Sports (Page 62)

On:

കോഴിക്കോട്: സന്തോഷ് ട്രോഫിയില്‍ ആന്ധ്രാപ്രദേശിനെ എതിരില്ലാത്ത അഞ്ച് ഗോളിന് തകര്‍ത്ത് കേരളം. നിജോ ഗില്‍ബര്‍ട്ട്, മുഹമ്മദ് സലീം, അബ്ദുറഹീം, വിശാഖ് മോഹനന്‍, ക്യാപ്റ്റന്‍ വിഗ്‌നേഷ് എന്നിവരാണ് കേരളത്തിനായി വലകുലുക്കിയത്. ജയത്തോടെ ഗ്രൂപ്പ് രണ്ടില്‍ കേരളം ഒന്നാം സ്ഥാനത്തെത്തി.

കോഴിക്കോട് കോര്‍പ്പറേഷന്‍ സ്റ്റേഡിയത്തില്‍ അരങ്ങേറിയ മത്സരത്തില്‍ പതിനഞ്ചാം മിനിറ്റില്‍ നേടിയ ഗോളിലൂടെ നിജോ ഗില്‍ബര്‍ട്ടാണ് കേരളത്തിന്റെ ഗോള്‍വേട്ടക്ക് തുടക്കം കുറിച്ചത്. മൂന്ന് മിനിറ്റിനകം മുഹമ്മദ് സലീം കേരളത്തിനായി വീണ്ടും വലകുലുക്കി. ആദ്യ പകുതി അവസാനിക്കാന്‍ മിനിറ്റുകള്‍ മാത്രം ബാക്കി നില്‍ക്കേ അബ്ദുറഹീം കേരളത്തിനായി മൂന്നാം ഗോള്‍ കണ്ടെത്തി.

മത്സരത്തിന്റെ 52 ആം മിനിറ്റില്‍ കേരളം വീണ്ടും ലീഡുയര്‍ത്തി. ഇക്കുറി വിശാഖ് മോഹനന്റെ ഊഴമായിരുന്നു. ഒടുവില്‍ 62 ആം മിനിറ്റില്‍ ക്യാപ്റ്റന്‍ വിഘ്‌നേഷിലൂടെ കേരളം ഗോള്‍ പട്ടിക പൂര്‍ത്തിയാക്കി. മത്സരത്തില്‍ ഗോളെന്നുറപ്പിച്ച നിരവധി അവസരങ്ങളാണ് കേരളം പാഴാക്കിയത്. കഴിഞ്ഞ കളിയില്‍ നിന്ന് ഒരു മാറ്റവുമായാണ് കേരളം മൂന്നാം മല്‍സരത്തിനിറങ്ങിയത്. വി.മിഥുന് പകരം എം വിഘ്‌നേശാണ് ടീമിനെ നയിച്ചത്.

On:

തിരുവനന്തപുരം: കാര്യവട്ടം സ്‌പോര്‍ട്‌സ് ഹബ് സ്റ്റേഡിയത്തില്‍ നടക്കാനിരിക്കുന്ന ഇന്ത്യ-ശ്രീലങ്ക ഏകദിന ക്രിക്കറ്റ് മത്സരത്തിന്റെ ടിക്കറ്റ് വില്‍പ്പന സെപ്റ്റംബര്‍ ഏഴ് മുതല്‍ ആരംഭിക്കും. സെപ്റ്റംബറില്‍ നടക്കുന്ന ഇന്ത്യ-ദക്ഷിണാഫ്രിക്ക ടി20 മത്സരത്തിനുള്ള ടിക്കറ്റിനേക്കാള്‍ ഇത്തവണ നിരക്ക് കുറയ്ക്കാന്‍ കേരള ക്രിക്കറ്റ് അസോസിയേഷന്‍ (കെസിഎ) തീരുമാനിച്ചു.

സര്‍ക്കാരില്‍ നിന്നുള്ള വിനോദ നികുതി ഇളവിന്റെ അടിസ്ഥാനത്തില്‍ നിരക്കുകള്‍ അന്തിമമാക്കുമെന്ന് കെസിഎ പ്രസിഡന്റ് ജയേഷ് ജോര്‍ജ് പറഞ്ഞു. ഏകദിന പരമ്ബരയിലെ അവസാന മത്സരം 15ന് തിരുവനന്തപുരത്ത് നടക്കും.

