Technology (Page 35)

On:

കീപ് ഇന്‍ ചാറ്റ് എന്ന പുതിയ ഫീച്ചറുമായി വാട്‌സ്ആപ്പ്. ഒരു ചാറ്റ് പിന്നീട് ആവശ്യം വരും എന്നതിനാല്‍ അത് ചാറ്റില്‍ നിലനിര്‍ത്താന്‍ വാട്ട്‌സ്ആപ്പ് ഉപയോക്താവിന് ഈ ഫീച്ചറോടെ സാധിക്കും. എന്നാല്‍ നമ്മള്‍ അയക്കുന്ന സന്ദേശം അത് സ്വീകരിക്കുന്നയാള്‍ സൂക്ഷിക്കണമോ ഇല്ലോയോ എന്ന തീരുമാനം അയച്ചയാളുടേതായിരിക്കും.

‘അപ്രത്യക്ഷമാകുന്ന സന്ദേശങ്ങള്‍ നിങ്ങളുടെ സംഭാഷണങ്ങള്‍ മൂന്നമതൊരാള്‍ അറിയുന്നകത് സംരക്ഷിക്കുമ്‌ബോള്‍ തന്നെ ചിലപ്പോള്‍ മുന്‍പ് അയച്ച ചാറ്റിലെ വോയിസ് നോട്ടോ, പ്രധാന വിവരങ്ങളോ നിങ്ങള്‍ സൂക്ഷിക്കാന്‍ ആഗ്രഹിക്കുന്നുണ്ടാകും. അതിനുള്ള പരിഹാരമാണ് കീപ്പ് ഇന്‍ ചാറ്റ്’ വാട്ട്സ്ആപ്പ് ഒരു ബ്ലോഗ് പോസ്റ്റില്‍ പറഞ്ഞു.

ഒരു സന്ദേശം ലഭിക്കുമ്‌ബോള്‍ അത് കീപ്പ് ഇന്‍ ചാറ്റ് എന്ന രീതിയില്‍ മാറ്റാന്‍ സാധിക്കും. എന്നാല്‍ അയച്ചയാള്‍ക്ക് സന്ദേശം ലഭിച്ചയാള്‍ ഇത്തരത്തില്‍ സന്ദേശം സൂക്ഷിക്കുന്നുണ്ട് എന്ന നോട്ടിഫിക്കേഷന്‍ പോകും. ഇത് വേണമെങ്കില്‍ സന്ദേശം അയച്ചയാള്‍ക്ക് തടയാനും സാധിക്കും എന്നതാണ് ഈ ഫീച്ചറിന്റെ ഒരു പ്രത്യേകത.

On:

എഐ സ്ഥാപകനായ ജെഫ്രി ഹിന്റണ്‍ ഗൂഗിള്‍ വിടുന്നുവെന്ന വാര്‍ത്തകള്‍ പുറത്ത്. ആര്‍ട്ടിഫിഷ്യല്‍ ഇന്റലിജന്‍സിന്റെ അപകടത്തെ കുറിച്ച് പൊതുസമൂഹത്തെ ബോധവാന്‍മാരാക്കുന്നതിനാണ് താന്‍ ഗൂഗിളില്‍ നിന്നും പടിയിറങ്ങുന്നതെന്ന് 75 കാരനായ ഹിന്റണ്‍ പറയുന്നു.

ഇപ്പോള്‍ താന്‍ ചെയ്ത ജോലിയില്‍ ഖേദിക്കുന്നുവെന്നും അദ്ദേഹം പറഞ്ഞു. ഗൂഗിളില്‍ നിന്നും താന്‍ രാജി വെച്ചുവെന്നും അതിനാല്‍ തന്നെ എ.ഐയുടെ അപകടത്തെക്കുറിച്ച് തനിക്ക് സ്വതന്ത്രമായി സംസാരിക്കാനാകുമെന്നും ഹിന്റണ്‍ ട്വീറ്റ് ചെയ്തു.

