അയോദ്ധ്യയിലേയ്ക്കായി ശ്രീപദ്‌മനാഭ സ്വാമിയുടെ സമ്മാനമായി ഓണവില്ല്

On: January 16, 2024

അയോദ്ധ്യയിലേയ്ക്കായി ശ്രീപദ്‌മനാഭ സ്വാമിയുടെ സമ്മാനമായി ഓണവില്ല്. പദ്‌മനാഭ സ്വാമി ക്ഷേത്രത്തിൽ നിന്നും രണ്ട് ഓണവില്ലുകളാണ് അയോദ്ധ്യയിലേക്ക് നൽകുന്നത്. ജനുവരി 18ന് കിഴക്കേ നടയിലെ ചടങ്ങിൽ പ്രതിനിധികളുടെ കയ്യിൽ ഓണവില്ലുകൾ കൈമാറും. അവിട്ടം തിരുനാൾ ആദിത്യവർമ്മയാണ് ഓണവില്ലുകൾ കൈമാറുന്നത്. ഓണവില്ലുകൾ തയ്യാറിയിരിക്കുന്നത് കവടിയാർ കൊട്ടാരത്തിന്റെ വകയായും ക്ഷേത്രത്തിന്റെ വകയായുമാണ്. ഇന്നും നാളെയുമായി അഗ്രശാലയിലെ ഊഞ്ഞാൽ മണ്ഡപത്തിൽ സ്ഥാപിച്ചിട്ടുള്ള ഓണവില്ലുകൾ ദർശിക്കാൻ ഭക്തർക്ക് അവസരവുമുണ്ട്. ഐതിഹ്യപ്രകാരം രാമാവതാരത്തിന് മുമ്പുള്ള യോഗഭാവത്തിലാണ് ശ്രീപദ്‌മനാഭസ്വാമി ക്ഷേത്രത്തിലെ പ്രതിഷ്‌ഠ. ശ്രീരാമഭാവത്തെ പ്രതിനിധീകരിച്ചാണ് ചിങ്ങമാസത്തിലെ തിരുവോണത്തിൽ പദ്‌മനാഭന് ഓണവില്ല് ചാർത്തുന്നതും.

Previous Post: അമേരിക്കൻ ചരക്ക് കപ്പലിൽ ഹൂതി മിസൈൽ ആക്രമണം; തീപടർന്നു

Next Post: അഗ്നിപർവത സ്ഫോടനങ്ങൾ; ഗ്രിൻഡാവിക് നഗരത്തിലേക്ക് ലാവ ഒഴുകി, വീടുകൾക്ക് തീപിടിച്ചു

ബിജെപിയുമായി നേരിട്ട് ചേർന്ന് പ്രവർത്തിക്കുകയാണ്; ഉവൈസിക്കെതിരെ ആഞ്ഞടിച്ച് പ്രിയങ്കാ ഗാന്ധി

