Highlights (Page 20)

സർക്കാർ പൊതുമേഖല തദ്ദേശ സ്ഥാപനങ്ങൾ വാങ്ങുന്ന പുതിയ വാഹനങ്ങൾക്ക് ഇനി മുതൽ രജിസ്‌ട്രേഷൻ തിരുവനന്തപുരത്ത് മാത്രം. സർക്കാർ ഉടമസ്ഥതയിൽ എത്ര വാഹനങ്ങൾ ഉണ്ട് എന്ന കണക്ക് ലഭ്യമല്ലാത്തതിനാലാണ് ഇനി ഒറ്റ കേന്ദ്രത്തിൽ രജിസ്ട്രേഷൻ എന്ന തീരുമാനത്തിലെത്തിയത്. രജിസ്ട്രേഷൻ ആവശ്യത്തിനായി തിരുവനന്തപുരം റീജിയണൽ ഓഫീസിനെ രണ്ടായി വിഭജിക്കുകയും സർക്കാർ വാഹനങ്ങൾക്ക് 90 സീരിസിൽ രജിസ്റ്റർ നമ്പർ നൽകാനും തീരുമാനമായി.

കെഎസ്ആർടിസി വാഹനങ്ങൾ റെജിസ്റ്റർ ചെയുന്ന തിരുവനന്തപുരം റീജിയണൽ ട്രാൻസ്‌പോർട്ട് ഓഫീസിനെ നാഷണലൈസ്ഡ് സെക്ടർ ഒന്ന്, രണ്ട് എന്നിങ്ങനെയാണ് വിഭജിച്ചത്. റീജിയണൽ ഓഫീസ് സെക്ടർ ഒന്നിൽ കെഎസ്ആർടിസി വാഹനങ്ങൾ രജിസ്റ്റർ ചെയ്യുകയും. സെക്ടർ രണ്ടിൽ സർക്കാർ അർധ സർക്കാർ പൊതുമേഖല സ്ഥാപനങ്ങളുടെ വാഹനങ്ങളുടെ രജിസ്ട്രേഷനാവും നടക്കുക ഇതിനായി ജീവനക്കാരെ പുനർവിന്യസിക്കാൻ ഗതാഗത വകുപ്പ് നിർദേശം നൽകി.

തനിക്കെതിരെയുള്ള വ്യക്തി ആക്ഷേപം ഇപ്പോഴും തുടരുന്നു എന്ന് ചാണ്ടി ഉമ്മൻ. രണ്ടുമാസം മുൻപ് നടത്തിയ പ്രസംഗം ഇന്നലെ നടത്തിയതെന്ന പോലെ പ്രചരിപ്പിക്കുന്നു എന്നും അദ്ദേഹം കുറ്റപ്പെടുത്തി. കഴിഞ്ഞ കുറെ നാളുകളായി കുടുംബത്തെ വേട്ടയാടുകയാണെന്നും ദേശാഭിമാനിയും കൈരളിയും കള്ള പ്രചരണം നടത്തുന്നുവെന്നും അദ്ദേഹം ആരോപിച്ചു. മാണിസാറിന്റെ കുടുംബത്തെ ഉൾപ്പെടെ അവർ എന്തൊക്കെ പറഞ്ഞു ആക്ഷേപിച്ചു, എന്നിട്ട് ഇപ്പോൾ പറയുന്നത് എല്ലാം ചെയ്തത് കോൺഗ്രസ്സുകാരാണെന്ന്. സോളാർ കേസിൽ ഇനിയൊരു അന്വേഷണം വേണ്ട എന്ന് ചാണ്ടിഉമ്മൻ പറഞ്ഞിരുന്നു. പിതാവിനെ ഉപദ്രവിച്ചവരോടെല്ലാം അനുരഞ്ജനത്തിന്റെ സമീപനമാണ് തനിക്കുള്ളതെന്നും അദ്ദേഹം പറഞ്ഞിരുന്നു. സത്യപ്രതിജ്ഞയുടെ അന്ന് സോളാർ വിഷയം കൊണ്ടുവന്നത് അനാദരവായാണ് കാണുന്നത് എന്നും ചാണ്ടി ഉമ്മൻ വ്യക്തമാക്കി. 20 വർഷമായി കുടുംബത്തെ വേട്ടയാടുകയാണെന്നും ചാണ്ടി ഉമ്മൻ കൂട്ടിച്ചേർത്തു. രണ്ടുമാസം മുൻപ് ചാണ്ടി ഉമ്മൻ നടത്തിയ ചെറുകുടൽ പരാമർശം ഏറെ പരിഹസിക്കപ്പെട്ടിരുന്നു. നമ്മുടെയെല്ലാം ചെറുകുടകളാണെന്നു തോന്നുന്നു ഒന്നര കിലോമീറ്റർ നീളമുണ്ട്‌ അദ്ദേഹത്തിന്റെ വെറും 300 മീറ്റർ മാത്രമാണുള്ളത് എന്നായിരുന്നു ഉമ്മൻ ചാണ്ടിയുമായി ബന്ധപ്പെടുത്തി ചാണ്ടി ഉമ്മൻ നടത്തിയ പ്രസ്താവന. തനിക്ക് നാവു പിഴ പറ്റിയത് ഇപ്പോൾ എഡിറ്റ് ചെയ്ത് വ്യാപകമായിപ്രചരിപ്പിക്കുന്നു എന്നാണ് ചാണ്ടി ഉമ്മന്റെ ആരോപണം.