ഗൂഗിളിനെ വിമര്‍ശിക്കാനാണ് ഞാന്‍ ഗൂഗിളില്‍ നിന്നും രാജിവെച്ചതെന്നാണ് ന്യൂര്‍യോര്‍ക്ക് ടൈംസിലെ കേഡ് മെറ്റ്സ് പറയാന്‍ ശ്രമിച്ചത്. എന്നാല്‍ യഥാര്‍ഥത്തില്‍ എന്റെ പ്രസ്താവന ഗൂഗിളിനെ എങ്ങനെ ബാധിക്കുമെന്ന് നോക്കാതെ ആര്‍ട്ടിഫിഷ്യല്‍ ഇന്റലിജന്‍സിന്റെ അപകടത്തെ കുറിച്ച് സംസാരിക്കാനാണ് ഞാന്‍ ഗൂഗിള്‍ വിട്ടത്. ഗൂഗിള്‍ വളരെ ഉത്തരവാദിത്തത്തോടെയാണ് പ്രവര്‍ത്തിച്ചത്’- അദ്ദേഹം ട്വീറ്റ് ചെയ്തു.
‘എ.ഐ’ അഥവാ ആര്‍ട്ടിഫിഷ്യല്‍ ഇന്റലിജന്‍സിന്റെ അപകടങ്ങള്‍ എന്തായിരിക്കുമെന്ന് ഞാന്‍ കരുതുന്നതിനെക്കുറിച്ച് ഇപ്പോള്‍ എനിക്ക് സ്വതന്ത്രമായി സംസാരിക്കാന്‍ കഴിയും. അവയില്‍ ചിലത് വളരെ ഭയാനകമാണ്. ഇപ്പോള്‍, എനിക്ക് പറയാന്‍ കഴിയുന്നിടത്തോളം, അവര്‍ കൂടുതല്‍ ബുദ്ധിയുള്ളവരല്ല. നമ്മളെക്കാളും.. പക്ഷേ, അവര്‍ ഉടന്‍ അങ്ങനെ ആയേക്കുമെന്ന് ഞാന്‍ കരുതുന്നു’- അദ്ദേഹം പറഞ്ഞു.

On:

രാജ്യത്തെ സര്‍ക്കാര്‍ ഉടമസ്ഥതയിലുള്ളതും സ്വകാര്യ സ്ഥാപനങ്ങളും വാഗ്ദാനം ചെയ്യുന്നതുമായ സേവനങ്ങള്‍ ലഭിക്കുന്നതിന് ഒരു പൗരന് ആധാര്‍ അത്യാവശ്യമണ്. എന്നാല്‍ ഇന്ന് നിങ്ങളുടെ ആധാര്‍ കാര്‍ഡിലെ ഫോട്ടോ മാറ്റാനുള്ള ഓപ്ഷനുകള്‍ നിലവിലുണ്ട്. പലര്‍ക്കും അതറിയില്ലെന്നതാണ് വാസ്തവം. ലളിതമായ ഘട്ടങ്ങളിലൂടെ് നിങ്ങളുടെ ആധാര്‍ കാര്‍ഡിലെ ഫോട്ടോ എളുപ്പത്തില്‍ അപ്‌ഡേറ്റ് ചെയ്യാം. ഇതിന് 100 രൂപയാണ് ആവശ്യം വരുന്ന തുക.

നിങ്ങളുടെ ഫോട്ടോ ഓണ്‍ലൈനില്‍ അപ്ഡേറ്റ് ചെയ്യാന്‍ കഴിയില്ല എന്നത് ഓര്‍ക്കേണ്ടതാണ്. ഫോട്ടോ അപ്‌ഡേറ്റ് ചെയ്യുന്നതിന് അടുത്തുള്ള ആധാര്‍ എന്റോള്‍മെന്റ് കേന്ദ്രം സന്ദര്‍ശിക്കേണ്ടതാണ്. എന്നാല്‍ നിങ്ങള്‍ക്ക് എന്റോള്‍മെന്റ് ഫോം ഓണ്‍ലൈനായി ഡൗണ്‍ലോഡ് ചെയ്യാനും ആധാര്‍ കേന്ദ്രത്തിലേക്ക് പോകുന്നതിന് മുമ്ബ് അത് പൂരിപ്പിക്കാനും കഴിയും.

