Politics (Page 64)

On:

കേരളത്തിന് 1404 കോടി രൂപ അനുവദിച്ച് കേന്ദ്രം. തുക അനുവദിച്ചിട്ടുള്ളത് ഉത്സവ സീസൺ കണക്കിലെടുത്താണ്. ഇത് അധിക നികുതി വിഹിതമായിട്ടായിരിക്കും നൽകുക. ആകെ 72000 കോടി രൂപയാണ് വിവിധ സംസ്ഥാനങ്ങൾ‌ക്കായി അനുവദിച്ചത്. ഇപ്പോൾ കേന്ദ്രം തീരുമാനിച്ചിരിക്കുന്നത് സംസ്ഥാനങ്ങൾക്ക് കേന്ദ്രം നൽകുന്ന നികുതി വിഹിതം ഒരു ഇൻസ്റ്റാൾമെന്ററ് കൂടി അനുവദിക്കാനാണ്.

എല്ലാ സംസ്ഥാനങ്ങൾക്കും കേന്ദ്രം പുറത്തിറക്കിയ വാർത്താക്കുറിപ്പിൽ പറയുന്നത് ഒരു വിഹിതം നൽകേണ്ടതാണ്. അത് 72000 കോടി രൂപയാണ്. ഇതിനകം അത് നൽകാനുള്ള ഉത്തരവ് പുറത്തു വന്നുകഴിഞ്ഞു. അതിന് പുറമെ എല്ലാ സംസ്ഥാനങ്ങൾക്കും ഒരു ഇൻസ്റ്റാൾമെന്റ് കൂടി നൽകുകയാണ്. 1404 കോടി രൂപയാണ് കേരളത്തിന് അനുവദിച്ചിട്ടുള്ളത്. ഏറ്റവും കൂടുതൽ തുക അനുവദിച്ചത് യുപിക്കാണ്

On:

ഇ.എം.എസിനെ ഗുണ്ട എന്ന് വിളിച്ച പ്രസ്താവന പിൻവലിക്കാൻ ഉദ്ദേശമില്ല എന്ന് കെഎസ്‌യു സംസ്ഥാന പ്രസിഡന്റ്‌ അലോഷ്യസ് സേവിയർ. തെരുവിൽ വിദ്യാർത്ഥികളെ അടിച്ചമർത്തിയ കമ്യുണിസ്റ്റുകാരനാണ്. പിണറായി വിജയൻ കെഎസ്‌യുവിനെ സംസ്കാരം പഠിപ്പിക്കാൻ വരണ്ട. എസ്എഫ്ഐയ്ക്ക് ഉപദേശം നൽകിയാൽ മതി. നികൃഷ്ടജീവി, കുലംകുത്തി, പരനാറി എന്ന പദങ്ങൾ ഉപയോഗിച്ചത് പിണറായി വിജയനാണ്. സംസ്കാരം പഠിപ്പിക്കാൻ വരുമ്പോൾ സ്വയം കണ്ണാടി നോക്കണമെന്നും അലോഷ്യസ് സേവ്യർ പറഞ്ഞു.

ഗുണ്ട എന്ന് ഇ.എം.എസിനെ വിളിച്ചത് സംസ്കാരത്തിന്റെ പ്രശ്നമാണ് എന്നായിരുന്നു മുഖ്യമന്ത്രിയുടെ വിമർശനം. ഇങ്ങനെ പറയാൻ എങ്ങനെയാണ് പൊതുപ്രവർത്തകനായി വരുന്ന ചെറുപ്പക്കാരന് കഴിയുന്നത്. അതിൽ ആശ്ചര്യപ്പെടുന്നില്ല. നേതൃത്വം അങ്ങനെ ആയി പോയി എന്നും മുഖ്യമന്ത്രി വിമർശിച്ചു. ഇതിനെതിരെയാണ് അലോഷ്യസ് സേവ്യറുടെ പ്രസ്താവന.