ലിബിയയിൽ കനത്ത മഴയെ തുടർന്ന് കഴിഞ്ഞ ശനിയാഴ്ചയാണ് ഡാമുകൾ തകർന്ന് ഡെർനയിൽ പ്രളയമുണ്ടാവുന്നത്. അപ്രതീക്ഷിതമായി ഉണ്ടായ പ്രളയത്തിൽ ഇതുവരെ 11,000 ത്തിൽ കൂടുതൽ മരണമാണ് റിപ്പോർട്ട്‌ ചെയ്തിട്ടുള്ളത്. ഇപ്പോഴും രക്ഷപ്രവർത്തനം നടന്നുകൊണ്ടിരിക്കുകയാണ്. ചെളിയിലും തകർന്ന കെട്ടിടാവശിഷ്ടങ്ങൾക്കിടയിലും കുടുങ്ങിക്കിടക്കുന്നവരെ കണ്ടെത്താനാണ് തീവ്രശ്രമം. 10,100 പേരെയാണ് ഇനിയും കണ്ടെത്താനുള്ളത്. അതുകൊണ്ട് തന്നെ വരും ദിവസങ്ങളിലും മരണസംഘ്യ കൂടാനാണ് സാധ്യത. ഇനിയും പതിനായിരത്തിൽ കൂടുതൽ പേരെ കണ്ടെത്താനുള്ളത് കൊണ്ട് തന്നെ രക്ഷാപ്രവർത്തനം കാര്യക്ഷമമാക്കാൻ വെള്ളിയാഴ്ച ഡെർന നഗരം അടച്ചു. നഗരത്തിലേക്ക് പ്രവേശനവിലക്കേർപ്പെടുത്തുകയും ചെയ്തു. രക്ഷാപ്രവർത്തകർ മാത്രമാണ് നിലവിൽ ഡെർനയിൽ തിരച്ചിൽ നടത്തുന്നത്.