On:

ഡല്‍ഹിയില്‍ നിന്ന് ഉത്തരാഖണ്ഡിലെ റൂര്‍ക്കിയിലുള്ള വീട്ടിലേക്ക് പോകുമ്‌ബോഴായിരുന്നു ഇന്ത്യന്‍ ക്രിക്കറ്റ് താരം ഋഷഭ് പന്തിന്റെ കാറപകടം. ഡ്രൈവിങ്ങിനിടയില്‍ ഉറങ്ങിപ്പോയതായിരുന്നു അപകട കാരണം. ഇതിനിടെയാണ് പന്തിന്റെ പഴയ ഒരു വീഡിയോ സോഷ്യല്‍ മീഡിയയില്‍ വൈറലാകുന്നത്.

ക്രിക്കറ്റ് താരം ശിഖര്‍ ധവാനും ഋഷഭ് പന്തും തമ്മിലുള്ള സംഭാഷണമാണ് വീഡിയോയിലുള്ളത്. എന്തെങ്കിലും ഉപദേശം നല്‍കാനുണ്ടോയെന്ന് ഋഷഭ് പന്ത് ചോദിക്കുമ്‌ബോള്‍ ശിഖര്‍ ധവാന്‍ പറയുന്ന മറുപടിയാണ് ഇപ്പോള്‍ വൈറലാകുന്നത്. ഗാഡി അരം സേ ചലായ കര്‍ എന്നായിരുന്നു ധവാന്റെ മറുപടി. ശ്രദ്ധിച്ച് വാഹനമോടിക്കണമെന്നാണ് ഇതിനര്‍ത്ഥം. 2019ലാണ് ഈ വീഡിയോ പോസ്റ്റ് ചെയ്യപ്പെട്ടിരിക്കുന്നത്. അന്ന് ധവാന്‍ നല്‍കിയ ഉപദേശം ശരിയായിരുന്നുവെന്ന് വീഡിയോയ്ക്ക് താഴെ കമന്റുകള്‍ ഉയരുകയാണ്.

കാറപകടത്തിന്റെ പശ്ചാത്തലത്തില്‍ ഈ ഹ്രസ്വ വീഡിയോ നിരവധി പേരാണ് പങ്കുവക്കുന്നത്. ട്വിറ്ററില്‍ വൈറലായിക്കൊണ്ടിരിക്കുകയാണ് വീഡിയോ.

On:

ബിസിസിഐയുടെ ഉന്നത ഉദ്യോഗസ്ഥര്‍ ജനുവരി 1 ഞായറാഴ്ച മുംബൈയില്‍ ക്യാപ്റ്റന്‍ രോഹിത് ശര്‍മയ്ക്കും മുഖ്യ പരിശീലകന്‍ രാഹുല്‍ ദ്രാവിഡിനുമൊപ്പം 2022 ടി20 ലോകകപ്പിലെ ഇന്ത്യയുടെ മങ്ങിയ പ്രകടനം അവലോകനം ചെയ്യും.

ദ്രാവിഡിനും രോഹിതിനും പുറമേ, നിലവില്‍ ദേശീയ ക്രിക്കറ്റ് അക്കാദമിയുടെ (എന്‍സിഎ) തലവനായ വിവിഎസ് ലക്ഷ്മണും നിര്‍ണായക യോഗത്തിന്റെ ഭാഗമാകുമെന്ന് പ്രതീക്ഷിക്കുന്നു. ജനുവരി 3 ന് ആരംഭിക്കാനിരിക്കുന്ന ശ്രീലങ്കയുടെ വരാനിരിക്കുന്ന പരിമിത ഓവര്‍ പരമ്ബരയിലെ ഇന്ത്യന്‍ പര്യടനത്തിന് മുന്നോടിയായാണ് ഈ കൂടിക്കാഴ്ച നടക്കുന്നത്. ട്വന്റി20 ലോകകപ്പിന്റെ രണ്ടാം സെമിയില്‍ ജോസ് ബട്ട്ലറുടെ നേതൃത്വത്തില്‍ ഇംഗ്ലണ്ട് ടീമിന്റെ കൈകളില്‍നിന്ന് ഇന്ത്യ നാണംകെട്ട തോല്‍വി ഏറ്റുവാങ്ങി.

