Technology (Page 100)

ന്യൂഡല്‍ഹി: 17 ലക്ഷം ഇന്ത്യന്‍ അക്കൗണ്ടുകളാണ് നവംബറില്‍ നിരോധിച്ചതെന്ന് ഇന്‍സ്റ്റന്റ് മെസേജിങ് ആപ്പായ വാട്‌സ്ആപ്പ് . 602 പരാതികളുടെ അടിസ്ഥാനത്തിലായിരുന്നു ഈ നീക്കമെന്നും വാട്‌സ്ആപ്പ് വ്യക്തമാക്കി. വാട്‌സ്ആപ്പ് ദുരുപയോഗം ചെയ്യുന്നത് തടയുകയാണ് പ്രധാന ലക്ഷ്യമെന്നും വാട്‌സ്ആപ്പ് വക്താവ് അറിയിച്ചു.

പുതിയ ഐടി നിയമം അനുസരിച്ചാണ് വാട്‌സ്ആപ്പ് കണക്കുകള്‍ പുറത്തുവിട്ടിരിക്കുന്നത്. ആറാമത്തെ പ്രതിമാസ റിപ്പോര്‍ട്ടിലാണ് നവംബറിലെ കണക്കുകള്‍ ഉള്‍പ്പെടുന്നത്. ഉപയോക്താവിന്റെ സുരക്ഷ കണക്കിലെടുത്താണ് പതിവായി റിപ്പോര്‍ട്ട് തയ്യാറാക്കുന്നത്. ഉപയോക്താവ് നല്‍കുന്ന പരാതികളുടെ അടിസ്ഥാനത്തില്‍ സ്വീകരിച്ച നടപടികളാണ് റിപ്പോര്‍ട്ടിലെ ഉള്ളടക്കം.

സോഷ്യല്‍മീഡിയ ഉപയോഗിക്കാത്തവരായി വളരെ അപൂര്‍വം ആളുകളേ ഇന്ന് ലോകത്തുള്ളൂ. പല ആപ്പുകള്‍ വഴിയും ഉപയോക്താക്കള്‍ ആപ്പിലാവാറുമുണ്ട്. എന്നാല്‍, വാട്സാപ്പില്‍ സുരക്ഷാ വീഴ്ചയില്ലെന്ന് ആപ്പ് ഉടമകളായ മെറ്റ ആവര്‍ത്തിക്കുന്നുണ്ടെങ്കിലും തട്ടിപ്പുകാര്‍ക്ക് വാട്സാപ്പില്‍ ഒരു പഞ്ഞവുമില്ലെന്നാണ് റിപ്പോര്‍ട്ടുകള്‍. ദിവസങ്ങളായി Rediroff.com എന്ന ലിങ്ക് പല രൂപത്തില്‍ വാട്സാപ്പില്‍ പ്രചരിക്കുന്നുണ്ട്. ഉപഭോക്താക്കളുടെ വ്യക്തിപരവും ബാങ്ക് വിവരങ്ങളും ചോര്‍ത്തിയെടുക്കാന്‍ തട്ടിപ്പുകാര്‍ ഉപയോഗിക്കുന്നതാണ് ഈ ലിങ്ക് എന്നാണ് വിവരം.

ഈ ലിങ്ക് വിന്റോസ് പിസികളിലും ഐഒഎസിലും ആന്‍ഡ്രോയിഡ് ഫോണുകളിലും ഒരുപോലെ ബാധിക്കുന്നതാണെന്നും ഇതുവഴി വലിയൊരു വിഭാഗം ആളുകളുടെ വ്യക്തിവിവരങ്ങള്‍ ചോര്‍ന്നിട്ടുണ്ടെന്നുമാണ് സിഎന്‍ബിസി റിപ്പോര്‍ട്ടുകള്‍. ലിങ്കില്‍ ക്‌ളിക്ക് ചെയ്യുമ്പോള്‍ ഉപഭോക്താവിന് പരിചയമുള്ള സര്‍വെയില്‍ പങ്കെടുക്കാന്‍ ക്ഷണിക്കുന്നതായി വിവരം നല്‍കും. തുടര്‍ന്ന് വിവിധ ചോദ്യങ്ങള്‍ ഉപഭോക്താവിനോട് ചോദിക്കും. ഈ ചോദ്യങ്ങള്‍ക്ക് ഉത്തരം നല്‍കുന്നതോടെ വ്യക്തിവിവരങ്ങള്‍ ചോദിക്കും. പേര്, വയസ്, അഡ്രസ്, ബാങ്ക് വിവരങ്ങള്‍ മറ്റ് വ്യക്തിപരമായ വിവരങ്ങള്‍ ഇവ പൂരിപ്പിക്കണമെന്ന് ആവശ്യപ്പെടും. വിവരങ്ങള്‍ നല്‍കുന്നതോടെ തട്ടിപ്പുകാര്‍ ആ വിവരങ്ങള്‍ കൈക്കലാക്കും.