ആഭ്യന്തര കലാപത്തിന്റെ കെടുതി തുടരുന്ന രാജ്യത്തില്‍ പ്രകൃതി ദുരന്തം കൂടി സംഭവിച്ചതോടെ ജനങ്ങള്‍ കൂടുതല്‍ പ്രതിസന്ധിയിലായി എന്ന് വേണം പറയാൻ. ലിബിയയെ രണ്ടായി മുറിച്ചാണ് നിലവില്‍ ഭരണം നടക്കുന്നത്.സൈനിക കമാന്‍ഡര്‍ ഖലീഫ് ഹിഫ്താറിന്റെ നിയന്ത്രണത്തിലാണ് കിഴക്കന്‍ ലിബിയന്‍ നഗരമായ ഡെര്‍ന സ്ഥിതിചെയ്യുന്നത്. ട്രിപ്പോളി അടക്കമുള്ള പടിഞ്ഞാറന്‍ ലിബിയന്‍ നഗരങ്ങള്‍ മറ്റൊരു സായുധ ഗ്രൂപ്പിന് കീഴിലാണ്. 42 വര്‍ഷം ലിബിയ ഭരിച്ച മുവമ്മര്‍ ഗദ്ദാഫിനെ 2011ല്‍ നാറ്റോയുടെ സഹായത്തോടെ വിമതര്‍ വധിച്ചതോടെയാണ് ലിബിയ ആഭ്യന്തര കലാപത്തിലേക്ക് നീങ്ങിയത്. അതിന്റെ കൂടെ ഇപ്പോൾ പ്രകൃതി ദുരന്തം കൂടിയായത് കടുത്ത വെല്ലുവിളിയായിരിക്കുകയാണ്.

1970കളില്‍ നിര്‍മ്മിച്ച രണ്ടു ഡാമുകളാണ് കനത്ത മഴയെതുടർന്ന് തകര്‍ന്നത്. ഡാനിയേല്‍ കൊടുങ്കാറ്റിനെ കുറിച്ച് അധികൃതര്‍ മുന്നറിയിപ്പ് നല്‍കിയിരുന്നു, മാത്രമല്ല ഡെര്‍ന നഗരത്തിന്റെ തീരപ്രദേശങ്ങളില്‍ താമസിക്കുന്നവരോട് ജാഗ്രത പാലിക്കണമെന്നും മാറി താമസിക്കണമെന്നും നിര്‍ദേശിച്ചിരുന്നു. എന്നാല്‍, ഡാമുകളെ സംബന്ധിച്ച് യാതൊരു നിര്‍ദേശങ്ങളും നല്‍കിയിരുന്നില്ല. ഡാമുകള്‍ പൊട്ടി എത്തിയ വെള്ളമാണ് നഗരത്തെ അപ്പാടെ ദുരിതക്കയത്തിലാക്കിയത്.

ഡാമുകളില്‍ കൃത്യമായ അറ്റകുറ്റ പണികള്‍ നടക്കുന്നില്ലെന്ന് 2021ല്‍ സര്‍ക്കാര്‍ ഓഡിറ്റിങ് ഏജന്‍സി റിപ്പോര്‍ട്ട് നല്‍കിയിരുന്നു. ഡാമുകളുടെ അറ്റകുറ്റ പണികള്‍ നടത്താനും മറ്റൊരു ഡാം നിര്‍മ്മിക്കാനും വേണ്ടി 2007ല്‍ ഒരു തുര്‍ക്കി കമ്പനിക്ക് കരാര്‍ നല്‍കിയിരുന്നു. 2012 നവംബറില്‍ നിര്‍മ്മാണ പ്രവര്‍ത്തനങ്ങള്‍ അവസാനിപ്പിച്ചു എന്നും കമ്പനി പറയുന്നുണ്ട്.

രക്ഷ പ്രവർത്തനമല്ല മറിച്ച് മൃതദേഹങ്ങള്‍ കൂട്ടത്തോടെ ദഹിപ്പിക്കാനുള്ള ശ്രമങ്ങളാണ് ഇപ്പോൾ ലിബിയയിൽ നടക്കുന്നത്. വലിയ കുഴികളെടുത്ത് നൂറുകണക്കിന് ശരീരങ്ങള്‍ ഒരുമിച്ച് കുഴിച്ചുമൂടുകയാണ് ചെയ്യുന്നത്. മരണസഖ്യ ഏകദേശം 18,000 മുതൽ 20,000 വരെയാകുമെന്നാണ് പുറത്തുവരുന്ന റിപ്പോർട്ടുകൾ.