ഐസിസി കപ്പ് നേടിയെടുക്കാനുള്ള ഇന്ത്യയുടെ നീണ്ട വരള്‍ച്ചയ്ക്ക് അറുതിവരുത്താമെന്ന ഇന്ത്യയുടെ പ്രതീക്ഷയുടെ വാതിലുകള്‍ ഈ തോല്‍വി അടച്ചു. 2013ലാണ് ഇന്ത്യ അവസാനമായി ഒരു പ്രധാന ഐസിസി ടൂര്‍ണമെന്റ് വിജയിച്ചത്. എംഎസ് ധോണിയുടെ നേതൃത്വത്തില്‍ ഒരു യുവ ഇന്ത്യന്‍ ടീം ആതിഥേയരായ ഇംഗ്ലണ്ടിനെ ടൂര്‍ണമെന്റിന്റെ ഉച്ചകോടിയില്‍ അഞ്ച് റണ്‍സിന് പരാജയപ്പെടുത്തിയിരുന്നു. 2007ല്‍ ദക്ഷിണാഫ്രിക്കയില്‍ നടന്ന ആദ്യ ഐസിസി വേള്‍ഡ് ടി20യും 2011ല്‍ ഇന്ത്യന്‍ ഉപഭൂഖണ്ഡത്തില്‍ ഐസിസി 50 ഓവര്‍ ലോകകപ്പും നേടിയ എംഎസ് ധോണിയുടെ മൂന്നാമത്തെ പ്രധാന ഐസിസി കിരീടമാണിത്.
ഈ വര്‍ഷം ഓസ്ട്രേലിയയില്‍ നടക്കുന്ന ടി20 ലോകകപ്പിനുള്ള ഇന്ത്യന്‍ ടീമിനെ തിരഞ്ഞെടുത്ത മുന്‍ ഇന്ത്യന്‍ പേസര്‍ ചേതന്‍ ശര്‍മ്മയുടെ നേതൃത്വത്തിലുള്ള സെലക്ഷന്‍ കമ്മിറ്റിക്ക് ഇന്ത്യയുടെ അപ്രതീക്ഷിത പുറത്താകലിന്റെ പ്രത്യാഘാതങ്ങള്‍ നേരിടേണ്ടി വന്നു.

On:

രഞ്ജി ട്രോഫി മത്സരത്തില്‍ ഛത്തീസ്ഗഡിനെതിരായ 126 റണ്‍സ് വിജയലക്ഷ്യം വെറും 19.1 ഓവറില്‍ കേരളം മറികടന്നു. തുമ്ബ സെന്റ് സേവ്യേഴ്സ് കോളേജ് ഗ്രൗണ്ടില്‍ നടന്ന എലൈറ്റ് ഗ്രൂപ്പ് സിയില്‍ രണ്ടാം ജയം രേഖപ്പെടുത്തി അവസാന ദിവസത്തെ കളിയുടെ ആദ്യ സെഷനില്‍ ഏഴു വിക്കറ്റിന് ആതിഥേയര്‍ വിജയികളായി. ഓപ്പണര്‍ പി രാഹുല്‍ 58 പന്തില്‍ പുറത്താകാതെ 66 റണ്‍സ് നേടി വിജയം വേഗത്തിലാക്കി. അഞ്ച് ഫോറും മൂന്ന് സിക്സറുമാണ് സൗത്ത്പാവ് അടിച്ചുകൂട്ടിയത്.

ഓപ്പണിംഗ് വിക്കറ്റില്‍ രോഹന്‍ കുന്നുമ്മലിനൊപ്പം (27 പന്തില്‍ 40) രാഹുല്‍ 86 റണ്‍സ് കൂട്ടിച്ചേര്‍ത്തു. സച്ചിന്‍ ബേബിയും (1), അക്ഷയ് ചന്ദ്രനും (10) വിലകുറഞ്ഞെങ്കിലും, ജലജ് സക്സേനയ്ക്കൊപ്പം (0 നോട്ടൗട്ട്) രാഹുല്‍ കേരളത്തെ വീട്ടിലെത്തിച്ചു. ഛത്തീസ്ഗഡിനായി ഇടംകൈയ്യന്‍ സ്പിന്നര്‍ സുമിത് റൂയിക്കര്‍ രണ്ട് വിക്കറ്റ് വീഴ്ത്തി.11/123 എന്ന മാച്ച് ഹോളിന് സക്സേന മാന്‍ ഓഫ് ദ മാച്ച് ആയി തിരഞ്ഞെടുക്കപ്പെട്ടു.

മൂന്ന് മത്സരങ്ങളില്‍ നിന്ന് 13 പോയിന്റുള്ള കേരളത്തിന് അടുത്ത മത്സരം ചൊവ്വാഴ്ച മുതല്‍ ഇതേ വേദിയില്‍ ഗോവയാണ്.

