ആര്ട്ടിഫിഷ്യല് ഇന്റലിജന്സിന്റെ (AI) സഹായത്തോടെ വീഡിയോ ഉള്പ്പെടെയുള്ള ചാറ്റ്ജിപിടിയാണ് മൈക്രോസോഫ്റ്റ് പുറത്തിറക്കാനൊരുങ്ങുന്നത്. ഓപ്പണ് എ ഐയുമായുള്ള സഹകരണത്തിന്റെ ഭാഗമായാണ് മൈക്രാേസോഫ്റ്റ് പുതിയ പതിപ്പ് അവതരിപ്പിക്കുന്നത്. എന്നാലിപ്പോള് ചാറ്റ്ജിപിടി സൃഷ്ടിച്ചതില് താനിപ്പോള് ഭയക്കുന്നുവെന്ന് വെളിപ്പെടുത്തിയിരിക്കുകയാണ് സൃഷ്ടാവായ സാം ആള്ട്ട്മാന്.
‘ആര്ട്ടിഫിഷ്യല് ഇന്റലിജന്സ് സമൂഹത്തെ പുനര്നിര്മിക്കും. ഇത് വലിയ അപകടങ്ങള്ക്ക് കാരണമാകും. ചാറ്റ്ജിപിടിയ്ക്ക് മനുഷ്യന് ചെയ്യുന്ന ജോലികള്ക്ക് പകരമാകാന് സാധിച്ചേക്കും. എന്നിരുന്നാലും മനുഷ്യന് നിര്മിച്ച ഏറ്റവും മികച്ച സാങ്കേതികവിദ്യയാണ് എ ഐ. ചാറ്റ്ജിപിടി മനുഷ്യന് പകരമായാലും മനുഷ്യന്റെ സര്ഗാത്മകത പരിധിയില്ലാത്തതായതിനാല് നമ്മള് പുതിയ ജോലികള് കണ്ടെത്തും.
തെറ്റായ വിവരങ്ങള് പ്രചരിപ്പിക്കുന്നതിനായി എ ഐ ഉപയോഗിക്കാനുള്ള സാദ്ധ്യതയില് ആശങ്കയുണ്ട്. ഇവയ്ക്ക് കമ്ബ്യൂട്ടര് കോഡുകള് എഴുതാന് സാധിക്കുമെന്നതിനാല് സൈബര് കുറ്റകൃത്യങ്ങള്ക്ക് ഉപയോഗിക്കാനും ഇടയുണ്ട്. എ ഐ മനുഷ്യന്റെ നിയന്ത്രണത്തിലാണെങ്കിലും എത്തരത്തിലുള്ള മനുഷ്യരാണ് അത് നിയന്ത്രിക്കുന്നത് എന്നതില് ഉറപ്പ് നല്കാനാകില്ല. നമ്മള് നല്കുന്ന സുരക്ഷാപരിധികള് അനുസരിക്കാത്തവരും ഇക്കൂട്ടത്തില് ഉണ്ടാകും’- സാം ആള്ട്ട്മാന് പറയുന്നു.