കൃത്യ സമയത്ത് മുന്നറിയിപ്പുകൾ നൽകിയിരുന്നെങ്കിൽ വലിയ ദുരന്തം ഒഴിവാക്കാമായിരുന്നു എന്ന് വിദഗ്ധർ അഭിപ്രായപ്പെടുന്നുണ്ട്. കൃത്യമായി പ്രവർത്തിക്കുന്ന കാലാവസ്ഥാ പ്രവചന സംവിധാനങ്ങൾ ഉണ്ടായിരുന്നെങ്കിൽ മുന്നറിയിപ്പുകൾ നൽകാമായിരുന്നു. അതനുസരിച്ച് ആളുകളെ പ്രദേശത്തുനിന്ന് ഒഴിപ്പിച്ച് വലിയ ദുരന്തം ഒഴിവാക്കാമായിരുന്നു എന്നാണ് അവരുടെ അഭിപ്രായം. എന്നാൽ രാജ്യത്തെ അണക്കെട്ടുകളുടെ കാര്യത്തിൽ പ്രവചനങ്ങൾ അസാധ്യമാണെന്ന അഭിപ്രായവും ഇതോടൊപ്പം ഉയരുന്നു വരുന്നുന്നുണ്ട്.

കാലാവസ്ഥ വ്യതിയാനം ലോകത്തിന് മുഴുവൻ വെല്ലുവിളിയാണ് അവ മൂലം ഉണ്ടാവുന്ന പ്രകൃതി ദുരന്തങ്ങൾ പ്രവചനാതീതമായിരിക്കും എന്നും വിദഗ്ധർ ചൂണ്ടികാട്ടുന്നു

മന്ത്രിസഭാ പുനഃസംഘടന സംബന്ധിച്ച് കഴിഞ്ഞ ദിവസം മുതൽ വാർത്തകൾ വന്നിരുന്നു. എന്നാൽ ഒന്നിനും വ്യക്തതയുണ്ടായിരുന്നില്ല. ഇപ്പോഴിതാ മന്ത്രി സഭാ പുനസംഘടനയുമായി വ്യക്തത വരുത്തിയിരിക്കുകയായി എൽഡിഎഫ് കൺവീനർ ഇ.പി ജയരാജൻ. കഴിഞ്ഞ ദിവസങ്ങളിൽ വന്ന വാർത്തകളിൽ മന്ത്രി വീണജോർജിനെ മന്ത്രി സ്ഥാനത്തുനിന്നു മാറ്റി സ്പീക്കർ സ്ഥാനം നൽകും എന്ന വാർത്തകൾ പുറത്തു വന്നിരുന്നു. എന്നാൽ ആ വാർത്ത തെറ്റാണെന്നാണ് ഇ പി ജയരാജൻ പറയുന്നത്. മന്ത്രി വീണാ ജോർജിനെ മാറ്റുമെന്ന വാർത്ത മാധ്യമ സൃഷ്ടിയാണെന്ന് അദ്ദേഹം പറഞ്ഞു. ഇടതുപക്ഷം ഇതുവരെ ഇക്കാര്യത്തെ കുറിച്ച് യാതൊരു ചർച്ചകളും നടത്തിയിട്ടില്ല ഇത് സംബന്ധിക്കുന്ന വിവരങ്ങളൊന്നും തന്നെ തീരുമാനിച്ചിട്ടുമില്ല എന്ന് ഇ.പി ജയരാജൻ വ്യക്തമാക്കി.