സർക്കാരിന് പുതിയ തലമുറ നൽകുന്ന വമ്പിച്ച പിന്തുണ ചിലരെയെല്ലാം അസ്വസ്ഥരാക്കുന്നുവെന്ന് മുഖ്യമന്ത്രി പറഞ്ഞു. നവകേരള സദസ്സ് ആരംഭിച്ചപ്പോൾ മുതൽ കോൺഗ്രസും അവരുടെ യുവജന സംഘടനകളും തുടങ്ങിയ അക്രമ മനോഭാവം അതിന്റെ പ്രതിഫലനമാണ്. പ്രാരംഭഘട്ടത്തിൽ വാഹനത്തിനു മുമ്പിൽ ചാടി വീഴുകയായിരുന്നു മാർഗമെങ്കിൽ പിന്നീട് ഒരു ഘട്ടത്തിൽ ബസിന് നേരെ ‘ഷൂ’ എറിയുന്ന നിലയിലേക്കെത്തി. നവകേരള സദസ്സുമായി ബന്ധപ്പെട്ട് ഒടുവിൽ ഈ അക്രമ മനോഭാവം തലസ്ഥാനത്ത് സ്ഥാപിച്ചിരിക്കുന്ന പ്രചരണ സാമഗ്രികളുടെ നേരെയായി. ഇന്നലെയും മിനിയാന്നുമായി തലസ്ഥാനത്ത് നൂറ് കണക്കിന് ബോർഡുകളും ബാനറുകളുമാണ് തകർത്തത്.

On:

ന്യൂഡൽഹി: മൂന്ന് സംസ്ഥാനങ്ങളിൽ നടന്ന നിയമസഭാ തിരഞ്ഞെടുപ്പിലെ തോൽവിയുമായി ബന്ധപ്പെട്ട് മുതിർന്ന നേതാക്കൾക്ക് നേരെ വിമർശനം ഉന്നയിച്ച് രാഹുൽ ഗാന്ധി. ഡൽഹിയിൽ ചേർന്ന കോൺഗ്രസ് പ്രവർത്തകസമിതി യോഗത്തിലാണ് രാഹുൽ ഗാന്ധി മുതിർന്ന നേതാക്കളെ വിമർശിച്ചത്. അശോക് ഗെലോട്ട്, ഭൂപേഷ് ബാഗേൽ, മദ്ധ്യപ്രദേശ് മുൻ മുഖ്യമന്ത്രി കമൽനാഥ് തുടങ്ങിയവർക്ക് നേരെയാണ് രാഹുൽ വിമർശനം നടത്തിയത്. നിയമസഭാ തിരഞ്ഞെടുപ്പിൽ ജയം ഉറപ്പാണെന്ന് മുതിർന്ന നേതാക്കൾ തെറ്റിദ്ധരിപ്പിച്ചുവെന്ന് രാഹുൽ ഗാന്ധി വ്യക്തമാക്കി.

സംസ്ഥാനത്തെ ജനവിധി മുന്നിൽക്കാണാൻ കഴിയാതെ എന്ത് അടിസ്ഥാനത്തിലാണ് വിജയിക്കുമെന്ന ആത്മവിശ്വാസം പ്രകടിപ്പിച്ചതെന്ന് മുതിർന്ന നേതാക്കളോട് രാഹുൽ ഗാന്ധി ചോദിച്ചതായാണ് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നത്.

രാജസ്ഥാനിൽ ഭരണവിരുദ്ധ വികാരം ഇല്ലെന്നും സംസ്ഥാനത്ത് അധികാരം നിലനിർത്തുമെന്നായിരുന്നു അശോക് ഗലോട്ട് പറഞ്ഞിരുന്നത്. മദ്ധ്യപ്രദേശിൽ കടുത്ത ഭരണവിരുദ്ധവികാരമുണ്ടെന്നാണ് കമൽനാഥ് വ്യക്തമാക്കിയിരുന്നത്. ഈ സാഹചര്യത്തിലാണ് രാഹുൽ ഗാന്ധി നേതാക്കളെ വിമർശിച്ചത്.