ആധാര്‍ കാര്‍ഡ് ഫോട്ടോ മാറ്റുന്നതിനും അപ്ഡേറ്റ് ചെയ്യുന്നതിനുമുള്ള ഘട്ടങ്ങള്‍ അറിയാം…

ആദ്യം അടുത്തുള്ള ആധാര്‍ എന്റോള്‍മെന്റ് സെന്റര്‍ അല്ലെങ്കില്‍ ആധാര്‍ സേവാ കേന്ദ്രം സന്ദര്‍ശിക്കുക

യുഐഡിഎഐ വെബ്സൈറ്റില്‍ നിന്ന് ആധാര്‍ എന്റോള്‍മെന്റ്/കറക്ഷന്‍/അപ്ഡേറ്റ് ഫോം ഡൗണ്‍ലോഡ് ചെയ്യുക. ആവശ്യമായ വിശദാംശങ്ങള്‍ പൂരിപ്പിക്കുക.

ആധാര്‍ എക്സിക്യൂട്ടിവിന് ബയോമെട്രിക് ഡീറ്റെയില്‍സ് സബ്മിറ്റ് ചെയ്യുക

ആധാര്‍ എക്‌സിക്യൂട്ടീവ് എല്ലാ വിശദാംശങ്ങളും ബയോമെട്രിക് പരിശോധനയിലൂടെ പരിശോധിക്കും.

തുടര്‍ന്ന് പുതിയ ചിത്രം എന്നതില്‍ ക്ലിക്ക് ചെയ്ത് പുതിയ ചിത്രം ആധാര്‍ നമ്ബറില്‍ ഉള്‍പ്പെടുത്തും. ആവശ്യമെങ്കില്‍ നിങ്ങളുടെ തത്സമയഫോട്ടോ തന്നെ അപ്ഡേറ്റ് ചെയ്യാവുന്നതാണ്.

100 രൂപ ഫീസ് അടയ്ക്കുക

തുടര്‍ന്ന് ആധാര്‍ എക്‌സിക്യൂട്ടീവ് നിങ്ങള്‍ക്ക് ഒരു യുആര്‍എന്‍ ഉള്ള ഒരു അക്‌നോളജ്‌മെന്റ് സ്ലിപ്പ് നല്‍കും

ലഭിച്ചിരിക്കുന്ന യുആര്‍എന്‍ വഴി നിങ്ങള്‍ക്ക് യുഐഡിഎഐ ആധാര്‍ അപ്‌ഡേറ്റ് സ്റ്റാറ്റസ് പരിശോധിക്കാം

90 ദിവസത്തിനുള്ളില്‍ വിശദാംശങ്ങള്‍ അപ്ഡേറ്റ് ചെയ്യും.

യുഐഡിഎഐയുടെ ഔദ്യോഗിക വെബ്‌സൈറ്റില്‍ യുആര്‍എന്‍ നമ്ബര്‍ ഉപയോഗിച്ച് നിങ്ങളുടെ ഏറ്റവും പുതിയ ആധാര്‍ കാര്‍ഡിന്റെ സ്റ്റാറ്റസ് ട്രാക്ക് ചെയ്യാനും കഴിയും.ആധാര്‍ പോര്‍ട്ടലില്‍ വിശദാംശങ്ങള്‍ അപ്ഡേറ്റ് ചെയ്യാന്‍ 90 ദിവസമെടുക്കും.ആധാര്‍ കാര്‍ഡിലെ ഫോട്ടോ അപ്‌ഡേറ്റ് ചെയ്യുന്നതിന് രേഖകളൊന്നും ആവശ്യമില്ല. അപ്ഡേറ്റ് ചെയ്തുകഴിഞ്ഞാല്‍, ഉപയോക്താവിന് പോര്‍ട്ടലില്‍ നിന്ന് പുതിയ കോപ്പി ഡൗണ്‍ലോഡ് ചെയ്യാനും ഭാവിയിലെ ഉപയോഗത്തിനായി അതിന്റെ പ്രിന്റ് ഔട്ട് എടുക്കാനും കഴിയും