റായ്ബറേലി: ഓൾ ഇന്ത്യ മജ്ലിസെ ഇത്തിഹാദുൽ മുസ്ലിമീൻ അധ്യക്ഷൻ അസദുദ്ദീൻ ഉവൈസിക്കെതിരെ ആഞ്ഞടിച്ച് കോൺഗ്രസ് നേതാവ് പ്രിയങ്കാ ഗാന്ധി. ഉവൈസി ബിജെപിക്കൊപ്പം ചേർന്ന് പ്രവർത്തിക്കുകയാണെന്നായിരുന്നു പ്രിയങ്കാ ഗാന്ധിയുടെ വിമർശനം. ഇക്കാര്യം താൻ നിങ്ങളോട് പലപ്പോഴായി പറഞ്ഞതാണ്. അസദുദ്ദീൻ ഉവൈസി ബിജെപിയുമായി നേരിട്ട് ചേർന്ന് പ്രവർത്തിക്കുകയാണെന്ന് പ്രിയങ്ക കുറ്റപ്പെടുത്തി. എവിടെയെങ്കിലും ബിജെപിക്ക് മറ്റു പാർട്ടികൾക്ക് ദോഷകരമാകുന്ന രീതിയിൽ ആരെയെങ്കിലും രംഗത്തിറക്കണമെന്നുണ്ടെങ്കിൽ അവിടെയൊക്കെ ഉവൈസിയെത്തി അത് നിർവഹിച്ചുകൊടുക്കുകയാണ്. തെലങ്കാന തെരഞ്ഞെടുപ്പിൽ അത് വളരെ വ്യക്തമായിരുന്നുവെന്ന് പ്രിയങ്കാ ഗാന്ധി അറിയിച്ചു. ബിജെപി മതം, ജാതി, അമ്പലം-പള്ളി തുടങ്ങിയവയെക്കുറിച്ചാണ് സംസാരിക്കുന്നത്. രാജ്യത്തെ ജനങ്ങളെ ബാധിക്കുന്ന യഥാർഥ വിഷയങ്ങളെക്കുറിച്ച് അവർ ഒന്നും മിണ്ടുന്നില്ല. റായ്ബറേലിയിലെ ജനങ്ങളും കോൺഗ്രസുമായുള്ള ബന്ധത്തിന് 100 വർഷത്തിലേറെ പഴക്കമുണ്ട്. അതൊരു പുതുയുഗത്തിൽ പ്രവേശിക്കുകയാണിപ്പോൾ. ഒരിക്കൽകൂടി ആ നേതൃത്വത്തിന് ഒരുങ്ങിയിരിക്കുകയാണ് റായ്ബറേലി മണ്ഡലമെന്നും പ്രിയങ്ക കൂട്ടിച്ചേർത്തു.
പുഷ്പമേള; തിരക്ക് നിയന്ത്രിക്കാൻ ക്യുആർ കോഡ് സഹിതമുള്ള ലഘുലേഖയുമായി നീലഗിരി പൊലീസ്

ഊട്ടി: വിനോദസഞ്ചാരികളുടെ സുഗമമായ സഞ്ചാരത്തിനു വഴിയൊരുക്കാൻ നടപടികളുമായി നീലഗിരി പോലീസ്. ഇതിനായി ക്യുആർ കോഡ് സഹിതമുള്ള ലഘുലേഖയുമായാണ് നീലഗിരി പൊലീസ് ടൂറിസം വിങ് രംഗത്തെത്തിയിരിക്കുന്നത്. ജില്ലാ പൊലീസ് സൂപ്രണ്ട് പി സുന്ദരവടിവേലിന്റെ നേതൃത്വത്തിൽ 30,000 ലഘുലേഖകളാണ് വിതരണം ചെയ്യുന്നത്. സസ്യോദ്യാനം, റോസ് ഗാർഡൻ, ബോട്ട് ഹൗസ്, കർണാടക പാർക്ക്, ദൊഡ്ഡബെട്ട, പൈക്കാര ബോട്ട് ഹൗസ്, ഷൂട്ടിങ് സ്ഥലങ്ങൾ തുടങ്ങിയവയിലേക്കുള്ള വഴി ഈ ക്യുആർ കോഡ് സ്‌കാൻ ചെയ്താൽ അറിയാൻ കഴിയുന്നതാണ്. മെയ് 10 ന് ആണ് പുഷ്പമേള ആരംഭിക്കുന്നത്. പുഷ്പമേളയുടെ തിരക്ക് നിയന്ത്രിക്കാനായി 600 പൊലീസുകാരെ നിയമിച്ചിട്ടുണ്ട്. കോയമ്പത്തൂർ, തിരുപ്പൂർ, ഈറോഡ് തുടങ്ങിയ ജില്ലകളിൽ നിന്നുള്ള പോലീസിനെ ഉൾപ്പെടെ ഡ്യൂട്ടിക്കു നിയോഗിച്ചതായി എസ്പി അറിയിച്ചു. അതേസമയം, ഊട്ടിയിൽ പുഷ്പമേള തുടങ്ങുന്ന 10ന് നീലഗിരി ജില്ലയിൽ പ്രാദേശിക അവധി പ്രഖ്യാപിച്ചു. പുഷ്പമേളയും റോസ് ഷോയും ഒരേ ദിവസമാണ് ആരംഭിക്കുന്നത്. ജില്ലയിലെ വിദ്യാലയങ്ങൾക്കും സംസ്ഥാന സർക്കാർ സ്ഥാപനങ്ങൾക്കും അവധി ബാധകമാണ്.
സംസ്ഥാനത്തെ വൈദ്യുതി പ്രതിസന്ധി നിയന്ത്രണ വിധേയം; മന്ത്രി കെ കൃഷ്ണൻകുട്ടി