On:

പ്രതിപക്ഷ നേതാവ് വിഡി സതീശനും കെപിസിസി പ്രസിഡൻ്റ് കെ സുധാകരനും ഭീകരവാദ പ്രവർത്തകരായി മാറിയെന്ന് മന്ത്രി പി രാജീവ്. പ്രതിപക്ഷ നേതാവ് കടലാസ് പോലും എറിയരുതെന്നുള്ളത് മാറ്റി പറയുന്നു എന്ന് പറഞ്ഞു. ഇരുമ്പ് വടിയും ഗോലികളുമാണ് മാറ്റി കൊടുത്തത് എന്നും അദ്ദേഹം പറഞ്ഞു. കോൺഗ്രസ്സിന്റെ കുറ്റവിചാരണ സദസ്സിന് സ്വാഭാവിക മരണം സംഭവിച്ചു.

കോൺഗ്രസിനെ, ബഹിഷ്കരണം വല്ലാതെ ഒറ്റപ്പെടുത്തി. പാർട്ടിക്കുള്ളിൽ പോലും കെ.സുധാകരനും വി.ഡി സതീശനും പിന്തുണ നഷ്ടപ്പെട്ടു. കോൺഗ്രസ്സ് നേതാക്കൾ സമൂഹത്തിനു മുൻപിൽ പരിഹാസ്യരായി. കേരളം കുറച്ചു കൂടി പക്വതയുള്ള, നാടിനെ കുറിച്ച് ചിന്തിക്കുന്ന പ്രതിപക്ഷത്തെ അർഹിക്കുന്നു. ഇന്നലെയും ഗവർണർ പദവിയിൽ ഇരിക്കാൻ യോഗ്യൻ അല്ലെന്നു അദ്ദേഹം തെളിയിച്ചു. അധികാരത്തിൽ കടിച്ചു തൂങ്ങി ഇരുന്നു നയങ്ങൾ നിശ്ചയിക്കുന്നു. ഭരണഘടന ഗവർണർ സമയം കിട്ടുമ്പോൾ വായിച്ചു പഠിക്കട്ടെ എന്നും അദ്ദേഹം കൂട്ടിച്ചേർത്തു.

On:

ബിജെപിയെ പരിഹസിച്ച് രാഹുൽ ഗാന്ധി. സഭയിലുണ്ടായിരുന്ന ബിജെപി എംപിമാരെല്ലാം പാർലമെന്റിൽ സുരക്ഷാവീഴ്ചയുണ്ടായപ്പോൾ ഭയന്ന് ഓടിപ്പോയെന്ന് രാഹുൽ പറഞ്ഞു. ഇക്കാര്യം ഡൽഹിയിലെ ജന്തർമന്തറിൽ ‘ഇന്ത്യ’ പ്രതിപക്ഷ സംഘത്തിന്റെ പ്രതിഷേധ പരിപാടിയിൽ സംസാരിക്കവെയാണ് രാഹുൽ ഗാന്ധി പറഞ്ഞത്.

നിരവധി ചോദ്യങ്ങൾ ഡിസംബർ 13ലെ പാർലമെന്റ് സുരക്ഷാവീഴ്ച ഉയർത്തുന്നുണ്ടെന്ന് രാഹുൽ പറഞ്ഞു. സുരക്ഷാവീഴ്ചയെക്കുറിച്ച് ചോദ്യങ്ങൾ ഉയരുമ്പോൾ തന്നെ എന്താണ് ഇത്തരമൊരു നടപടിയിലേക്ക് അവരെ പ്രേരിപ്പിച്ചത് എന്ന ചോദ്യവും ഉയരുന്നുണ്ട്. ഇതിനുള്ള ഉത്തരം രാജ്യത്തെ തൊഴിലില്ലായ്മയാണ് എന്നും രാഹുൽ പറഞ്ഞു.

തൃണമൂൽ കോൺഗ്രസ് എംപി കല്യാൺ ബാനർജി, രാജ്യസഭാ ചെയർമാനും ഉപാധ്യക്ഷനുമായ ജഗ്ദീപ് ധൻഖറിനെ അനുകരിച്ചതിനെച്ചൊല്ലിയുണ്ടായ വിവാദത്തിനും അദ്ദേഹം മറുപടി നൽകി. “രാജ്യത്തെ തൊഴിലില്ലായ്മയെ കുറിച്ച് മാധ്യമങ്ങൾ സംസാരിച്ചില്ല. എന്നാൽ സസ്പെൻഷനിലായ എംപിമാർ പാർലമെന്റിന് പുറത്ത് ഇരിക്കുന്ന വീഡിയോ രാഹുൽ ഗാന്ധി പകർത്തിയതിനെക്കുറിച്ച് മാധ്യമങ്ങൾ സംസാരിച്ചു”-കോൺഗ്രസ് നേതാവ് പറഞ്ഞു.