On:

പാരിസ്: അര്‍ജന്റീന ഗോള്‍കീപ്പര്‍ എമിലിയാനോ മാര്‍ട്ടിനസ് ലോകകപ്പ് ഫൈനല്‍ ആഘോഷത്തിനിടെ നടത്തിയ പരിഹാസങ്ങളോടും അധിക്ഷേപങ്ങളോടും പ്രതികരിച്ച് ഫ്രഞ്ച് താരം കിലിയന്‍ എംബാപ്പെ. അത്തരം കാര്യങ്ങള്‍ക്ക് ഊര്‍ജം കളയാനില്ലെന്നും മത്സരശേഷം ലയണല്‍ മെസിയുമായി സംസാരിക്കുകയും അഭിനന്ദനം അറിയിക്കുകയും ചെയ്തിരുന്നുവെന്നും എംബാപ്പെ വെളിപ്പെടുത്തി.

‘ലോകകപ്പ് ഫൈനലിലെ പരാജയം പ്രയാസകരമായിരുന്നു. ഇന്ന് ജയിച്ചപ്പോള്‍ ആശ്വാസം തോന്നിയതു അതുകൊണ്ടാണ്. എനിക്ക് അവസാന ഗോള്‍ നേടാനുമായി. ഫ്രഞ്ച് സംഘത്തിന്റെ ലോകകപ്പ് ഫൈനല്‍ തോല്‍വി എന്റെ ക്ലബിന്റെ തെറ്റല്ല. ഇനി പി.എസ്.ജിക്കു വേണ്ടി എല്ലാം സമര്‍പ്പിക്കും. ഫൈനലിനുശേഷം ഞാന്‍ മെസിയോട് സംസാരിക്കുകയും അഭിനന്ദിക്കുകയും ചെയ്തിരുന്നു. ജീവിതകാലം മുഴുവന്‍ അദ്ദേഹം കാത്തിരുന്നത് അതിനായിരുന്നു. ഞാനും അതിനു തന്നെയാണ് കാത്തിരുന്നതെങ്കിലും പരാജയപ്പെട്ടു’-എംബാപ്പെ ചൂണ്ടിക്കാട്ടി.

ലോകകപ്പ് ഫൈനലിനു ശേഷം മാര്‍ട്ടിനസ് നടത്തിയ വംശീയാധിക്ഷേപത്തെക്കുറിച്ചും പരിഹാസങ്ങളെക്കുറിച്ചും താരം നിലപാട് വ്യക്തമാക്കി. ‘എപ്പോഴും നീതിയുക്തമായി പെരുമാറുന്ന താരമായിരിക്കണം. (അദ്ദേഹത്തിന്റെ) ആഘോഷങ്ങള്‍ എന്റെ പ്രശ്നമല്ല. അത്തരം അസംബന്ധങ്ങള്‍ക്കു വേണ്ടി ഞാന്‍ സമയം പാഴാക്കില്ല.’-എംബാപ്പെ കൂട്ടിച്ചേര്‍ത്തു. ലോകകപ്പ് വിജയത്തിനു ശേഷം എംബാപ്പെയ്ക്കു വേണ്ടി ഒരു മിനിറ്റ് മൗനമാചരിക്കുന്നുവെന്നു പറഞ്ഞായിരുന്നു ഡ്രെസിങ് റൂമില്‍ എമി മാര്‍ട്ടിനസിന്റെ പരിഹാസം. പിന്നീട് അര്‍ജന്റീന തലസ്ഥാനമായ ബ്യൂണസ് അയേഴ്സില്‍ തുറന്ന വാഹനത്തില്‍ കിടീരവുമായി നടന്ന വിജയാഘോഷയാത്രയിലും മാര്‍ട്ടിനസ് എംബാപ്പെയ്ക്കെതിരെ അധിക്ഷേപം തുടര്‍ന്നു. എംബാപ്പെയുടെ മുഖം ഒട്ടിച്ച പാവയും കൈയില്‍ പിടിച്ചായിരുന്നു ആഘോഷം.

