Entertainment (Page 73)

ഇതിഹാസ കാവ്യമായ രാമായണത്തെ ആസ്പദമാക്കി ഒരുക്കുന്ന പ്രഭാസ് ചിത്രം ആദിപുരുഷിന് വന്‍ വരവേല്‍പ്പാണ് ലഭിക്കുന്നത്. രാമായണം ഇതിവൃത്തമായുള്ള എപിക് മിത്തോളജിക്കല്‍ ചിത്രം സംവിധാനം ചെയ്യുന്നത് ഓം റാവത്ത് ആണ്. ഇപ്പോഴിതാ ചിത്രത്തിന്റെ 10,000 ടിക്കറ്റുകള്‍ സൗജന്യമായി നല്‍കുന്നതിനെക്കുറിച്ചാണ് വാര്‍ത്ത വരുന്നത്.

തെലങ്കാന സംസ്ഥാനത്തെ സര്‍ക്കാര്‍ സ്‌കൂളുകളിലും അനാഥാലയങ്ങളിലും വൃദ്ധസദനങ്ങളിലുമായാണ് ഈ 10,000 സൗജന്യ ടിക്കറ്റുകള്‍ വിതരണം ചെയ്യുന്നത്. ദി കശ്മീര്‍ ഫയല്‍സ്, കാര്‍ത്തികേയ 2 എന്നീ ചിത്രങ്ങളുടെ നിര്‍മ്മാതാക്കളായ അഭിഷേക് അഗര്‍വാള്‍ ആര്‍ട്ട്‌സ് ആണ് ആദിപുരുഷിന്റെ ടിക്കറ്റുകള്‍ സൗജന്യമായി നല്‍കുന്നത്.

അതേസമയം, കഴിഞ്ഞ ദിവസം തിരുപ്പതിയിലെ ശ്രീ വെങ്കിടേശ്വര സര്‍വ്വകലാശാലയില്‍ ചിത്രത്തിന്റെ പ്രീ-റിലീസ് ഇവന്റിനിടെ അയോദ്ധ്യ രാമക്ഷേത്രത്തിന്റെ പകര്‍പ്പും പ്രദര്‍ശിപ്പിച്ചിരുന്നു. തിരുപ്പതി ശ്രീ വെങ്കടേശ്വര യൂണിവേഴ്‌സിറ്റി സ്റ്റേഡിയം താരകരാമ പവലിയനിലാണ് ആദിപുരുഷ് പ്രീ റിലീസ് ഇവന്റ് നടന്നത്. പരിപാടിയില്‍ ആയിരക്കണക്കിന് ആരാധകരാണ് പങ്കെടുത്തത്.

പ്രഖ്യാപനം മുതല്‍ വാര്‍ത്തകളില്‍ ഇടംപിടിച്ച ചിത്രമാണ് പ്രഭാസിനെ കേന്ദ്രകഥാപാത്രമാക്കി ഓം റൗട്ട് സംവിധാനം ചെയ്ത ആദിപുരുഷ്. ചിത്രം ജൂണ്‍ 16 ന് തിയേറ്ററുകളില്‍ എത്തുന്നു. രാമായണത്തെ ആസ്പദമാക്കി ഒരുക്കിയിരിക്കുന്ന ചിത്രത്തില്‍ ബോളിവുഡ് താരം കൃതി സിനോണ്‍ ആണ് നായിക. സീതയായിട്ടാണ് താരം എത്തുന്നത്. നടന്‍ സെയ്ഫ് അലിഖാന്‍ ആണ് ചിത്രത്തില്‍ രവണനായി എത്തുന്നത്.

മാസങ്ങള്‍ക്ക് മുമ്ബ് പുറത്തിറക്കിയ ആദ്യ ട്രെയിലറിനെതിരെ രൂക്ഷവിമര്‍ശനങ്ങളും ട്രോളും ഉയര്‍ന്നിരുന്നു. വി.എഫ്.എക്‌സില്‍ മാറ്റം വരുത്തിയാണ് പുതിയ ട്രെയിലര്‍ ഒരുക്കിയിരിക്കുന്നത്. എന്നാല്‍ ഇതിലും പ്രേക്ഷകര്‍ പൂര്‍ണ തൃപ്തരല്ലെന്ന് പുറത്തു വരുന്ന പ്രതികരണങ്ങള്‍ സൂചിപ്പിക്കുന്നത്. എന്നാല്‍ പ്രഭാസും സെയ്ഫും കൃതിയുമൊക്കെ മികച്ച പ്രകടനം കാഴ്ചവെച്ചിട്ടുണ്ടെന്നും ആരാധകര്‍ പറയുന്നു.

സണ്ണി സിങ്, ദേവ്ദത്ത നാഗെ, വല്‍സല്‍ ഷേത്ത്, സോണല്‍ ചൌഹാന്‍, തൃപ്തി തൊറാഡ്മല്‍ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. 500 കോടി ബജറ്റിലൊരുങ്ങുന്ന ചിത്രം അതിന്റെ 85 ശതമാനത്തോളം റിലീസിന് മുന്‍പ് തന്നെ തിരിച്ചുപിടിച്ചെന്നാണ് വിവരം.