On:

പന്തളം ആർഎസ്എസ് കാര്യാലയത്തിന് നേരേ ആക്രമണം. അക്രമികൾ പന്തളം ടൗണിന് സമീപം ഉള്ള ആർ എസ് എസ് താലൂക്ക് കാര്യാലയത്തിലെ ജനലിൽ ചില്ലുകൾ അടിച്ചുതകർത്തു. ആക്രമണം നടന്നത് വ്യാഴാഴ്ച രാത്രി 10.30ഓടെയായിരുന്നു.ആർഎസ്എസ് കാര്യത്തിൽ ഈ സമയം ആരുമുണ്ടായിരുന്നില്ല. പരിസരവാസികൾ കാറിലും ബൈക്കിലുമായി എത്തിയ ഒരു ആളുകളാണ് ആക്രമണം നടത്തിയതെന്ന് പറഞ്ഞു. സംഭവം വെള്ളിയാഴ്ച രാവിലെയാണ് പുറത്തറിഞ്ഞത്.

പന്തളം എൻഎസ്എസ് കോളേജിൽ നടന്ന വിദ്യാർത്ഥി സംഘർഷത്തിന് പിന്നാലെ പ്രദേശത്ത് വ്യാപക ആക്രമണം നടക്കുകയാണ്. ആർഎസ്എസ് കാര്യാലയത്തിന്റെ ചില്ലുകൾ തകർത്തതിനൊപ്പം കോളജിലെ സംഘർഷത്തിൽ പ്രതിയായ എബിവിപി പ്രവർത്തകന്റെ ഏഴംകുളത്ത് വീടിന് നേരെയും ഇന്നലെ രാത്രിയോടെ ആക്രമണം നടന്നു. ഇരു സംഘങ്ങൾ പന്തളം എൻഎസ്എസ് കോളജിൽ വടികളുമായി ഏറ്റുമുട്ടുന്ന ദൃശ്യങ്ങളും പുറത്തുവന്നു.

സംഘർഷത്തിൽ പ്രധാന പ്രതിയായ എബിവിപി പ്രവർത്തകൻ ശ്രീനാഥിന്റെ ഏഴംകുളത്തെ വീടിന് നേരെ ആക്രമണം ഉണ്ടായത് ഇന്നലെ രാത്രിയാണ്. ആക്രമണം, മുളകുപൊടിഎറിഞ്ഞ് ഭീകരാന്തരീക്ഷം സൃഷ്ടിച്ച ശേഷം ആയിരുന്നു. ആക്രമണത്തിന് പിന്നിൽ എസ്എഫ്ഐ ഡിവൈഎഫ്ഐ പ്രവർത്തകരാണ് എന്ന് സംഘപരിവാർ ആരോപിച്ചു. പന്തളം എൻഎസ്എസ് കോളേജിലെ സംഘർഷത്തിൽ അംഗപരിമിതനായ വിദ്യാർത്ഥി ഉൾപ്പെടെ അഞ്ചോളം എസ്എഫ്ഐ പ്രവർത്തകർ പരിക്കേറ്റത്.

