളത്തിലെ സിനിമാ തൊഴിലാളികള്‍ മുഴുപട്ടിണിലാണ്. ഈ സിനിമകള്‍ക്ക് കേരളത്തില്‍ ചിത്രീകരണ അനുമതി നല്‍കിയാല്‍ ഈ തൊഴിലാളികളില്‍ കുറച്ചുപേര്‍ക്ക് ജോലികിട്ടും.’

‘മറ്റ് സംസ്ഥാനങ്ങളില്‍ പോയാല്‍ അതിനുള്ള സാധ്യത കുറയുകയാണ്. സിനിമാ മന്ത്രിയും നമ്മുടെ മുഖ്യമന്ത്രിയും അടിയന്തിരമായി ഇടപ്പെട്ടുകൊണ്ട് 100പേരെ വച്ച് സിനിമ ചെയ്യുവാനുള്ള അനുമതി എത്രയും പെട്ടെന്ന് തരണമെന്ന് അഭ്യര്‍ത്ഥിക്കുന്നു. സിനിമ തൊഴിലാളികള്‍ അത്രയും ബുദ്ധിമുട്ടിലാണ് പ്ലീസ്.’-ഷിബു ജി. സുശീലന്‍ പറഞ്ഞു.

അതേസമയം ബ്രോ ഡാഡിയുടെ ലൊക്കേഷന്‍ കേരളത്തിനു പുറത്തേയ്ക്ക് മാറ്റുന്ന കാര്യത്തില്‍ ഒരു തീരുമാനവും ഇതുവരെ എടുത്തിട്ടില്ലെന്ന് ചിത്രത്തിന്റെ പ്രൊഡക്ഷന്‍ കണ്‍ട്രോളറായ സിദ്ധു പനയ്ക്കല്‍ പറഞ്ഞു. സര്‍ക്കാരിന്റെ അനുമതി ലഭിക്കുന്നതിന്റെ മുറയ്ക്ക് ചിത്രീകരണം ആരംഭിക്കാനാണ് തീരുമാനിച്ചിരിക്കുന്നത് നിലവില്‍ തീരുമാനിച്ചിരിക്കുന്നത് എന്നും അദ്ദേഹം മാധ്യമങ്ങളെ അറിയിച്ചു.