കേരളത്തിലെ ഇടതുപക്ഷ മുന്നണിയിലെ മന്ത്രിമാരെല്ലാം നല്ല നിലയിൽ പ്രവർത്തിക്കുന്നവരും കേരളത്തിന്റെ വളർച്ചയ്ക്ക് സഹായിക്കുന്നരുമാണ് കേരളത്തിന്റെ വികസനത്തെ ഇല്ലായ്മ ചെയ്യാനും വികസനമില്ലെന്ന് സ്ഥാപിക്കാനും മന്ത്രിമാർ കഴിവില്ലാത്തവരാണെന്ന് സ്ഥാപിച്ചെടുക്കാൻ ബോധപൂർവമായ ശ്രമമാണ് ഇപ്പോൾ നടക്കുന്നതെന്നും ഇ.പി ആരോപിച്ചു. കേരളത്തിലെ ആരോഗ്യ മന്ത്രി കഴിവുറ്റതാണെന്നും നിപ പ്രതിരോധം നല്ല നിലയിൽ തന്നെ പുരോഗമിക്കുന്നുണ്ടെന്നും ഇ.പി ജയരാജൻ വിലയിരുത്തി.

എൽഡിഎഫ് സർക്കാർ 2021 ൽ അധികാരത്തിൽ വന്നപ്പോൾ ചില ധാരണകളുണ്ടായിരുന്നു. രണ്ടര വർഷം കഴിഞ്ഞ്, ഇപ്പോഴത്തെ കണക്ക് പ്രകാരം നവംബറോടെയാകും ധാരണ പ്രകാരമുള്ളവരെ മന്ത്രിമാരാക്കുന്നത് എന്നദേഹം വ്യക്തമാക്കി. എന്നാൽ സിപിഐഎമ്മിന്റെ മന്ത്രിമാരുടെ കാര്യത്തിൽ മാറ്റമുണ്ടാകില്ല എന്നും അദ്ദേഹം കൂട്ടിച്ചേർത്തു. നവംബറിൽ നടക്കാൻ പോകുന്ന പുനഃസംഘടനയിൽ ഐഎൻഎല്ലിന്റെ അഹമ്മദ് ദേവർകോവിലും , ജനാധിപത്യ കേരളാ കോൺഗ്രസിന്റെ ആന്റണി രാജുവും മന്ത്രി സ്ഥാനത്ത് നിന്ന് മാറും. പകരം മുൻ ധാരണ പ്രകാരം കെ.ബി ഗണേഷ് കുമാറും രാമചന്ദ്രൻ കടന്നപ്പള്ളിയും മന്ത്രിസഭയിലെത്തുമെന്നും ഇ പി ജയരാജൻ വ്യക്തമാക്കി. എല്ലാ ഘടകകക്ഷികൾക്കും തുല്യ പരിഗണനയുള്ള മുന്നണിയാണ് എൽഡിഎഫെന്നും ഇ.പി ജയരാജൻ പറഞ്ഞു. കഴിഞ്ഞ ദിവസം പുനസംഘടനയുമായി ബന്ധപ്പെട്ട് വാർത്തകൾ വന്നതിന് പിന്നാലെ എംഎൽഎമാർ മന്ത്രി പദത്തിനായി രംഗതെത്തിയിരുന്നു. തോമസ് കെ തോമസ് എംഎൽഎ, കോവൂർ കുഞ്ഞുമോൻ തുടങ്ങിയവർ മന്ത്രി സ്ഥാനം ആവശ്യപ്പെട്ടിരുന്നു.

അതിനിടെ എൽജെഡി മന്ത്രിസ്ഥാനത്തിന് അവകാശ വാദം ഉന്നയിച്ചാലും കിട്ടാൻ സാധ്യതയില്ല എന്ന റിപ്പോർട്ടുകളും പുറത്തുവന്നിരുന്നു. എൽഡിഎഫ് യോഗത്തിൽ മന്ത്രിസ്ഥാനം ആവശ്യപ്പെടാൻ എൽജെഡി തീരുമാനിച്ചിട്ടുണ്ട്. എന്നാൽ നേരത്തെയുള്ള തീരുമാനത്തിൽ യോതൊരു മാറ്റവും വരുത്തേണ്ടതില്ലെന്ന നിലപാടിലാണ് എൽഡിഎഫ് നേതൃത്വം ഇപ്പോഴുള്ളത്.