On:

പ്രതിപക്ഷ പ്രതിഷേധത്തിനെതിരെ വിമർശനവുമായി മുഖ്യമന്ത്രി പിണറായി വിജയൻ. നാട്ടിൽ പ്രകോപനമുണ്ടാക്കി കാപമുണ്ടാക്കാൻ ശ്രമിക്കുകയാണ് പ്രതിപക്ഷം. കേരളത്തിന്റെ സമാധാന അന്തരീക്ഷം തകർക്കാൻ ബോധപൂർവമായ നീക്കമെന്ന് മുഖ്യമന്ത്രി വിമർശിച്ചു. എന്തിനാണ് കെ എസ് യു മാർച്ച് നടത്തുന്നത്. കെ എസ് യു ഉന്നയിക്കുന്നത് ഏത് വിദ്യാർത്ഥി പ്രശ്‌നമാണ്. ഗവർണർ ആരിഫ് മുഹമ്മദ് ഖാനെതിരെ രാഷ്ട്രപതിക്ക് മുഖ്യമന്ത്രി പിണറായി വിജയന്‍ കത്ത് അയച്ചു. കത്തില്‍ ചൂണ്ടി കാണിക്കുന്നത് ഭരണഘടനാ ചുമതലകൾ ഗവർണർ നിർവഹിക്കുന്നില്ലെന്നാണ്.

ഗവർണർ ഭരണഘടനാപരമായ ചുമതലകൾനിർവഹിക്കുന്നില്ല എന്നാണ് കത്തിൽ പ്രധാനമായും ചൂണ്ടിക്കാണിക്കുന്നത്. ഗവര്‍ണര്‍ നിയമസഭ പാസാക്കിയ ബില്ലുകളിൽ ഒപ്പിടാൻ തയ്യാറാകുന്നില്ല. ബില്ലുകൾ വർഷങ്ങളോളം പിടിച്ചുവെക്കുന്നു. കോഴിക്കോട് മിഠായിത്തെരുവ് സന്ദർശനവുമായി ബന്ധപ്പെട്ട് ഗവർണർ പ്രോട്ടോകോൾ ലംഘനം നടത്തുന്നുവെന്നും കത്തിൽ പറയുന്നു. പൊലീസ് സുരക്ഷയില്ലാതെ മിഠായിത്തെരുവിൽ ഇറങ്ങിയതായാണ് ചൂണ്ടിക്കാണിക്കുന്നത്. ഇക്കാര്യം സംസ്ഥാനത്തിന്റെ ക്രമസമാധാന പ്രശ്നവുമായി ബന്ധപ്പെട്ടതായതിനാലാണ് വ്യക്തമാക്കുന്നത്.

മന്ത്രിമാർ ബില്ലുകളുമായി ബന്ധപ്പെട്ട് സംശയം ചോദിക്കുമ്പോൾ ഗവർണർക്ക് മുന്നിൽ വിശദീകരണം നൽകിയിരുന്നു. എന്നിട്ടും സംസ്ഥാനത്ത് ഭരണഘടനാ പ്രതിസന്ധിയിലേക്ക് കാര്യങ്ങൾ ഒപ്പിടാതെ കൊണ്ടെത്തിച്ചിരിക്കുന്നു എന്നാണ് കത്തിൽ പറയുന്നത്. പ്രധാനമന്ത്രി നരേന്ദ്രമോദി ആഭ്യന്തരമന്ത്രി അമിത് ഷാ എന്നിവർക്കും കത്തിന്റെ പകർപ്പ് അയച്ചിട്ടുണ്ട്.

On:

ഗവർണർ, കാലിക്കറ്റ് സർവകലാശാലയിൽ എസ്എഫ്ഐ പ്രവർത്തകർ സെനറ്റ് അംഗങ്ങളെ തടഞ്ഞ സംഭവത്തിൽ നിയമോപദേശം തേടി. ഹൈക്കോടതിയെ ആരിഫ് മുഹമ്മദ് ഖാൻ സമീപിച്ചേക്കും. ഗവർണർ നിയമിച്ച ഒമ്പത് സെനറ്റ് അംഗങ്ങളെ സംഘപരിവാർ ബന്ധം ആരോപിച്ചാണ് എസ്എഫ്ഐ തടഞ്ഞത്.