On:

സബ്‌സ്‌ക്രിപ്ഷന്‍ നിരക്ക് കൂട്ടാനൊരുങ്ങി ആമസോണ്‍ പ്രൈം. സബ്‌സ്‌ക്രിപ്ഷന്‍ പ്ലാനുകളുടെ വില 50 ശതമാനം വരെ വര്‍ദ്ധിപ്പിക്കാനാണ് പദ്ധതിയിടുന്നത്. നിലവില്‍, 999 രൂപ നല്‍കിയാല്‍ ഉപഭോക്താക്കള്‍ക്ക് വാര്‍ഷിക സബ്‌സ്‌ക്രിപ്ഷന്‍ എടുക്കാവുന്നതാണ്. എന്നാല്‍, വരും മാസങ്ങളില്‍ തന്നെ പുതുക്കിയ നിരക്കുകള്‍ പ്രാബല്യത്തിലാകും.

ഇന്ത്യയില്‍ പ്രധാനമായും മൂന്ന് സബ്‌സ്‌ക്രിപ്ഷനുകളാണ് ലഭ്യമാക്കിയിട്ടുള്ളത്. പ്രതിമാസ പ്ലാന്‍, ത്രൈമാസ പ്ലാന്‍, വാര്‍ഷിക പ്ലാന്‍ എന്നിവയാണ് സബ്‌സ്‌ക്രിപ്ഷന്‍ പ്ലാനുകള്‍. പ്രതിമാസ സബ്‌സ്‌ക്രിപ്ഷന്‍ പ്ലാനിന് 179 രൂപയാണ് നല്‍കേണ്ടത്. ഇവ 299 രൂപയായാണ് വര്‍ദ്ധിപ്പിക്കുക. 459 രൂപയുള്ള ത്രൈമാസ പ്ലാനിന് പുതുക്കിയ നിരക്ക് അനുസരിച്ച് 599 രൂപയാണ് നല്‍കേണ്ടി വരിക.

അതേസമയം, വാര്‍ഷിക പ്ലാനിന് 400 രൂപയുടെ വര്‍ദ്ധനവാണ് ഉണ്ടാകുന്നത്. 999 രൂപയുള്ള വാര്‍ഷിക പ്ലാനിന് 1,499 രൂപയായാണ് ഉയരുന്നത്. വ്യത്യസ്ഥ ഭാഷകളില്‍ നിരവധി കണ്ടന്റുകള്‍ ആമസോണ്‍ പ്രൈമില്‍ ലഭ്യമാണ്. ആഗോള തലത്തില്‍ ഏകദേശം 100 ദശലക്ഷത്തിലധികം ഉപഭോക്താക്കളാണ് ആമസോണ്‍ പ്രൈമിന് ഉള്ളത്.

On:

2023 മെയ് 1 മുതല്‍ സ്പാം കോളുകളും സന്ദേശങ്ങളും നിയന്ത്രിക്കാന്‍ ആര്‍ട്ടിഫിഷ്യല്‍ ഇന്റലിജന്‍സ് സജ്ജീകരിക്കാന്‍ ടെലികോം റെഗുലേറ്ററി അതോറിറ്റി ഓഫ് ഇന്ത്യ ടെലികോം ഓപ്പറേറ്റര്‍മാരോട് ആവശ്യപ്പെട്ടു.