അതിനാല്‍, ഇത്തരം സന്ദേശങ്ങള്‍ ലഭിച്ചാല്‍ ഡിലീറ്റ് ചെയ്യുകയോ സ്പാം ആണെന്ന് റിപ്പോര്‍ട്ട് ചെയ്യുകയോ വേണം. തുടര്‍ന്ന് പിസി ആയാലും മൊബൈല്‍ ആയാലും ഉടന്‍ വൈറസ് സ്‌കാന്‍ നടത്തി സുരക്ഷ ഉറപ്പാക്കുകയും വേണം.

വാട്ട്‌സ്ആപ്പ് അവതരിപ്പിക്കാനൊരുങ്ങുന്ന പുതിയ പ്രത്യകത ഒരുതരത്തില്‍ ഉപയോക്താക്കള്‍ക്ക് ഗൂഗിള്‍ മാപ്പ് പോലെ സഹായകരമാകും. മെറ്റയുടെ കീഴിലുള്ള വാട്ട്‌സ്ആപ്പിലൂടെ ഏറ്റവും അടുത്ത് നാം തിരയുന്ന കാര്യങ്ങള്‍ അറിയാമെന്നാണ് വാട്ട്‌സ്ആപ്പ് വെബ് ഇന്‍ഫോയുടെ റിപ്പോര്‍ട്ടുകള്‍. പെട്രോള്‍ പമ്പ്, ഹോട്ടല്‍, ഗ്രോസറി ഷോപ്പുകളെല്ലാം വാട്‌സ്ആപ്പ് സെര്‍ച്ചിലൂടെ ലഭിക്കും. വാട്ട്‌സ്ആപ്പ് ബിസിനസിന്റെ സംയോജനത്തിലൂടെയാണ് ഇത് സാധ്യമാകുന്നതെന്ന് കമ്പനി പറയുന്നു.

ഈ ബിസിനസുകളുമായി ഡയറക്ട് കോണ്‍ടാക്റ്റ് ഇതിലൂടെ വാട്ട്‌സ്ആപ്പ് ഉപയോക്താവിന് ലഭിക്കുന്നു. ഐഫോണ്‍ പതിപ്പിലും, ആന്‍ഡ്രോയ്ഡ് പതിപ്പിലും ബിസിനസ് നിയര്‍ബൈ എന്ന ഫീച്ചര്‍ ലഭിക്കുമെന്നാണ് വാട്ട്‌സ്ആപ്പ് ബീറ്റ ഇന്‍ഫോ നല്‍കുന്ന സൂചന.

ഈയിടെ വാട്‌സ്ആപ്പ് പുറത്തിറക്കിയ പ്രധാന ഫീച്ചറുകളില്‍ ഒന്നാണ് പേയ്‌മെന്റ് ഫീച്ചര്‍. അക്കൗണ്ടിലെ ബാലന്‍സ് അടക്കം മനസിലാക്കാന്‍ വേണ്ടിയുള്ള ഫീച്ചറും പേയ്‌മെന്റ് സംവിധാനത്തിനൊപ്പം ലഭ്യമാണ്. വാട്‌സ്ആപ്പ് പേയ്‌മെന്റ് ഫീച്ചര്‍ ഉപയോഗിക്കാന്‍ നിങ്ങളുടെ ഡിവൈസില്‍ ആന്‍ഡ്രോയിഡ്, ഐഒഎസ് ഒഎസുകളുടെ ഏറ്റവും പുതിയ വേര്‍ഷന്‍ ഉണ്ടായിരിക്കണം. മാത്രമല്ല വാട്‌സ്ആപ്പ് നമ്പര്‍ ബാങ്ക് അക്കൗണ്ടുമായി ലിങ്ക് ചെയ്തിട്ടും ഉണ്ടായിരിക്കണം. ഇനി വാട്‌സ്ആപ്പ് വഴി അക്കൗണ്ട് ബാലന്‍സ് എങ്ങനെ പരിശോധിക്കാം എന്നതിനെക്കുറിച്ച് നോക്കാം…