എസ്എഫ്‌ഐ സർവകലാശാലകളെ ഗവർണർ കാവിവൽക്കരിക്കുകയാണെന്ന് ആരോപിച്ചായിരുന്നു നടപടി. സെനറ്റ് യോഗത്തിനെത്തിയ സിപിഎം, ലീഗ്, കോൺഗ്രസ് നോമിനികളെ പ്രവേശിപ്പിച്ചപ്പോൾ ബാലൻ പൂതേരി അടക്കം ഗവർണറുടെ ഒൻപതു നോമിനികളെ ഗേറ്റിന് പുറത്ത് എസ്എഫ്ഐ തടഞ്ഞു. എസ്എഫ്ഐ പ്രവേശിപ്പിച്ചത് സെനറ്റ് യോഗത്തിനെത്തിയ അംഗങ്ങളെ പേരും മറ്റു വിവരങ്ങളും ചോദിച്ചാണ്. തുടർന്ന് സ്ഥലത്ത് സംഘർഷമുണ്ടായി. ബലം പ്രയോഗിച്ച് പൊലീസ് എസ്എഫ്ഐ പ്രവർത്തകരെ അറസ്റ്റ് ചെയ്ത് നീക്കി.

ഇതിനിടെ അഞ്ചുമിനിറ്റ് കൊണ്ട് സെനറ്റ് യോഗം പിരിഞ്ഞു. വേഗത്തിൽ പിരിഞ്ഞത് സെനറ്റ് യോഗത്തിൽ കൈയ്യാങ്കളി ആരോപണത്തെ തുടർന്നാണ്. ആകെ അഞ്ച് അജണ്ടകളാണ് ഉണ്ടായിരുന്നത്. വിദ്യാർത്ഥി അംഗങ്ങളുടെ പ്രതിഷേധം കണക്കിലെടുക്കാതെ അജണ്ടകൾ കൈയടിച്ച് പാസാക്കിയെന്ന് യുഡിഎഫ് അംഗങ്ങൾ പരാതിപ്പെട്ടു.

On:

17 ശതമാനം പരാതികൾ മാത്രമാണ് കണ്ണൂർ ജില്ലയിൽ നവകേരള സദസ്സിൽ കിട്ടിയ പരാതികളിൽ ഇതുവരെ തീർപ്പാക്കിയത് എന്നാണ് കണക്ക്. ജില്ലയിലെ മണ്ഡലങ്ങളിൽ നിന്ന് ആകെ ലഭിച്ച 28803 പരാതികളിൽ 4827 എണ്ണത്തിലാണ് തീർപ്പുണ്ടായത്. ഏറ്റവും കൂടുതൽ പരാതികൾ പരിഹരിച്ചത് സഹകരണ വകുപ്പിലാണ്.
സംസ്ഥാന സർക്കാർ പറഞ്ഞത് നവകേരള സദസ്സിൽ കിട്ടിയ പരാതികളിൽ ജില്ലാ തലത്തിൽ തീർക്കേണ്ടവ നാലാഴ്ചക്കുളളിൽ തീർക്കുമെന്നാണ്.

ഇന്നലെ കണ്ണൂരിൽ ആ നാലാഴ്ച തികഞ്ഞു. 28803 പരാതികൾ കിട്ടിയതിൽ തീർപ്പുണ്ടാക്കിയ 4827 എണ്ണം കിഴിച്ചാൽ, പരിഹാരം കാത്ത് ഇനിയും 23976 നിവേദനങ്ങൾ ബാക്കിയുണ്ടെന്നാണ് വ്യക്തമാകുന്നത്. സഹകരണ വകുപ്പ് ഇതുവരെ 1619 പരാതികൾക്ക് പരിഹാരം കണ്ട് മുന്നിലെത്തി. ഇതുവരെ 9090 പരാതികൾ കിട്ടിയ തദ്ദേശ സ്വയംഭരണ വകുപ്പിൽ തീർപ്പായത് 1202 എണ്ണം മാത്രമാണ്. പരാതി തീർപ്പിന് തൊഴിൽ വകുപ്പിലാണ് താരതമ്യേന വേഗമുള്ളത്.