66% മൊബൈല്‍ ഉപയോക്താക്കള്‍ക്കും ദിവസേന കുറഞ്ഞത് അനാവശ്യമായി 3 കോളുകളെങ്കിലും ലഭിക്കുന്നുണ്ട്. പലതും പണം തട്ടാനുള്ള തട്ടിപ്പ് കോളുകളാവാറുമുണ്ട്. ഈ പ്രശ്നങ്ങള്‍ ഒഴിവാക്കാന്‍ എഐ ഉപയോഗിക്കാനാണ് റിലയന്‍സ് ജിയോ, ഭാരതി എയര്‍ടെല്‍, വോഡഫോണ്‍ ഐഡിയ, ബിഎസ്എന്‍എല്‍ എന്നീ ടെലികോം കമ്ബനികളോട് ട്രായ് ആവശ്യപ്പെട്ടിരിക്കുന്നത്. വ്യാജ സന്ദേശങ്ങളും കോളുകളും പരിശോധിക്കാനും, അവയെ പ്രതിരോധിക്കാനും ആര്‍ട്ടിഫിഷ്യല്‍ ഇന്റലിജന്‍സിന്റെ സഹായത്തോടെ സാധിക്കും രണ്ടാഴ്ചയിലൊരിക്കല്‍ ഇതിന്റെ പുരോഗതി അവലോകനം ചെയ്യുമെന്നും ട്രായ് ചെയര്‍മാന്‍ പി.ഡി വഗേല കൂട്ടിച്ചേര്‍ത്തു.

അതേസമയം, വിളിക്കുന്നയാളുടെ നമ്ബറും ഫോട്ടോയും കാണിക്കുന്ന കോളര്‍ ഐഡി ഫീച്ചര്‍ ടെലികോം കമ്ബനികള്‍ കൊണ്ടുവരണമെന്ന് ട്രായ് ആവശ്യപ്പെട്ടിരുന്നു എന്നാല്‍ സ്വകാര്യത പ്രശ്നങ്ങള്‍ ചൂണ്ടിക്കാണിച്ച് കമ്ബനികള്‍ ഇതിന് സമ്മതം മൂളിയിട്ടില്ല. മെയ് 1 മുതല്‍ ആര്‍ട്ടിഫിഷ്യല്‍ ഇന്റലിജന്‍സ് ഫില്‍ട്ടര്‍ മാത്രമേ ആരംഭിക്കൂ എന്നാണ് റിപ്പോര്‍ട്ട് പുതിയ ഫീച്ചര്‍ എല്ലാ അലോസരപ്പെടുത്തുന്ന കോളുകളും സന്ദേശങ്ങള്‍ക്കും തടയിടും.

On:

ഉത്തരാഖണ്ഡിലെ ചാര്‍ധാം ക്ഷേത്ര പരിസരത്ത് റിലയന്‍സ് ജിയോ 5ജി സേവനം ആരംഭിച്ചു. തീര്‍ത്ഥാടകര്‍ക്ക് തടസമില്ലാതെ ഇന്റര്‍നെറ്റ് സേവനം ഉറപ്പുവരുത്തുന്നതിന്റെ ഭാഗമായാണ് 5ജി സേവനങ്ങള്‍ ആരംഭിച്ചിരിക്കുന്നത്.

ഇതോടെ, കേദാര്‍നാഥ്, ബദരീനാഥ്, യമുനോത്രി, ഗംഗോത്രി എന്നിവിടങ്ങള്‍ സന്ദര്‍ശിക്കുന്ന തീര്‍ത്ഥാടകര്‍ക്ക് 5ജി സേവനം ആസ്വദിക്കാന്‍ സാധിക്കും.

ബദരീനാഥ്- കേദാര്‍നാഥ് ക്ഷേത്ര കമ്മിറ്റി ചെയര്‍മാന്‍ അജേന്ദ്ര അജയ് ആണ് പദ്ധതിയുടെ ഔപചാരിക ഉദ്ഘാടനം നിര്‍വഹിച്ചത്. 5ജി സേവനം എത്തിയതോടെ, ദശലക്ഷക്കണക്കിന് ഉപഭോക്താക്കള്‍ക്ക് അതിവേഗ ഇന്റര്‍നെറ്റ് കണക്ടിവിറ്റി പ്രയോജനപ്പെടുത്താന്‍ സാധിക്കും. നിലവില്‍, ഉത്തരാഖണ്ഡിന്റെ തലസ്ഥാനമായ ഡെറാഡൂണ്‍ മുതല്‍ ഇര്‍ഡോ- ടിബറ്റ് അതിര്‍ത്തി ഗ്രാമമായ മന വരെ റിലയന്‍സ് ജിയോ 5ജി സേവനം ഉറപ്പുവരുത്തുന്നുണ്ട്.