ആദ്യം നിങ്ങളുടെ ഫോണില്‍ വാട്‌സ്ആപ്പ് തുറക്കുക.

നിങ്ങള്‍ ഉപയോഗിക്കുന്ന ആന്‍ഡ്രോയിഡ് ഡിവൈസ് ആണെങ്കില്‍ മോര്‍ ഓപ്ഷനില്‍ ടാപ്പ് ചെയ്യുക. ഐഫോണ്‍ യൂസ് ചെയ്യുന്നവര്‍ സെറ്റിങ്‌സിലും ടാപ്പ് ചെയ്യുക.

ഇപ്പോള്‍, പേയ്മെന്റുകളില്‍ ടാപ്പ് ചെയ്യുക.

അടുത്തതായി പേയ്മെന്റ് മെത്തേഡിന് താഴെ കാണാന്‍ കഴിയുന്ന ബാങ്ക് അക്കൗണ്ട് ഓപ്ഷനില്‍ ടാപ്പ് ചെയ്യുക.

ഇവിടെ, വ്യൂ അക്കൗണ്ട് ബാലന്‍സ് എന്ന ഓപ്ഷനില്‍ ടാപ്പ് ചെയ്ത് നിങ്ങളുടെ യുപിഐ പിന്‍ നല്‍കുക.

പണം അയയ്ക്കുന്ന സമയത്ത് അക്കൗണ്ട് ബാലന്‍സ് എങ്ങനെ പരിശോധിക്കാം?

പേയ്മെന്റ് മെസേജ് സ്‌ക്രീനില്‍ നിന്ന് ലഭ്യമായ പേയ്മെന്റ് മെത്തേഡ് ഓപ്ഷനില്‍ ടാപ്പ് ചെയ്യുക.

ശേഷം വ്യൂ അക്കൗണ്ട് ബാലന്‍സ് എന്ന ഓപ്ഷനില്‍ ടാപ്പ് ചെയ്യുക.

നിങ്ങളുടെ വാട്‌സ്ആപ്പ് അക്കൗണ്ടുമായി ഒന്നിലധികം ബാങ്ക് അക്കൗണ്ടുകള്‍ ലിങ്ക് ചെയ്തിട്ടുണ്ടെങ്കില്‍, ബാലന്‍സ് അറിയേണ്ട ബാങ്ക് അക്കൗണ്ട് തിരഞ്ഞെടുക്കുക.

അവസാനമായി നിങ്ങളുടെ യുപിഐ പിന്‍ നല്‍കുക. ഇപ്പോള്‍ നിങ്ങളുടെ അക്കൗണ്ടിലെ ബാലന്‍സ് അറിയാന്‍ കഴിയും.

ന്യൂയോര്‍ക്ക്: വാട്ട്‌സ്ആപ്പ് സ്റ്റാറ്റസില്‍ പുതിയ മാറ്റങ്ങള്‍ ആവിഷ്‌കരിക്കാനൊരുങ്ങുകയാണ് കമ്പനി ഇപ്പോള്‍. വാട്ട്‌സ്ആപ്പ് സ്റ്റാറ്റസ് ഇടാന്‍ എടുക്കുന്ന വീഡിയോ അല്ലെങ്കില്‍ സന്ദേശം സ്റ്റാറ്റസ് ആക്കുന്നതിനൊപ്പം തന്നെ അല്ലെങ്കില്‍ ഡയറക്ട് സന്ദേശമായി ആര്‍ക്കെങ്കിലും അയക്കാമെന്നതാണ് ഇതിന്റെ പുതിയ പ്രത്യേകത. വാട്ട്‌സ്ആപ്പ് ബീറ്റ ഇന്‍ഫോയാണ് ഈ കാര്യം പുറത്തുവിട്ടത്.