തൊഴിൽ വകുപ്പിൽ കിട്ടിയതിൽ മൂന്നിലൊന്ന് പരാതികൾക്ക് പരിഹാരമായി. സംസ്ഥാന തലത്തിൽ ഇനിയുള്ളവയിൽ നടപടിയെടുക്കണം. അവ്യക്തവും പ്രസക്തവുമല്ലാത്ത നിവേദനങ്ങളുമുണ്ട്. പരാതി ഒരു ബന്ധവുമില്ലാത്ത വകുപ്പുകളിലേക്ക് കൈമാറിയതും നേരത്തെ തള്ളിയ ഓഫീസിലേക്ക് തന്നെ പരാതികൾ വീണ്ടും അയച്ചുതും വീഴ്ചയായിരുന്നു. ഇതിനൊപ്പമാണ് പരാതികൾ പരിഹരിക്കുന്നതിലെ മെല്ലെപ്പോക്കും തിരിച്ചടിയാകുന്നത്.

On:

തിരുവനന്തപുരം: നാടിന്റെ വികസനത്തിനു വേണ്ടി ജനങ്ങൾ വോട്ടു ചെയ്ത് പാർലമെന്റിലേക്ക് അയച്ച എംപിമാർ സംസ്‌കാരമില്ലാത്ത രീതിയിലാണ് പെരുമാറുന്നതെന്ന് ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ. പാർലമെന്റിന്റെ അന്തസിനു കോട്ടംതട്ടുന്ന രീതിയിൽ പ്രവർത്തിച്ചതിന് സസ്‌പെൻഷനിലായ ‘ഇന്ത്യ മുന്നണി’യുടെ 14 എംപിമാരും കേരളത്തിനു നാണക്കേടാണെന്നും അദ്ദേഹം പറഞ്ഞു.

ഉപരാഷ്ട്രപതിയെയും സ്പീക്കറെയും രാഹുൽഗാന്ധിയുടെ നേതൃത്വത്തിൽ പ്രതിപക്ഷ എംപിമാർ അവഹേളിച്ചത് ഗൗരവതരമാണ്. രാജ്യസഭാ തലവനായ ഉപാരാഷ്ട്രപതിയെ ജാതീയമായി അപമാനിച്ച രാഹുൽഗാന്ധിയുടെയും സംഘത്തിന്റെയും നടപടി മാപ്പർഹിക്കാത്തതാണ്. ഇതിനെതിരെ എൻഡിഎ സംസ്ഥാന വ്യാപകമായി പ്രതിഷേധ പരിപാടികൾ സംഘടിപ്പിക്കും. മൂന്ന് സംസ്ഥാനങ്ങളിൽ തോറ്റു തുന്നംപാടിയ കോൺഗ്രസ് അതിന്റെ അരിശം തീർക്കാൻ ജനാധിപത്യത്തിന്റെ ശ്രീകോവിലിനെ കളങ്കപ്പെടുത്തുകയാണ്. സുപ്രധാനമായ നിയമനിർമ്മാണം നടത്താനുള്ള സഭയെ അധമമായ രാഷ്ട്രീയ താൽപര്യത്തിനുള്ള വേദിയാക്കി മാറ്റുന്നത് അംഗീകരിക്കാനാവില്ലെന്നും അദ്ദേഹം അറിയിച്ചു.

ജനങ്ങളുടെ പ്രശ്‌നങ്ങൾ ചർച്ച ചെയ്യുന്നതിനു പകരം അധികാരം എങ്ങനെയെങ്കിലും കൈപ്പിടിയിലാക്കുക എന്നതു മാത്രമാണ് ഇന്ത്യ മുന്നണിയുടെ ലക്ഷ്യം. വോട്ടു ചെയ്ത് ജയിപ്പിച്ച ജനങ്ങളെ വെല്ലുവിളിക്കുകയാണ് സസ്‌പെൻഷനിലുള്ള എംപിമാർ ചെയ്യുന്നത്. ഇവർക്കു വരുന്ന പൊതുതിരഞ്ഞെടുപ്പിൽ ജനങ്ങൾ ശക്തമായ തിരിച്ചടി നൽകുമെന്ന കാര്യത്തിൽ സംശയമില്ല. പാർലമെന്റിൽ അപമര്യാദയായി പെരുമാറിയ 14 എംപിമാരെയും തുറന്നു കാണിക്കാൻ ബിജെപി പ്രതിജ്ഞാബദ്ധമാണെന്നും അദ്ദേഹം കൂട്ടിച്ചേർത്തു.