On:

ഇന്‍സ്റ്റഗ്രാം ബയോയില്‍ പരമാവധി അഞ്ച് ലിങ്കുകള്‍ വരെ ചേര്‍ക്കാനുള്ള അവസരവുമായി കമ്പനി. ഇന്‍സ്റ്റഗ്രാമിന്റെ പുതിയ അപ്‌ഡേറ്റ് ഇന്‍സ്റ്റാള്‍ ചെയ്യുന്നവര്‍ക്ക് ഈ ഫീച്ചര്‍ ലഭിക്കുന്നതാണ്. കൂടാതെ, പുതിയ അപ്‌ഡേറ്റിനൊപ്പം മറ്റ് ഫീച്ചറുകളും ഇന്‍സ്റ്റഗ്രാം ഉള്‍ക്കൊള്ളിച്ചിട്ടുണ്ട്.

മെറ്റ സിഇഒ മാര്‍ക്ക് സക്കര്‍ബര്‍ഗാണ് ഇന്‍സ്റ്റഗ്രാം ബ്രോഡ്കാസ്റ്റ് ചാനലിലൂടെ പുതിയ അപ്‌ഡേറ്റിനെ കുറിച്ചുള്ള വിവരങ്ങള്‍ പങ്കുവെച്ചത്. ഇന്‍സ്റ്റാഗ്രാം പേജിലെ എഡിറ്റ് ഓപ്ഷന്‍ ടാപ്പ് ചെയ്ത്, ലിങ്കുകള്‍ ചേര്‍ക്കാവുന്നതാണ്. ലിങ്ക് ചേര്‍ക്കാന്‍ ഡ്രാഗ് ആന്‍ഡ് ഡ്രാഗ് ഓപ്ഷന്‍ നല്‍കിയിരിക്കുന്നതിനാല്‍ ഈ പ്രക്രിയ എളുപ്പത്തില്‍ പൂര്‍ത്തീകരിക്കാന്‍ സാധിക്കും. ഇത്തരം ലിങ്കുകള്‍ ഇന്‍സ്റ്റഗ്രാമിന്റെ ഉള്ളില്‍ തന്നെ തുറക്കാന്‍ സാധിക്കുന്നതാണ്.

On:

ഡിസപ്പിയറിംഗ് മെസേജുകള്‍ സേവ് ചെയ്യാനുള്ള ഓപ്ഷനുമായി വാട്‌സ്ആപ്പ്. ‘കീപ്പ് ഇന്‍ ചാറ്റ്’ എന്നാണ് ഈ ഫീച്ചറിന് പേര് നല്‍കിയിരിക്കുന്നത്. ഇതോടെ, ഡിസപ്പിയറിംഗ് മെസേജുകള്‍ സേവ് ചെയ്ത് സൂക്ഷിക്കാന്‍ സാധിക്കും.

സമയം സെറ്റ് ചെയ്തുവച്ചാല്‍ മറ്റു മെസേജുകള്‍ ഡിലീറ്റ് ആയാലും ഇഷ്ടമുള്ളവ ബുക്ക് മാര്‍ക്ക് ചെയ്ത് സൂക്ഷിക്കാനാകും. സന്ദേശങ്ങള്‍ക്ക് പുറമേ, വോയിസ് നോട്ടുകള്‍, ചിത്രങ്ങള്‍ എന്നിവയും സേവ് ചെയ്യാന്‍ കഴിയുന്നതാണ്. വാട്‌സ്ആപ്പില്‍ സേവ് ചെയ്ത മെസേജുകള്‍ ഒരു ബുക്ക് മാര്‍ക്ക് ഐക്കണ്‍ ഉപയോഗിച്ച് കെപ്റ്റ് മെസേജ് ഫോള്‍ഡറിലെ ചാറ്റ് വഴി ഓര്‍ഗനൈസ് ചെയ്തു കാണാന്‍ കഴിയുന്നതാണ്.