On:

റിയാദ്: പോര്‍ച്ചുഗീസ് സൂപ്പര്‍ താരം ക്രിസ്റ്റ്യാനോ റൊണാള്‍ഡോ സൗദിയിലെ അല്‍-നസര്‍ ക്ലബ്ബുമായി കരാര്‍ ഒപ്പുവച്ചു. പരസ്യവരുമാനമടക്കം 200 മില്യണ്‍ ഡോളര്‍ (ഏകദേശം 1950 കോടി രൂപ) വാര്‍ഷിക വരുമാനത്തോടെ രണ്ടര വര്‍ഷത്തേക്കാണ് കരാര്‍. പുതുവര്‍ഷമായ നാളെ മുതല്‍ കരാര്‍ പ്രാബല്യത്തില്‍ വരുമെന്നാണ് അല്‍ നസര്‍ ക്ലബ് അറിയിച്ചത്.

സൗദി ലീഗിലെ മികച്ച ക്ലബ്ബുകളിലൊന്നായ അല്‍ നസ്റിന്റെ ഏഴാം നമ്ബര്‍ ജഴ്സിയില്‍ ഇനി ക്രിസ്റ്റ്യാനോ ഉണ്ടാകും. കരാര്‍ ഒപ്പിട്ടതായി ഔദ്യോഗികമായി അല്‍ നസര്‍ ക്ലബ് അറിയിച്ചു. സൗദി കായിക മന്ത്രിയും ക്രിസ്റ്റ്യാനോയെ സ്വാഗതം ചെയ്തു. അവസാന ക്ലബായ മാഞ്ചസ്റ്ററില്‍ ക്രിസ്റ്റ്യാനോ വാങ്ങിയ തുക 100 മില്യണ്‍ ഡോളറാണ്. അതിന്റെ ഇരട്ടിയാണ് ഇനി റൊണാള്‍ഡോയ്ക്ക് ലഭിക്കുക.

On:

അന്തരിച്ച ഫുട്‌ബോള്‍ ഇതിഹാസം പെലെയുടെ സംസ്‌കാരം സ്വന്തം നാടായ സാന്റോസില്‍ വെച്ച് ചൊവ്വാഴ്ച നടക്കും. ഫുട്‌ബോള്‍ ഇതിഹാസത്തിന്റെ നിര്യാണത്തില്‍ ബ്രസീല്‍ മൂന്നുദിവസത്തെ ദുഖാചരണം പ്രഖ്യാപിച്ചിട്ടുണ്ട്.

മൃതദേഹം തിങ്കളാഴ്ച രാവിലെ മുതല്‍ സാന്റോസ് ക്ലബ് സ്റ്റേഡിയത്തില്‍ പൊതുദര്‍ശനത്തിനു വെക്കും. ഇവിടെ പൊതുജനങ്ങള്‍ക്ക് അന്തിമോപചാരം അര്‍പ്പിക്കാം. ചൊവ്വാഴ്ച രാവിലെ വരെ പൊതുദര്‍ശനം തുടരും. അതിനു ശേഷം സാന്റോസിലെ മെമ്മോയില്‍ നെക്രോപോളെ എകുമെന്‍സിയ സെമിത്തേരിയില്‍ മൃതദേഹം സംസ്‌കരിക്കും.

ഇന്നലെയാണ് ഫുട്‌ബോള്‍ ചരിത്രം കണ്ട എക്കാലത്തേയും വലിയ ഇതിഹാസം പെലെ ഓര്‍മ്മയായത്. 2021 മുതല്‍ അര്‍ബുദ രോഗ ബാധിതനായി ചികിത്സയിലായിരുന്നു. അര്‍ബുദത്തിന് പുറമേ ഹൃദയ, വൃക്ക സംബന്ധമായ പ്രശ്‌നങ്ങളും താരം നേരിട്ടിരുന്നു. ബ്രസീലിനായി 1958, 1962, 1970 വര്‍ഷങ്ങളില്‍ ലോകകപ്പ് നേടിയ താരമാണ് പെലെ. ഫുട്‌ബോള്‍ ചരിത്രത്തില്‍ മൂന്ന് ലോകകിരീടങ്ങള്‍ നേടിയ ഏക താരം കൂടിയാണ് പെലെ. ഇന്റര്‍നാഷണല്‍ ഫെഡറേഷന്‍ ഓഫ് ഫുട്ബോള്‍ ഹിസ്റ്ററി ആന്‍ഡ് സ്റ്റാറ്റിസ്റ്റിക്സ് നൂറ്റാണ്ടിലെ ലോക കളിക്കാരനായി പെലെയെ തെരഞ്ഞെടുത്തിരുന്നു. കൂടാതെ ഫിഫ പ്ലെയര്‍ ഓഫ് ദി സെഞ്ച്വറി നേടിയ രണ്ട് ജേതാക്കളില്‍ ഒരാളെന്ന നേട്ടത്തിനും പെലെ അര്‍ഹനായി. സൗഹൃദ മത്സരങ്ങള്‍ ഉള്‍പ്പെടെ 1,363 കളികളില്‍ നിന്ന് 1,281 ഗോളുകള്‍ നേടിയതിന് ഗിന്നസ് വേള്‍ഡ് റെക്കോര്‍ഡും പെലെയുടെ പേരിലുണ്ട്.

