കനത്ത മഴ; ബംഗളൂരുവില്‍ വെള്ളപ്പൊക്കത്തില്‍ വ്യാപക നാശനഷ്ടം
2023-05-23
ബംഗളൂരു: ബംഗളൂരു നഗരത്തില്‍ കനത്ത കാറ്റിലും മഴയിലും 109-ലേറെ മരങ്ങള്‍ വിവിധയിടങ്ങളിലായി കടപുഴകി വീണു. ആനന്ദ റാവു സര്‍ക്കിളില്‍ മരം വീണ് ആഡംബര കാര്‍ തകര്‍ന്നു. കുമാര കൃപ റോഡില്‍ പാര്‍ക്ക് ചെയ്ത കാറിനും ബൈക്കിനും മുകളിലേക്ക് മരണം വീണു.
അതേസമയം, മഹാലക്ഷ്മി ലേയൗട്ടില്‍ 22 വീടുകളില്‍ വെള്ളം കയറി. മല്ലേശ്വരത്തെ നിഹാന്‍ ജ്വല്ലറിയില്‍ അഞ്ചടിയോളം ഉയരത്തില്‍ വെള്ളം കയറി രണ്ടരക്കോടി രൂപയുടെ നാശനഷ്ടമുണ്ടായി. കടയിലെ ഏതാനും ആഭരണങ്ങളും ഫര്‍ണിച്ചറുകളും ഒലിച്ചുപോയതായി കടയുടമ പ്രിയ അറിയിച്ചു.മഹാലക്ഷ്മി ലേയൗട്ടിലെ വെള്ളപ്പൊക്കത്തില്‍ മൂന്ന് കാറുകള്‍ക്കും 15 ഇരുചക്രവാഹനങ്ങളും ഒലിച്ചുപോയി.
കഴിഞ്ഞ സര്‍ക്കാരിന്റെ കാലത്ത് 25,000 സഹായധനം പ്രഖ്യാപിച്ചിരുന്നുവെന്നും ഇത്തവണയും കുറഞ്ഞത് അത്രയെങ്കിലും ആവശ്യമുണ്ടെന്നും എം.എല്‍.എ. ഗോപാലയ്യ അറിയിച്ചു.