ഡിസപ്പിയറിംഗ് മെസേജില്‍ മറ്റൊരു ഫീച്ചറും വാട്‌സ്ആപ്പ് ഉള്‍പ്പെടുത്തിയിട്ടുണ്ട്. നിലവില്‍, ഉപയോക്താക്കള്‍ക്ക് മൂന്ന് ഓപ്ഷനുകള്‍ ഉപയോഗിച്ചാണ് മെസെജിന്റെ ടൈമര്‍ സെറ്റ് ചെയ്യാനാകുന്നത്. 24 മണിക്കൂര്‍, 7 ദിവസം, 90 ദിവസം. എന്നിങ്ങനെ ആണത്. പുതിയ അപ്‌ഡേഷന്‍ അനുസരിച്ച്, അത് 1 വര്‍ഷം, 180 ദിവസം, 60 ദിവസം, 30 ദിവസം, 21 ദിവസം, 14 ദിവസം, 6 ദിവസം, 5 ദിവസം, 4 ദിവസം, 3 ദിവസം, 2 ദിവസം, 12 മണിക്കൂര്‍ എന്നിങ്ങനെയായി മാറും.

On:

ഗൂഗിള്‍ ക്രോം ആപ്പ് ഉപയോക്താക്കള്‍ക്ക് മുന്നറിയിപ്പുമായി കേന്ദ്ര സര്‍ക്കാര്‍. മുന്നറിയിപ്പ് അവഗണിച്ചാല്‍ യൂസര്‍മാരെ വലിയ കുഴപ്പത്തിലാക്കുമെന്നും മുന്നറിയിപ്പില്‍ പറയുന്നു.

ഉപയോക്താക്കളെ സുരക്ഷിതമായി നിലനിര്‍ത്താന്‍ ഗൂഗിള്‍ പതിവായി അപ്‌ഡേറ്റുകള്‍ പുറത്തിറക്കുന്നുണ്ട്. ഗൂഗിള്‍ കണ്ടെത്തുന്ന സുരക്ഷാ പ്രശ്നങ്ങള്‍ ഉപയോക്താക്കളുടെ ഉപകരണങ്ങളെ ബാധിക്കുന്നത് ഒഴിവാക്കാന്‍ സഹായിക്കുന്ന സെക്യൂരിറ്റി പാച്ചുകളുമായാണ് പുതിയ അപ്‌ഡേറ്റുകള്‍ എത്താറുള്ളത്.

ഗൂഗിള്‍ ക്രോം ബ്രൗസറില്‍ അത്തരത്തിലുള്ള ഒരു അപകടസാധ്യതയാണ് കണ്ടെത്തിയിരിക്കുന്നത്. 112.0.5615.121- വേര്‍ഷന് മുമ്ബുള്ള ക്രോം ബ്രൗസര്‍ പതിപ്പ് ഉപയോഗിക്കുന്നവര്‍ക്കാണ് ഇന്ത്യന്‍ സര്‍ക്കാര്‍ മുന്നറിയിപ്പ് നല്‍കിയിരിക്കുകയാണ്. ഗൂഗിള്‍ ക്രോമില്‍ ഒരു അപകടസാധ്യത റിപ്പോര്‍ട്ട് ചെയ്തിട്ടുണ്ടെന്ന് ഇലക്ട്രോണിക്സ് ആന്‍ഡ് ഇന്‍ഫര്‍മേഷന്‍ ടെക്നോളജി മന്ത്രാലയത്തിന് കീഴിലുള്ള ഇന്ത്യന്‍ കമ്ബ്യൂട്ടര്‍ എമര്‍ജന്‍സി റെസ്‌പോണ്‍സ് ടീമാണ് വെളിപ്പെടുത്തിയത്. ഒരു സൈബര്‍ ആക്രമണകാരിക്ക് അവര്‍ ലക്ഷ്യമിടുന്ന സിസ്റ്റത്തില്‍ അനിയന്ത്രിതമായ പ്രവേശിക്കാനും ഹാക്ക് ചെയ്യാനും മറ്റ് പല രീതിയില്‍ ദുരുപയോഗം ചെയ്യാനും അനുവദിക്കുന്ന വലിയ സുരക്ഷാ പിഴവാണ് കണ്ടെത്തിയിരിക്കുന്നത്.