On:

ദോഹ: ലയണല്‍ മെസ്സി ലോകകപ്പ് സമയത്ത് ഖത്തറില്‍ താമസിച്ച മുറി ഇനി മുതല്‍ മിനി മ്യൂസിയമായിരിക്കുമെന്ന് ഖത്തര്‍ യൂണിവേഴ്സിറ്റിയുടെ പ്രഖ്യാപനം. യൂണിവേഴ്സിറ്റി ക്യാമ്ബസിലെ ഹോസ്റ്റലിലുള്ള മുറിയിലായിരുന്നു ലോകകപ്പ് മത്സരങ്ങള്‍ക്കായി എത്തിയ മെസ്സിയും കൂട്ടരും താമസിച്ചിരുന്നത്.

29 ദിവസത്തോളം അര്‍ജന്റീന ടീം ഖത്തറില്‍ കഴിഞ്ഞിട്ടുണ്ട്. നവംബര്‍ മൂന്നാം വാരം മുതല്‍ ഡിസംബര്‍ 19 വരെയാണ് സംഘം ഖത്തറില്‍ തങ്ങിയത്. പിന്നീട് ലോക ചാമ്ബ്യന്മാരായി നാട്ടിലേക്ക് മടങ്ങുകയായിരുന്നു.

ഏകദേശം ഒരു മാസത്തോളം മിശിഹായും സംഘവും താമസിച്ച സ്ഥലം അതിമനോഹരമായാണ് ഖത്തര്‍ അലങ്കരിച്ചിരുന്നത്. ഹോസ്റ്റലിലെ ചുമരുകള്‍ക്കും വാതിലുകള്‍ക്കും അര്‍ജന്റീനയുടെ ജഴ്സിയുടെ നിറമായിരുന്നു. ചുമരുകള്‍ നിറയെ ടീം അംഗങ്ങളുടെ ഫോട്ടോകള്‍ പതിച്ചിരുന്നു. യൂണിവേഴ്സിറ്റി ക്യാമ്ബസിനുള്ളില്‍ ഒരു മിനി അര്‍ജന്റീന തന്നെ പുനഃസൃഷ്ടിക്കാനായിരുന്നു അധികൃതരുടെ ശ്രമം. സുപ്രീം കമ്മിറ്റി ഫോര്‍ ഡെലിവറി ആന്‍ഡ് ലെഗസിയും യൂണിവേഴ്സിറ്റി അധികൃതരും ചേര്‍ന്നാണ് താമസ സൗകര്യങ്ങള്‍ ഒരുക്കിയത്.

On:

ഡല്‍ഹിയില്‍ നിന്ന് വീട്ടിലേക്ക് വരുന്ന വഴി ഇന്ത്യന്‍ ക്രിക്കറ്റ് താരം ഋഷഭ് പന്തിന്റെ കാര്‍ അപകടത്തില്‍പ്പെട്ടു. താരത്തിന് ഗുരുതര പരിക്കേറ്റുവെന്നാണ് പുറത്ത് വരുന്ന വിവരം.

ഇന്ന് രാവിലെയാണ് ഹമ്മദപുര്‍ ഝലിന് സമീപം റൂര്‍കിയിലെ നാര്‍സന്‍ അതിര്‍ത്തിയില്‍ വച്ചാണ് കാര്‍ അപകടം ഉണ്ടായത്. കാര്‍ ഡിവൈഡറില്‍ തട്ടി മറിഞ്ഞ് തീ പിടിക്കുകയായിരുന്നു.

ആദ്യം റൂര്‍കിയിലെ സക്ഷം ആശുപത്രിയില്‍ പ്രവേശിപ്പിച്ച പന്തിനെ നിലവില്‍ ഡെഹ്രാഡൂണിലെ മാക്സ് ആശുപത്രിയിലേക്ക് മാറ്റാനുള്ള തയാറെടുപ്പിലാണ് ആശുപത്രി അധികൃതര്‍.