തിരുവനന്തപുരം: കടുത്ത ഉഷ്ണ തരംഗം തുടരുന്നതിനാൽ താൽക്കാലികമായി സംസ്ഥാനത്ത്
തിരുവിതാംകൂർ ദേവസ്വം ബോർഡ് ക്ഷേത്രങ്ങളിൽ അരളിപ്പൂവ് ഒഴിവാക്കും; പി എസ് പ്രശാന്ത്

തിരുവനന്തപുരം: ഇനി മുതൽ തിരുവിതാംകൂർ ദേവസ്വം ബോർഡ് ക്ഷേത്രങ്ങളിൽ അരളിപ്പൂവ് ഒഴിവാക്കും. അരളിപ്പൂവിൽ നിന്നുള്ള വിഷമേറ്റ് യുവതി മരിച്ചുവെന്ന സംശയം ശക്തമാകുന്ന പശ്ചാത്തലത്തിലാണ് തിരുവിതാംകൂർ ദേവസ്വം ബോർഡ് ഇതുസംബന്ധിച്ച തീരുമാനം എടുത്തത്. പൂജയ്ക്ക് ഉപയോഗിക്കുന്നതിൽ തടസമില്ല. എന്നാൽ നിവേദ്യസമർപ്പണം, അർച്ചന, പ്രസാദം തുടങ്ങിയവയ്ക്ക് ഉപയോഗിക്കില്ലെന്നാണ് തീരുമാനം. തിരുവതാംകൂർ ദേവസ്വം പ്രസിഡന്റ് പി എസ് പ്രശാന്താണ് ഇക്കാര്യം അറിയിച്ചത്. അരളിക്ക് പകരം പിച്ചിയും തുളസിയുമെല്ലാം ഉപയോഗിക്കുമെന്നും അദ്ദേഹം പറഞ്ഞു. സമൂഹത്തിൽ നിലവിൽ ആകെ പടർന്നിട്ടുള്ള ആശങ്ക പരിഗണിച്ചാണ് ശ്രദ്ധേയമായ തീരുമാനം. നാളെ മുതൽ തന്നെ തീരുമാനം പ്രാബല്യത്തിൽ വരുന്നതാണ്. കഴിഞ്ഞ ദിവസം ഹരിപ്പാട് സ്വദേശി സൂര്യ സുരേന്ദ്രൻ എന്ന യുവതി നെടുമ്പാശേരി വിമാനത്താവളത്തിൽ കുഴഞ്ഞു വീണു മരിച്ചിരുന്നു. അരളിയുടെ ഇലയോ പൂവോ നുള്ളി വായിലിട്ടു ചവച്ചതു മൂലമാണ് സൂര്യമരിച്ചതെന്നാണ് പ്രാഥമിക പോസ്റ്റുമോർട്ടം റിപ്പോർട്ടിൽ വ്യക്തമാക്കിയിരിക്കുന്നത്. യുകെയിലേക്ക് പോകാൻ വിമാനത്താവളത്തിലെത്തിയപ്പേഴാണ് സൂര്യ കുഴഞ്ഞുവീണ് മരിച്ചത്. അയൽവാസികളോട് യാത്ര പറയാനെത്തിയപ്പോൾ അശ്രദ്ധമായി അരളിപ്പൂവ് ചവയ്ക്കുകയും കുറച്ച് ഭാഗം അറിയാതെ വിഴുങ്ങുകയും ചെയ്തിരുന്നുവെന്ന് സൂചനയുണ്ട്. ആന്തരിക അവയവങ്ങളുടെ ഫോറൻസിക് പരിശോധനാ ഫലം കൂടി ലഭിച്ചാൽ മാത്രമേ മരണ കാരണം എന്താണെന്ന് വ്യക്തമാകൂ. ലണ്ടനിൽ ജോലി കിട്ടി പുറപ്പെടുന്നതിന് മുമ്പ് അയൽവീട്ടിലേക്ക് യാത്ര പറയാൻ പോയിരുന്നു. ഇതിനിടെയാണ് ഫോണിൽ സംസാരിക്കവെ മുറ്റത്ത് പൂചെടിയിൽ വളർത്തുന്ന അരുളിയുടെ ഇലയും പൂവും നുള്ളി സൂര്യ വായിലിട്ട് ചവച്ചത്. തുടർന്ന് വിമാനത്താവളത്തിലേക്ക് പുറപ്പെട്ട സൂര്യ വഴിനീളെ ഛർദ്ദിച്ചു. ഇമിഗ്രേഷൻ ചെക്കിംഗിനിടെ കുഴഞ്ഞുവീണ സൂര്യയെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
പടക്കനിർമ്മാണ ശാലയിൽ പൊട്ടിത്തെറി; 8 പേർ മരിച്ചു