On:

ആധാര്‍ കാര്‍ഡ് നഷ്ടപ്പെട്ടാല്‍ എന്ത് ചെയ്യണമെന്ന് ചിന്തിക്കുന്നവരാണ് പലരും. എന്നാല്‍, അങ്ങനെയൊരു സാഹചര്യമുണ്ടായാല്‍ സര്‍ക്കാര്‍ ഓഫീസുകളില്‍ കയറി ഇറങ്ങുകയോ ജനസേവാ കേന്ദ്രങ്ങളില്‍ തിരക്കൊഴിയുന്നത് കാത്തിരിക്കുകയോ വേണ്ട എന്നതാണ് യാഥാര്‍ത്ഥ്യം. ഇന്റര്‍നെറ്റ് സൗകര്യം കൃത്യമായി വിനിയോഗിച്ചാല്‍ നിങ്ങളുടെ വീട്ടിലേയ്ക്ക് തന്ന പുതിയ ആധാര്‍ എത്തിച്ച് നല്‍കുന്ന സൗകര്യം നിലവിലുണ്ട്. എടിഎം കാര്‍ഡുകള്‍ക്ക് സമാനമായ പിവിസി കാര്‍ഡുകളും ചെറിയൊരു തുക അടച്ചാല്‍ സ്വന്തമാക്കാവുന്നതാണ്.

യുഐഡിഎഐ നല്‍കുന്ന ഓണ്‍ലൈന്‍ സംവിധാനം വഴി 50 രൂപ മുതല്‍മുടക്കില്‍ ക്യൂ ആര്‍ കോഡ്, ഹോളോഗ്രാം, പേര്, ഫോട്ടോ, ജനനത്തീയതി, മറ്റ് അവശ്യ വിവരങ്ങളടങ്ങിയ പിവിസി കാര്‍ഡിനായി അപേക്ഷിക്കാവുന്നതാണ്. ഇതിനായി

•യുഐഡിഎഐയുടെ ഔദ്യോഗിക വെബ്‌സൈറ്റ് സന്ദര്‍ശിക്കുക?

•മൈ ആധാര്‍ ഓപ്ഷന്‍ തിരഞ്ഞെടുക്കുക

•12 അക്ക ആധാര്‍ നമ്ബറും സുരക്ഷാ കോഡും നല്‍കുക

•ആധാറുമായി ലിങ്ക് ചെയ്തിട്ടുള്ള മൊബൈല്‍ നമ്ബറില്‍ വരുന്ന ഒടിപി നല്‍കുക

•പ്രിവൂ പരിശോധിച്ച് നല്‍കിയ വിവരങ്ങള്‍ ശരിയാണോ എന്ന് പരിശോധിക്കുക

•നെറ്റ് ബാങ്കിംഗ്, ഡെബിറ്റ്-ക്രെഡിറ്റ് കാര്‍ഡുപയോഗിച്ച് 50 രൂപ ഫീ അടക്കുക

•പിവിസി കാര്‍ഡ് സ്പീഡ് പോസ്റ്റ് വഴിവീട്ടില്‍ എത്തിക്കുന്നതായിരിക്കും.

ഓഫ്ലൈനായി അപേക്ഷിക്കാനായി അടുത്തുള്ള ആധാര്‍ കേന്ദ്രം സന്ദര്‍ശിച്ച ശേഷം ഫോം പൂരിപ്പിച്ച് നല്‍കിയാല്‍ മതിയാകും. ഒരാഴ്ചയ്ക്കുള്ളില്‍ തന്നെ ആധാര്‍ വിട്ടിലെത്തിക്കുന്നതായിരിക്കും.