സ്റ്റാറ്റസ് സന്ദേശം ആര്‍ക്കാണോ ഡയറക്ട് സന്ദേശമായി അയക്കേണ്ടത് അത് അയക്കും മുന്‍പ് എഡിറ്റ് ചെയ്യാനുള്ള സംവിധാനവും ലഭ്യമാക്കും. ഇന്‍സ്റ്റഗ്രാമില്‍ അടക്കം ഈ ഫീച്ചര്‍ നേരത്തെ തന്നെ ലഭ്യമാണ്. ഇതാണ് ഇപ്പോള്‍ വാട്ട്‌സ്ആപ്പിലേക്ക് മെറ്റ എടുക്കുന്നത്.

അതേസമയം പുതുവര്‍ഷത്തോടനുബന്ധിച്ച് നിരവധി ഫീച്ചറുകള്‍ വാട്ട്‌സ്ആപ്പ് ഇപ്പോള്‍ തന്നെ പരീക്ഷിക്കുന്നുണ്ടെന്നാണ് റിപ്പോര്‍ട്ടുകള്‍. അതില്‍ പ്രധാനപ്പെട്ടത് വാട്ട്‌സ്ആപ്പ് വോയിസ് സന്ദേശങ്ങളുടെ യൂസര്‍ ഇന്റര്‍ഫേസ് അടക്കം മാറ്റുന്നതാണ്.

പുതിയ പുതിയ ഫീച്ചറുകളും ട്രിക്കുകളും കൊണ്ട് ഉപയോക്താക്കളുടെ മനംമയക്കുകയാണ് വാട്‌സ്ആപ്പ്. ആപ്ലിക്കേഷനില്‍ നിങ്ങളുടെ പേര് അദൃശ്യമായി സൂക്ഷിക്കാന്‍ ഉള്ള ഓപ്ഷനെ കുറിച്ചാണ് ഇവിടെ പറയുന്നത്. സാധാരണ ഗതിയില്‍ വാട്‌സ്ആപ്പില്‍ നിങ്ങളുടെ പേര് ചേര്‍ക്കുന്ന സ്റ്റെപ്പുകള്‍ ഒഴിവാക്കാന്‍ കഴിയില്ല. എന്നാല്‍, സ്വകാര്യത സംരക്ഷിക്കുന്നതിന് ഏറെ സഹായകരമാണ് പേര് അദൃശ്യമാക്കി വെക്കുന്ന ട്രിക്ക്.

പേര് എങ്ങനെ അദൃശ്യമാക്കാം

ആദ്യം നിങ്ങളുടെ മൊബൈലിലും പിസിയിലും വാട്‌സ്ആപ്പ് ആപ്പ് ലോഞ്ച് ചെയ്യുക.

അടുത്തതായി ഈ രണ്ട് ചിഹ്നങ്ങള്‍ കോപ്പി ചെയ്യുക. ചിഹ്നങ്ങള്‍: ( ,)
തുടര്‍ന്ന് സെറ്റിങ്‌സ് ഓപ്ഷനിലേക്ക് പോകുക.

നിങ്ങളുടെ നിലവിലെ വാട്‌സ്ആപ്പ് പേരില്‍ ടാപ്പ് ചെയ്യുക, തുടര്‍ന്ന് പെന്‍സില്‍ ഐക്കണില്‍ ടാപ്പ് ചെയ്യുക.

നിങ്ങള്‍ നേരത്തെ പകര്‍ത്തിയ ചിഹ്നങ്ങള്‍ ഇവിടെ പേസ്റ്റ് ചെയ്യുക. ശേഷം പേസ്റ്റ് ചെയ്തവയില്‍ നിന്നും അമ്പടയാള ചിഹ്നം, അതായത് ( ) നീക്കം ചെയ്യുക.

ശേഷം ഓകെ ബട്ടണില്‍ ബട്ടണില്‍ ടാപ്പ് ചെയ്യുക. ഇത്രയും സ്റ്റെപ്പുകള്‍ പൂര്‍ത്തിയാക്കിയാല്‍ നിങ്ങളുടെ പേര് വാട്‌സ്ആപ്പില്‍ നിന്നും അപ്രത്യക്ഷമാകും.