പ്രഭാസ് ചിത്രം ആദിപുരുഷ് പ്രദര്‍ശിപ്പിക്കുന്ന തിയേറ്ററുകളില്‍ ഒരു സീറ്റ് ഒഴിച്ചിടുമെന്നും ഈ സീറ്റ് ഹനുമാന് സമര്‍പ്പിക്കുമെന്നും അണിയറപ്രവര്‍ത്തകര്‍ അറിയിച്ചു. ‘രാമായണ പാരായണം ചെയ്യുന്ന എല്ലായിടങ്ങളിലും ഹനുമാന്‍ ഭഗവാനെത്തും. ഇത് നമ്മുടെ വിശ്വാസമാണ്. ഈ വിശ്വാസത്തിന്റെ ഭാഗമായി ആദിപുരുഷ് പ്രദര്‍ശിപ്പിക്കുന്ന തിയേറ്ററുകളില്‍ ഒരു സീറ്റ് വില്‍ക്കാതെ ഒഴിച്ചിടും. ഭഗവാന്‍ ഹനുമാന്റെ സന്നിധിയില്‍ മഹത്വത്തോടും പ്രതാപത്തോടും കൂടി നിര്‍മ്മിച്ച ആദിപുരുഷനെ നാമെല്ലാവരും കാണണം’- പ്രസ്താവനയില്‍ വ്യക്തമാക്കുന്നു.

ത്രിമാന ചിത്രമായ ആദിപുരുഷില്‍ ശ്രീരാമനായാണ് പ്രഭാസ് വേഷമിടുന്നത്. ബോളിവുഡ് താരം സെയ്ഫ് അലിഖാന്‍ ആണ് രാവണന്‍ . കൃതി സനോന്‍ ആണ് സീതയായി എത്തുന്നത്. ഹിന്ദിയിലും തെലുങ്കിലുമാണ് ചിത്രീകരണം. തമിഴ്, മലയാളം മറ്റു വിദേശഭാഷകള്‍ എന്നിവയിലും ചിത്രമെത്തും.

സണ്ണി സിംഗ്, ദേവ് ദത്ത നാഗെ, വല്‍സന്‍ ഷേത്ത്, സോണല്‍ ചൗഹാന്‍, തൃപ്തി തൊറാസ് മല്‍ എന്നിവരാണ് മറ്റു താരങ്ങള്‍.

ഓം റൗട്ട് സംവിധാനം ചെയ്യുന്ന ബ്രഹ്മാണ്ഡ ചിത്രം ‘ആദിപുരുഷ്’ റിലീസിന് മുന്‍പ് ബജറ്റിന്റെ 85 ശതമാനവും തിരിച്ചുപിടിച്ചതായി റിപ്പോര്‍ട്ടുകള്‍. സിനിമയുടെ ബജറ്റ് 500 കോടിയാണ്. വന്‍ പ്രീ റിലീസ് ഹൈപ്പ് ലഭിക്കുന്ന ചിത്രങ്ങളുടെ പട്ടികയിലേക്ക് അങ്ങനെ പ്രഭാസ് നായകനാവുന്ന ബഹുഭാഷാ ചിത്രം ആദിപുരുഷും ഇടംപിടിച്ചു.

സാറ്റലൈറ്റ്, ഡിജിറ്റല്‍, മ്യൂസിക്, മറ്റ് റൈറ്റ്സുകളുടെ വില്‍പ്പന വഴി 247 കോടി രൂപയാണ് ആദിപുരുഷ് നേടിയത്. തെന്നിന്ത്യയില്‍ നിന്ന് മാത്രം തിയേറ്റര്‍ വിതരണാവകാശം വഴി 185 കോടി രൂപയും ചിത്രം നേടി. അങ്ങനെ ആകെ 432 കോടിയാണ് ചിത്രം സമാഹരിച്ചത്.

ചിത്രം ജൂണ്‍ 16-ന് തിയേറ്ററുകളിലെത്തും. മികച്ച ഓപ്പണിംഗ് പ്രതീക്ഷിക്കപ്പെടുന്ന ചിത്രം പോസിറ്റീവ് അഭിപ്രായം നേടുന്നപക്ഷം ഹിന്ദി പതിപ്പില്‍ നിന്ന് മാത്രം ആദ്യ മൂന്ന് ദിവസങ്ങളില്‍ 100 കോടി നേടുമെന്നാണ് ട്രേഡ് അനലിസ്റ്റുകള്‍ വിലയിരുത്തുന്നത്. ചിത്രത്തില്‍ രാഘവ എന്ന കഥാപാത്രമായി പ്രഭാസും ജാനകിയായി കൃതി സനോണും ലങ്കേഷ് എന്ന വില്ലന്‍ കഥാപാത്രമായി സെയ്ഫ് അലിഖാനും എത്തുന്നു. ലക്ഷ്മണനായി സണ്ണി സിങ്ങും ഹനുമാന്റെ വേഷത്തില്‍ ദേവദത്ത നാഗേയും വത്സല്‍ സേത് ഇന്ദ്ര ദേവനായുമാണ് അഭിനയിക്കുന്നത്. രാമ-രാവണ യുദ്ധം പശ്ചാത്തലമാക്കിയാണ് ആദിപുരുഷ് എത്തുന്നത്. 3ഡിയിലാണ് ചിത്രം ഒരുങ്ങുന്നത്. തെലുങ്ക്, ഹിന്ദി, മലയാളം, കന്നഡ, തമിഴ് എന്നീ ഭാഷകളിലും ചിത്രമെത്തും.