മഹാരാഷ്ട്രയിലെ ആശുപത്രിയില് ഓക്സിജന് ചോര്ച്ച : 22 രോഗികള് മരിച്ചു
മുംബൈ: മഹാരാഷ്ട്രയില് ആശുപത്രിയില് 22 രോഗികള് മരിച്ചു. ഓക്സിജന് ടാങ്ക് ചോര്ന്നതിനെ തുടര്ന്ന് ശ്വാസം കിട്ടാതെയാണ് രോഗികള് മരിച്ചത്. നാസിക്കിലെ ഡോ.സക്കീര് ഹുസൈന് ആശുപത്രിയിലാണ് അപകടം. ബുധനാഴ്ച ഉച്ചയോടെ ആശുപത്രിക്ക് പുറത്തെ ഓക്സിജന് ടാങ്ക് നിറയ്ക്കുന്നതിനിടെയാണ് ടാങ്കില് ചോര്ച്ചയുണ്ടായത്. ടാങ്ക് ചോര്ന്നതിനെ തുടര്ന്ന് അര മണിക്കൂറോളം ആശുപത്രിയിലേക്കുള്ള ഓക്സിജന് വിതരണം തടസപ്പെട്ടിരുന്നു. അപകടം നടന്ന ഉടന് സ്ഥലത്തെത്തിയ അഗ്നിരക്ഷാ സേന ഉദ്യോഗസ്ഥര് ചോര്ച്ച അടയ്ക്കാനുള്ള ശ്രമം തുടരുകയാണ്.സംഭവത്തില് അന്വേഷണത്തിന് ഉത്തരവിട്ടതായും അപകടത്തിന്റെ ഉത്തരവാദികള് രക്ഷപ്പെടില്ലെന്നും കേന്ദ്രമന്ത്രി രാജേന്ദ്ര ഷിംഗേന് വ്യക്തമാക്കി.