ചെന്നൈ: പടക്കനിർമ്മാണ ശാലയിൽ പൊട്ടിത്തെറി. തമിഴ്‌നാട്ടിലെ ശിവകാശിയിലാണ് സംഭവം. അപകടത്തിൽ അഞ്ച് സ്ത്രീകൾ ഉൾപ്പെടെ 8 പേർ മരിച്ചുവെന്നാണ് റിപ്പോർട്ട്. 7 പേർക്ക് പരുക്കേൽക്കുകയും ചെയ്തിട്ടുണ്ട്. പടക്ക നിർമ്മാണശാലയിൽ ജോലി ചെയ്യുന്നവരാണ് മരണപ്പെട്ടവരെല്ലാം. ഇതിൽ ഒരാളുടെ നില അതീവഗുരുതരമാണെന്ന് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നു. അപകട സ്ഥലത്ത് രക്ഷാ പ്രവർത്തനം തുടരുന്നുണ്ട്. രാസവസ്തുക്കൾ കലർത്തുമ്പോഴുള്ള ഘർഷണമാണ് സ്‌ഫോടനത്തിലേക്ക് നയിച്ചതെന്നാണ് അധികൃതരുടെ പ്രാഥമിക വിലയിരുത്തൽ. സംഭവത്തിൽവിശദമായ അന്വേഷണം നടത്തുമെന്ന് ജില്ലാ എസ്പി കെ ഫിറോസ് ഖാൻ അബ്ദുള്ള അറിയിച്ചു. അപകടത്തിൽ തമിഴ്‌നാട് മുഖ്യമന്ത്രി എം കെ സ്റ്റാലിൻ അനുശോചനം രേഖപ്പെടുത്തി. തെരഞ്ഞെടുപ്പ് പെരുമാറ്റച്ചട്ടം നിലനിൽക്കുന്ന സാഹചര്യത്തിൽ തിരഞ്ഞെടുപ്പ് കമ്മീഷന്റെ അനുമതി ലഭിച്ച ശേഷം ദുരിതബാധിത കുടുംബങ്ങൾക്ക് സഹായം നൽകുമെന്നും അദ്ദേഹം വ്യക്തമാക്കി.